2024-09-20
InicioServicios PrivadosOtrosArtearen “macdonalizazioaren” aurrean enplegu duina exijitzen dugu

Artearen “macdonalizazioaren” aurrean enplegu duina exijitzen dugu


Irailaren 5ean, Bilboko Guggenheim Museoan Manpower Groupek azpikontratatuta dauden Gida eta Hezitzaileek greba mugagabea hasi zuten 18 hezitzaileren kaleratzea salatu eta lan-baldintzak hobetzeko eskatuz. Burutzen ari diren mobilizazioen artean, gaur, irailaren 8an, langileek ekimen ikusgarria egin dute, “Burguerheim” irudikatuko dute, “artearen fast-food”-a.

Bilboko Guggenheim Museoko hezitzaileen oharra:

Artearen “macdonalizazioaren” aurrean, hezitzaileei enplegu duina emango dien konponbidea exijitzen diogu Patronatuari
Bilboko Guggenheim Museoko hezitzaileen taldeek, berriz salatzen dugu gaur, uztailetik egiten ari garen moduan, Museoaren Zuzendaritzaren eta bere Patronatua osatzen duten instituzio publikoen kudeaketa negargarria, duela bost urtetik hona pairatzen ari garen laneko prekarietatearen inguruan.
Gure kasua, guztion artean finantzatzen ditugun instituzio kulturaletan ematen den artearen “macdonalizazioaren” adibide argia da. Instituzio hauek gutxi batzuen kortijo pribatua bilakatu dira.

Urte hauetan Museoaren aurpegia izan gara heziketa programen inguruan. Oinarrizko eta lehentasunezko funtzioa, bere Zuzendariaren hitzetan “nagusiki instituzio hezitzailea dena, artea publiko zabalari gerturatu nahi diona”.

Marta Arzak Hezkuntza Departamentuko hitzetan, “kalitate eta bikaintasun” irizpidepean aukeratuak izan ginen. Gure helburua ezagutza transmititzea zen eta bikaintasunez eztabaida artistikoak abiatzea.

Gure lana ilusioa, ahalegina eta hutsetik hasita zerbitzu bat aurrera ateratzeko gogoekin egiten digu, eta bisitariek (200.000 azken urtean) eta Museoak berak langile bikain bezala aitortu gaitu.

Hala ere, gure soldatek (orduko 5,35 euroko soldata oinarria) eta lan-baldintzek (antzinatasun, laneko kategoria, gauekotasun eta aitortutako jaiegunik eta laneko baja duinik gabe) oso prekarioak dira eta bikaintasunetik oso aldenduta.

Ez gara duintasunik gabeko baldintzak dituzten Museoko langile bakarrak, baina bai enplegua duintzearen alde pauso bat aurrera egitea erabaki dutenak.

Ordutik, Patronatoak isiltasunarekin erantzun digu, eztabaidarik abiatu gabe eta ezertxo ere negoziatu barik, urriaren 1etik lanpostu guztiak suntsituko zirela jakinarazi zigun.
Marta Arzak Hezkuntza Departamentuko Zuzendariak eta Garbiñe Urrutikoetxea Giza Baliabideetakoak “paperaren gaineko indarkeria” erabiltzeaz salatu gaituzte eskuorrien bidez gure benetako baldintzak zeintzuk ziren iritzi publikoari jakinarazteagatik: Museoaren irudiari “eraso egin” eta zikintzeaz. “Bertakoa izateaz harrotzea” exijitzen zitzaigun bidartean, oroitarazten ziguten ez garela izan eta ez garela izango Museoko langileak, “hondarreko langileak baizik”.

Hau da, gure grebarako eskubidea baliatzeagatik, Zuzendaritza eta Patronatuak, gu ez kaleratzearren, zuzenean suntsitu ditu lanpostu guztiak, baldintza hobetu eta aurretik negoziatu barik.
Hauxe da Udalak, Foru Aldundiak, Eusko Jaurlaritzak eta Juan Ignacio Vidartek sustatzen duten kultur-eredua.

Urriaren 1etik aurrera urtebetez “berregituratuko” da Departamendua (langileon zilegizko aldarrikapen batek ekarri duen erabaki presazkoa izan denaren erakusgarri).

18 langileok 3 pertsonak ordezkatuko gaituzte. Zuzenean kontratatuko dituzte urtebeterako, 2011etik hona lan-poltsa itxita duen enpresa batean bidez eta instituzioekiko ados-jartzearen susmopean dagoena. Greban gauden 18 hezitzaileok ez dute lanpostu hauek eskuratzerik izango.

Hezkuntza zerbitzuak modu nabarmenean murrizten dira, gelako orientatzaileak desagertzen dira eta ikastetxeentzako bisita komentatuak kopuru eta kalitatean murriztuko dira, taldeko bisitari kopurua 25eraino masifikatuz.

Tailerrek 2 ordutatik 1,5 ordutara murriztuko dute euren ordutegia eta bisitak 5 ordu desberdinetan 2 talderekin era berean egitetik 3 ordu desberdinetara egingo dira.

Hiru langileak (ez direnak nahikoa orain arteko irizpideen arabera zerbitzuak eskaintzeko) aitortutako kategoria duten profesional bezala kontratatuko dituzte. Honela, Museoak modu inplizituan aitortzen du azken bost urteotan ez gaituztela kontratatu zegokigun kategoria profesioanalaren arabera.

“Beste profesional batzuk” beharrezkoak balira, eta horrela da zerbitzuaren kalitateari eutsi nahi bazaio, kanpotik kontratatuko dira, honela ez zaio inola ere prekarietateari amaiera jartzen, arazoa izkutatu baino ez da egiten.

Edozein kasutan, Departamentuak hiru zuzendaritza-postu eta administrari bati eusten dien hiru langilerentzat.

Prekarietateak hor dirau eta zerbitzu gutxiago izango da eta kalitate apalagokoak, baina pertsonak ez gara desagertzen, paretik kentzen gaituzte soilik. Ondorioz, erabili eta botatzeko langile eta pertsona bilakatzen gara.

Horregatik guztiagatik, dei egiten diegu herritarrei, instituzio publikoei, alderdi politikoei eta komunikabideei, pertsonentzako herria eta kalitatezko enpleguduna eraikitzea helburu dutenak, ez gaitzaten “izkutatu”.

Enplegu duin eta kalitatezkoaren alde jarraitzen dugu borrokan, artearen macdonalizazioaren aurka eta kultur-instituzioen “kortijismo politikoaren” aurka.

Ez dugu amore ematen, eta Patronatoari, hezitzaileen lantaldeari enplegu duina emateko konponbidea eskatzen jarraitzen dugu.

Ongi etorriak Burgerheimera, ongi etorriak artearen fast-foodera.

 
ALBISTE GEHIAGO
 
{module[648]}

 

 

 

AZKEN ALBISTEAK | ÚLTIMAS NOTICIAS

Hemos impugnado el pliego técnico del Ayuntamiento de Bilbao relativo al mantenimiento eléctrico de la villa por incumplimiento de convenio

Con fecha de 04 de septiembre de 2024 el ayuntamiento de Bilbao hizo públicos los pliegos técnicos de la nueva licitación del servicio de mantenimiento y conservación del alumbrado público e instalaciones eléctricas y auxiliares en la villa de Bilbao. En dichos pliegos aparecen como personal subrogable 39 personas trabajadoras de la UTE Bilboko Argiak, excluyendo del listado de subrogación a las 9 personas adscritas a la sección de obras del servicio de mantenimiento eléctrico.

Exigimos la carrera profesional para todos y todas

Nos hemos concentrado esta mañana a las puertas del Parlamento de Nafarroa con un doble objetivo: por un lado, el de celebrar el acuerdo que se iba a rubricar puertas adentro y mediante el cual más de 3.000 personas comenzarán a gozar de la carrera profesional; y por otro lado, el de reivindicar ese mismo derecho para el resto del personal. Han destacado que se trata de un día histórico a la vez que han reivindicado la necesidad e importancia de la lucha sindical.

El nuevo acuerdo sobre pensiones aumenta la edad de jubilación y supone un paso más hacia la privatización de la seguridad social

Hoy, Pedro Sánchez ha presidido el acto de firma del nuevo acuerdo social en materia de pensiones pactado entre los sindicatos CCOO y UGT y las patronales CEOE y Cepyme. Un acuerdo que se ha realizado a nivel estatal y cuyo objetivo es mantener el aumento de la edad legal y los años de cotización necesarios, fomentando la demora en el acceso a la jubilación. En LAB consideramos que este es un acuerdo que no responde a las demandas más urgentes presentadas por la mayoría sindical vasca y el Movimiento de Pensionistas de Euskal Herria. Por lo contrario, el Gobierno español avanza en políticas neoliberales desarrolladas desde Bruselas, siempre con el aval de los sindicatos que apoyan a la patronal.