Ezintasunak dituzten pertsonentzako arreta zentruetako langileek paro dinamika bati eman diete hasiera gaur beren sektoreko lan hitzarmenak bizi duen egoera desblokeatzeko.
Enpresek ez dituzte proposamen hauek onartzen, ez dute inolako mugimendurik erakusten eta Administrazioak duen inplikazio faltaz probesten dira. Momentu honetan, Administrazioa eta enpresak ez dira ados jartzen ere ez eta bi bertsio kontrajarri eskaintzen dizkigute. Lan hitzarmen duin bat sinatzeko borondate ezatik haratago, Administrazioak luzatu omen dien diru bat jaso ez dutela adieraziz, hainbat deskuelge burutzen ari dira enpresak. Administrazioak bertsio hau ukatzen du, ordainketak bere osotasunean burutu dituela ziurtatuz. Bitartean langileek, 4 urte daramatzate erosahalmenean galerak pairatzen, eta egun, ez dute lan hitzarmena aplikatua izango delaren bermerik.
Nafarroa osoan asanbladak burutu ondoren, mobilizazioetan pauso bat gehiago emateko erabakia hartu zuten, gaur hasi diren paroei bide eginez. Bi astez burutuko dituzte. Egoera ez konpontzekotan, hiru greba egun deitu dituzte, mahai negoziatzailean blokeoari irtenbidea eman ezean, greba mugagabean amaituko direnak.