2026-01-11
Blog Page 231

Egiten duten lanaren izaera publikoa aldarrikatu eta horren araberako hitzarmen duina aldarrikatzen ari dira Indesa 2010eko langileak

Zubiate(e)ko Aritz
-
0
Egiten duten lanaren izaera publikoa aldarrikatu eta horren araberako hitzarmen duina aldarrikatzen ari dira Indesa 2010eko langileak

Gaur hasi eta maiatzaren 20ra arte hainbat mobilizazio egingo ditu Indesa 2010 SL Enplegu Zentro Bereziko enpresa batzordeak, hitzarmen duina helburu. Gaur goizean Gasteizko Probintzia plazan egindako elkarretaratzea izan da lehenengo hitzordua. Amaitzeko, larunbatean, hilak 20, manifestazioa deitu dute.

Indesa 2010eko langileek ia lau urte daramatzate negoziaketekin, ezer gutxi aurreratu gabe. Horren arrazoia, hein handi batean, Lanpostuen Balorazioaren Txostena da, zuzendaritzaren gertuko enpresa batek egina eta Indesa 2010 Slko administrazio kontseiluak aldebakarrez onartua. Bada, txosten horrek, besteak beste, lanbidearteko gutxieneko soldataren azpitik dagoen oinarrizko ordainsaria jasotzera kondenatzen ditu ia 200 lankide. Kide horiek errendimendu baxuko kontratuak dituzte, eta %100eko lansaioan jardun arren, gutxienekoaren azpitik dauden soldatak jasotzen dituzte.

Lanbidearteko gutxieneko soldata igotzen da eta kategoria baxuenetako soldatak teilakatu egiten dira. Aldiz, KPIa izugarri igotzen da eta haiek ez dute ezertxo ere egiten, ditxosozko txostena ukitu ere ezin delako egin.

Langileek urteko lan orduak (gaur egun 1633) gutxitzeko eskatzen dute, langile publikoak direla aldarrikatuta. Era berean, antzinatasuna kobratzeko eskubidea bezalako beste zenbait aldarrikapen dituzte.

Bestalde, promozioen batzordea sortzea ere ezinbestekotzat jo dute beharginek, eta beren hitza kontuan har dadila, bereziki apetaz egindako kontratazioak saiheste aldera.

Horregatik guztiagatik atera dira gaur kalera, eta datozen egunetan ere hala egiten jarraituko dute. Honako hauek dira bihartik aurrera antolatu dituzten hitzorduak:

  • Maiatzak 17, asteazkena, 10:30ean Jundizko garbitegiaren atean, langileen atsedenaldian.
  • Maiatzak 18, osteguna, 17:00etan Batzar Nagusietan. Enpresa batzordearen elkarretaratzea.
  • Maiatzak 20, larunbata, 12:00etan Probintzia plazatik abiatuta: manifestazioa.

Ez ditugu karteldegi defizitarioak onartzen eta azalpenak exijitzen ditugu Langraitzeko Bizi Euskarri Aurreratu Medikalizatu berriaren funtzionamenduari buruz

Zubiate(e)ko Aritz
-
0
Ez ditugu karteldegi defizitarioak onartzen eta azalpenak exijitzen ditugu Langraitzeko Bizi Euskarri Aurreratu Medikalizatu berriaren funtzionamenduari buruz

Gaur, maiatzak 16, elkarretaratzea egin dugu Osakidetzaren Gasteizko egoitza nagusiaren aurrean, larrialdietako baliabide berriaren lan-baldintzei buruzko informazioa eta gardentasuna eskatzeko, bereziki urteko egutegiari, lan-karteldegiari, atsedenaldiei nahiz oporrei dagokienez.

Osakidetzako larrialdietako langileen batzordeak (LAB-ELA-CCOO-SATSE-ESK-SME-UGT) zerbitzu horretako zuzendaritzara jo izan du nola kudeatuko den jakin nahian, baina, hainbat bilera izan ostean, emandako informazioa oso urria da eta ez du zehatz-mehatz azaltzen urteko karteldegi guztia.

Oraingoz, langileen ordezkariei jakinarazi zaie karteldegi bat aurreikusten dela, baina ez da lan-baldintzei buruzko akordioan eskatzen den urteko gutxieneko lanaldia (1592 ordu) betetzeko behar bestekoa. Beraz, karteldegi defizitarioa da.

Horrez gain, bi hilabeteko aurrerapenarekin eman nahi dute karteldegia, familia-kontziliazioa bezalako eskubideak urratuz. Horregatik, langileek urteko karteldegia izatea eskatzen dute.

Osasun-baliabide berrian, oporraldiak unitateko langileen artean bete beharko dira. Hau da, ez da Osakidetzako kontratazio-zerrendetara joko oporretan dauden kideen hutsuneak betetzeko. Gauza bera gertatuko da lizentzia-egunen kasuan. Horrek etengabeko egutegi-aldaketak dakartza, eta, ondorioz, prekaritatea ere bai.

Horregatik guztiagatik, sindikatuok azpimarratu nahi dugu ez gaudela ados proposatutako planteamenduarekin; izan ere, lan-eskubideen galera dakar: kontziliazio-eskubideari eragiten dio, ez du aukerarik ematen oporrak hartzeko langileen artean adostutako moduan txandakatzeko (Osakidetzako hitzarmenean ezartzen den bezala), eta, gainera, zerbitzuaren esanetara egon behar izatea dakar, une oro zerbitzuaren beharrak bete ahal izateko.

Azkenik, salatu nahi dugu zuzendaritzak ez duela negoziatzeko borondaterik, eta sumatzen dugula Langraizko eredua EAEko gainerako larrialdi-taldeetara zabaldu nahi dela.

Osakidetzako garbiketako greba deialdia luzatu dugu

Zubiate(e)ko Aritz
-
0
Osakidetzako garbiketako greba deialdia luzatu dugu

Osakidetzako garbiketa-zerbitzuaren enpresa esleipendunetako langileok hilabete eta erdi baino gehiago daramate greban, lan-baldintzak Osakidetzako langileen baldintzekin homologatzea helburu duen hitzarmena defendatzeko. Hala, aste amaierara arte deitua zegoen greba hilaren 28ra arte luzatu dute, eta, gainera, datorren astelehenetik aurrera kanpaldia egingo dute Gurutzetako ospitalearen aurrean.

Bere garaian inplikatutako hiru alderdiek (enpresak, langileok eta Osakidetza) onartutako joko-arau horien arabera jardun izan dute hainbat urtez. Hala ere, enpresa eta Osakidetzako zuzendaritza homologazio-printzipioa hausten ari dira, uko egin baitiote Osakidetzako langileei azken urte hauetan aplikatu zaien gaiak egokitzeari eta aplikatzeari.

Ez gara homologaziotik haratago doazen gaiak aldarrikatzen ari, EZ! Besterik gabe, Osakidetzako langileen baldintzen homologazioari eustea eskatzen ari gara: garapen profesionalaren deialdietara sarbidea izatea; txanda-kontratuari lotutako erretiro partziala hartzea; lanpostu hutsak betetzeko sistema bidezkoagoa eta objektiboagoa… Azken batean, eskatzen ari gara lan berdina egiten dugunean, baldintza berdinak izatea.

Enpresa esleipendunek eta Osakidetzako zuzendaritzak pilota elkarri botatzen diote, eta garbiketa-zerbitzuko langileak, berriz, beharrik gabe luzatzen ari den bidegabekeria handia jasaten ari dira.

Egoera horrek mobilizatzera eta sektorean grebak deitzera bultzatu gaitu. Ez gaude prest dagokiguna galtzen uzteko. Dagokiguna defendatzeko erabaki irmoa dugu. Ildo horretan, LAB, UGT, CCOO eta ESK sindikatuek osatutako sektoreko gehiengo sindikalak bi ekimen plazaratu nahi ditu gaurko egunean: alde batetik, greba-deialdia maiatzaren 28ra arte luzatzea erabaki dugula; eta, bestetik, datorren astelehenetik aurrera, maiatzaren 22a, Gurutzetako Ospitalearen aurrean egingo dugun Kanpaldia.

Maiatzean, gehiengo sindikalak keinu bat egin du negoziazioan planteamendu berri bat eginez; hala ere, enpresak intrantsigente agertu dira, eta Osakidetzako zuzendaritzak ez dio eskaintzari erantzun. Horregatik, Osakidetzako garbiketa-zerbitzuko langileok protesta gogortu egingo dugu datozen egunetan. Azkenik, mezu bat bidali nahi diegu enpresa esleipendunei eta Osakidetzako zuzendaritzari: iraingarria egiten zaigu zuen jarrera, baina argi gera dakizuela eta ez izan zalantzarik; ez gara geldituko duela hamarkada batzuk lortutakoari eutsi eta mantendu arte; alegia, Osakidetzako langileekiko lan baldintzak homologatu arte.

Hilaren 23an eta 24an grebara joko dugu Arabako egoitza pribatu eta etxebizitza komunitarioetan

Zubiate(e)ko Aritz
-
0
Hilaren 23an eta 24an grebara joko dugu Arabako egoitza pribatu eta etxebizitza komunitarioetan

LABek eta ELAk bi greba egun deitu ditugu Arabako adinduen egoitza pribatuetan eta etxebizitza komunitarioetan, Arabako lehen hitzarmenaren negoziazioan patronalen blokeoa dela eta. Otsailaren 21ean azken negoziazio mahaia izan genuen. Gaur egun patronalak oraindik ez digu erantzun sindikatuok mahai gainean jarritako proposamen ekonomikoari eta agerian utzi digu negoziatzeko duen jarrera eskasa.

Arabako adinduen egoitza pribatuetako eta etxebizitza komunitarioetako langileek topera lan egiten jarraitzen dute, haien lanetik eratorritako gero eta gaitz gehiagorekin gainera, eta urteko lanaldi oso luzeekin; hori gutxi balitz, gero eta zailagoa egiten zaie hilabete amaierara iristea.

Lau urte baino gehiago daramatzagu sektore honetarako hitzarmen bat eskatzen, baldintza duinak bermatzeko. Hilaren amaierara iritsi ahal izateko, beharrezkoa da soldatak igotzea eta gure bizi-baldintza materialak hobetzea.

LABek eta ELAk sektore feminizatu honetako langileak eskertzeko eta baloratzeko premia aldarrikatzen dugu beste behin ere. Funtsezko sektorea da, eta emakume horiek adinekoen bizitzari eusten lan egiten dute. Zaintza-sektore honen lana egiteko baldintzak behingoz behar bezala arautzea eskatzen dugu, egoitza pribatuen eta hirugarren adinekoen etxebizitza komunitarioen sektoreko langileek betetzen duten funtsezko funtzioa duintzeko.

Arabako Foru Aldundia interpelatzen dugu, batez ere Emilio Sola diputatua, Arabako erresidentzien alde ez egiteagatik eta Arabako I. Hitzarmena izatearen garrantzia mahai gainean jartzeko. Askotan aldarrikatu dugunez, zaintzak publikoak izan behar dira, eta ez negozio iturria. Irabaziak lehenesten dituena negozioa da, eta ez zaintza.

Patronala (CREA, CEA EUSKADI, LARES) interpelatzen dugu Arabako I. Hitzarmena negoziatu nahi ez izateagatik. Hitzarmen duin batez ari gara hizketan.

Aurrera egin behar dugu. Maiatzaren 23an eta 24an hitzordu garrantzitsua izango dugu, grebekin bat egin beharko dugu gehiegizko gutxieneko zerbitzuek uzten duten neurrian, indarrak batu eta kaleak betetzeko.

Maiatzaren 23 eta 24rako aurreikusitako mobilizazioak honako hauek izango dira:

-Maiatzaren 23an, manifestazioa. 11:00etan abiatuko da Plaza Berritik eta Diputazioan amaituko da (Probintziako plazan).

-Maiatzaren 24an, 11: 00etan, (Los Desamparados plazan) kontzentrazioa egingo dugu kaleko egoera gizarteratzeko, eta 12:30ean manifestazioa, Los Desamparados plazatik abiatuta, erdialdeko kaleak zeharkatuz eta berriz ere Los Desamparados plazan amaituz.

Horregatik guztiagatik, bada garaia sektore honetako langileak eskertzeko eta baloratzeko, eta probintziako hitzarmena eta baldintza duinak izan ditzaten behingoz.

Aspel patronalaren barruko enpresak interpelatu ditugu, eta eraikin eta lokalen garbiketan hitzarmen duina aldarrikatu

Zubiate(e)ko Aritz
-
0
Aspel patronalaren barruko enpresak interpelatu ditugu, eta eraikin eta lokalen garbiketan hitzarmen duina aldarrikatu

Gipuzkoako eraikin eta lokalen garbiketako hitzarmena berritu gabe dago 2018tik. Otsailaren 9an mahai negoziatzailea berraktibatu zen, baina, momentuz, Aspel patronalak mahai horretan egindako proposamenak ez dira gutxienekora hurbiltzen, eta, gaur-gaurkoz, mahai hori blokeatuta dagoela esan daiteke. Horregatik, LABek protesta ekintza bat egin du patronal horren parte diren Eulen eta Samsic enpresetan. Bi enpresa horiek, beste hainbaten artean, milaka langilek bizi duten prekaritate egoeraren erantzule direla salatu dugu.

Egoera ikusita, LABek otsailean iragarri zuen borrokari berrekiteko asmoa. Izan ere, soldata duina ezinbestekoa da LABentzat eraikin eta lokalen garbiketako langileen kasuan. 2023an 1.300 euroko hamabost ordainsari jasotzea eskatzen dugu, eta, horrez gain, KPIaren araberako soldata igoerak bermatzea.

Aurten hogei langile hil direla salatu dugu, azkena eraikuntzaren sektorean

Zubiate(e)ko Aritz
-
0
Aurten hogei langile hil direla salatu dugu, azkena eraikuntzaren sektorean

Joan den ostegunean altueratik erorita zendu zen 62 urteko langilea, Azkoitian.

Lan-istripu hilgarri baten berri izan du sindikatuak, oraingoan Azkoitian. Joan zen ostegun arratsaldean “luma-garabi” bat maneiatzen ari zela hil zen R.O.G, MONTAJES OLAIZOLA S.L. enpresako 62 urteko langilea. 3 metro baino gehiagoko altueratik erori zen, bertan hil zelarik.

LAB sindikatuak elkartasuna adierazi nahi die langilearen senideei, hurbilekoei eta lankideei zein Euskal Herriko langileria guztiari. Era berean, datozen egunetan intersindikaletik deituko dituzten mobilizazioetan parte hartzeko deia luzatu die herritarrei.

Eraikuntza arloan gertatu da azken istripu hau. Sektore honetan gremio ezberdinen koordinazioan sortzen diren arrisku gehituak kontrolatzeko araua ez da betetzen, eta honela ulertu daiteke pairatzen duten istripu tasa handia.

Arauak zein prebentzio neurriak ez dira betetzen patronalak argi duelako kapitala langileriaren bizitzaren aurretik ipintzea merkeago ateratzen zaiola. Hau gertatzeko ezinbestekoa da Eusko Jaurlaritzaren jarrera konplizea. Berriki salatu dugun moduan, 2022an lan osasunaren galera medio jaurlaritzak 650 expediente jarri zituen abian; aldiz, trafiko arau-hausteen inguruan 291.000 expediente abiatu ziren. Esan beharra dago trafiko istripuetan eta lan istripuetan heriotza kopuru bera erregistratu zela 2022an EAEn. Enpresarien inpunitatearen erakusle da adibide hori, LABeko Lan Osasun idazkaritzaren esanetan.

Anfas Nafarroako langileak baldintza duinak eta erosteko ahalmenari eustea bermatuko dituen hitzarmenaren alde kontzentratuko dira ortziralean

Zubiate(e)ko Aritz
-
0
Anfas Nafarroako langileak baldintza duinak eta erosteko ahalmenari eustea bermatuko dituen hitzarmenaren alde kontzentratuko dira ortziralean

Anfas Nafarroaren Enpresa Batzordeak —ELAko zazpi ordezkarik eta LABeko bertze bik osatzen dute, eta 140 bat langile ordezkatzen ditu—, ortzirale honetarako, maiatzaren 19rako, elkarretaratze bat deitu du Iruñean, Anfasek Iturraman duen lokalaren aitzinean, plantillaren haserrea adierazteko eta enpresari bere lana onartuko duen hitzarmen bat negoziatzeko eskatzeko, lan duina eta erosahalmena bermatuko dituena.

Aniztasun funtzionalaren sektorean diharduen Anfas Nafarroako langileek urtebete baino gehiago daramate gerentziarekin batzartzen hitzarmen kolektiboa negoziatzeko, eta iritzi publikoari jakinarazi nahi diote negoziazioarekin atsekabe eta haserre daudela.

Negoziazioaren hasieratik, Enpresa Batzordeak, bere osotasunean eta langile guztiak ordezkatuz, eskaera argi eta zuzenak izan ditu: erosteko ahalmena galaraziko ez duten eta bizi ditugun prezioen garestitzearekin bat datozen lan-baldintzen bermea.

Baina langileek uste dute ez dela behar bezala baloratzen ari haien eguneroko lana, inplikazioa, profesionaltasuna eta erakundearekiko zein zaintzen duten pertsona bakoitzarekiko konpromisoa. Plantillaren lana aitortu eta baloratu egin behar da, urteak baitaramatza lan baldintza eskasekin, soldata prekarioekin, kontratu partzialekin eta gehiegizko lan kargekin. Eta hori guztia arreta-berezitasun oso zorrotzak, ordutegi zailak eta talde profesional inplikatu eta espezializatua dituen elkarte batean.

Beraz, plantilla osoak eskatzen dio Anfasi negoziatzeko edukidun enpresa hitzarmen bat, Anfaseko langile guztien lana eta profesionaltasuna aitortzeko. Horren harira, Enpresa Batzordeak dei egin die langileei maiatzaren 19an, ortziralearekin, 12:00etan, Anfasek Iturraman duen lokalaren parean (Pintor Maeztu, 2) eginen den kontzentraziora joan daitezen.

Eremu juridikoan ere ama bakarren eskubideak berma daitezela aldarrikatu dugu

Zubiate(e)ko Aritz
-
0
Eremu juridikoan ere ama bakarren eskubideak berma daitezela aldarrikatu dugu

Gizarte Segurantzak eta Espainiako Auzitegi Gorenak bat egin dute ama bakarren zaintza eskubideak ukatzeko estrategian. LABen, ordea, ama bakarren eskubideen alde egiten dugunez gero, erabakia onartezintzat jo dugu, eta zaintza eskubidearen garrantzia berretsi nahi izan dugu, dagokion eremu guztietan horien alde borrokatuko dugula ohartaraziz, baita eremu juridikoan bertan ere. Hori dela eta, mobilizazioa egin dugu gaur Gizarte Segurantzaren Gasteizko egoitzaren aurrean.

2023ko martxoaren 8an Espainiako Auzitegi Gorenak epai bidez ebatzi zuen ama bakarrek zaintza eskubide gutxiago izanen dutela bi gurasoko familiek baino. Izan ere, ordura arte hainbat auzitegi onartzen ari ziren, ama bakarrei bi gurasoko familien pareko prestazioa onartzea; hau da, 16 asteko bi gurasotasun prestazio pilatzeko aukera: 32 asteko gurasotasun prestazioa izatea guraso bakar batek. Orain, Auzitegi Gorenaren epaiaren bidez, ukatu egiten da baimenak gehitzeko aukera hori. Ondorioz, ama bakarreko familiek, orotara, 16 asteko zaintza baimena izanen dute, eta bi gurasoko familiek, aldiz, 32 astekoa.

Gizarte Segurantzak ere antzerako bidea zuen hartua lehenagotik. Izan ere, kasu gehienetan bi gurasotasun baimen metatzeko aukera ukatu egin du, familia ereduen artean desberdintasun argia eraginez. LABetik Gizarte Segurantzaren ukoaren aurrean helegiteak aurkeztu ditugu, eta orain arteko epai gehienak gure aldekoak izan dira.

Aipaturiko Auzitegi Gorenaren epaia errefusatu egiten dugu, eta ama bakarren eskubide urraketa dela ulertzen dugu. Jakitun gara afera Europako Batasuneko Justizia Auzitegira heldu dela, eta hark emango duen epaiaren zain gaude. Bitartean, bide judizialean borrokan jarraituko dugu.

LAB sindikatuak egoera honen aurrean zera adierazi nahi du:

Jendartea eta testuinguru soziala, familia eredu bakar batetik harago, aukera aniztasunaren aldeko trantsizioa egiten ari da, eta aukera horien artean dago ama bakarra izatea erabaki duten pertsonena. Baina, era berean, sistema kapitalista (zis)heteropatriarkal honen mekanismo guztiak familia eredu nuklearra indartu eta saritzera bideratzeaz gain, hortik kanpo kokatzen diren aukera guztiak zigortzen ditu. Sistemak tresna guztiak (baita juridikoak ere) ditu bere gain eredu hori birproduzitzeko, eta hau adibide bat gehiago da. Izan ere, bere interes ekonomikoetarako behar-beharrezkoa dauka familia eredu nuklearra.

Zapalkuntza bikoitzaz ari gara: sexuaren araberako diskriminazioa gertatzen da, guraso bakar gehienak emakumeak direlako, batetik, eta zaintza eskubidea bera urratzen da, bestetik, zaindua izan behar duen pertsona ere diskriminatu egiten delako. Hau da, zaintza berriro ere bazterrean geratzen da, eta zaintza bermatzeko gaur egun ditugun tresna bakarrak halako baimenak dira, lan produktiboaren logikatik diseinatutakoak eta bizitzaren jasangarritasuna balioan jartzen ez dutenak. Era berean, kontziliazioaren tranpaz eta sistemaren paradoxaz ere hitz egin behar dugu, zaintza lanak doakoak direnean eta sistemarentzako kostu ekonomikorik ez dutenean emakumeen gain geratzen baitira.

Nahiz eta berdintasun planetan eta zuriketarako erabiltzen diren legedien artean familia eredu ezberdinak izendatu eta teorikoki kontutan hartzen diren, praktikan argi ikusten da eredu bakarra dela nagusitasunez erdigunean kokatzen dena, eta gainontzeko guztiak bigarren mailakoak direla. Berdintasun politika hauek ez daukate gaitasunik normatik aterako den eredurik babesteko. Horregatik, politika feministak behar ditugu. Teorian eredu desberdinak aitortzen dira, baina ez dira bitartekoak jartzen eskubide berdinak izateko.

Ezin dugu onartu ama bakarren eskubideak urratzen jarraitzea. Beraz, LAB sindikatuak egoera honen aurrean honakoa aldarrikatzen du:

  • Zaintza erdigunean jarriko duen sistema oso bat. Zaintza Sistema Publiko Komunitarioa behar dugu.
  • Euskal Herritik eta Euskal Herrirako Lan Kode eta Gizarte Segurantza propio baterako lege bat behar dugu.
  • Marko propio bat behar dugu, zeinean eredu hegemoniko (zis)heteropatriarkaletik haragoko aniztasuna kontuan hartu eta errealitate horientzako eskubideak sortuko diren.
  • Eskubideak gauzatzeko bitartekoak eta aldaketa legalak eskatzen ditugu. Bestela, zuriketarako neurriak besterik ez dira.

Horrengatik guztiagatik elkartu gara gaur, Gizarte Segurantzak urratzen dituen ama bakarren zaintza eskubideen alde mobilizatuz. Beste behin ere egiaztatu dugu eskubideak ezin direla auzitegiek dituzten erabakien esku utzi. LABetik borroka soziosindikala indartzen jarraituko dugu, hori baita gizartearen eraldaketarako dugun tresnarik eraginkorrena.

Zuen negozioa, gure kolapsoa

Zubiate(e)ko Aritz
-
0
Zuen negozioa, gure kolapsoa

Euskal Herriko Eskubide Sozialen Karta, EH Kapitalari Planto, Jauzi Ekosoziala eta beste hainbat eragilek agerraldia egin dugu gaur, Barakaldoko BECen aurrean. Bertan, maiatzaren 23an, 24an eta 25ean Barakaldon egingo den Munduko Bankuaren (MB) goi bileraren aurkako borroka sozialaren dinamika aurkeztu dugu.

Bertaratutako erakundeok adierazi dugu MB-aren topaketa horrek berdez estali nahi duela erakunde honek pobretzearen eta larrialdi klimatikoaren gainean daukan erantzukizun zuzena, honek bere sorreratik finantzatu izan baitu hainbat herrialderen espolioa.

Horregatik guztiagatik, salatu dugu Innovate4Climate izeneko goi bilera hau energia-lobby-en estrategiaren barruan dagoela eta negozio berdeko nitxo bat sortzeko helburua baino ez duela. Gaineratu dugu euskal alderdi neoliberalek ere etekina ateratzen dutela honetatik; hala nola EAJk eta PSEk, “horrela geure negozioaren gurpila eta beren lagunena elikatuz”.

Agerraldian parte hartu dugunok ukatu egiten dugu Petronor edo BahĂ­a de Bizkaia bezalako enpresek, CO2 emisioen erantzule nagusiak izanik, larrialdi klimatikorako inolako irtenbiderik eskainiko dutenik. Argi eta garbi adierazi dugu: Ezin daiteke oligopolio energetikotik etorriko den trantsizio justurik espero; hain zuzen ere, lurraldeen espoliazioaren eta jendartearen pobretzearen bidez aberasten direnengandik.

Hori guztia gertatzen da, esan dutenez, prekaritatea eta pobretzea handitzen ari den une batean, etxebizitzarekin egiten den espekulazioak, pentsioen murrizketak, osasuna, hezkuntza edota zaintzetako zerbitzu publikoak pribatizatzen ari diren une batean.

Bestalde, eten ez diren feminizidio eta indarkeria matxistak aipatu nahi izan ditugu. Mugetan ematen diren heriotzak eta militarizazioa, jazarpen arrazistak, mundu osoko gerrak ere aipatu nahi izan ditugu. Horiek guztiak, adierazi dugu, “gizarte gisa erantzun beharreko errealitateak dira”.

Erakundeek helburu pribatuetarako egiten den diru publikoaren erabilera salatu dugu, hain zuzen ere, goi bilera honetan aurkezten den trantsizio energetikoak lobby hauekiko mendekotasuna elikatu baino ez dute egiten.

Euskal Herriko Eskubide Sozialen Kartak, Euskal Herriak Kapitalari Planto plataformak eta Jauzi Ekosozialak indarrak batzeko deia egin dugu kolektibo sozial eta sindikal askorekin batera, eta mezu nagusia irmo adierazi dugu: “Munduko Bankua eta haren heriotza-politikak ez dira ongi etorriak; energia fosilak behin betiko utzi eta trantsizio ekosozial bidezkoa eta demokratikoa jarri behar dugu martxan”.

Administrazio arduradunei eskatu diegu eragile sozialen eta ekologisten proposamenak entzun ditzatela, behar den aldaketa egiteko haiek dauzkaten proposamenak; izan ere, esan dugunez, “trantsizio ekosoziala herritarren parte-hartze zabalarekin gauzatu behar da, lurraldearen beraren subiranotasun politikoa errespetatuz”.

Horregatik guztiagatik, hurrengo astean egingo diren ekintzetan parte hartzeko deia egin dugu, programa hau aurkeztuz:
â—Ź Maiatzaren 23an: kontzentrazio zaratatsua 8:30ean Ansio metroko irteeran, Barakaldon.
â—Ź Maiatzaren 24an: Bilboko Plaza Eliptikotik 19:30ean aterako den trantsizio ekosozialaren aldeko manifestazioa.
â—Ź Maiatzaren 25ean: hitzaldia Yayo Herrero ekintzaile ekofeministarekin 19:00etan BilboRock-en.

Kaleak hartzeko dei batekin eman diogu itxiera agerraldiari: “Atera ditzagun gure bandera eta aldarrikapenak, eta, elkarrekin, jendarte eredu-aldaketa posible dela eta borroka soziala bidea dela adieraztera goaz!”, adierazi dugu.

ERAGILE DEITZAILEAK: LAB, ELA, ESK, STEILAS, ETXALDE, OLATUKOOP, ERNAI, EKOLOGISTAK MARTXAN, GUNE EKOSOZIALISTA, EXTINCTION REBELLION BIZKAIA, FRIDAYS FOR FUTURE, SCIENTIST REBELLION EH ZIENTZIALARIEN MATXINADA, GREENPEACE, BASOA, SUKAR HORIA, BUTROI BIZIRIK, BARAKALDO NATURALA, OMAL, MUGARIK GABE, LUMALTIK, BIZILUR, BILGUNE FEMINISTA, BEA, EMF CUIDADORAS SANITARIAS, MUJERES DEL MUNDU, EH-KO EMAKUMEEN MUNDU MARTXA, ARGITAN EMAKUMEENTZAKO AHOLKU ETXEA, OEE BIZKAIA, MOC, GERRARI EZ PLATAFORMA, BERRIOTXOAK, GAUR GEROA PENTSIONISTAK, ONEKA EH EMAKUME PENTSIONISTEN PLATAFORMA, COLLECT LEONDINE BERA, URIBARRI PREST…

1...230231232...1,583Page 231 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLĂŤTICA DE PRIVACIDAD

www.lab.eus