La empresa ORMAZABAL y CIA S.L.U situada en Igorre, despedía el pasado 3 de diciembre a 5 trabajadores, y ha comunicado al Comité de Empresa su intención de presentar en breve un ERE de suspensión que afectara a la totalidad de la plantilla.
Blog Página 1282
Incoesako langileek Bizkaiko Batzar Nagusiei emandako hitza bete dezatela eskatu die
Incoesako langileek, beste behin, elkarretaratzea egin zuten pasadan ostiralean Gernikako Batzar Nagusien egoitzaren aurrean, Bizkaiko Batzar Nagusiei eta Diputazioari bere inplikazioa eta ardura exijitzeko, 7/2007 Foru Arauaren aplikazioan.
Incoesako langileen oharra
Incoesako langileek, beste behin, elkarretaratzea egingo dugu, gaurkoan Gernikan, batzar nagusien egoitzaren aurrean, Bizkaiko Batzar Nagusiei eta Diputazioari bere inplikazioa eta ardura exijitzeko, 7/2007 Foru Arauaren aplikazioan.
Incoesako langileek, beste behin, elkarretaratzea egingo dugu, gaurkoan Gernikan, batzar nagusien egoitzaren aurrean, Bizkaiko Batzar Nagusiei eta Diputazioari bere inplikazioa eta ardura exijitzeko, 7/2007 Foru Arauaren aplikazioan.
Atzo jakin genuenez, enpresari aurkeztu zaio deslokalizazioaren gainekon informea, honek dagozkion alegazioak aurkeztu ditzan; behin hori eginda, Foru Aldundiak behin-betiko informea ezagutaraziko du, gure ustez, argi eta garbi deslokalizazio prozesu batean murgilduta gaudela adierazi beharko lukeena.
Beranduegi datozela iritzita ere, urrats hauek positibotzat jotzen ditugu langileok. Baina berriro diogu, eta horrela aldarrikatzen dugu, Diputazioak aktiboki jokatu behar du deslokalizazioa ekidin ahal izateko. Aldundiari dei egiten diogu, bada, Incoesak bere produkzioa Bediako lantegian mantendu dezan langileok egiten ari garen borrokara batu dadin.
Datorren astean mobilizazio gehiago egingo ditugu: astelehenean, hilak 9, 10.00etatik 11.00etara elkarretaratzea egingo dugu Bilbo, Sozial arloko epaitegien aurrean (Barroeta Aldamar kalea). Epaitegi horretan, hain zuzen ere, 2013ko urtarrilean enpresak ezarri zigun suspentsioko EEEaren gaineko epaiketa egitekoa da. Era berean, abenduaren 10ean, berriro elkarretaratzea egingo dugu Gernikan, Batzar Nagusien aurrean.
Gernikan, 2013ko abenduaren 5ean
LAB sarean
{module[111]}
{module[111]}
Igor lezamarra, Igor laguna, Igor ikaslea, Igor zinegotzia, Igor internazionalista, Igor sindikalista, Igor lankidea, Igor… pertsona aparta benetan!
Bakarrik asko emon dauen pertsonak itzi ahal dau hain samin haundia gure artean eta Igorrek asko emon dau sinistu dauen guztietan.
Orain, Igorretaz berba egitea ez da erraza, eta ez da kontatzeko gauzarik ez dagoelako; aitzitik, gauza larregi dagozelako eta guk gure sentimenduak baretu eta ordenatu behar doguzelako. Horregaitik, urtarrilaren 18an, hemen, Lezaman egingo jakon omenaldia aukera ederra izango da Igorrek bere bizitzan, Euskal Herrian eta munduan zehar, leku eta esparru askotan landatutako haziek fruitua emon dagien.
Igor lezamarra, Igor laguna, Igor ikaslea, Igor zinegotzia, Igor internazionalista, Igor sindikalista, Igor lankidea, Igor… Igorren bizitzako alderdi asko dira eta danon batuketaren emaitzaz gozatu dogu guk geure bizitza beragaz konpartituz. Pertsona aparta benetan!
Igorrek erakutsi dosku amesten doguna lorgarria dala hori lortzeko indarra eta gogoa ipini ezkero. Garaipen txikiak, baina bata besteagaz pilatuz egunero garatzen ari garen bidea luzatuko dogu.
Gaztetatik, internazionalismoak kutsatua eban Igorren odola eta horrek bere bizia bideratu dau. LAB sindikatuan sartu zanean, Askapenean militatzen, Lezaman Ezker Abertzaleko zinegotzia, LABen abokatua eta, ganera, oporraldian mundutik zehar motxilero. Munduan egozan herri zapalduei beti elkartasuna eta konpromisoa ageriz.
Sindikatuan ardura desberdinetan egon da, baina, orain urte batzuk, afizioa ofizio bihurtzeko aukera izan eban LABeko Nazioarteko ardura hartuta. Harrezkeroztik, irrifarra eta begien dirdira berezia sumatzen jakon, ordurarte lanean ipinitako gogoa grina bihurtu zan. Berak esateban lez, “sindikatua serioa da, hemen gauzak planifikauta egiten doguz”.
Lan eskerga egin dau munduko herri desberdinetako askapen sozial eta nazionaleko borrokak eta Euskal Herriko askapen prozesua, zubi lana eginez, alkarri ezagutarazteko. Euskal Herriko eta LABeko enbaxadorea izan dogu Igor.
Baina Igorren konpromisoa zabala zan, agendan beti izan dau presoak bisitatzeko lekurik, gertutik ezagutu dauz be gure herriak jasaten dauen errepresioaren ondorioak.
Hemen gagozen askok harro esan daikegu, gu Igorren lagunak garela.
Igor,
bidaiari nekaezina
injustiziaren kontrako borrokalari
sindikalista kontsekuente
betiko lagun
Agur eta ohore
Igor Urrutikoetxeari omenaldia urtarrilaren 18an Lezaman
Azaroaren 28an Brasilen, istripu larri baten ondorioz hil zen gure lagun, kide eta LABeko nazioarteko arduradun Igor Urrutikoetxearen gorpua ostiralean iritsi zen Euskal Herrira. Lehen harreraren ostean, merezi duen omenaldia urtarrilaren 18an, larunbata, egingo diogu Lezaman, bere jaioterrian.
Igor… pertsona aparta benetan!
Lehen harreran Alberto Cristobalek LABen izenean Igor Urrutikoetxea gure kideari eskainitako hitzak.
Omenaldia urtarrilaren 18an Lezaman
Igorri merezi duen omenaldia urtarrilaren 18an, larunbata, bere jaioterrian, Lezaman, egingo zaio.
Lehen harreran Alberto Cristobalek LABen izenean Igor Urrutikoetxea gure kideari eskainitako hitzak.
Omenaldia urtarrilaren 18an Lezaman
Igorri merezi duen omenaldia urtarrilaren 18an, larunbata, bere jaioterrian, Lezaman, egingo zaio.
Rafa Diez: «Agur lagun!»
Rafa Diez Usabiagak El Duesoko espetxetik Igorri idatzitako gutuna.
Elkartasun mezuak
Munduko txoko guztietatik ehundaka elkartasun mezu iristen ari dira.
LABek jasotako elkartasuna eskertu nahi du
Planetako txoko guztietatik jasotzen ari garen elkartasuna eskertu nahi dugu, bereziki, FSM, CTB sindikatu brasildar eta PCdoB Brasilgo alderdi komunistako kideek azken hilabete honetan zehar emandako babesa eta laguntza. Gure lagun eta burkideak 38 urte zituela utzi gaitu, baina bere lanak, engaiamenduak eta borrokak bizirik diraute.
Igor Urrutikoetxea Bilbao
Bizitza laburra, baina zure bihotza bezain zabala. Burkide bikaina, lagun aparta. Bidaiari nekaezin hori, alde egin diguzu bete ezineko hutsunea lagata.
TS Fundiciones enpresako langileak kaleratzeen aurka biluztu dira
TS Fundiciones enpresako langileek zuzendaritzaren estrategia zapaltzailea eta kaleratzeak salatzeko mobilizazio egutegi bat aurkeztu dute. Gaur, ostirala, Kutxabanken aurrean biluzik agertu dira lanpostuen defentsan. Astelehenean Zumaian elkarretaratuko dira goizeko 10:00etan.
TS Fundiciones enpresako Enpresa Batzordearen oharra eta deialdiak
TSko langileria, hainbat aldiz salatu dugun bertako Zuzendaritzaren estrategia zapaltzaileaz kokoteraino egonda ere, beti egon da eta egongo da enpresaren egoeraren inguruan negoziatzeko prest.
TSko langileria, hainbat aldiz salatu dugun bertako Zuzendaritzaren estrategia zapaltzaileaz kokoteraino egonda ere, beti egon da eta egongo da enpresaren egoeraren inguruan negoziatzeko prest.
Aurtengo Urtarrilean sinatuta dugun akordioari muzin eginez, irailean gerente kargua hartu zuen Zuzendaritzaren ordezkari berriak bideragarritasun plana aurkeztu zuenean, astebeteko epea eman zigun langileoi berau onartu (50 kaleratze, soldataren %25aren jeitsiera, 100 ordutako urteko lanorduaren igoera eta malgutasun zabala) edota hartzekodunen konkurtsora joko zuela esanez. Ultimatuma zen eta lehen egoera hau bultzatzeko lana desbideratzen aritu bazen, oraingo honetan enpresatik moldeak ateratzen hasi zen, inongo disimulurik gabe, langileok lanik izan ez genezan bilatuaz.
TSko Langile Batzordeak orduan, bi puntutan oinarritzen zen proposamena egin zion enpresari.
– Ultimatum edo mehatxu formako denbora epe hori atzera bota zezan eta negoziazio normal bati ateak irekitzea, astebeteko epean norbere etorkizunaz “bai ala ez” erabakitzea ez da justua eta.
– Kaleratze traumatikorik ez egitea, eta horretarako bideak ireki zitzala.
Bi puntu hauen baitan akordioa balego, gainontzeko puntuez hitzegiteko prestutasuna adierazi zion langileriak Zuzendaritzari. Erantzuna? “Dena onartu eta bere borondatez irten nahi duenarentzat diru pixkat jarriko dut baina bost urtera kobratuko du. Bi egun dituzue hau erabakitzeko, bestela konkurtsora goaz”. Esan beharrik ez dago, Zuzendaritzak, gure proposamenari EZEZKO borobila ere eman ziola noski.
TSko langileak ez dira egon geldi, eta egunero lanik gabeko lanetan aritu diren arren, mobilizatzen eta borrokatzen ari dira eta arituko dira eurek sortu duten egoera hau amaitzen ez den bitarte. Besteak beste,
– Zuzendaritza bere aurpegia zuritzen ari da, eta ez du bere helburua lortu arteko onik. Helburu hori TS Fundicionesen itxiera delakoan gaude.
– Ez du negoziazio esparrurik ireki nahi gaiaz aritzeko. Bai edo ez da.
– Bideragarritasun plana langileon aurkako neurriek betetzen dute soilik, ez dago etorkizuna bermatzen duen inongo aurreikuspenik.
– Aurtengo urrian, TSko Zuzendaritzak, “administratzaile bakar” baten figura jarri zuen. Aztertzen egon ondoren pertsona hori figura likidadore hutsa dela ohartu gara eta ez, ez dugu berarekin harremanik izan, paperetan soilik ezagutzen dugu.
– Bazkidetzaren gehiengoa duten sorazutarrak poltsikoak betetzen ari dira gure konpetentzia diren beraien bi enpresetara lana desbideratuaz eta gu hilzorian utziaz.
– (…)
Bada astebete zuzendaritzak hartzekodunen konkurtsorako eskaera egin zuela komunikatu zigunetik, baina oraindik honen berri formalki ez dugun arren, egunetik egunera nobedade berriak ditugu gurean eta ez dira onak tamalez.
Egoera oso da larria, eta hori gutxi bazen, orain arteko mobilizazio indarrak ahuldu asmoz, lan karga falta argudiatuaz ordaindutako baimen bat medio, etxera bidali gaitu langileok, ez dezagun inongo liskarrik sortu. Ordaindutako baimena? Lotsagarria da hau, dagoeneko 2 hilabeteko soldatak zor zaizkigunean! Ondo pentsatutako maniobra.
Hau honela, datozen bi asteetarako mobilizazio egutegi bat burutu dugu egoera salatu eta honen aurrean gure postura irmoki mantentzeko.
Gauzak honela, Eusko Jaurlaritzari TS Fundicioneseko egoeraren aurrean inplika daitezela eta Urola Kostak bizi duen kontestu sozioekonomikoaren aurren TSren egoera barne, desmantelamendu industrialari aurre egiteko politikak martxan jar ditzala exijitzen diogu!
Borrokak ez du etenik, TSko langileria lanpostuen alde borrokan arituko da gaur eta bihar, Enpresan zein kaleetan!
Gora TSko Langileria!
Gora Urola Kostako langileria!
MOBILIZAZIO EGUTEGIA:
ASTELEHENA 9: 10etatik 12etara Zumaian Elkarretaratzea.
ASTEARTEA 10: 11etatik 13tara kotxe karabana Arruatik hasita.
OSTEGUNA 12: 11.30etan Zestoako Kutxabank-en aurrean Elkarretaratzea.
Behin egun hauek pasata, datozen egunetako mobilizazio agenda zehaztuko dugu.
LAB sarean
{module[111]}
{module[111]}
Unibertsitatez kanpoko irakasleen lan hitzarmenaren mahai negoziatzailearen balorazioa
Abenduaren 5ean, unibertsitatez kanpoko irakasleon lan hitzarmena eztabaidatzeko Mahai Sektoriala izan dugu Lakuan. Gure hezkuntza sistema itotzen duten murrizketei aurre egitea eskatzen jarraitzen du LABek, baina Hezkuntza Sailak ez du gaur egungo egoerari buelta emateko inongo borondaterik erakusten, gainera Hezkuntza, “HIZKUNTZA POLITIKA” eta Kultura sailak GAZTELERA hutsez aurkeztutako proposamenean murrizketak arautu eta betikotzen ditu.
LABek Hego Afrikako herriari doluminak adierazten dizkio
LABek, Euskal Herriko sindikatuak, bere doluminak adierazten dizkio Hego Afrikako herriari Nelson Mandelaren heriotza dela eta, Madiba Hego Afrikako eta munduko askatasunaren aldeko borrokalari nekaezina.
Bere apartheidaren erregimenaren aurkako borroka, bere kartzelaratze bidegabea eta bere koherentzia eta zuzentasunak mundu zabalean pertsonen munduaren alde eta zapalkuntza guztietatik aske diren herrien alde borrokan gabiltzan guztiontzat erreferentzial bilakatzen dute.
Gainera, Nelson Mandelak buru izan zuen Hego Afrikako jendarte aske baterako trantsizioa ispilu izan da gainontzeko nazioentzat, baita euskaldunontzat ere, gu ere nazio eta sozialean askatze prozesuan murgildurik baikaude.
Guzti horregatik, momentu mingarri hauetan LAB sindikatuak eta euskal langile klaseak gure elkartasuna eta samurtasuna adierazi nahi diegu Nelson Mandelaren ondokoei eta Afrikako Kontseilu Nazionalari (CNA-ANC), zeinaren buru izan zen, eta Hego Afrikako langile klaseari.
Mandela, gogoan zaitugu!
LAB sarean
{module[111]}
{module[111]}
Greba Ipar Euskal Herriko eskoletan
Hezkuntza proiektu orokor batean sartzen den eskolaren eta astean zehar barreiatzen den eskola denboraren alde bere engaiamendua berresten du LAB Irakaskuntza sindikatak. Zentzu horretan, 4 eskola eguneko asteak eta egungo eskola antolaketak ez gaituzte asebetetzen. Honen aurrean LABek greba deitu du gaurko Ipar Euskal Herriko Eskoletan.
Haatik, Peillonen erreformak ez gaitu asebetetzen ezta ere. Horrela, eskola porrotaren arazoa astean eskola egunak emendatzearekin konponduko dela pentsatzea sinplista eta erreduktorea da. Gainera, honen ondorioz (edo hori da helburua ?) ikasleen harrera eta irakaskuntza, zein langile ororen bizi eta lan baldintzen hobetzea helburu duten aldarrikapenak eta sakoneko eztabaidak -programen arintzea, fitxaketa eta ebaluaketa normatiboen kentzea, animatzaile eta gela bakoitzeko ikasle kopuruaren apaltzea, RASEDen berrezartzea, langile prekarioen titularizatzea, kopuru onargarrian irakasleen kontratatzea…- kukutu eta desitxuratzen dira.
Zentzu horretan,, artista, elkartekide, kirolari eta kulturgileekin batera, haur guziek herrietan egiazko dinamikak sortuko dituen ekimenetan urririk parte har dezaten nahi dugu. Eskola askatzaileak izan behar dute ere, non kritikotasuna, elkarlana eta sormena garatuko diren.
Baina erreforma honek ez du proiektu global hau burutzeko beharrezkoak diren adostasun, bitarteko ezta denborarik eskaintzen.
Izan ere, ekimen hauen burutzeko Estatuak ez du sosik aitzinatzen. Eta herriko etxeek ez dituzte denek bitarteko eta hezkuntzarako lehentasun berdinak. Ondorioz, ikaste koadro ezberdinak gertatzen dira. Erreformak, tokien arabera, ezberdintasun horiek emendatuko ditu ; ministroak aldarrikatzen duen « aukeren berdintasuna sustatzea » delakoaren guztik kontrakoa lortuz.
Zeren, animatzaileak toki barreiatu eta ordutegi aldakorretan lan egitera behartuak, gaizki ordainduak, formakuntzarik gabe edo ez aski formatuak kontratatuak izaiteko arriskua erreala da. Bada ere murgiltze sistema edo elebidunean ari diren eskoletako jardunetan euskara ez kondutan hartua izanaren arriskua. Zuzenbide pribatuko « emplois d’avenir » delako kontratu prekarioak abian ezarri dituzte berriki. Herriko etxe eta elkarteek ontsa baliatu ahalko dituzte, lan hauetarako beharrezkoak diren enplegu iraunkor eta ezagutuak obratzea sahiestu ahal izanen baitute.
Hezkuntza ontasun publikoa da, eta kontraesana bada ere, gai horren gaineko nagusitasun eskasa izaitea onartzen dugu errex. Eskola eta hezkuntzaren kontrol kolektiboa ukaiteko aldarrikapen garaia heldu da. Horretarako, beharrezkoa dugu eskola bakoitzean langile guzien (irakasle, ATSEM, laguntzaile, animatzaile, eskola inguruko animatzaile…) artean biltzea.
LAB sarean
{module[111]}
{module[111]}
Rafa Diez: «Agur lagun!»
Kaixo Igor! Ostirala da, azaroaren 29an gaude, eta eguerdiro bezala bazkaldu ondoren berehala “txabolora” joan naiz eguneko azken berriak ezagutzeko asmoz. Ohitura izaten dut informatiboren bat entzuten nagoen bitartean teletextoko aipamenak arakatzen joatea. Bat-batean, inoiz ikusi nahi ez nuen berria azaldu da: “Fallece el Responsable de Relaciones Internacionales de LAB Igor Urrutikoetxea”. Astindua jaso dut, gorputz osotik deskarga elektriko baten antzeko zerbait pasa zait eta aldi berean buruan arrapaladan azaltzen hasi zaizkit zurekiko oroitzapenak eta bizitako une asko.
Banekien, duela aste batzuk istripu madarikatu baten ondorioz egoera larrian zeundela, baina konfidantza neukan hortik ateratzeko gai izango zinela. Azkenean ez, entzun nahi ez genuena etorri da. Joan zara. Brasilera joan zinen, langileen eskubideak eta ametsak sustatzeko ahaleginetan FSM erakundean zenituen ardurak direla eta; eta orain, ezezaguna den nonbaitera hasi zara bidai berria egiten.
Zure gutunaren zain nengoen duela hilabete pare bat ingelesez bidali nizun nire aurreneko idatziaz ea zer iruditzen zitzaizun jakiteko. Erakutsi nahi nizun nola nindoan hasitako ikasketan. Azkenean eskutitz hori jaso gabe, erantzunik gabe, joan zara. Seguru aski zure etxeko buzoian edo familiaren eskuetan izango da. Zurekin izandako azken “solasaldia” izan da. Gustora gordeko dudana, zutaz oroitzeko.
Espetxean nagoenetik harreman ugari izan ditugu gutun bidez. Erronkaz betetako kidea zinen, nekaezina harremanetan, arduratsua eginkizunetan, sentikorra injustizia eta eskubideen urraketa guztien aurrean… Abertzale zintzo eta ameslari sozialista.
Azkenaldian frantsesa ikasten zenbiltzala esan zenidan eta zenituen beste arazo zein helburuez iritziak ematen zenizkidan, gustura jasotzen nituen eskutitzetan. Lehenago aipatutakoa. Ingelesezko gutun horretan, irakurri gabe utzitako horretan, eskerrak ematen nizkizun Bartzelonako nazioarteko sindikatuen arteko jardunaldietan nire egoerarekiko erabaki zenaz eta, aldi berean, animoak igortzen nizkizun zure erronkei begira. Horretarako zeunden Brasuken, FSMk (Munduko Sindikatuen Federazioa) antolatutako metalgintzako batzarrean.
Joan zara Igor. Pena handia hartu dut. Malko batzuk ere isurtzen ari zaizkit hau idazten ari naizen bitartean. Ziur nago une honetan daukadan samin berbera izango dutela azken urte hauetan munduan zehar izan zaren toki askotako lagunek, zure heriotzaren berri jakiterakoan. Eta, nola ez, gure sindikatuan kolpe handia izan da denontzat.
Asko eman duzu Igor, Euskal Herriaren alde, langileen alde, sozialismoaren alde. Hutsune handia da LABen eta FSMn uzten duzuna. LABeko historian eta nire oroimenean oso itsatsita geratuko dira zure lana, ekarpen, jarduera eta jatortasuna.
Beno Igor, banoa. Beste kasu askotan esan ohi dugun bezala Euskal Herriko zeruan beste izar gorri eta distiratsu bat azaldu zaigu. Zauden tokitik segi gure herria eta herri guztien borroka bultzatzen. Mila esker Igor.
With these lines I just wanted to thank you Igor. Farewell, my countryman and friend.
Rafa Diez Usabiaga
El Duesoko espetxetik
LAB sarean
{module[111]}
{module[111]}