Zerbitzu Soziokomunitarioa

Lan Ikuskaritzak ez zigun soilik arrazoia eman Servyrest enpresako langileei ezin zitzaiela aplikatu laguntza-zentroen eta haur-hezkuntzako zentroen estatuko hitzarmena, eta uste genuen Bizkaiko Esku-hartze Sozialerako hitzarmen kolektibo probintziala aplikatu behar zitzaiela, baizik eta Euskal Autonomia Erkidegoko Justizia Auzitegi Nagusiak berretsi egin du Servyrest enpresak Bizkaiko esku-hartze sozialeko hitzarmena aplikatu behar diela langileei.

LABeko idazkari nagusiaren ondoko Igor Arroyok eta Nafarroako Esku-hartze Sozialeko arduradun Oihan Ataunek Esku-hartze Sozialeko sektorean erdietsitako lehen hitzarmenari buruz idatzi dute: "Aurrerapen bikoitza da lortutakoa, 1.600 nafar langileren lan baldintzak hobetzearekin batera, Nafarroak negoziazio kolektiboko eremu berri bat eskuratu baitu".

LABeko idazkari nagusi ondoko Igor Arroyok eta Nafarroako Esku-hartze Sozialeko arduradun Oihan Ataunek, LABeko hainbat kiderekin batera, agerraldia egin dute Iruñean, Nafarroako Esku-hartze Sozialeko lehen hitzarmenaren akordio historikoaren balorazioa egiteko. Langileen mobilizazioaren eta antolakuntzaren ondorioz lortutako garaipen bat izan dela berretsi dute, eta borroka ez dela amaitu nabarmendu dute. Izan ere, Arroyoren esanetan, Nafarroako adinekoen zentroetako langileek hartuko dute orain borrokaren lekukoa, Esku-hartze Sozialeko langileak zeuden antzeko egoeran baitaute hauek ere: hitzarmen probintzialik gabe eta lan baldintza prekarioetan.

Nafarroako Gobernuarekin itundutako eta kudeaketa pribatua duten desgaitasuna duten pertsonentzako zentroetan ordezkaritza duten erakunde sindikalek -ELA (%30,56), LAB (%26,39), CCOO (%23,61) eta UGT (%18,06) sindikatuek- aurreakordioa sinatu dute gaur Iruñean, sektoreko V. hitzarmena ezartze aldera. Lehenengo aldiz sinatuko du LABek hitzarmen probintzial hau, oso positibotzat jo baitu aurrekoek jasotzen ez zituzten aurrerapen batzuk jasotzea, 2.000 langile inguruko lan-baldintzak nabarmen duintzeko aukera emanen dutenak.

Langileek mobilizazioa egin dute Gasteizko Probintzia plazan, Arabako Foru Aldundiaren egoitzaren aurrean. Gaurkoan, Olentzero eta Mari Domingik ere parte hartu dute, eta ikatza utzi diete Arabako Foru Aldundiaren atean Emilio Sola Politika Sozialen Foru diputuari eta Patxi Anton, Gizarte Ongizateko Foru Institutuko kudeatzaileari.

ANEISek, Nafarroako Esku-hartze Sozialeko patronalak, eta LAB sindikatuko ordezkariek aurreakordioa lortu dute sektoreko Nafarroako lehen hitzarmena ezartzeko; zalantzarik gabe langileen lan-baldintzak duinduko dituena. Nafarroako Gobernuak, ANEISek eta LAB eta UGT sindikatuek aurreakordio hori sinatu dute Iruñean. LAB sindikatuak oso positibotzat jo du 2016an hasitako borroka honen bidez lorturiko emaitza.

Hiri osoa zeharkatu duen protesta egin dugu gaur, zerbitzu publiko eta eskubide sozialen aldeko kotxe-karabana. Auzoetatik bost zutabe atera dira (Alde Zaharra, Zorrotza, Indautxu, Saninazio eta Santutxutik), Gran Vian elkartu direnak Udaletxean amaitzeko.

Zaintza lanak aitortu egin behar direla aldarrikatzeko mobilizatu egin gara Bilbon, Bizkaiko Foru Aldundiaren aurrean. Hain zuzen ere, zerbitzu sozial publiko bat eskatu dugu, kudeaketa zuzenekoa, komunitarioa, unibertsala, doakoa eta kalitatezkoa, eta hau lortzeko bidean egingo ditugun ekimen eta mobilizazioen berri eman dugu elkarretaratzean. Zentzu honetan, EAEko gizarte zerbitzuen sektorean greba egingo dugu urtarrilaren 26an eta martxoaren 4an, eta deialdi hauen erregistroa egin ostean gauzatu dugu protesta.

Iragan azaroan, Nafarroako Gobernuak Asociación Navarra Sin Fronteras enpresari jakinarazi zion Gazolazko ARE adingabeen harrera zentroa ixteko erabakia, eta, jarraian, enpresako zuzendaritzak Batzordeari jakinarazi zion zuzenean kontratatutako 17 langileak kaleratzeko EEE Enplegu Erregulazio Espedientearen kontsultaldiaren hasiera. LAB sindikatuak hasieratik defendatu du zentroa birmoldatzeko edo, bertzenaz, langile guztiak birkokatzeko aukera. Enpresak, ordea, xantaia erabili du kaleratze gehienak egin ahal izateko.