2024-02-21
InicioAcción Política27 enpresa batzordek Alberto Pascualen kargugabetzea eskatu dute Lan Auzitegian

27 enpresa batzordek Alberto Pascualen kargugabetzea eskatu dute Lan Auzitegian


LAB sindikatua mozioak aurkezten ari da enpresaz enpresa Lan Auzitegiko Idazkari izateko Alberto Pascualen izendapena bertan behera uztea eskatzeko. Atzo 27 enpresa batzordetako ordezkariek kargugabetzearen arrazoiak jasotzen dituen idatzi bat errejistratu zuten Lan Auzitegian Nafarroako Lan Auzitegiko bokalei zuzendua.

Pascual Nafarroako Kutxako idazkaria izan zen eta Kutxaren harpilaketa eta desagerpenarengatik auziperatuta dago Entzutegi Nazionalean. Arrazoi honegatik LAB sindikatua bere kargugabetzea eskatzeko mozio bat aurkezten ari da Nafarroan enpresas enpresa. Aurkezturiko lantoki gehienetan mozioa aho batez onartu da; 10 enpresetan CCOOeko ordezkariek aldeko bozka eman dute eta 8tan UGTkoek. Argi geratu da, hortaz, enpresetan inork ez duela bat egiten UGT eta CCOOek Nafarroa mailan duten jarrerarekin. Horregatik, LABek berriro ere Alberto Pascuali babesa kentzea eskatze die UGT eta CCOOi. Hurrengo asteetan ere, LABek mozioak aurkezten jarraituko du lantokiz lantoki.

27 enpresa batzorderen idatzia Alberto Palcualen kargugabetzea eskatuz
NAFARROAKO LAN AUZITEGIKO BOKALEI
Lan Auzitegiak bitartekaritza funtzio garrantzitsua betetzen du Lan Harremanei dagokionez. Funtzio hori betetzeko, Lan Auzitegiak parte hartzea, gardentasuna edota kontsentsua bezalako irizpideen arabera jokatu beharko luke. 

Alta, Lan Auzitegiko kudeaketa aipatutako irizpideetatik urrun dago. Lehenik eta behin, Lan Auzitegia sortzean ordezkaritza sindikalaren %10 gainditzen duten bi sindikatu baztertuak izan ziren. Honela bada, sektoreko lan hitzarmen bat negoziatu eta sinatzeko konpetenteak diren sindikatuek ez dute parte hartzerik hitzarmen horren interpretazioa egiten duen instituzioan. Ordezkaritzaren %10etik gora duten sindikatuek lan hitzarmenak negoziatzeko zilegitasuna baldin badute, sindikatu denek Hauteskunde Sindikalak bezalako eremuak modu bateratuan kudeatzen badituzte, Lan Auzitegian parte hartzeko zilegitasuna ere badute. Areago eta gehiago, askatasun sindikalaren ikuspegitik positiboa litzateke %10era iristen ez diren sindikatuei ere parte hartzeko aukera emango balitzaie, hitzarmen sektorial batzuetan egiten den bezala. 

Oinarrizko arazo demokratiko honi, bigarren arazoa gehitu zaio: CEN, UGT eta CCOOeko bokalek Alberto Pascual izendatu dute Lan Auzitegiko Idazkari. Alarma sortu du izendapen honek, bi arrazoiengatik: 

• Esan dugun bezala, Lan Auzitegian parte hartzea, gardentasuna eta kontsentsua lehenetsi beharko lirateke. Alabaina, Pascualek Nafarroako Kutxan egin zuen kudeaketa ilunak, bere desagerpenera eraman zuena, ez du zerikusirik balore hauekin. 

• Bigarrenik, Alberto Pascual Entzutegi Nazionalean auziperatuta dago, Nafarroako Kutxako arpilaketarekin lotutako delituengatik. Ikusteko dago ea epaileak Pascual Jana inputatu, epaitu eta azkenik kondenatu egingo ote duen, baina edozein kasutan, hurrengo hilabeteetan ustezko ustelkeriazko prozesu judizialean murgilduta dagoen norbait Instituzio baten buru izendatzea, burugabekeria galanta da. 

Honela bada, langileen ordezkari bezala, Alberto Pascualen izendapena bertan behera uztea eskatzen dugu. Eta eskari hau ez dugu sindikatu baten edo bestearen ikuspegitik egiten, langileen interes orokorraren ikuspegitik baizik. Izan ere, ordezkatzen ditugun 27 enpresetatik gehienetan mozioa aho batez onartua izan da. 

ENPRESA BATZORDE / PERTSONAL BATZORDEAK: 
ACCIONA Windpower 
Aceros Moldeados 
AENA (Aeropuerto Noain) 
ARCELOR Lesaka 
ATARRABIAKO UDALA 
BERRIOZARKO UDALA 
BURLATAKO UDALA 
IRUÑEKO UDALA 
HEZKUNTZA 
FAURECIA Orkoien 
FCC RECOGIDA BASURAS 
GH Guemma Manutención 
GORVI 
GRAFTECH 
Industrias Laneko 
Instituto Navarro de Salud Laboral 
JANGARRIA 
LABORATORIOS CINFA 
Norton St. Gobain 
OSASUNBIDEA 
Sarrió Papel 
SAS 
Schlecker 
SCPSA 
SMURFIT KAPPA Sangüesa 
VISCOFAN Sakana 
VISCOFAN Kaseda


 

 

 

AZKEN ALBISTEAK | ÚLTIMAS NOTICIAS

La plantilla de CEAR Araba reclama que le apliquen el convenio provincial de intervención social

La plantilla de CEAR Araba ha realizado un paro y una concentración en Gasteiz, ante su centro de trabajo, como consecuencia de las reiteradas negativas de la entidad a dialogar la aplicación del III Convenio Provincial de Intervención Social de Araba aprobado el pasado mes de mayo del 2023.

LAB también participará en la campaña de solidaridad activa de la convocatoria ciudadana Gernika Palestina

La convocatoria ciudadana Gernika Palestina ha puesto en marcha una campaña de solidaridad activa ante la grave agresión que vive Palestina por parte de Israel. La campaña tiene un triple objetivo: llevar a Netanyahu ante los jueces internacionales, impulsar proyectos de solidaridad en Gaza y visibilizar a Palestina en todas partes.

El decreto que aprobará el Gobierno Vasco para normalizar el uso del euskera en el sector público de la CAV supone una oportunidad perdida...

LAB hace una valoración crítica del Decreto de Normalización del Uso del Euskera en el Sector Público que aprobará el Gobierno Vasco. Aunque supone algunos avances respecto al decreto anterior, es totalmente insuficiente. En definitiva, este proceso de renovación del decreto es una oportunidad realmente perdida para dar el salto en la euskaldunización de la administración vasca. Por un lado, porque el proceso de normalización del euskera no aprovecha las condiciones favorables que tiene en la actualidad; por otro, porque dicho proceso no responde a las necesidades y retos a los que se enfrenta en este momento y en un corto plazo.