Uncategorized

Oiartzungo Landetxe aretoan bildu gara sindikatuko kideak, azaroaren 30erako deitutako hitzordua ortzimugan. Sistema publiko komunitarioa eratzeko beharrari jarri diogu azpimarra, eta datorren astetik aurrera eskualde guztietan delegatuen batzarrak egingo ditugu, norabide berean.

LABek parte hartu du gaur goizean Iruñean Nafarroako Gobernuak eraturiko Industria Foroaren bileran. Legegintzaldi honi begira nafar langileon lan eta bizi baldintzak hobetzeko, agenda soziolaborala martxan jarritako dinamikaren baitan, neurri zorrotz eta zehatzak aldarrikatzen ditugu, baita Industrian ere, eta gaurko bilerara sektoreari begirako gure lehentasunak eraman ditugu, hala nola Industriako langileen ahotsa entzutea eta lanaldi murrizketak ezartzea 30 orduko lan astea helburu.

Elkartasuna adierazi nahi diegu Adunan traktorea gidatzean izandako istripuaren ondorioz zendutako emakumearen eta bere lan saiotik etxera bueltan "in itinere" istripua izan zuen Haurreskolak Partzuergoko langilearen familiakoei, lagunei eta lankideei.

Gaur, irailak 7, 41 langile dituen eta Gasteizen kokatuta dagoen Olazabal y Huarte fundizioko langileek greba mugagabeari ekin diote, lan baldintza duinak eta bidezko hitzarmena eskatzeko. Uztailean 12 egunetako greba egin ondoren, enpresako zuzendaritzak jarrera pasibo bera izaten jarraitzen du, hitzarmenaren negoziazioa oztopatuz.

Pasaiako lonjaren estalkiaren inaugurazioa izan da gaur. Honek bizi-kalitate hobea ekarriko die pasaitarrei, eta badiako eta portuko begiratoki ezin hobea bisitari guztiei. Kostatu da, baina lortu da, eta pozten gara horregatik. Baina gu bertan egon gara Pasaiako Portuko Agintaritzaren Zuzendaritza berriro salatzeko, galeriari eta bertako langileei begira duen moral bikoitzagatik.

Herrian gertatutako bi lan ezbehar larriak (bata hilgarria) salatu ditugu intersindikalarekin batera, eta beste behin ere gogorarazi behar izan dugu neurri egokiak hartuta lan istripuak saihesgarriak direla. Horrez gain, estresak, lan-erritmoek eta bestelako arrisku psikosozialek langileon osasunean duten eragina azpimarratu dugu.

Urteak daramatzagu langileen lan-baldintzen hobekuntzak negoziatzen, kontratazio hobeago batekin, zerbitzuaren birdimentsionamendua, prestakuntza gehiago, lan-hitzarmena betearazten... baina ezer gutxi edo ezer ezin izan da negoziatu zerbitzutik pasatu diren zuzendaritza ezberdinekin.

Iruñerriko autobus zerbitzuko Enpresa Batzordeak lan-baldintza kaskarrak, plangintza falta eta mantentze-lan desegokiak arbuiatu dituzte, eta eskatu dute zerbitzuaren kalitatea eta langileen egoera duina lehenesteko.

LAB sindikatuak emandako hitza bete du, eta 20 urte luze igaro diren honetan, gaur bildu da lehen aldiz Gipuzkoako Egurgintzako Hitzarmenaz hitzegiteko mahaia.