LABek Euskal Telebistako albistegietako hainbat aurkezleren kontratazioetan iruzurra antzeman eta salaketa jarri zuen urrian Lan Ikuskaritzan. Kontua da kasu hauetan lan hitzarmenak jasotzen duen erredaktore posturako lan kontratua arrunta egin ordez artista kontratua egin izan diela zuzendaritzak.
Irregulartasun hauek ez dira berriak, eta LAB urteak daramatza salatzen. Aste honetan bertan Herri Kontuen Euskal Epaitegiak beste txosten bat atera du, bertan kontratazioetan ematen diren irregulartasunak eta iluntasunak salatzen direla. Txostena zuzendaritzan Alberto Surio zegoen 2012 urteari dagokion azterketa bada ere, bertan salatzen diren kontuak Andoni Ortuzarren agintaldian sortuak ziren, eta gaur egun ere konpondu gabe jarraitzen dute. Hau da, Euskal Telebistan eta EITBNETen behin behineko kontratazioak egiteko ez dago lan poltsa gardenik. Bestetik, bigarren mailako zuzendaritza taldeko kideak kontratatzeko garaian 51 kideri kontratu mugagabea egin zaie deialdi publikorik gainditu izan gabe, eta esan bezala egoerak bere horretan dirau eta hitz hutsalez gain zuzendaritzari ez zaio egoera konpontzeko asmorik igertzen. Jestoreen sistema hori salatu izan du LABek behin eta berriz, aipatu irregulartasunez gain kostean eta kudeaketan ilunkeria, eta objektibotasun falta erabatekoa delako.