Zazpi ordutako kontzentrazioa burutu zuen Herrirak ekainaren 28an, 12:30etatik 19:30etara, Bilboko Areatzan bizi osorako kartzela zigorraren kontra eta 197/2006 doktrina ezarri zaien bost bilbotarren kaleratzearen alde.
Herrira-ren irakurketa
Jarraian sinatzen dugunok, Bilboko eta Euskal Herriko jendarteari helarazi nahi genioke, 197/2006 doktrina ezarri zaien eta Alde Zaharreko bizilagun diren lau preso politikok bizi duten egoera latza.
197/2006 doktrina, legearen kontrakotzat jo zuen Estrasburgoko giza eskubideen aldeko tribunalak 2012ko uztailaren 10ean, Ines del Rio preso politikoa kasu, emandako epaian. Bertan, presoaren berehalako kaleratzea exijitzen zen.
Mendeko hutsez ezarritako legea, inongo arrazoibide juridikorik ez duena eta nazional zein internazional mailan, eragile andanak gogor gaitzetsi dutena. Doktrinaren ezarpenak ondorio fisiko eta psikologiko larriak ditu, presoen eta haien senideengan eragin zuzena izanik.
Bide batez, gure auzokide den Joseba Artolak bizi duen egoera larria salatu nahi dugu. Ekainean, 27 urte beteko dira espetxean dagoenetik eta zazpi, etxean behar zuenetik.
Josebaren egoera berean, auzokideak ditugun beste 3 preso politiko aurkitzen dira egoera berdintsuan, Inma Pacho, Fernando del Olmo eta Raul Alonso, baita Indautxuko auzokidea den Josu Amantes ere, zeintzue aurretik aipatutako doktrina ezarri zaien 22 eta 21 urte daramatzatelarik preso.
197/2006 doktrinaren indargatzea beharrezkotzat jotzen dugu, euskal preso politikoek pairatzen duten salbuespen egoerarekin behingoz amaitu eta gure auzokideen berehalako kaleratea exijitzen dugularik.
{module[111]}