Martxoak 8

Martxoaren 8aren etorrerarekin, mugimendu feministak arratsalderako deitutako mobilizazioen aurrekari, Foru Aldundien aurrean egin ditugu elkarretaratzeak Bilbon, Gasteizen eta Donostian eta PSNren egoitzaren aurrean Iruñean. Langileen lan baldintza prekarizatuen erantzule pribatizatu eta zaintza negozio bihurtzen duten horiek direla salatu dugu bertan.

Zaintzaren negozioaren inguruko txosten bat aurkeztu dugu, martxoaren 8rako deitutako mobilizazioen eta martxoaren 13an egingo dugun zaintza topaketaren atarian. "Gehiengo sozio-sindikaletik eta mugimendu feministatik zaintza sistema publiko komunitario baten beharra planteatzen ari gara. Zentzu honetan, orain konpromiso politiko eta instituzional argi bat falta da sistema horretan aurrera egiteko", adierazi du Garbiñe Aranburu idazkari nagusiak.

Mugimendu Feministak arratsalderako deitutako mobilizazioekin bat egiteaz gain, Bilbon, Donostian eta Gasteizen mobilizatuko gara goizean, EAJ buru duen Foru Aldundien aurrean, eta Iruñean, PSN-ren egoitza aurrean. 11:00etan izango dira protestak, zaintza negozio iturri bilakatu dutenen kontra.

LABeko idazkari nagusi Garbiñe Aranburuk Euskadi Irratiko "Faktoria" saioan elkarrizketatu dute, gaurkotasun gaiak hizpide. Tubacex-eko gatazkari buruz aritu da, eta enpresak enplegua suntsitzeko estrategian Eusko Jaurlaritzaren babes osoa duela salatu du. "Jaurlaritzak babesa ematen die Tubacex edo ITP bezalako enpresei, egoera koiuntural baten aurrean enplegua suntsitzeko. Eta enpresek, lan erreforma eskuetan, oso erraza eta oso merke suntsitu dezakete enplegua", adierazi du, eta egoera koiuntural batean egiturazko neurriak hartzen ari direla deitoratu du.

Martxoaren 8aren etorrerarekin, Euskal Herriko kaleak hartu ditugu sektore feminizatuen duintasuna eta aitortza aldarrikatzeko. Ipar Euskal Herrian beste sindikatuekin batera mobilizatu gara; Hego Euskal Herrian, mugimendu feministarekin eta emakume* pentsiodunekin batera, besteak beste. LABek ere bere mobilizazio propioa egin du; Gasteizen, hain justu. Bertan, Europa Jauregian egindako emakumeen* batzarraren ostean, manifestazioa egin dugu Andra Mari Zuriaren plazaraino. Plazan bertan, EAJren egoitza aurrean, alderdi jeltzalea interpelatu du Garbiñe Aranburu idazkari nagusiak, gobernu ardurak dituen neurrian: "Guztia ez da Madrilen erabakitzen. Baditugu eskuduntzak bestelako urrats batzuk emateko; baditugu eskuduntzak zerbitzu publikoak hobetzeko; baditugu eskuduntzak zaintza sistema publiko baten norabidean urratsak emateko eta zaintzak negozio izateari uzteko".

Zaintzen berrantolaketa sozialaren eta demokratizazioaren aldeko urratsak egin behar ditugu, urgentziazkoa da. Bidezkoa den banaketa egin behar dugu. Negozioa egiteari utz diezaiotela. Sistema publiko komunitario baterako oinarriak jarri behar dira, pertsona guztiak behar dugun momentuan zainduak izango garela ziurtatuko duena. Zaintzaileetzat zein zainduentzat duinak diren baldintzetan egingo direla bermatuko duena. Horrela egiten badugu, ez da inor zapaldu beharko norbaitek zaintzak behar dituelako.

Gure bizitzen erasotzailea, ametsen hiltzailea, energia eta ilusioen lapurra, poztasunen erailea, miseriara eta bizi prekarietatera kondenatzailea, horixe da kapitalismo heteropatriarkala....

Gure indarrarekin eta sindikalgintza feministatik gu ere batzen gara borrokara! Martxoaren 8an, LABek bat egingo du Euskal Herriko Mugimendu Feministak...

Athletic Club Museoa kudeatzen duen Azafatas Ercilla enpresa greba eskubidea urratzeagatik zigortua izan da. Lan Ikuskaritzaren Txostena luzaro itxaron...