2026-01-27
Blog Página 875

Eskubide Sozialen Karta kalera irtengo da bihar, Pobrezia Ezabatzeko Eguna dela eta

admin
-
0
Eskubide Sozialen Karta kalera irtengo da bihar, Pobrezia Ezabatzeko Eguna dela eta

Kartaren parte garen eragileak Gasteizko Andra Mari Zuriaren plazatik hasita Eusko Legebiltzarreraino joango gara performance bat eginez. Pobreziara kondenatu nahi gaituzte, eta hori irudikatuko dugu. 11:00etan abiatuko dugu protesta.

Pobrezia gure artean dagoen arazo larria da. Ez dago estatistikei erreparatu besterik egoeraren larritasunaz ohartarazteko. Eusko Jaurlaritzaren Pobreziaren eta Gizarte Ezberdintasunen Inkestak jasotzen duenez, Euskal Autonomia Erkidegoan 104.177 lagun daude pobrezia larrian, herritarren %4,9a. Kopuru hau gai honen inguruko estatistikak daudenetik dagoen handiena da. Gainera, 350.668 lagun daude pobrezia arriskuan, herritarren %16,5a. Eta ezin dugu ahaztu hamaika aldiz esan duguna: pobreziak emakume aurpegia du.

Datuak beldurtzeko modukoak dira. Egoera jasangaitza da eta mobilizatu beharra dago. Horregatik urriaren 17an, asteartea, Pobrezia Ezabatzeko Nazioarteko Eguna dela-eta, kalera aterako gara Gasteizen (11:00, Andra Mari Zuriaren Plaza), Euskal Herriko Eskubide Sozialen Kartak deituta.
 

 

 

Hezkuntza eta akordioak

admin
-
0
Hezkuntza eta akordioak

"Akordioa zertarako? Hori da geure buruari egiten diogun galdera. Gauzak dauden bezala jarraitzeko, egungo ereduan sakontzeko edo hezkuntza eraldatzeko? Akordioa noren artean? Elite baten edo hezkuntza komunitate osoa inplikatuz?". LAB Irakaskuntzako Maider Izagirrek eta Ibai Redondok galdera hauei erantzun diete ‘Gara’ eta ‘Berria’ egunkarietan larunbatean argitaratutako iritzi artikuluan.

"Hezkuntza askatasuna da, eta soilik zapalduen ahultasunetik sortutako boterea izango da behar bezain indartsua guztiak askatzeko", Paulo Freire.

Akordioa, akordioa, akordioa… Hezkuntzan eta jendarteko beste hainbat esparrutan akordioen beharraz hitz egiten da, eta akordio hitza totem bilakatu da. Akordioa zertarako? Hori da geure buruari egiten diogun galdera. Gauzak dauden bezala jarraitzeko, egungo ereduan sakontzeko edo hezkuntza eraldatzeko? Akordioa noren artean? Elite baten edo hezkuntza komunitate osoa inplikatuz? Guk argi dugu: hezkuntzan akordioak behar ditugu, behetik gora eraikiak, parte hartzaileak, sendoak, ikuspegi nazionala izango dutenak, burujabetza terminoetan kokatuak, iraunkorrak eta egungo hezkuntza sistema eraldatzera bideratuko direnak. Hezkuntza baita klase sozial guztiei aukera berdintasuna bermatzeko tresna, gure herriaren biziraupen eta garapenerako tresna nagusia.

Irailaren 23an, EAEko Hezkuntza Sailak hezkuntza komunitateari dei egin zigun Hezkuntzan akordioa lortzeko. Paraleloan, Madrilen alderdi politikoak Espainiako Hezkuntza Sistema egonkortzeko akordio bat lantzen ari dira. Eta ez dezagun ahaztu: gaur egun Euskal Herrian daukaguna ez da Hezkuntza Sistema Burujabea, Madril eta Parisen erabakien menpeko, elite ekonomikoen menpeko administrazio bat baizik: beraiek erabakitzen dute gure ikastetxeetan zer ikasi eta irakatsi behar dugun (Curriculuma); Felipe VI.ak eta Frantziako Hezkuntza Ministerioak balioztatzen dituzte unibertsitate tituluak; Madril eta Parisek erabakitzen dute zenbat irakasle postu atera daitezkeen oposizioetan; erabat atzerakoia den azterketa sistema inposatuz gure ikastetxeetako pedagogia eredua baldintzatzen dute; Madrilen erabakitzen dute erlijioa irakasgai izatea eta hezkuntza eredu pratriarkala mantentzea… Finean, Madrilek eta Parisek erabakitzen dute botere ekonomikoen neurrira egin eta Euskal Herrian inposatzen zaigun hezkuntza sistema.

LABek oso argi dauka, Espainia eta Frantziako ereduak inposatuak izateaz gain, ez direla batere osasuntsuak eta gure herriarren beharretatik oso urrun daudela. Ingurura begiratuta, inongo estatuk ez ditu sistema hauek eredu on gisa erabiltzen. Europako hezkuntza sistemak aztertzeko egin berri diren jardunaldietan ikusi dugu badaudela Europa Iparraldean bestelako ereduak; alta, gure herriari eta jendarteari egokituta ereduak behar ditugula argi dugu; errealitate zein behar ezberdinei egokitutakoak. Kateak askatu, Europa iparraldetik eta mundutik ikasi eta behingoz gure herriak behar duen hezkuntza sistema eraikitzeko ordua heldu da.

Dena da beltza? Espainia eta Frantziako legediak uzten dituen marjinak estuak izan arren, Euskal Herriko Hezkuntza komunitateak behin eta berriz desobedientziaren bidez alternatibak eraiki ditu: frankismoan ikasleak euskalduntzeko Ikastolak martxan jarriz eta eskola publiko euskaldunak eraikiz; curriculum inposatuen gainetik Euskal Curriculumean oinarritutako materialak egin eta hainbat ikastetxetan aplikatuz (herri curriculumak, Eki proiektua…); hezkuntza hezkidetzailea lortzeko programak garatuz; azterketa, errebalida, baxo, selektibitate eta kontrol neurri guztien gainetik ebaluazio eta pedagogia askatatzaileak nola edo hala gure ikastetxe ugaritan abian jarriz; erlijio katolikoaren irakasgaia emateari uko eginez; herri unibertsitateak eta eskola alternatiboak antolatuz…

Egindakoa ez da gutxi, baina egiteko duguna asko da. Eta zer egin dute gobernu autonomikoek? Amen, amen. Madril eta Parisetik datorren legedi zentralizatzaileei amen, eredu kapitalistari amen eta murrizketak aplikatu. Nola lortu kalitatezko hezkuntza sistema bat inbertsioak murriztuz? Nola lortu gure eskoletako kultur aniztasunaren altxorra altxor izatea eta ez arazo, baliabiderik ez badugu? Nola lortu inklusioa gelak gainezka baditugu? Nola aurre egin segregazio eta masifikazioari inbertsiorik egiten ez bada? Nola aurre egin patriarkatuari hezkuntza hezkidetzailea lehentasuna ez bada? Euskal Herriak kalitatezko hezkuntza sistema burujabea behar du, hezkuntza publiko-herritarra ardatz izango duen sistema berri eta nazionala.

EAEko Hezkuntza Sailak Arabako, Bizkaiko eta Gipuzkoako eragile eta sindikatuoi hezkuntzan akordioa egiteko proposamena egin digu. Gure erantzuna argia da: Hezkuntzan erabakitzeko eskubide osoa lortzeko bada, bai, egongo gara; Madril eta Parisen erabakien menpe egongo den hezkuntza sistema atzerakoian partxeak jartzeko bada, ez… Eta traumarik gabe! Hezkuntza komunitatea nahikoa heldua da, mugak eta oztopoak gaindituz, gurea eraikitzeko.
 

 

 

[IBILBIDEA] Lan duina, bizi duina ekimen ibiltaria

admin
-
0
[IBILBIDEA] Lan duina, bizi duina ekimen ibiltaria

Urriak 16   IRUÑEA
 Sarasate Pasealekuan emango zaio hasiera ekimen ibiltariari eguerdiko 12:00etan eta giza-katean Patronalaren egoitzaraino joango gara prekarietatea salatzeko.

Urriak 17 LEITZA
Goizean, Ama Betelun enpresa hitzarmenaren alde egingo dugu.
Arratsaldean, Leitzako plazan elkartuko gara sektore feminizatuen egoeraren inguruan gogoeta egiteko.
 
Urriak 18 ALTSASU
Goizean, Gure Etxean tailerrak burutuko ditugu lan munduko gai ezberdinen inguruan.
Arratsaldean, plazan Sakanako egoera orokorra izango dugu aztergai.
 
Urriak 19 LIZARRA
 Ekintza sindikaleko tailerrekin hasiko dugu eguna. Ondoren elkarretaratze bat egingo dugu SAR QUAVITAE enpresaren aurrean. Amaitzeko, propaganda banatuko dugu azokan.
 
Urriak 20 TUTERA
Goizean, ekintza sindikaleko tailerrak gauzatuko ditugu. Ondoren UVESA enpresaren aurrean ustezko autonomoen egoera salatuko dugu.
Arratsaldean etorkinek pairatzen duten egoera salatuko dugu. Eta eguna amaitzeko kalejira antolatu dugu.

Urriak 21 TAFALLA
Propaganda banaketa egingo dugu prekarietatea salatzeko. Horrez gain, gazteek pairatzen duten egoeraren salaketa kalera aterako dugu.

Urriak 23 SAN ADRIAN
Goizean, kultur etxean, ekintza sindikaleko tailerrak egingo ditugu. Ondoren, General Mills enpresako akordioa salatuz mobilizatuko gara.
Arratsaldean, Andosillan lan feminizatuaren inguruko azterketa egingo dugu herriko talde feministarekin batera.
 
Urriak 24 BARAÑAIN-BERRIOZAR 
 Goizean, zerbitzu pribatuetako delegatuekin batzarra burutuko dugu eta gazteek pairatzen duen prekarietatea salatuko dugu Decathlonen.
Arratsaldean, AHT makroproiektuak izango dituen ondorioak salatuko ditugu.
 
Urriak 25 IRUÑEA
Goizean sektore soziokomunitarioko delegatuekin “Ekintza sindikal berri” izeneko tailerra egingo dugu eta Misericordia erresidentzian lan hitzarmenaren alde borrokatuko gara.
Arratsaldean, aldaketa soziala eta burujabetza hizpide izango dituen mahai ingurua egingo dugu.
 
Urriak 26 ZANGOTZA
Goizean tailerrak burutuko ditugu lan munduko gai ezberdinen inguruan LABeko egoitzan. Ondoren Masquatro kirol kudeaketara gerturatuko gara hitzarmenen defentsa eginez.
Arratsaldean kaletik agiprop bat egingo dugu.
 
Urriak 27 BAIONA
Goizean zein arratsaldean Makronen lan erreformaren kontra egingo dugu.

Urriak 28 HENDAIA 
 Protesta, Kutxabanquen aurreikusitako kaleratzeak salatzeko.
 
Urriak 30 BERA
Goizean Berako egoitzan tailerrak burutuko ditugu lan munduko gai ezberdinen inguruan. Ondoren Lesakako Arcelor-era gerturatuko gara enplegu suntsiketa salatzera.
Arratsaldean Behobiako mugan turismo eredua salatuko dugu eta “Jaietan denok jai” izateko eskubidea aldarrikatu.

Urriak 31 IRUN – HONDARRIBIA
 Goizean Irunen tailerrak egingo ditugu industriari begira eta mobilizazioak egingo ditugu.
Hondarribian la mano invisible filma proiektatuko dugu. Ondoren gaiaren inguruan solasteko parada izango da.

Azaroak 2 OIARTZUN – PASAIA
Goizean zerbitzu pribatuetako enpresetan prekarietatea salatuko dugu.
Arratsaldean Portuaren egoera izango dugu aztergai.
 
Azaroak 3-4 DONOSTIA
3an, goizean Donostiako EHUko Ibaetako Kanpusean tailerrak eta mobilizazioak burutuko ditugu garbitzaile, ikasle eta langileekin.
Arratsaldean Batzarra eta ekimenak egingo ditugu Tabakalerako azpikontratazioaren inguruan.
4ean, Parte Zaharrean kalejira egingo dugu gune prekarioak salatzeko.
 
Azaroak 6 LASARTE
Michelin-go azpikontratetan ematen den egoera salatuko dugu. Horrez gain, garraio publikoan izan diren murrizketa eta enplegu suntsiketak azaleratuko ditugu.

Azaroak 7 HERNANI
Eguna lan osasunaren egoera salatuz hasiko dugu. Ostean, “Ekintza sindikal berria” tailerra egungo dugu. Bestalde, ekitaldi nazionala burutuko dugu Errusiako Iraultzaren 100. urteurrena dela eta.
 
Azaroak 8 ADUNA – TOLOSA
Irizar-e mobility enpresak gazteak modu prekarioan kontratatzen dituela salatuko dugu.
Tolosan “Jaietan jai” dinamika landuko dugu.

Azaroak 9 BEASAIN – URRETXU
Haur eskoletako langileen grebarekin bat egin eta Carrefour eta merkatalgune handietara joanga gara ordu extrak salatuz.
Arratsaldean gazteekin batera mobilizatuko gara.

Azaroak 10-11 GASTEIZ
Goizean, federaziotan pairatzen den prekarietatea azalaraziko dugu.
Arratsaldean hainbat tailer egingo ditugu feminismoaren inguruan, baita ekosozialismoa jorratzeko ere. Horrez gain zerbitzu publikoen alde mobilizatuko gara.
 
Azaroak 13 OION
Kotxe karabana burutuko dugu prekarietatea salatuz. Horrekin batera propaganda banatuko dugu. Arratsaldean informazioa zabalduko dugu.

Azaroak 14 AGURAIN
Ehun Produktiboaren suntsiketa salatuko dugu kotxe karabana bidez eta pankartak jarriz. Amaitzeko propaganda banatuko dugu Agurainen.

Azaroak 15 ARRASATE
“Ekintza sindikal berria” tailerra egingo dugu. Ostean Eroski, LIDL eta BMren aurrean mobilizatuko gara hitzarmen estatalak salatzeko.
Arratsaldean irakaskuntzako grebaren harira hiltzaldia antolatu dugu.

Azaroak 16 ZESTOA – ZUMAIA
 “Ekintza sindikal berria” tailerra egingo dugu. Ondoren Udaletxeko Plazan mobilizatuko gara zerbitzuen azpikontratazea salatzeko.
Arratsaldean, “Malen Etxeko”-ekin etxeko langileen gaia herriratuko dugu. Bestalde, gazteekin turismoa eta prekarietatea izango ditugu aztergai.
 
Azaroak 17 AZKOITIA – AZPEITIA
Goizean lan osasuna izango dugu aztergai. Egoera salatuz pankarta eta kartelak jarriko ditugu eta parodia bat egingo dugu..
Arratsaldez, Azpeitian gazteekin batera ordu extrak salatuko ditugu.

Azaroak 18 EIBAR
Sektore feminizatuek, pentsiodunek eta gazteek pairatzen duten egoera izango dugu aztergai.

Azaroak 20 ONDARROA
 Goizean, Ondarroan, langile migranteek pairatzen duten egoera salatuko dugu.
 
Azaroak 21 BERMEO
Goizean “Ekintza sindikal berria” izenburuko mintegia eskainiko dugu.
 
Azaroak 22-23-24-25 BILBO
Emakumeen kontrako indarkeriaren aurka mobilizatuko gara. Zerbitzu publikoen aldeko egingo dugu. Horrez gain aniztasun funtzionala, pentsioak eta migranteak izango dira landuko ditugu gaietako batzuk.

Azaroak 27 MUNGIA
Goizean, “Ekintza sindikal berria” izenburuko mintegia eskainiko dugu. Ondoren enpresa txikien prekarizazioa eta langileen babesgabetasuna salatuko dugu eta amaitzeko azalera handiko komertzioen eredua eta lan baldintzen kontra egingo dugu.
Arratsaldean herrian lan munduko egoeraren berri emango dugu.

Azaroak 28 TXORIERRI – GETXO
 Goizean, Txorierrin kotxe karabana egoingo dugu gure industriaguneen desburujabetzaren kontra.
Arratsaldean, hitzaldi bat eskainiko dugu eraldaketa feministan sindikalgintzak izan behar duen rolaren inguruan.
 
Azaroak 29 ZALLA
 Kotxe karabana burutuko dugu. “Bertan lan eta bertan bizi” aldarria aterako dugu kalera.

Azaroak 30 SESTAO
Goizean, Sestaon ekintza sindikal berriaren inguruko mintegia eskainiko dugu eta mobilizazio burutuko dugu industria politika propioaren alde.

Abenduak 1 LAUDIO
“Ekintza sindikal berria” mintegia egingo dugu. Ostean, LIDL biltegian gazteek pairatzen duten prekarietatea salatuko dugu.
Arratsaldean, gazteekin batera eskualdeko egoera aztertuko dugu.

Abenduak 2 BASAURI
 Euskaraz lan egiteko eskubidea aldarrikatuko dugu.
 
Abenduak 4 ARRATIA – ZORNOTZA
Goizean Ekimen ibiltaria eskualdeko hainbat enpresetatik pasako da kontratazio berrietan diskriminaziorik egon ez dadin aldarrikatzeko.
Arratsaldean Zornotzan pikete feminista antolatu dugu emakumeak lan munduan pairatzen dugun egoera salatuz.
 
Abenduak 5 ERMUA – MALLABIA
Goizean poligonoan ibiliko gara industriaren egoera salatzeko. Ondoren bi udaletxetan industria 4.0 dekalogoa erregistratuko dugu. Amaitzeko Ermuan elkarretaratzea egingo dugu eta propaganda banatu.
Arratsaldean Ermuan TTIP/CETA akordioaren eragina aztergai izango dugu hitzaldi baten bidez.

Abenduak 6 DURANGO
Euskal Herri osoan barrena ibili ostean ekimen ibiltaria amaierako geltokira iritsiko da. Bertan ekitaldi berezia antolatuko dugu.



 

 

 

Katalunia presente, urriaren 12ko mobilizazioetan

admin
-
0
Katalunia presente, urriaren 12ko mobilizazioetan

LAB sindikatuak aurtengoan ere planto egingo dio delako "Hispanitate Egunari", inposatutako jai egun bat izanik. Ez dugu ezer ospatzeko. Lanean gaude gaur, bulegoak ireki ditugu eta, aldi berean, kalean egon gara mobilizatzen. Hain zuzen ere, Kataluniaren eta demokraziaren alde eta inposizioaren aurka goizean egin diren mobilizazioetan izan gara, Bilbon zein Gasteizen. Testuinguru berezian etorri da aurtengo urriaren 12a, Kataluniako egoera puri-purian dagoenean.
Iruñeko Gaztelu Plazatik 17:00etan abiatuko den manifestaziorako deia ere egiten dugu, "Demokrazia eta erabakia" lemapean.
 

 

 

Oreretako lau gazteak libre uzteko exijitu dugu hainbat sindikatuk

admin
-
0
Oreretako lau gazteak libre uzteko exijitu dugu hainbat sindikatuk

Oarso-Bidasoako LAB, ELA, CCOO, ESK, CGT eta STEILAS sindikatuok elkarretaratze bat egin genuen atzo Oreretan, Iruñean atxilotutako herriko gazteei babesa emateko. Zazpi hilabete bete dira herriko lau gazte horien etorkizuna eten zutenetik, espetxeratu zituztenetik, mobilizazio liskartsu batean parte hartzeagatik. Guztiz bidegabea eta desproportzionala den egoera hau salatu dugu protestarekin.

Gazte hauek, martxoan izan ziren atxilotuak eta errugabetasun presuntziorik gabe espetxeratuak. Hori gutxi ez, eta Auzitegi Gorenak, terrorismo kalifikazioa eman die gertakarioi. Horrek dakarren guztiarekin, Audientzia Nazionalak epaitzea, dispertsioaren aplikazio arriskua, euren etorkizuna moztea…

Argi dugu, gertakari hauek, espainiar estatuko beste edozein lurraldeetan ez zirela terrorismo bezala kalifikatuko. Berdintasun printzipio hori aldarrikatzen dugu. Gazte hauek ez dira terroristak.

Ezinbestean, Sindikatuok, gure erantzukizunari heldu behar genion, ezberdintasun sindikalen gainetik, koherentzia politikoari helduz eta ondorengoa adierazi:

1.- Gazte hauei eta euren hurbilekoei gure babes osoa.

2.- Eskualdeko herritarrak, eta bereziki langileak, urriaren 11ean, 7 hilabete espetxean bete dituzten egunean hain zuzen ere, mobilizatzeko deia luzatu, ondorengo aldarrikapenen bueltan: atxilotuen berehalako askatzea, terrorismo kalifikazioa ezabatzea eta gertaerak auzitegi arruntean, hau da, Nafarroan epai daitezela.

3.- Gure konpromiso publikoa eskualdeko ahalik eta enpresa gehienen atxikimendua jasotzeko.
 

 

 

Kalera irten dira Gipuzkoako ostatuen sektoreko langileak

admin
-
0
Kalera irten dira Gipuzkoako ostatuen sektoreko langileak

Elkarretaratze bat egin dugu LAB, ELA, CCOO eta UGT sindikatuok gaur, Donostian, Hotel Londresen aurrean. Hain zuzen ere, hitzarmen duin bat eskatu dugu Gipuzkoako ostatuen sektoreko langileentzat, eta ez dugula azpikontratazioa arautzen ez duen hitzarmenik sinatuko nabarmendu dugu.
 

 

 

Denunciamos que Torraspapel se sume a la estrategia contra el proceso catalán

admin
-
0
La sección sindical de LAB en Torraspapel en Leitza quiere denunciar que la empresa se sume a la estrategia en contra del proceso catalán. El grupo ha trasladado su sede social de Barcelona a Madrid aduciendo a la incertidumbre creada tras el escenario político catalán.

Queremos dejar claro que el grupo Torraspapel pertenece al grupo LECTA, que a su vez forma parte de un holding llamado CVC Capital Partners, que es un fondo de capital riesgo con sede social en Luxemburgo.

Desde LAB queremos mostrar nuestra solidaridad al pueblo trabajador catalán por todas las agresiones sufridas, tanto por la represión ejercida por el estado, como por el chantaje económico que están sufriendo.

Nos parece intolerable que el poder económico quiera condicionar un proceso democrático como el ejercicio del derecho de libre determinación del pueblo catalán. Es inadmisible que el grupo Torraspapel se sume a esta estrategia cuando pertenece a un fondo de capital riesgo cuya sede social esta en un paraíso fiscal como Luxemburgo, con el único objetivo de no pagar impuestos ni en Catalunya ni en el Estado Español.
 

 

 

Hemos presentado la escuela feminista, herramienta para actualizar y adecuar la práctica feminista del sindicato

admin
-
0
Hemos presentado la escuela feminista, herramienta para actualizar y adecuar la práctica feminista del sindicato

Las sesiones de formación correrán a cargo de Emagin, Centro Feminista de Documentación e Investigación. Para ello, la Secretaria General de LAB Garbiñe Aranburu y la Secretaria de Emagin Idoia Arraiza han firmado un convenio de colaboración en Donostia. Las líneas de trabajo de la formación serán cambiar el punto de vista, el feminismo, el empoderamiento, y la estrategia sindical-feminista. Desde septiembre hasta diciembre, hay más de 90 militantes que están participando en este proceso formativo, en 3 grupos compuestos por mujeres y 2 compuestos por hombres.

Los últimos años LAB ha dado numerosos pasos hacia el feminismo. En su 9o Congreso realizado en Gasteiz en mayo de este año tomó la decisión de actualizar su práctica feminista. En las ponencias aprobadas se consideró que era importante que el proceso a realizar dentro del sindicato tuviera su reflejo en la acción sindical, discursos, reivindicaciones, prácticas…

LAB ha cambiado; además de que las muejres tienen mayor presencia, el compromiso del sindicato con el feminismo es cada vez más fuerte. El propio feminismo ha sufrido una evolución evidente. Por una parte, se ha avanzado mucho en propuestas y alternativas y, por otra, las alianzas estratégicas formadas en el mismo de Euskal Herria han conseguido que éste cuente con un lugar en la agenda político-sindical. Las distintas evoluciones hacen necesario que LAB actualic y adecue su práctica feminista, prepararla para responder a los nuevos retos que se pretenden conseguir.

Para ello, se vio imprescindible formar y poner en marcha una “Secretaría de Politica Feminista” que superara la hasta entonces existente Secretaría de la Mujer. Entre las funciones de la Secretaría Feminista estarian entre otras, desarrollar un discurso político-sindical feminista de LAB, adecuar la práctica feminista y concretar nuevos retos, introducir en la acción sindical la práctica feminista y profundizar en las alianzas que se mantienen con el movimiento feminista. Para eso, se vio fundamental tejer una red de mujeres militantes que fueran aliadas de la Secretaría, sean éstas asalariadas, pensionistas o trabajadoras del hogar que realizan su actividad en su propio domicilio.

En este sentido, LAB ha convertido el Plan de Igualdad de Oportunidades entre hombres y mujeres en un Plan Feminista que posibilite dar pasos adelante para avanzar en el feminismo.

Para acompañar este proceso, empoderar a la mujeres del sindicato y formar en feminismo a los y las militantes, LAB ha puesto en marcha la Escuela Feminista.

El objetivo de la Escuela, es ofrecer recursos a todas y todos aquiellos que componen el sindicato, tanto formativos como analíticos, y tomando el feminismo como eje, crear un espacio para el debate y la formación.

La Escuela Feminista ofrecerá diferentes recursos. Por un lado, pondrá en marcha sesiones de formación y espacios de reflexión presenciales. En segundo lugar, seminarios en marcos comarcales para trabajar sobre temas específicos (con la participación desde el primer momento de delegadas, delegados y militantes). En tercer lugar, ofrecerá un espacio on-line para compartir material de interés.
 

 

 

Hemos denunciado la precariedad que sufren las y los trabajadores de Simply

admin
-
0
Hemos denunciado la precariedad que sufren las y los trabajadores de Simply

Cinco días después de movilizarse en Barakaldo, todos los comités de empresa de Simply en Bizkaia (LAB, ELA, UGT, CCOO y ESK) se han concentrado hoy ante el supermercado Simply de Gordóniz, en Bilbo, para denunciar el aumento de la precariedad en las condiciones laborales de la plantilla.

Esta es la nota de prensa emitida por los comités de empresa de Simply, al hilo de la protesta de hoy:

En los últimos años estamos viendo cómo se reduce la plantilla. Este verano se ha agravado la situación debido a la decisión de internalziar el servicio de limpieza. Esto supuso el despido de 31 trabajadoras de la contrata.

El despido de estas trabajadoras y la presión que desde hace un año está realizando la empresa con la amenaza de mas despidos, debido a su supuesta mala situación económica, ha supuesto un recorte de unas 50 personas de la plantilla habitual.

Las consecuencias de esta esta reducción de plantilla ya se están haciendo notar con un aumento de de las cargas de trabajo, que ya están teniendo consecuencias negativas en la salud y la conciliación de la vida laboral de las trabajadoras.

Los comité de empresa hemos iniciado estas movilizaciones para denunciar los recortes de plantilla y el empeoramiento de las condicioones de trabajo.

Si Simply continúa con esta estrategia de aumentar su rentabilidad a costa de empeorar nuestras condiciones laborales nos van a tener enfrente.
 

 

 
1...874875876...1.588Página 875 de 1.588

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus