Gaur, maiatzaren 17a, Homo-, Lesbo-, Trans-, Bifobiaren kontrako eguna da. Horrela, LAB sindikatuak eta Ipar Hegoa fundazioak formakuntza saioa antolatu dugu Donostiako eskualdeko sindikatuko kuadroak prestatzeko. Lan honetan, orain bi urte hasi ginen Lantokietarako bazterkeria eta jazarpenaren aurkako gida eta protokoloarekin. Gure helburua, homofobia kasuak ekiditzea, eta izatekotan, nola jokatu behar dugun jakitea da. Lan saio hau ez ezik, elkarretaratzeak ere egin ditugu sexu aniztasuna eta askatasuna aldarrikatzeko.
Gaur, maiatzaren 17a, Homo-, Lesbo-, Trans-, Bifobiaren kontrako eguna da. Horrela, LAB sindikatuak eta Ipar Hegoa fundazioak formakuntza saioa antolatu dugu Donostiako eskualdeko sindikatuko kuadroak prestatzeko. Lan honetan, orain bi urte hasi ginen Lantokietarako bazterkeria eta jazarpenaren aurkako gida eta protokoloarekin. Gure helburua, homofobia kasuak ekiditzea, eta izatekotan, nola jokatu behar dugun jakitea da.
Amets Jordan eta eta Egoitz A. Albeniz sexu askapeneko aktibistak izan ditugu gidari gaurko formakuntza saioan, eta LABeko lantokietako ordezkariek, lantokietan aurkitzen dituzten egoeren berri eman ahal izan dute, batzuk besteengatik ikasiz eta homofobia kasuei aurre egiteko formulak planteatuz.
Izan ere, azken urteotan, kapitalismoak gorroto egoerak areagotzea eragin duela identifikatu dugu. Kapitalismo heteropatriarkalak langileon arteko gorrotoa sustatu behar izan du, sexu askatasuna baztertuz, emakumeekin egiten duen bezala. Kontrola ziurtatzen du era horretara, eta boterea bermatzen dute, langile klasearen barnean pitzadurak sortuz.
Aukera sexuala adierazteagatik, edo genero identitate ezberdina izateagatik, inor ez litzateke erasotua edo diskriminatua izan beharko, baina jendartean errealitatea bestelakoa da, ideologia heterosexuala hegemonikoa da, eta jendartean horrela bada, zer esaterik ez lan munduan. Lan baldintzak guztiontzat kaxkartu eta prekarizatu badira, LGTB+ pertsonentzat, beldurra eta izkutatu beharrekoa handiagoa da
Langileoi sexu askatasuna bermatzea dagokigu, lantokiz-lantoki babes guneak sortuko ditugu, gure genero eta aukera sexualak lantokiz lantoki aske bizitzeko eskubidea bermatuko dugu. Horretarako, gure gorputzen burujabetza aldarrikatzen jarraituko dugu.
LABek, fobia, eraso eta diskriminazio hau desagertarazteko konpromisoa berresten du. Borroka horretarako, baditugu gure protokoloa eta gida. Momentu honetan, tresna horiekin gure lantokietako ordezkariak formatzen ari gara, eta laister, lantokietara eta kaleetara saltoa emango dugu.
Horma-irudia, Kursaalen
Formakuntza saioarekin batera, elkarretaratze bat egin dugu Kursaal aurrean, Donostian, horma-irudi bat osatu eta gero. LABeko ordezkari Urtzi Ostolozagak sexu askatasuna eta aniztasuna aldarrikatu ditu bertan, eta krisiarekin gorroto egoerak areagotu direla azpimarratu du.
Bilbon ere bildu gara; sindikatuaren beraren Bilboko egoitzaren aurrean, kasu honetan.