2025-12-23
Blog Page 1141

Hauteskundeen aurrean alderdi politikoei kontratu publikoetan klausula sozialak sartzeko deia luzatzen die LABek

admin
-
0
Hauteskundeen aurrean alderdi politikoei kontratu publikoetan klausula sozialak sartzeko deia luzatzen die LABek

Lan erreforma desberdinen ondorioz, hau da erabaki politikoen ondorioz, ia erabateko aldebakartasuna eman zaio patronalari, negoziaizo kolektiborako eskubidea indargabetua izan da eta lan munduan orain arte zeuden oreka apurrak apurtu egin dira patronalaren mesedetan. Honen emaitza da, prekarietatearen zabalkundea eta lan kostuen merkatzearen bidez, gutxi batzuen irabaziak bermatzen direla.

Eta hau ez da esparru pribatura mugatzen den zerbait, administrazio publikoa ere honen parte da bultzatzen ari den azpikontratazio politikarekin. Gaurkoan, azpikontratetan ari diren langileei buruz hitz egin nahiko genuke.

Milaka eta milaka dira azpikontratatutako zerbitzuetan lan egiten dutenak, gehiengoa emakumeak (zerbitzu soziokomunitarioetan, garbiketan, lorezaintzan…). Instituzioen aldetik dagoen gardentsaun falta salatu behar da, ez dagoelako zenbat langile diren zenbatzeko modurik, datuak duen garrantziarekin.

Krisi aurreko urteetan, sektore publikoa ahuldu eta zerbitzu publikoak izan beharko luketenak enpresa pribatuen esku uztea erabaki zen. Azpikontratazioa eta pribatizazioa izugarri hedatu zen. Diru publikoa enpresa pribatuetara desbideratu da eta honek ondorio kaltegarriak izan ditu azpikontratetan ari diren langileentzat, prekarizazioa hedatu delako eta ondorioak izan ditu, zerbitzu pulbikoak kaltetuak izan direlako.

Erabaki politikoek ekarri gaituzte hona eta egoera honi buelta emateko erabaki politikoak behar dira. Horregatik, eragile politikoak zuzenean interpelatu ditugu, neurri zehatzak eskatu dizkiegu.

LABen ustez, kalitateko zerbitzu publikoen aldeko apustu argia egin behar da. Honek eskatzen duena da zerbitzuen merkantilizazioarekin amaitzea. Gure ustetan beharrezkoa da, langileen eskubideak errespetatu eta kalitateko zerbitzua emango duen sektore publikoaren aldeko aptstua egitea, honek pribatizatua dagoena publifikatzea eskatzen duelarik.

Bereziki lan erreformak sortutako egoera berriaren aurrean eta zerbitzu publiko sendoak eraiki bidean, bitarteko tresna moduan eta azpikontratetako langileengan erreformaren ondorioak saihesteko, mozioak sartu ditugu baldintza pleguetan klausula sozialak sartzea aldarrikatuz.

Klausula sozialetan ondorengo aldarrikapenak sartzen ditugu:

• Langile guztiei (kontratazio berriei ere) azken lan hitzarmena aplikatu behar zaiela exjituz.
• Langileen subrogazioa betetzeko neurriak eskatuz.
• Lan hitzarmena ez betetzeko aldebakarreko prozedurarik ez erabiltzeko eskatuz.
• Enpleguaren defentsa: lanpostuak mantendu, zerbitzua eskaintzeko beharrezkoak diren gutxieneko langile kopurua bermatu, ordezkapenak egingo direla ziurtatu, etab.
• Lan osasun, aukera berdintasun edota hizkuntza eskubideak bermatuak izan daitezen.
• Baldintza hauek betetzen ez dituztenei isunak jartzeko aukera. Hau guretzat oso garrantzitsua da, bestela aldarrikapenak literatura hutsean geratzen direlako.

Egondako iniziatiba politikoak
Eragile politikoekin bilerak egin ditugu eta ezin esan, guztien aldetik erantzun berdina jaso dugunik. Hainbat kasutan mozioak oraindik eztabaidatzeke daude baina momentura arte instituzio nagusietan hartu diren erabakien balorazio bat egin dezakegu.

• Nafarroako parlamentua. Bi ekimen sindikal egon dira, ELAren Herri Ekimen Legegilea eta LABen mozioa. Berriki lege forala onartu dute. Aurrerapauso bat izan da eta bertan langileon ikuspegitik garrantzitsuak diren gaiak lotu dituzte (subrogazioa, sektoreko hitzarmenaren aplikazioa, enpresen eskaintzak kostuei aurre egiteko nahikoa izatea, ingurumen neurri batzuk edota aurreko puntuak ez betetzeagatik isunak esaterako. Hala ere, ez dira landu beharreko gai guztiak lantzen eta puntu garrantzitsuak geratu dira lotu gabe: lanpostuak mantentzeko konpromisoa, deskuelge prozedurarik ez bultzatzea, euskara, lan osasuna edota aukera berdintasuna bermatzea.
• EAEko parlamentua. ELAren Herri Ekimen Legegilea tramitazioan dago. Orain ekarpenak egiteko epea zabaldu da. LABek ere mozioa sartua du. Gure ustez EAEn aukera paregabea dago Nafarroan onartu den legea baino haratago joateko eta zintzilik geratu diren gaiak lotzeko. LABek ekarpenak egin dizkio atzo bertan ELAk aurkeztutako eskaerari, guretzat jorratu beharreko hainbat gai ez zirelako beraiek eginiko planteamenduan sartzen.
• Gipuzkoako Foru Aldundia. EHBilduren ekimenez, hau da, iniziatiba politikoz, bi Arau Foral onartu dira norabide honetan. Lehenengoa eraikuntzarako izan zen, Bildu, Aralar eta PSEk onartu zutena, errekurritua izan zena eta orain epaitegiek ontzat eman dutena.
Bestea orokorra izan da, azpikontratetan lan egiten duten gainerako langileentzat. Ahobatez alderdi politiko guztiek onartu zuten, prozesuan sindikatuak entzunak izan gara eta Nafarroan onartu dena baina askoz osatuagoa da, LABen aldarrikapenak bertan jasoak daude.
• Bizkaiko Foru Aldundian, Arabakoan, Bilboko udalean edota Gasteizkoan, gehiengoa osatzen duten PNV–PSE–PPk ez dituzte erabaki politikoak hartzen eta guk sarturiko mozioei ezetza eman edota kasurik hoberenean eztabaidak atzeratzen ari dira. Ez dute dagokien ardura instituzionala bereganatzen. EHBildu izan da erakunde hauetan, eragile politiko bakarra, prestasuna eta konpromisoa agertu duena gai hau aldarrikatzeko eta lantzeko.

Aurrera begira
Gaiaren inguruan egon zitezkeen zalantza juridikoak ez dira aitzakia, argituak geratu dira eta oraindik ere klausula sozialak onartu ez dituzten instituzioei, motzean egin dezatela eskatzen diegu. Auzia guztiz politikoa da, Gipuzkoan alderdi politiko guztiek babestu dute Arau Forala, beraz ez dugu ulertzen PNV-PSE-PPk erantzunkizun instituzional zuzenak dituzten kasuetan zergaitik ez duten Gipuzkoan onartu dena bere egiten.
 

Honekin batera Nafarroa eta EAEko legebiltzarretan eskaerak sartuko ditugu, azpikontratatako langile kopurua eta hauen lan baldintzak jasoko dituen erregistro publiko bat egin dezaten.

Hauteskunde zikloan sartzen gara eta alderdi politiko guztiei, kontratu publikoetan klausula sozialak sartzeko deia luzatzen diegu. Hauteskunde programetan gaia kontuan har dezatela eskatzen diegu eta beraiengana zuzentzen gara, nahi izanez gero gure proposamenak aurkezteko bilerak egiteko gure prestasuna azalduz.
 

 

 

Eraso sexisten aurrean Correosen jarrera salatu du LABek

admin
-
0
Eraso sexisten aurrean Correosen jarrera salatu du LABek

Atzo LABeko Postako ordezkariak, lankide batek abuztuan Correosen lanean ari zela pairatutako erasoa salatu zuten. Eraso honen ondorioz jasandako zauriengatik 4 hilabeteko baja behar izan du langileak. Mobilizazioan LABeko Emakume idazkaritzako idazkariak, Zaloa Ibeas,  instituzioei emakumeok lan munduan pairatzen ditugun erasoei aurre egiteko eta berdintasun legea betetzen dela bermatzeko bitartekoak sortzea eta honen jarraipena egiteko mekanismoak martxan ipintzea eskatu zuen.

LABen emakumeon aurkako erasoei aurre egitea ezin bestekoa iruditzen zaigu, are gehiago, eraso hauek lan munduan gertatzen direnean
Correosek izaten ari duen jarrera azpimarratzearekin batera, salatu nahi dugu ez dutela inolako ahaleginik egin , ordezkaritza sindikal osoarekin adostu gabeko berdintasun plana garatzeko, ezta sexuaren arabeherako jazarpenari aurre egiteko protokoloak diseinatzeko bitartekorik sortu.

Beste behin ere, argi geratu da, egun lantokiek berdintasun planak izateak ez duela benetan bermatzen hauek aurrera eramaten ari direnik edo eta bitartekorik sortzen dituztenik emakumeak lan merkatuan pairatzen ditugun diskriminazio eta erasoei aurre egiteko.

Aurreko astean aipatu genuen moduan, 10 urte bete direnean berdintasun legea indarrean sartu zenetik, oraindik egun legeak berak ere aipatzen dituen egoerak gainditzeko borondate politiko eza nabaria jarraitzen du izaten, eta larriagoa iruditzen zaiguna, administraziotik bertatik ere, hau errealitatea jarraitzen duela izaten.

Hau guztiagatik, alde batetik Postari exijitzen diogu euskal esparruan berdintasun plana garatzeko bitartekoak sortzea, besteak beste, ordezkaritza sindikal osoarekin berdintasun batzordea sortuz eta paper hutsetatik haratago neurri eraginkorrak izango duen prozesu bat zabaltzea.

Azkenik, instituzio eta administrazioari orohar exijitzen diogu emakumeok lan munduan pairatzen ditugun erasoei aurre egiteko eta berdintasun legea betetzen dela bermatzeko bitartekoak sortzea eta honen jarraipena egiteko mekanismoak martxan ipintzea, denon ardura delako emakumeon aurkako erasoei aurre egitea.

Emakume honek pairatutako erasoa, jendartean errotua dagoen indarkeria sexistaren ondorioa zuzena da
Gaur LABeko Postako ordezkariak, gure lankide batek Abuztuan bere lana egiten ari zuen bitartean pairatutako erasoa salatu nahi dugu. Eraso honen ondorioz jasandako zauriengatik 4 hilabeteko baja behar izan du. 

LABetik aditzera eman nahi dugu, emakume honek pairatutako erasoa, jendartean errotua dagoen indarkeria sexistaren ondorioa zuzena ere badela. Eta emakumeongana indarkeria,badituela ondorio larriak lan munduan ere. Lan mundutik eraso hauek guztiak behingoz ezabatzeko, prebentzio eta neurriak zehatzak exijitzen ditugu.

Benetan larria iruditzen zaigu, Postan erasoei hauei aurre egiteko protokolorik ez izateak, edo eta larriagoa dena, baldin badute, langileok tresna honen ezagutzarik ez izatea, are gehiago 30000 langile inguru egunero kaleetan lanean aurkitzen garenean.

LABetik, eraso honen berri izan genuen, Osasun eta Segurtasun batzordean erasoei aurre egiteko protokolo bat proposatu genuen, baina esan beharra dago, enpresaren aldetik oraindik ez dugula erantzunik jaso.

Eraso hau Gasteizen ezagutu dugun lehen kasua izan da, halere honek ez du esan nahi bestelako kasu gehiagorik gertatu ez direnik, izan ere, langileok erasoak pairatzen dituztenean ez baldin badakite nola bideratu ezta nora jo, gerta izan daiteke salatu gabe geratu izanak.

Azkenik , gogor salatu nahi dugu eraso honen aurrean Postak erakutsitako jarrera, lan orduetan erasotutako emakumea guztiz bakarrik utziz eta egoera honen aurrean ardurak bere gain hartu gabe.

Hau dela eta, gaur Emakunderekin bilera egin dugu , gertatutakoaz informatzeko eta egoera honen aurrean neurriak har ditzan eskatzeko.
 

 

 


Aldaketa sozialerako tresna izateko borondatea azaldu du LABek Iruñean

admin
-
0
Aldaketa sozialerako tresna izateko borondatea azaldu du LABek Iruñean

LAB sindikatuak Nafarraoko ordezkarien batzarra egin zuen atzo hauteskunde sindikalen garai trinkoaren balorazioa egin eta hurrengo hilabeteetarako erronkak zehazteko. Une hauetan LAB bere gailur historikoan dago ordezkaritza sindikalari dagokionez, UGT-CCOO blokeak 1997tik izandako emaitza kaxkarrenak dituen bitartean: biak batera, ez dira emandako bozken erdira ere iristen.


Ahotsa.info

Nafarroako LABeko bozeramaile Igor Arroyok balorazio baikorra egin zuen 2014an lortutako emaitzei dagokionez. LAB ordezkari kopuruan gora egiten duen sindikatu bakarra da, eta portzentaietan gehien hazi dena. Areago, urtarrilaren 31ko behin behineko emaitzek LABen gailur historikoa gainditu dute berriro ere: %13,98. Igor Arroyok Industriako emaitzak nabarmendu ditu, Patronalaren aldetik UGT eta CCOOen laguntzarekin eraso itzelak pairatu baditu ere LAB hazi delako, baita sektore soziokomunitarioan eta udal administrazioan lortutakoak ere (azken honetan, %20 gainditu du). Beste muturrean, UGT eta CCOOen gainbehera nabaria da: 2010ean biak batera ordezkaritzaren %55,95 zuten bitartean, 2014an %52,34 dute, "putxerazo, entxufismo eta patronalaren bestelako laguntzak izan arren". Areago eta gehiago, emandako bozken portzentaiari dagokionez, UGT eta CCOO %50etik jaitsi dira, "iruzurren bidez elikatutako UGT eta CCOOen gehiengo sindikala" ezerezean geratu delarik. LABen iritziz, datu hauek argi adierazten dute nafar langileek aldaketa sozialaren alde eta bide horretan gehien inplikatzen ari den sindikatuaren alde egiten ari direla. "Gure helburua hazten jarraitzea da eta, batez ere, aldaketarako tresna eraginkorra izatea, bai lantokietan baita kalean ere".

Lantokietan, honako gaiak bilduko dituen programa sindikal baten aldeko lan iraunkorra egin nahi du LABek: lanaldiaren murrizketa, soldaten igoera, aukera berdintasuna sarbidean eta enpleguan, lan errefomaren aurrean blindajea. Mutuen lege berriaren aurrean, LABek lan kontingentziak nahiz arruntak Gizarte Segurantzarekin kontratatzea proposatzen du, lan osasuna Osasunbideatik kudeatu dadin. Maila sozialean, Igor Arroyok aldaketa sozialaren alde mobilizatzen jarraitzearen beharra nabarmendu du: "ez dugu hauteskundeetan zer gertatzen den itxaron behar, aldaketa soziala posible izango da herri sektoreek horren aldeko lana egiten duten neurrian". Zentzu honetan, LABek lantokiz lantoki lan egingo du martxoaren 14rako aurreikusitako "aldaketa sozialaren aldeko ortzadarra" arrakastatsua izan dadin.
 

 

 

Karta soziala feminismotik eraikitzen

admin
-
0
Karta soziala feminismotik eraikitzen

Euskal Herriko Eskubide Sozialen Karta eraldaketa sozioekonomikorako tresna bat da; aliantza sozio-sindikal herritar zabal batetik abiatuta, Hego Euskal Herriko erakundeei interpelatu eta exijitu egiten die erabakiak har ditzaten, egungo desberdintasun sozial egoera konpontzearren. Hainbat antolakunde, mugimendu sozial eta sindikatutako feminista ugarik hartu dugu parte prozesu honetan, eta adierazi dugu Kartaren ardatz nagusietako bat feminismoa izan beharko dela emakume eta gizonen arteko zinezko berdintasunaren aitortzarekin batera.

Prozesu ireki horretan izan gara, eta bagaude ere oraindik. Esaterako, iazko urtarrilaren 11en Euskal Herriko Emakumeon Mundu Martxak deituta, Bilbon asanblada feminista arrakastatsu bat antolatu genuen eta han Kartaren printzipio eta alternatibetarako ekarpen asko bildu ziren. Era berean, urte bereko otsailaren 1an 20 nazionalitate desberdinetako emakume migratzailerekin egindako tailer-topaketan beraien ekarpenak jasotzeko aukera egon zen. Ariketa kolektibo honek gure presentzia eta ekarpenak islatu zituen Kartaren esparru eta ardatz guztiak eraikitzerako orduan.

Feministok baditugu proposamenak aurrekontu-politiketan; arlo fiskalean; enpleguaren eta sozialki ezinbestekoak diren lanen birbanaketan; ingurumen- eta kultura-politiketan; aniztasunen aitortza eta errespetuan; biolentziarik gabeko bizitza baten defentsan; sexu- zein ugaltze-eskubideetan; krisiaren eragin negatiboa genero ikuspegitik aztertzerakoan; zaintzen aitortza eta berrantolaketa sozialean.., baita bizitzaren iraunkortasuna eta bizitza onaren aldeko apustuari dagokionez ere, besteak beste. Gure agenda ez da “emakumeen kontu”etara mugatzen; osotasunaren zati bat gara, eta ez da txorakeria gogoratzea biztanleriaren erdia ere bagarela.

Halaber, datorren martxoaren 7an, Emakumeen Nazioarteko Eguna dela eta, berriro bilduko gara, norabide horretan parte hartzen eta aurrera egiten jarraitzeko.

Bestalde, ohartzen gara arrisku bat badagoela, alegia, emakumeen beharrizan eta aldarrikapenak errebindikazio orokorren multzoan baztertuta geratzea. Premiazkoa eta garrantzitsua zer den, bien arteko hautua, hor dago beti, eta horri dagokionez adi egon behar gara errebindikazioen bat egiteak eta imajinario sozial bateratuak begirada feminista ere aintzat har dezan.

Aliantza sozio sindikalaren abiapuntu hainbat errealitate eta ikuspuntu dira, zeinek agerian uzten dituzten eguneroko bizitzan aurrez aurre topatzen ditugun zapalkuntza desberdinak: klasea, arraza, adina, kultura, hautu sexuala, jatorri geografikoa edota egoera administratiboa, aniztasun funtzionala.., eta, noski, sexu-genero sistema bera ere, dominazio ardatz desberdinak zeharkatzen dituena.

Ikusten dugunez, agerikoak dira arrazoiak eta bat egiteko beharra organizazio, mugimendu sozial eta sindikatu desberdinentzat ibilbide kolektibo honetan sortuko diren zailtasun guztiei aurre eginez.

Aurtengo martxoaren 8 honetan, feministok aldarrikatzen dugu beste eredu ekonomiko eta sozial baten eraketan emakumeok nahitaezko subjektu politikoak garela eta Euskal Herriko Karta Sozialaren eraikuntzan feminismoa ezinbestekoa dela. Hau dela eta, Martxoaren 14ean emakumeok ere kaleak okupatuko ditugu aldaketa feminista ez bada ez delako benetako aldaketa izango.
 

 

 

Osakidetzak enplegu eta kalitate galera betikotzen duen EPEa onartu berri du

admin
-
0

Osakidetzak onartu duen EPEak, 320 plaza librerekin eta beste horrenbeste barne promozioan, guztiz ez-nahikoa da, ez soilik enplegu berria sortzeko orduan, baita gaur egun 9500 langile baino gehiagok burutzen duten behin-behineko enplegu prekarioarekin amaitzeko ere.

LABen irudikoz, enplegua suntsitzen duen EPEa dugu hau. Eta ez da hitz joko hutsa. Soilik 2014-2015 epealdian 1000 langile inguru jubilatuko dira Osakidetzan, eta honako joera datozen urteotan mantenduko da. Beraz, oraingo EPEak eskainitako plaza kopuruak ez ditu beteko jubilatzen direnen hutsuneak. Honi gehitzen badiogu azken lau urteotan suntsitu dituzten ia 3.000 lanpostu (horietako asko PNVren legintzaldian), behin-behinekoen kopuru erraldoia eta Euskal jendarteak gero eta osasun arreta hobeagoa behar duela, panorama kezkagarri dugu.

Madrileko gobernuaren mugak PNVren ardura zuritzeko aitzakiak baino ez dira. Maniobra eta akordiorako tartetik bada, betiere borndaterik badago. Sakoneko arazoa zera da: PNV-k PP-k daukan osasun publikoaren gaineko ikuspegi bera duela.
 

 

 


Berriz ere negozioa lehenetsiko da langileon interesen gainetik AHTa bultzatuz

admin
-
0
Berriz ere negozioa lehenetsiko da langileon interesen gainetik AHTa bultzatuz

Atzo eta gaur Europar Batasuneko eta munduko hainbat enpresetako ordezkariekin batera, Eusko Jaurlaritzako ordezkariak, Sustapen Ministerioko kideak, izan dira AHTari buruzko jardunaldietan Bilbon. Jardunaldi hauetan entzungo diren ahotsak azpiegitura honen aldekoak baino ez dira izango berriz ere, momentu bakar batean ere ez dute zalantzan jarriko zorakeri honi amaiera eman behar zaionik, kontrakoa, Ana Oregi, Urkulluren Gobernuko Sailburua pozarren dago Madrilgo Gobernuak 2019rako jarri dielako lanei bukaera epea.

Jardunaldian parte hartuko duten enpresak: Construciones Viuda de Sainz, Thales, Orona, Grupo Balzola, Grupo Campezo, Dragados, Cycasa canteras y construcciones, Saitec, Altuna y Uria, Fulcrum, Fomento de Construcciones y Contratas (FCC), Siemens, Construcciones Moyúa eta Elecnor dira, eta badakigu herritarren beharrizanen arabera baino, hauen negozio interesetarako hartuak dituztela AHTarekin aurrera egiteko erabakiak.

Betiko diskurtsoak izango dira Euskalduna Jauregian, interes publikoaren alde eraikiko dutela, tren honek Europarekin batzen gaituela… dagoeneko beraiei ere gero eta gehiago kostatzen zaie jendartean diskurtso hau sozializatzea. Euskal Herrian, makro azpiegitura honek arrazoi ekonomiko, sozial eta ingurumenari dagozkienagatik, oposizio zabal eta anitz izan du planteatu zenetik oso agerikoak diren arrazoiengatik. LAB sindikatua, beti egon da, eta egongo gara oposizio horretan kokatua eta antolatua AHTa gelditzeko borrokan, langileon kalterako baino ez den proiektu elitista bait da.

AHTa ez da bideragarria eta beste egoera sozio ekonomiko batzuetan jendarteak argi bazuen ez zuela diru publikoa horrela gastatu nahi, diru publiko hori arlo sozialetik, hezkuntzatik, osasungintzatik kentzen ari zaizkigun honetan, gutxi batzuen negoziorako bideratzea genozidioa dela deritzogu.

Puntu honetararte helduta, proiektua atzeraezina dela saldu nahi digute behin eta berriz, ba zulo honetan langileak eta orohar herritar guztiak sartzea beraien ardura baino ez da, eta noizbait ondorioak ekarri beharko dizkie erabaki horren erantzuleei. LABek obrak gaur bertan gelditzea arduraz jokatuz, moratoria eta auditoria soziala exijitzen die proiektuan arduradun diren administrazio ezberdinei.
 

 

 

Concentración el jueves en defensa de los puestos de trabajo en Durango

admin
-
0
Concentración el jueves en defensa de los puestos de trabajo en Durango

LAB se concentrará juntos a los trabajadores y trabajadoras del bar de la piscina de Landako en defensa de sus puestos de trabajo ante la falta de respuestas y propuestas obtenidas en las reuniones mantenidas con Dendak Bai y el Ayuntamiento de Durango. La movilización será frente al Ayuntamiento a las 12:00h.

Valoración de LAB ante la reuniones mantenidas con Dendak Bai y el Ayuntamiento de Durango
Ante la actitud en la que Dendak Bai nos da largas y dice que ellos no pueden hacer nada ya que esta en manos de la justicia al haber solicitado el concurso de acreedores y que ellos se han enterado tarde, solo podemos preguntarnos ¿Quien tiene la responsabilidad de todo esto?

Nos queda la sensación de que aquí nadie va a ser el responsable de la perdida de puestos de empleo, ni de la situación generada. La reunión con Dendak Bai no ha servido absolutamente para nada, excepto para dejar claro que no muestran ni un ápice de arrepentimiento ni culpabilidad frente a los trabajadores y trabajadoras.

Por otra parte tenemos al Ayuntamiento, con el PNV (su equipo gestor a la cabeza), que si es por ellos, ni nos hubieran recibido. Pero no les quedo otra al presentarnos en persona solicitando una reunión. Buenas palabras es lo único que han ofrecido. Ellos tampoco sabían nada, da la sensación, que nadie sabe nada, ni unos ni otros. Vaya manera de gestionar una concesión unos y vaya manera de controlar lo publico los otros.

LAB exige el pago de los salarios adeudados así como como las indemnizaciones correspondientes a todos lo trabajadores y trabajadoras y que Dendak Bai asuma de una vez por todas su responsabilidad sin dar largas o escudándose en la justicia. Justicia que no han tenido con los trabajadores y trabajadoras del bar de las piscinas de Landako.

Ante la solicitud por parte de LAB de dejar de subcontratar los servicios públicos su respuesta ha sido que en marzo se licitara otra vez el bar de las piscinas de LANDAKO. ¿Porque el Ayuntamiento no hace una política social de verdad de una vez y aplica la gestión directa como debería ser?. Exigimos que mientras se realizan los pasos necesarios para que la gestión sea publica se readmita inmediatamente a los trabajadores hasta que un verdadero proceso publico se ponga en marcha.

No nos queda mas que volver a decir que la externalizacion de los servicios públicos mediante subcontratas precarizan el mercado laboral (por ende el trabajo), empeorando los derechos de los trabajadores y trabajadoras de este país, a lo que el PNV ayuda notablemente con su gestión.

Por todo ello trabajadores y trabajadoras del bar de la piscina de Landako se concentraran el próximo jueves frente al Ayuntamiento para defender sus puestos de trabajo.

Concentración, jueves 26 de Febrero frente al Ayuntamiento de Durango (Plaza Txiki- Otaegi) de 12:00h a 12:30h.

 

 

 

Troikaren eta TTIParen kontrako elkarretaratzea ostegunean Bilbon

admin
-
0
Troikaren eta TTIParen kontrako elkarretaratzea ostegunean Bilbon

Euskal Herrian TTIPari EZ! kanpainak, Jyriki Katainen Troikaren kolaboratzailearen bisitaren aurrean kontzentrazioa deitu du datorren ostegunerako, hilak 26, Bilbon. “TROIKA KANPORA! ¡No al TTIP! ¡No al Plan Juncker! lelopean Euskalduna Jauregiaren burutuko da mobilizazioa goizeko 11:00etatik aurrera.
 

 

 

LABek eredu berri baterako proposamenak helarazi dizkio Ángel Toña Sailburuari

admin
-
0

Gaur, hilak 23, LAB Sindikatua Eusko Jaurlaritzaren Enplegu eta Gizarte Gaietarako sailburu berriarekin, Ángel Toñarekin batzartu da. Bertan, LABek derrigorezko jotzen duen enplegu politiketan eta babes sozialean eman beharreko norabide aldaketa eta hau gauza dadin hartu beharreko neurriak azaldu dizkio.

Azken bi urteotan enplegu eta pobreziarekin gertatutakoaren aurrean aurpegi berriak baino zerbait gehiago beharko dela deritzo LABek. Norabide aldaketa derrigorrezkoa da.

Hainbat galdera airean daude: lan mundua eta babes sozialari buruzko politikak lan sailetik diseinatuko dira edo botere ekonomikoak marraztuko ditu orain arte bezala? Toña jaunak biderik izango al du Jaurlaritzak aurrera daraman bidean enplegua eta babes soziala benetan indartzeko politikak burura eramateko?

LABek bere prestutasuna adierazi dio Enplegu Sailburu berriari lan mundua berrantolatzeko eztabaida egiteko. Horretarako, eta bere garaian egin bezala, Angel Toñari gure proposamena helarazi diogu, lan harreman eredu eta babes sozialerako eredu berrirako proposamena. Pobreziaren aurkako borroka ere lehentasunezkoa da sindikatuarentzat.

Elkarrizketa sozialeko mahaiaren ibilbidea zein izango den argitu beharko du ere, mahai hau ez baita lan munduko benetako arazoei erantzuteko sortu ez ta ere sakoneko eztabaidei ekiteko. Amaitzeko, LABek argi du ere, politikak langileok behar dugun norabidean jartzeko, lehenik eta behin, zer nolako lan harreman eta babes sozial eredua nahi dugun eztabaidatu eta erabaki behar dugula.

Euskal Herria, 2015eko otsailak 23
 

 

 
1...1,1401,1411,142...1,582Page 1,141 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus