2024-07-23
InicioIndustriaMetalSarrelle Equipos enpresak, mehatxuak egi bihurtuz, 5 langile kaleratu ditu

Sarrelle Equipos enpresak, mehatxuak egi bihurtuz, 5 langile kaleratu ditu

Sarralle lantegiko Langileak urtebete luzea daramate zuzendaritzaren jarrera anker, inposatzaile eta zatitzailea salatzen. Oraingoan gezurrak erabiliz, inongo eskrupulorik gabe eta mehatxuak egi bihurtuz abuztuan zuzendaritzak 5 langile kale gorrian utzi dituela salatu dute langileen ordezkariek.

Sarralleko Langileen Ordezkarien irakurketa
SARRALLE EQUIPOS.- Mehatxuak egi bihurtuz, 5 LANGILE KALERATUAK!

«Urtebete luze igaro da Sarralle Equipos-eko zuzendaritzaren jarrera anker, inposatzaile eta zatitzailea salatzen hasi ginenetik. Gaurkoa ez da ezberdina zoritxarrez, eta Enpresa hontako arduradunen azken azpijokoa salatzera gatoz.

Iazko uztailean langileon eskubideak erabat deuseztea helburu zuen lan erreforma indarrean sartu zenetik, egonkortasuna, langiro atsegina eta lankidetza hitzen esanahiak errotik moztu zituzten.

Denbora guzti honetan, aurrez salatu izan ditugun hainbat jazarpen bizi izan ditugu. Legeak dioenari muzin egin eta egoera ekonomikoaren transparentzia eza; heuren hitza sinistu besterik ez zen egoera batean, soldata beherakadak eta 200 orduko lanaldi igoera ilegala ere aplikatuarazi nahi izatea; eseri eta negoziaketa erreal bat eman nahi ez izatea; langileon zatiketa bilatzea batzarrak biziatuz; langileon artean lanpostua galtzearen beldurra zabalduz eta langileok indibidualki zuzendaritzaren alde jartzeko presionatuz eta mehatxatuaz; Zuzendaritzak berea lortzera bidean, lanik ez zegoela argudiatuz bertoko langileak EREan ginela, lanaren deslokalizazioa Palentziako lantegira; Lanik ez zegoela eta langile batzuok, EREa dela eta, etxean langabezia jaten ginen bitartean, beste batzuei ordu extrak sarraraztea; eta azkenik soldaten %10aren jeitsiera eta 103 orduko lanaldiaren gorakada unilateralki aplikatu zuen Zuzendaritzak “lanik ez dagoela” esaten dutenean?. Esan besterik ez da, hauek gaian kokatzeko adibide soil batzuk besterik ez direla.

Salaketak ere ugariak izan dira Lan Inspekzioan, eta langileon aldeko erantzunak jaso ditugun arren, guzti honen aplikazioaren epaiketa burutzekoa da datorren Irailaren 2an Donostian.

Bada ordea azpimarratu nahi dugun zerbait. Denbora guzti honetan, langilegoaren taldetxo batek Zuzendaritzaren arrazoitu gabeko nahiei, kontrakotasuna adierazi diegu. Gauzak ondo egin zitzala eskatzen genion, garbia izan zedila kontu ekonomikoekin, arrazoiak behar bezela argudiatuaz zintzo jokatu zezala eta negoziatzera eseri zedila, ez besterik. Zuzendaritzak, bere hitza zalantzan jartzen zuena “X” batekin markatzeari ekin zion. Langileon ordezkariak eta arazoaren funtsa beste termino batzuetan ikusten dugun langileok, jazarpen eta presio ikaragarriz, egoera jasanezinean aurkitzen gara. Zuzendaritzak “nire alde, edo nire kontra zaude” teoria jarri zuen martxan eta horri jarraitzen dio.

Horren adibide da Abuztu honetan pasa dena. Gezurrak erabiliz, inongo eskrupulorik gabe eta azken urtean bota eta bota ari zen mehatxuak egi bihurtuz, 5 langile kale gorrian utzi ditu nahiz eta, lan eta langile berri ugari izan. Eta bai, Zuzendaritzak zituen helburuen aurrean oztopo ikusten zituelako izan dira kaleratuak. Auzibidea hartzearen mendekua ere ba ote? Onartezina da!

Ez da kasualitatea guzti honen burutzea. Iazko Uztailaren 7an lan erreformak gure herrialdeko hitzarmenak baliogabetu zituenetik, enpresa asko dira euren anbizioak eta interesak langilegoaren baldintzen gainetik jarri dituztenak eta komeni zaienean legea erabiliz eta komeni ez zaienean legea alboratuaz, prekarietatea sortu eta langileak esklabuak bagina erabiltzen gaituztenak. Gure kasuan Adegik langileak estutzeko agindu irmoa emana du, noski komeni zaion tokietan. Erreforma baliatuz bere urteetako nahiak bete arazi nahi ditu eta gutxi batzuen irabaziak handitzen segi langilegoaren bizkar. Gainera kasu honetan Sarralle ez da edonolako enpresa, irabazi sendoak izan dituen enpresa izanda, ezin dugu beste aldera begira egon!
Guk gure bidean jarraituko dugu eta ez dugu etsiko 5 langile hauek berrartuak izan arte! Harro gaude gure eskubideak defendatzeaz! Hori bai, gaur gurean gertatzen ari dena ez da foko gorri soil bat, tamalez Euskal Herri osora zabaltzen ari den estrategia zapaltzaile baten baitan kokatzen dugu hau. Krisiaren aitzakiatan langileok beldurtu eta gure beharrekin jolasten dute eta ezin dugu hori inondik inora onartu.
Hemendik dei egin nahi diegu Instituzio ezberdinei, honelako jarrerak baztertu eta gure herriak behar duen benetako Industria sarea indartzerako orduan kontutan izan ditzaten langileon eskubideak. Lan baldintza duinik gabe eta lan harreman egoki eta kordialik gabe ez baitago langile emankorrik, ez eta Industria sare konpetitiborik.

Erreformarik ez!
Kaleratzerik ez!
Mendekurik ez!
Gora Sarralleko Langileria!
Gora Urola-Kostako langileria!
»

 

 

 

AZKEN ALBISTEAK | ÚLTIMAS NOTICIAS

La asamblea de trabajadores y trabajadoras de Microliquid aprueba la última propuesta de la empresa

Gracias a la movilización de la plantilla se han conseguido mejorar las condiciones del ERE.

Hemos pedido al Lehendakari Pradales que impulse políticas a favor de la clase trabajadora y mejore los servicios públicos

Hemos advertido que un pacto de país sobre Osakidetza no será posible sin una mayoría trabajadora.

Afiliadas de LAB en la caravana Abriendo Fronteras

Varias personas del sindicato an vuelto a participar, una vez más, en la Caravana Abriendo Fronteras que ha partido hasta los Balcanes. El objetivo de esta iniciativa es denunciar esta Europa insolidaria que vende armas y militariza sus fronteras.