Euskara Idazkaritza

Alde guztiok helduen euskalduntzearen sektorea duindu, indartu eta egonkortu behar dela aitortu dugu eta horren ondorioz sektore osoko langileen lan baldintzak arautu eta homogeneizatuko dituen lan hitzarmenaren beharra ikusi dugu.

LABek, Kontseiluak eta ELAk, hirurok, 50 langiletik gorako enpresetan Euskara Planak bultzatzearen aldeko Lanbidearteko Akordio proposamena aurkeztu diegu.

LABek, Kontseiluak eta ELAk gure proposamenaren xehetasunak emango dizkiegu aste honetatik bertatik, atxikipena eta babesa eskatzeaz gain, denon artean langileek euskaraz lan egiteko eskubidean urratsak eman ditzagun.

LAB Osakidetzako Euskara arduradun Gotzone Amurizak euskararen inguruan Osakidetzaren erabakiek eta sindikatu batzuek duten jarrerek sortu diguten kezkari buruz idatzi du.

Administrazioak urte luzez abandonatuta izan duen helduen euskalduntzearen sektoreari finantzazioa hobetzea eta egonkortzea positiboa da; proposatutako finantziazioa sasiegonkortze bat baino ez den arren. Baina, helduen euskalduntzearen sektorea ez dute euskaltegi pribatuek bakarrik osatzen.

Euskararen Legeak agindu arren Nafarroako Aldizkari Ofiziala euskaraz eta gaztelaniaz argitaratu behar dela, Aldizkariaren arduradunek eta, horrenbestez, Nafarroako Gobernuak ez dute legea betetzen, kapitulu batzuk baino ez baitituzte euskaratzen.

Osakidetzaren proposamenak ez luke euskararen ezagutzarik eskatuko egiten diren egiturazkoak ez diren behin-behineko kontratu gehienetan. Ezagutza hori "1. lehentasuneko" lanpostuetarako kontratuetan baino ez litzateke eskatuko, hau da, pediatria-zerbitzuekin eta informazio-guneekin lotutako lanpostu batzuetan soilik, edo %70tik gorako populazio euskalduna daukaten herrietan.

Egungo euskarafobia salatu dugu Iruñean, eta baita Administrazioan euskararen erabilera arautuko duen lege berri bat aldarrikatu ere. Hain zuzen ere, batzar ibiltaria egin dugu, Vinculo plazatik abiatu eta Nafarroako jauregian bukatuta. Hitz hartzeak egin ditugu Geroa Bai-ren eta PSNren egoitzen aurrean, baita Parlamentuaren eta Nafarroako Jauregiaren aurrean ere. Azken honetan, Nafarroako LABeko ordezkari Imanol Karrerak hartu du hitza, eta keinu eta jokabide euskarafobo guztiak bertan behera uzteko aldarria egin du.

LAB eta ELA sindikatuok 50 langiletik gorako enpresetan Euskara Planak negoziatu daitezela eskatu genuen Euskaraldiaren atarian, eta eskaera hau berresten dugu euskararen erabilera sustatzeko dinamikaren amaieran ere, Nazioarteko Euskararen Egunarekin bat. Euskaraldiaren ondoren urrats berriak emango ditugu eskaera hau gauzatu dadin.