Salaketa jarri dugu Bilbo-Basurtu eta Santa Marina ESIko kudeatzaile ohien aurka,...

LAB sindikatuak salaketa aurkeztu du gaur bertan Bilboko goardiako epaitegietan, Santa Marina Ospitaleko eta Bilbo-Basurtu ESIko gerente ohiek egindako txertaketa irregularraren harira. Gure ustez, gertaera honek, oraingoz bi kargu horietara mugatuta dagoena baina txertaketa irregularreko beste kasu batzuei buruzko informazioa ezagutzen dugun heinean zabaldu daitekeena, erantzukizun pertsonalak eta politikoak ez ezik, penalak ere badakartza.

Zaintza arloaren funtsezko eginkizuna aldarrikatu du Pikete Feministak, greba eguneko mobilizazio...

Araba, Bizkaia eta Gipuzkoako zaintza arloko langileek greba eguna dute, urtarrilaren 26aren etorrerarekin. Sektore feminizatu eta, ondorioz, prekarizatua da; eta horixe salatu dugu Pikete Feministaren bitartez, goizean goizetik, Bilboko udaletxearen eta Bizkaiko Foru Aldundiaren aurrean eta barruan. Hala, eskuorriak banatzen eta informatzen ibili gara. Izan ere, egungo testuinguruak inflexio-puntua izan behar du langileek eta erabiltzaileek beste gizarte eta zaintza zerbitzuen eredu bateranzko bidea egiteko.

Datorren larunbatean mobilizatzeko deia egin dugu, Arabako enpleguaren defentsan

Datorren larunbatean, urtarrilaren 30ean, egingo da “Araba enpleguaren defentsan” manifestazioa, Aernnova, SDA, Laminaciones Arregui eta Alestis-eko enpresa-batzordeek eta Pentsionistak Araba, kirol jardueretako langileak, SOS Ostalaritza eta GPSk deituta. 17:00etan hasiko da Bilbo plazatik.

[IRITZIA] “Zerbitzu sozialen sistema eta kudeaketa publiko, unibertsal, doako eta kalitatezkoaren...

LAB sindikatuko Helduak eta Pentsiodunen arloko kide Xabier Isasa Garmendiak, Jose Felix Aguilera Iturbe-Ormaetxek eta Kolo Uriarte Ballarenak urtarrilaren 26rako gizarte zerbitzuen sektorean deitutako grebari buruz idatzi dute. "Pandemiak eta pertsonen osasunean eta bizitzan dituen ondorioek zaintza-eredu berri bat eraikitzeko beharra berresten dute", iritzi dute.

Osasungintza publikoaren alde mobilizatu gara berriro

Osasun Sailak daukan negoziatzeko borondaterik eza ikusita, eta Osakidetzak aspalditik dauzkan arazo larriak konpontzeko borondaterik ikusten ez dugun heinean, LAB, SATSE, ELA, CCOO, UGT eta ESK sindikatuok mobilizazio dinamikarekin aurrera jarraitzen dugu, urtarrilaren 28ko grebaren atarian. Hala, Arabako, Bizkaiko eta Gipuzkoako ospitaleetan eta lehen arretako zentroetan elkarretaratzeak egin ditugu, negoziazio erreal bat eskatzeko, osasun publikoaren egiturazko arazoei helduko dieten edukiekin.

Garbiñe Aranburu: “Alderdien indar korrelaziorik ezean, kaleko presioa indartu behar da”

[IRITZIA] “Gure lankidea berriz Tasubinsan nahi dugu”

LABeko ordezkari Oihan Ataunek iritzi artikulu bat idatzi du, Tasubinsako ordezkari baten kaleratzea salatzen, bai eta berriz onartua izan dadila exijitzen ere.

Elkarretaratzea egin dugu, Tasubinsak kalean utzi duen delegatua berriz har dezaten...

Berriz ere elkarretaratzea egin dugu Tasubinsa-ren bulego orokorren parean, enpresak LABeko delegatu bat kalean jarri duela salatzeko eta berriz har dezan eskatzeko. Elkarretaratzea Arazuri-Orkoien industrialdean izan da.

Haurreskolak Partzuergoan mobilizazio eta greba dinamikekin jarraitzea baino ez zaigu geratzen

Haurreskolak Partzuergoa eta EAEko Hezkuntza Sailako arduradunen negoziatzeko borondate eza dela eta, langileen lan-baldintzak okertu ez ezik, Partzuergoa bera arriskuan jartzen dituzten aldebakarreko erabaki politikoak direla eta, Haurreskolak Partzuergoko langileak urtarrilaren 25 eta 27an eta otsailaren 22, 23 eta 24an grebara deitzen ditugu. Hala jakinarazi dugu Bilbon egindako agerraldian.