Bizkaiko hormigoi eta harrobien sektoreko patronalarekin izandako azken bilerak negoziazioetan ez dela aurrera biderik ikusita ELA, CCOO, LAB eta UGT sindikatuek, lan zentruetan batzarrak egin ostean, ekainaren 20rako, langileen lan baldintzak blindatzeko asmoz, 24 orduko lanuztea egitea erabaki dute.
Blog Página 1341
Bizkaiko Hitzarmenaren defentsan, metaleko langileak grebara!
Atzo goizean Durangaldeko Metaleko LABeko delegatuek asanblada egin zuten Abadiñoko Txanportan. Bertan, eskualdean ekainaren 21eko greba nola antolatuko duten adostu zuten.
Itsasmendikoi eskoletako hirugarren greba deialdiak erantzun positiboa izan du
Atzo, Itsasmendikoi Nautika eta Nekazal eskolatan deitutako grebak parte hartze handia izan zuen. Grebarako hirugarren deialdia izaki, langileen %60a inguruk gelditu zuen pribatizazioa salatu eta zentru hauek ematen duten zerbitzua hezkuntza sailak bere gain har dezan eskatzeko.
Autobus eta patioetako langileen lanuzteak ekainaren 18 eta 19an
Autobus eta patioetako hitzarmenaren negoziazioan, lan erreformek ematen dizkion tresnetaz baliatuz, enpresak hartu duen jarrera itxiaren aurrean eta Eusko Jaurlaritzatik gatazka eragozteko ez dela ahaleginik egin ikusita, langileek mobilizazioak egitera behartu dituztela jakinarazi dute ELA, LAB, CCOO eta UGT sindikatuek. Bihar, ekainak 14, elkarretaratzeak deitu dituzte eta 18 eta 19an lanuzte partzialak.
Arisawa enpresako langileen manifestazioa gaur zuzendaritzari negoziazioa eskatzeko
Mungian dagoen Protect Arisawa Europe (Bekaert) lantegiko enpresa batzordeal manifestazioa deitu dute gaurko, ekainak 13, zuzendaritzak inposatu nahi dizkien murrizketak salatu eta negoziazioa eskatzeko.
Pribatizazioaren aurka greba eguna Itsasmendikoi zentruetan
Itsasmendikoi, nautika eta nekazal eskolatako langileek aurrera darraite mobilizazioekin. Atzo zentroetan kontzentrazioak egin zituzten eta gaurko, osteguna, greba deituta dago. Bizkaiko delegazio aurrean eguerdiko 12:30etan kontzentrazioa egingo dute pribatizazioaren aurka eta zentru hauek ematen duten zerbitzua hezkuntza sailak bere gain har dezan eskatzeko.
M4Fk EITBko webguneko langileen erdia kaleratzeko Enplegu Erregulaziorako Espedientea aurkeztu du
EITBko zuzendaritzak murrizketak indarrean jarri ditu eitb.com-en, eta M4F enpresak Enplegu Erregulaziorako Espedientea aurkeztu du. Espedienteak 31 langileri eragiten dio. 27 langile kalera eta beste lauen lanaldia erdira murriztuko da. Guzti hau salatzeko Enpresa Batzordeak mobilizazioak iragarri ditu ekainaren 13 eta 14rako EITBko sarreran.
Gipuzkoako salgaien garraioko langileek lanuzte eta mobilizazio eguna dute gaur
LAB, CCOO, UGT eta HIRU sindikatuek 4 orduko lanuztea deitua dute gaurko Gipuzkoako salgaien garraio sektorean goizeko 9:00etatik 13:00etara. Goizeko 11.00etan manifestazioa egingo da Bulebarretik abiatuta, herrialdeko lan hitzarmenaren eta sektorearen defentsan.