2026-01-25
Blog Página 874

Kalera Kalerak Ibon Iparragirreren askatasuna exijituko du asteazkenean, epaitegien aurrean

admin
-
0
Kalera Kalerak Ibon Iparragirreren askatasuna exijituko du asteazkenean, epaitegien aurrean

Preso gaixo larrien askatasuna eskatuko du Hego Euskal Herriko eskualde buruko epaitegietan, elkarretaratzeen bitartez, Ibon etxera bizirik ekartzea guztion ardura delako. LABek bat egin du deialdiekin.

Hauxe da Kalera Kalera plataformaren oharra:

Espainiako espetxe politika kriminala Ibon Iparragirre preso politikoa hiltzen ari da. Ibonek hiesa dauka. Atxilotu eta Sevilla II espetxera urrundu zutenean bere karga birala zortzikoiztu egin zitzaion. 2011n, bere osasun egoera larriaren ondorioz, espetxe araudiko 100.2 artikulua ezarri zioten. Artikulu horren arabera espetxe arindua ezarri zioten eta horrek espetxealdia bere etxean betetzea ahalbidetu zion. 2014an, modu erabat bidegabea erabiliz, berriro espetxeratu zuten. Orduz geroztik, Ibonen egoera muturrekoaren ondorioz, behin baino gehiagotan piztu da alarma gorria; azkena, maiatzean urjentziaz Madrilen ospitaleratu zutenekoa.

Madrilgo ospitalean egindako azken analitikaren arabera, Ibonek 20 defentsa baino ez ditu (pertsona osasuntsu batek 723-1.124 artean dituenean). 2011n, espetxealdi arindua ezarri ziotenean, bere defentsen analitikak 51 adierazten zuen, hau da, Ibon edozein unetan hiltzeko arriskuan bizi zela. Beraz, agerikoa da Ibon tratu krudela pairatzen ari dela, krudela eta utzikeria handikoa. Egoera horren arduradunak espetxe, justizia eta osasun estamentu zehatzak dira; espetxe zaintzako epailea, Alcala-Meco espetxeko zuzendariorde medikua eta Alcala-Meco espetxeko zuzendaria.

Mediku forentseak jada azaldu dionez, Ibonek edozein infekzio harrapatuz gero, hilkutxan itzuliko da bere herrira. Edozein momentutan hil daitekeela, alegia.

Gaur egun, Ibon libre uzteko erabakia Castro epailearen eta Alcala Meco-ko espetxeko medikuaren esku dago. Biak ala biak, preso ondarrutarra lehenbailehen askatu ezean, iragarritako heriotza baten arduradunak izango dira.
Nahikoa da! Ezker abertzalearen KALERA KALERA dinamikak ozen salatzen du Iparragirreren aurkako tratu anker eta gizagabea; izan ere, bere bizitza arrisku larrian egonik, espetxean mantentzen duten bitartean heriotz-zigorrera kondenatzen ari dira.

Hori guztia salatzeko eta preso gaixo larrien askatasuna exijitzeko, datorren asteazkenean, urriaren 18an, arratsaldeko 19:00etan, kontzentrazioak burutuko ditugu Hego Euskal Herriko eskualde buruko epaitegietan. Ibon etxera bizirik ekartzea guztion ardura delako, mobiliza gaitezen denok.

-Bizkaian: Bilbon, Barakaldon, Getxon, Gernikan eta Durangon
-Gipuzkoan: Donostian, Tolosan, Azpeitian, Eibarrren, Irunen eta Bergaran
-Araban: Gasteizen
-Nafarroan: Iruñean, Tuteran, eta Tafallan

Herri honek bakea eta askatasuna nahi eta behar dituelako, euskal preso politikoak KALERA! Ibon Iparragirre KALERA!
 

 

 

La plantilla de Edesa y Geyser denuncia los despidos y la falta de planes de la empresa

admin
-
0
La plantilla de Edesa y Geyser denuncia los despidos y la falta de planes de la empresa

Hoy, la dirección de Edesa Industrial y Geyser Gastech ha dado por finalizado el periodo de consultas, tras lo que dice va a proceder al despido de 145 personas.

Esta es la nota de prensa emitida por los comités de empresa de Edesa Industrial y Geyser-Gastech:

Hoy, la dirección de Edesa Industrial y Geyser Gastech ha dado por finalizado el periodo de consultas, tras lo que dice va a proceder al despido de 145 personas.

Mediante el despido de estas y estos 145 trabajadores, la dirección nos que quiere poner en marcha un plan que necesita de:

• Dos inversores que todavía no tienen identidad, y ni siquiera hay un preacuerdo.
• No sabemos jurídicamente su propuesta, una sociedad o dos, ni qué conexión tendrían entre
ellas…
• No se apuesta por la fabricación, ya que se dejan de hacer los productos de mayor valor
añadido.
• Acuerdo para la renegociación de la marca Fagor que aún no se ha producido.
• Obtención de la financiación que aún no se ha producido.
En definitiva nos pedían que aceptáramos despidos otorgando un cheque en blanco, y lo que han hecho es poner en grave riesgo el proyecto de Edesa y Geyser.

Lo único que ha hecho CNA desde su inicio en Edesa Industrial es mentir e incumplir. Hay que recordar que, en la adjudicación hablaba de “un compromiso de generar 700 puestos directos”. En julio de 2016 nos dijo que no había otro remedio que despedir a 19 personas “por la estabilidad del negocio”, circunstancia que se repitió en diciembre, con aún más despidos
Creemos que estas sociedades van a presentar el concurso de acreedores, y nosotras y nosotros hemos presentado una solución basada en salidas voluntarias incentivadas y la aplicación o prórroga del ERE de suspensión para el resto, hasta saber cuál es el proyecto definitivo del inversor que pueda venir.

La parte social ve posible un acuerdo tripartito (entre FAGOR, EDESA y la parte social) en el cual se asegure un mayor volumen de empleo con prejubilaciones, voluntarios y proyecto industrial, pero no ha habido voluntad.

Además, el proceso ha estado lleno de irregularidades. Se nos ha negado que las sociedades formen parte del Grupo CNA y no se nos ha presentado documentación de esas empresas. Consideramos acreditado que el Grupo Edesa Industrial pertenece a un Grupo de Empresas Mercantil y Laboral con un tamaño mayor al reconocido por dichas sociedades, concretamente al Grupo CNA, conformado por todas las sociedades pertenecientes al Grupo CNA y el Grupo Edesa Industrial. Esa es una constatación que así se lo hemos hecho saber a la Dirección de Trabajo y Seguridad Social del Gobierno Vasco. Por nuestra parte, anunciamos la muy cierta posibilidad de que impugnemos este ERE de extinción, pidiendo su nulidad.

Parte de la documentación nos fue entregada tarde. La dirección actuó de mala fe haciendo ua propuesta de salidas vuluntarias al margen del periodo de consultas, y se ha tomado la decisión final en base a un plan de viabilidad redactado hace tres meses sin conocer ni siquiera la identidad de quién tiene que sustentar el plan.

Queremos agradecer además la “ayuda” ofrecida por Delegación de Trabajo a la dirección de la empresa, al avisar a ésta de irregularidades en la entrega de la documentación, para que las pudiera subsanar y que un juzgado no declarara nulo el ERE.

Aún queda mucho por delante, no damos por buenos estos despidos ni la posible desaparición del proyecto, por lo que seguiremos trabajando para revertir estos despidos. Hoy queremos volver a reclamar a la dirección, a Fagor S. Coop. y al Gobierno Vasco que tomen la iniciativa, eviten despidos innecesarios y trabajen por el futuro del proyecto. Aún estamos a tiempo.
 

 

 

Lan eta bizi duinak izateko eskubidea aldarrikatuko du LAB-ek ekimen ibiltari baten bidez

admin
-
0



 LAB sindikatuak "Lan Duina Bizi duina" ekimen ibiltariaren aurkezpena egin du gaur Iruñean. Martxa honekin gaur egun langileek bizi duten prekarietatea salatu nahi dute, herriz herri, lantokiz lantoki, eta lan eta bizi duinak izateko eskubidea aldarrikatuko du.

Arrautzak bota dituzte Basurtoko ospitalean dugun bulegoaren aurka

admin
-
0
Arrautzak bota dituzte Basurtoko ospitalean dugun bulegoaren aurka

Leihoan eskegita ditugun Euskal Presoak Euskal Herrira aldarrikatzen duen ikurra eta Catalunyako herriarekin elkartasunean jarritako estelada izan dira erasoaren jomuga.

Gaur goizean, Bilbo-Basurtoko LAB sindikatuko delegatuak Basurtoko ospitalean daukagun bulegora sartzean, bulegoa arrautzez erasotua izan dela ikusi dute. Leihoa irekita zegoenez, kanpoaldeaz gain, barruan dauden gailu informatiko eta bulegoko zenbait material arrautzez zikin geratu dira. Ordenagailuak, inpresorak, paretak, lurzorua, mahaiak… dena zikin.

Zalantza barik, erasoa leihoan eskegita ditugun Euskal Presoak Euskal Herrira aldarrikatzen duen ikurra eta Catalunyako herriarekin elkartasunean jarritako esteladaren aurka izan da. LAB sindikatutik ozen eta irmo salatzen dugu eraso faxista hau, eta salaketa jarriko dugu Udaltzaingoan.
 

 

 

Abian da Ekimen Ibiltaria, lan duina eta bizi duina izateko eskubidea aldarrikatuko duen herriz herriko dinamika

admin
-
0
Abian da Ekimen Ibiltaria, lan duina eta bizi duina izateko eskubidea aldarrikatuko duen herriz herriko dinamika

Abian da LABek antolatutako Ekimen Ibiltaria. Iruñean egin dugun ekitaldiak hasiera eman dio, eta, behin abiatuta, Euskal Herri osoa zeharkatuko du abenduaren 6a bitartean. Sindikatuko idazkari nagusi Garbiñe Aranburuk hartu du hitza ekitaldian, eta lanaren eta bizitzaren prekarizazioari aurre egiteko proposamenak ditugula adierazi du: "Lan harremanen prekarizazioaren kontrako borrokan sakontzearekin batera, LABen eskaintzak eta praktika sindikalak une honetan soldatapeko lana duten langileen behar izanei erantzutea baino harago joan behar dute. Langilego osoaren errealitateari erreparatzen diogu. Guzti guztiak ditugu buruan".

“Lan duina, bizi duina”. Horixe da, urriaren 16 eta abenduaren 6 bitartean, Euskal Herriko hainbat txoko zeharkatuko dituen ekimen ibiltariaren leloa. Hain zuzen ere, garaia da bizitzaren sostengarritasuna erdigunean jarriko duen eredua eraikitzeko, eta hala aldarrikatuko dugu herriz herri, eskualdez eskualde.

Bizitzaren prekarizazioari aurre egin eta bizitzaren sostengarritasuna, bizitza duinerako eskubidea, alegia, erdigunean jarri behar dugu. Kapitala eta merkatuak erdigunean kokatzetik bizitza erdigunean jartzera pasatu behar dugu, eta horrek lan guztien aitortza eta defentsa egitea dakar, guzti-guztiena. Halaxe adierazi du Garbiñe Aranburuk, gaurko irekiera ekitaldian: "Langile klaseari bere osotasunean irtenbideak eskaini nahi dizkiogu.  Proposamenak baditugu eta kolektibo desberdinei LABekin borrokara batzeko eskaintza luzatu nahi diegu ekimen ibiltariarekin. Herrietan karpa bat jarriko dugu, jendea gerturatu dadin eta gure eskaintzak ezagutu ditzan. Bertan material desberdinak banatuko ditugu".

Langile klasea bere osotasunean kontuan hartu eta ohiko sindikalgintza ereduarekin identifikatzen ez diren kolektibo horiei guztiei eskaintza bat egitea da, beraz, helburua: "Lehenik egoeraren kontzientzia hartu behar dugu. Prekarietatean bizitzera kondenatu nahi gaituzte, baina hori ez da normala, badago nahikoa diru guztioi bizitza duina bermatzeko. Bigarrenik, borrokara batzeko eskaintza egiten dugu, aktibatu eta mobilizatu behar dugu. Kolektibo bakoitzari borroka eskaintza espezifiko bat egingo diogu, bere errealitatetik abiatua eta bere errealitatea iraultzeko".

Eskualdez eskualde
Hauek dira Ekimen Ibiltariak egingo dituen geldialdiak:

-Urriak 16, Iruñea
-Urriak 17, Leitza
-Urriak 18, Altsasu
-Urriak 19, Lizarra
-Urriak 20, Tutera
-Urriak 21, Tafalla
-Urrian 23, San Adrian
-Urriak 24, Barañain-Berriozar
-Urriak 25, Iruñea
-Urriak 26, Zangotza
-Urriak 27, Baiona
-Urriak 28, Azkaine
-Urriak 30, Bera
-Urriak 31, Irun-Hondarribia
-Azaroak 2, Oiartzun-Pasaia
-Azaroak 3-4, Donostia
-Azaroak 6, Lasarte
-Azaroak 7, Hernani
-Azaroak 8, Aduna-Tolosa
-Azaroak 9, Beasain-Urretxu
-Azaroak 10-11, Gasteiz
-Azaroak 13, Oion
-Azaroak 14, Agurain
-Azaroak 15, Arrasate
-Azaroak 16, Zestoa
-Azaroak 17, Azkoitia-Azpeitia
-Azaroak 18, Eibar
-Azaroak 20, Ondarroa
-Azaroak 21, Bermeo
-Azaroak 22-23-24-25, Bilbo
-Azaroak 27, Mungia
-Azaroak 28, Txorierri-Getxo
-Azaroak 29, Zalla
-Azaroak 30, Sestao
-Abenduak 1, Laudio
-Abenduak 2, Basauri
-Abenduak 4, Arratia-Zornotza
-Abenduak 5, Ermua-Mallabia
-Abenduak 6, Durango

 

 

 

Eskubide Sozialen Karta kalera irtengo da bihar, Pobrezia Ezabatzeko Eguna dela eta

admin
-
0
Eskubide Sozialen Karta kalera irtengo da bihar, Pobrezia Ezabatzeko Eguna dela eta

Kartaren parte garen eragileak Gasteizko Andra Mari Zuriaren plazatik hasita Eusko Legebiltzarreraino joango gara performance bat eginez. Pobreziara kondenatu nahi gaituzte, eta hori irudikatuko dugu. 11:00etan abiatuko dugu protesta.

Pobrezia gure artean dagoen arazo larria da. Ez dago estatistikei erreparatu besterik egoeraren larritasunaz ohartarazteko. Eusko Jaurlaritzaren Pobreziaren eta Gizarte Ezberdintasunen Inkestak jasotzen duenez, Euskal Autonomia Erkidegoan 104.177 lagun daude pobrezia larrian, herritarren %4,9a. Kopuru hau gai honen inguruko estatistikak daudenetik dagoen handiena da. Gainera, 350.668 lagun daude pobrezia arriskuan, herritarren %16,5a. Eta ezin dugu ahaztu hamaika aldiz esan duguna: pobreziak emakume aurpegia du.

Datuak beldurtzeko modukoak dira. Egoera jasangaitza da eta mobilizatu beharra dago. Horregatik urriaren 17an, asteartea, Pobrezia Ezabatzeko Nazioarteko Eguna dela-eta, kalera aterako gara Gasteizen (11:00, Andra Mari Zuriaren Plaza), Euskal Herriko Eskubide Sozialen Kartak deituta.
 

 

 

Hezkuntza eta akordioak

admin
-
0
Hezkuntza eta akordioak

"Akordioa zertarako? Hori da geure buruari egiten diogun galdera. Gauzak dauden bezala jarraitzeko, egungo ereduan sakontzeko edo hezkuntza eraldatzeko? Akordioa noren artean? Elite baten edo hezkuntza komunitate osoa inplikatuz?". LAB Irakaskuntzako Maider Izagirrek eta Ibai Redondok galdera hauei erantzun diete ‘Gara’ eta ‘Berria’ egunkarietan larunbatean argitaratutako iritzi artikuluan.

"Hezkuntza askatasuna da, eta soilik zapalduen ahultasunetik sortutako boterea izango da behar bezain indartsua guztiak askatzeko", Paulo Freire.

Akordioa, akordioa, akordioa… Hezkuntzan eta jendarteko beste hainbat esparrutan akordioen beharraz hitz egiten da, eta akordio hitza totem bilakatu da. Akordioa zertarako? Hori da geure buruari egiten diogun galdera. Gauzak dauden bezala jarraitzeko, egungo ereduan sakontzeko edo hezkuntza eraldatzeko? Akordioa noren artean? Elite baten edo hezkuntza komunitate osoa inplikatuz? Guk argi dugu: hezkuntzan akordioak behar ditugu, behetik gora eraikiak, parte hartzaileak, sendoak, ikuspegi nazionala izango dutenak, burujabetza terminoetan kokatuak, iraunkorrak eta egungo hezkuntza sistema eraldatzera bideratuko direnak. Hezkuntza baita klase sozial guztiei aukera berdintasuna bermatzeko tresna, gure herriaren biziraupen eta garapenerako tresna nagusia.

Irailaren 23an, EAEko Hezkuntza Sailak hezkuntza komunitateari dei egin zigun Hezkuntzan akordioa lortzeko. Paraleloan, Madrilen alderdi politikoak Espainiako Hezkuntza Sistema egonkortzeko akordio bat lantzen ari dira. Eta ez dezagun ahaztu: gaur egun Euskal Herrian daukaguna ez da Hezkuntza Sistema Burujabea, Madril eta Parisen erabakien menpeko, elite ekonomikoen menpeko administrazio bat baizik: beraiek erabakitzen dute gure ikastetxeetan zer ikasi eta irakatsi behar dugun (Curriculuma); Felipe VI.ak eta Frantziako Hezkuntza Ministerioak balioztatzen dituzte unibertsitate tituluak; Madril eta Parisek erabakitzen dute zenbat irakasle postu atera daitezkeen oposizioetan; erabat atzerakoia den azterketa sistema inposatuz gure ikastetxeetako pedagogia eredua baldintzatzen dute; Madrilen erabakitzen dute erlijioa irakasgai izatea eta hezkuntza eredu pratriarkala mantentzea… Finean, Madrilek eta Parisek erabakitzen dute botere ekonomikoen neurrira egin eta Euskal Herrian inposatzen zaigun hezkuntza sistema.

LABek oso argi dauka, Espainia eta Frantziako ereduak inposatuak izateaz gain, ez direla batere osasuntsuak eta gure herriarren beharretatik oso urrun daudela. Ingurura begiratuta, inongo estatuk ez ditu sistema hauek eredu on gisa erabiltzen. Europako hezkuntza sistemak aztertzeko egin berri diren jardunaldietan ikusi dugu badaudela Europa Iparraldean bestelako ereduak; alta, gure herriari eta jendarteari egokituta ereduak behar ditugula argi dugu; errealitate zein behar ezberdinei egokitutakoak. Kateak askatu, Europa iparraldetik eta mundutik ikasi eta behingoz gure herriak behar duen hezkuntza sistema eraikitzeko ordua heldu da.

Dena da beltza? Espainia eta Frantziako legediak uzten dituen marjinak estuak izan arren, Euskal Herriko Hezkuntza komunitateak behin eta berriz desobedientziaren bidez alternatibak eraiki ditu: frankismoan ikasleak euskalduntzeko Ikastolak martxan jarriz eta eskola publiko euskaldunak eraikiz; curriculum inposatuen gainetik Euskal Curriculumean oinarritutako materialak egin eta hainbat ikastetxetan aplikatuz (herri curriculumak, Eki proiektua…); hezkuntza hezkidetzailea lortzeko programak garatuz; azterketa, errebalida, baxo, selektibitate eta kontrol neurri guztien gainetik ebaluazio eta pedagogia askatatzaileak nola edo hala gure ikastetxe ugaritan abian jarriz; erlijio katolikoaren irakasgaia emateari uko eginez; herri unibertsitateak eta eskola alternatiboak antolatuz…

Egindakoa ez da gutxi, baina egiteko duguna asko da. Eta zer egin dute gobernu autonomikoek? Amen, amen. Madril eta Parisetik datorren legedi zentralizatzaileei amen, eredu kapitalistari amen eta murrizketak aplikatu. Nola lortu kalitatezko hezkuntza sistema bat inbertsioak murriztuz? Nola lortu gure eskoletako kultur aniztasunaren altxorra altxor izatea eta ez arazo, baliabiderik ez badugu? Nola lortu inklusioa gelak gainezka baditugu? Nola aurre egin segregazio eta masifikazioari inbertsiorik egiten ez bada? Nola aurre egin patriarkatuari hezkuntza hezkidetzailea lehentasuna ez bada? Euskal Herriak kalitatezko hezkuntza sistema burujabea behar du, hezkuntza publiko-herritarra ardatz izango duen sistema berri eta nazionala.

EAEko Hezkuntza Sailak Arabako, Bizkaiko eta Gipuzkoako eragile eta sindikatuoi hezkuntzan akordioa egiteko proposamena egin digu. Gure erantzuna argia da: Hezkuntzan erabakitzeko eskubide osoa lortzeko bada, bai, egongo gara; Madril eta Parisen erabakien menpe egongo den hezkuntza sistema atzerakoian partxeak jartzeko bada, ez… Eta traumarik gabe! Hezkuntza komunitatea nahikoa heldua da, mugak eta oztopoak gaindituz, gurea eraikitzeko.
 

 

 

[IBILBIDEA] Lan duina, bizi duina ekimen ibiltaria

admin
-
0
[IBILBIDEA] Lan duina, bizi duina ekimen ibiltaria

Urriak 16   IRUÑEA
 Sarasate Pasealekuan emango zaio hasiera ekimen ibiltariari eguerdiko 12:00etan eta giza-katean Patronalaren egoitzaraino joango gara prekarietatea salatzeko.

Urriak 17 LEITZA
Goizean, Ama Betelun enpresa hitzarmenaren alde egingo dugu.
Arratsaldean, Leitzako plazan elkartuko gara sektore feminizatuen egoeraren inguruan gogoeta egiteko.
 
Urriak 18 ALTSASU
Goizean, Gure Etxean tailerrak burutuko ditugu lan munduko gai ezberdinen inguruan.
Arratsaldean, plazan Sakanako egoera orokorra izango dugu aztergai.
 
Urriak 19 LIZARRA
 Ekintza sindikaleko tailerrekin hasiko dugu eguna. Ondoren elkarretaratze bat egingo dugu SAR QUAVITAE enpresaren aurrean. Amaitzeko, propaganda banatuko dugu azokan.
 
Urriak 20 TUTERA
Goizean, ekintza sindikaleko tailerrak gauzatuko ditugu. Ondoren UVESA enpresaren aurrean ustezko autonomoen egoera salatuko dugu.
Arratsaldean etorkinek pairatzen duten egoera salatuko dugu. Eta eguna amaitzeko kalejira antolatu dugu.

Urriak 21 TAFALLA
Propaganda banaketa egingo dugu prekarietatea salatzeko. Horrez gain, gazteek pairatzen duten egoeraren salaketa kalera aterako dugu.

Urriak 23 SAN ADRIAN
Goizean, kultur etxean, ekintza sindikaleko tailerrak egingo ditugu. Ondoren, General Mills enpresako akordioa salatuz mobilizatuko gara.
Arratsaldean, Andosillan lan feminizatuaren inguruko azterketa egingo dugu herriko talde feministarekin batera.
 
Urriak 24 BARAÑAIN-BERRIOZAR 
 Goizean, zerbitzu pribatuetako delegatuekin batzarra burutuko dugu eta gazteek pairatzen duen prekarietatea salatuko dugu Decathlonen.
Arratsaldean, AHT makroproiektuak izango dituen ondorioak salatuko ditugu.
 
Urriak 25 IRUÑEA
Goizean sektore soziokomunitarioko delegatuekin “Ekintza sindikal berri” izeneko tailerra egingo dugu eta Misericordia erresidentzian lan hitzarmenaren alde borrokatuko gara.
Arratsaldean, aldaketa soziala eta burujabetza hizpide izango dituen mahai ingurua egingo dugu.
 
Urriak 26 ZANGOTZA
Goizean tailerrak burutuko ditugu lan munduko gai ezberdinen inguruan LABeko egoitzan. Ondoren Masquatro kirol kudeaketara gerturatuko gara hitzarmenen defentsa eginez.
Arratsaldean kaletik agiprop bat egingo dugu.
 
Urriak 27 BAIONA
Goizean zein arratsaldean Makronen lan erreformaren kontra egingo dugu.

Urriak 28 HENDAIA 
 Protesta, Kutxabanquen aurreikusitako kaleratzeak salatzeko.
 
Urriak 30 BERA
Goizean Berako egoitzan tailerrak burutuko ditugu lan munduko gai ezberdinen inguruan. Ondoren Lesakako Arcelor-era gerturatuko gara enplegu suntsiketa salatzera.
Arratsaldean Behobiako mugan turismo eredua salatuko dugu eta “Jaietan denok jai” izateko eskubidea aldarrikatu.

Urriak 31 IRUN – HONDARRIBIA
 Goizean Irunen tailerrak egingo ditugu industriari begira eta mobilizazioak egingo ditugu.
Hondarribian la mano invisible filma proiektatuko dugu. Ondoren gaiaren inguruan solasteko parada izango da.

Azaroak 2 OIARTZUN – PASAIA
Goizean zerbitzu pribatuetako enpresetan prekarietatea salatuko dugu.
Arratsaldean Portuaren egoera izango dugu aztergai.
 
Azaroak 3-4 DONOSTIA
3an, goizean Donostiako EHUko Ibaetako Kanpusean tailerrak eta mobilizazioak burutuko ditugu garbitzaile, ikasle eta langileekin.
Arratsaldean Batzarra eta ekimenak egingo ditugu Tabakalerako azpikontratazioaren inguruan.
4ean, Parte Zaharrean kalejira egingo dugu gune prekarioak salatzeko.
 
Azaroak 6 LASARTE
Michelin-go azpikontratetan ematen den egoera salatuko dugu. Horrez gain, garraio publikoan izan diren murrizketa eta enplegu suntsiketak azaleratuko ditugu.

Azaroak 7 HERNANI
Eguna lan osasunaren egoera salatuz hasiko dugu. Ostean, “Ekintza sindikal berria” tailerra egungo dugu. Bestalde, ekitaldi nazionala burutuko dugu Errusiako Iraultzaren 100. urteurrena dela eta.
 
Azaroak 8 ADUNA – TOLOSA
Irizar-e mobility enpresak gazteak modu prekarioan kontratatzen dituela salatuko dugu.
Tolosan “Jaietan jai” dinamika landuko dugu.

Azaroak 9 BEASAIN – URRETXU
Haur eskoletako langileen grebarekin bat egin eta Carrefour eta merkatalgune handietara joanga gara ordu extrak salatuz.
Arratsaldean gazteekin batera mobilizatuko gara.

Azaroak 10-11 GASTEIZ
Goizean, federaziotan pairatzen den prekarietatea azalaraziko dugu.
Arratsaldean hainbat tailer egingo ditugu feminismoaren inguruan, baita ekosozialismoa jorratzeko ere. Horrez gain zerbitzu publikoen alde mobilizatuko gara.
 
Azaroak 13 OION
Kotxe karabana burutuko dugu prekarietatea salatuz. Horrekin batera propaganda banatuko dugu. Arratsaldean informazioa zabalduko dugu.

Azaroak 14 AGURAIN
Ehun Produktiboaren suntsiketa salatuko dugu kotxe karabana bidez eta pankartak jarriz. Amaitzeko propaganda banatuko dugu Agurainen.

Azaroak 15 ARRASATE
“Ekintza sindikal berria” tailerra egingo dugu. Ostean Eroski, LIDL eta BMren aurrean mobilizatuko gara hitzarmen estatalak salatzeko.
Arratsaldean irakaskuntzako grebaren harira hiltzaldia antolatu dugu.

Azaroak 16 ZESTOA – ZUMAIA
 “Ekintza sindikal berria” tailerra egingo dugu. Ondoren Udaletxeko Plazan mobilizatuko gara zerbitzuen azpikontratazea salatzeko.
Arratsaldean, “Malen Etxeko”-ekin etxeko langileen gaia herriratuko dugu. Bestalde, gazteekin turismoa eta prekarietatea izango ditugu aztergai.
 
Azaroak 17 AZKOITIA – AZPEITIA
Goizean lan osasuna izango dugu aztergai. Egoera salatuz pankarta eta kartelak jarriko ditugu eta parodia bat egingo dugu..
Arratsaldez, Azpeitian gazteekin batera ordu extrak salatuko ditugu.

Azaroak 18 EIBAR
Sektore feminizatuek, pentsiodunek eta gazteek pairatzen duten egoera izango dugu aztergai.

Azaroak 20 ONDARROA
 Goizean, Ondarroan, langile migranteek pairatzen duten egoera salatuko dugu.
 
Azaroak 21 BERMEO
Goizean “Ekintza sindikal berria” izenburuko mintegia eskainiko dugu.
 
Azaroak 22-23-24-25 BILBO
Emakumeen kontrako indarkeriaren aurka mobilizatuko gara. Zerbitzu publikoen aldeko egingo dugu. Horrez gain aniztasun funtzionala, pentsioak eta migranteak izango dira landuko ditugu gaietako batzuk.

Azaroak 27 MUNGIA
Goizean, “Ekintza sindikal berria” izenburuko mintegia eskainiko dugu. Ondoren enpresa txikien prekarizazioa eta langileen babesgabetasuna salatuko dugu eta amaitzeko azalera handiko komertzioen eredua eta lan baldintzen kontra egingo dugu.
Arratsaldean herrian lan munduko egoeraren berri emango dugu.

Azaroak 28 TXORIERRI – GETXO
 Goizean, Txorierrin kotxe karabana egoingo dugu gure industriaguneen desburujabetzaren kontra.
Arratsaldean, hitzaldi bat eskainiko dugu eraldaketa feministan sindikalgintzak izan behar duen rolaren inguruan.
 
Azaroak 29 ZALLA
 Kotxe karabana burutuko dugu. “Bertan lan eta bertan bizi” aldarria aterako dugu kalera.

Azaroak 30 SESTAO
Goizean, Sestaon ekintza sindikal berriaren inguruko mintegia eskainiko dugu eta mobilizazio burutuko dugu industria politika propioaren alde.

Abenduak 1 LAUDIO
“Ekintza sindikal berria” mintegia egingo dugu. Ostean, LIDL biltegian gazteek pairatzen duten prekarietatea salatuko dugu.
Arratsaldean, gazteekin batera eskualdeko egoera aztertuko dugu.

Abenduak 2 BASAURI
 Euskaraz lan egiteko eskubidea aldarrikatuko dugu.
 
Abenduak 4 ARRATIA – ZORNOTZA
Goizean Ekimen ibiltaria eskualdeko hainbat enpresetatik pasako da kontratazio berrietan diskriminaziorik egon ez dadin aldarrikatzeko.
Arratsaldean Zornotzan pikete feminista antolatu dugu emakumeak lan munduan pairatzen dugun egoera salatuz.
 
Abenduak 5 ERMUA – MALLABIA
Goizean poligonoan ibiliko gara industriaren egoera salatzeko. Ondoren bi udaletxetan industria 4.0 dekalogoa erregistratuko dugu. Amaitzeko Ermuan elkarretaratzea egingo dugu eta propaganda banatu.
Arratsaldean Ermuan TTIP/CETA akordioaren eragina aztergai izango dugu hitzaldi baten bidez.

Abenduak 6 DURANGO
Euskal Herri osoan barrena ibili ostean ekimen ibiltaria amaierako geltokira iritsiko da. Bertan ekitaldi berezia antolatuko dugu.



 

 

 

Katalunia presente, urriaren 12ko mobilizazioetan

admin
-
0
Katalunia presente, urriaren 12ko mobilizazioetan

LAB sindikatuak aurtengoan ere planto egingo dio delako "Hispanitate Egunari", inposatutako jai egun bat izanik. Ez dugu ezer ospatzeko. Lanean gaude gaur, bulegoak ireki ditugu eta, aldi berean, kalean egon gara mobilizatzen. Hain zuzen ere, Kataluniaren eta demokraziaren alde eta inposizioaren aurka goizean egin diren mobilizazioetan izan gara, Bilbon zein Gasteizen. Testuinguru berezian etorri da aurtengo urriaren 12a, Kataluniako egoera puri-purian dagoenean.
Iruñeko Gaztelu Plazatik 17:00etan abiatuko den manifestaziorako deia ere egiten dugu, "Demokrazia eta erabakia" lemapean.
 

 

 
1...873874875...1.587Página 874 de 1.587

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus