2025-12-26
Blog Page 1031

1.080 eurotako gutxienezko pentsio duinak bermatzeko aukera galdu da Gasteizko Parlamentuan

admin
-
0

Gaur, Gasteizko Parlamentuak, EAJ, PP eta UPyDren ezezko botoekin eta PSEren abstentzioarekin, ezetz esan dio 1.080 eurotako gutxieneko pentsio duina jaso ahal izateko osagarri proposamenari. Pentsionista ugarik euren bizi baldintzak hobetzeko osagarriaren proposamenari ezezkoa ematea akatsa dela uste dugu. Desberdintasun sozialak areagotzen dituen erabaki politikoa da.

Gure ustez, gure herriak aurrean duen erronketako bat arrakala soziala murriztea izan beharko litzateke, gero eta handiagoa dena, aberastasunaren banaketa gero eta injustuagoaren ondorioz. Hori izan beharko litzateke politika eta instituzioek hartutako neurrien helburua eta ez kontrakoa, egiten ari direna hain zuzen. Politika hauen ondorio kaltegarriek bizitza baldintza duinetan garatzea zailtzen dute.

Ikusten dugun moduan, hau ez da erronka eta helburua EAJ, PP eta UPyDrentzat. EH Bilduk Gasteizko Parlamentuan egin duen proposamena baztertu dute. Eta honekin, berriz ere ezetz esaten diete Hego Euskal Herriko Pentsionisten Plataformei. Hauek duela hilabete batzuk Herri Ekimen Legegile bat aurkeztu zuten eta hauxe zen bertan jasotzen zen aldarrikapenetako bat.

Kontuan izan behar dugu pentsionistak direla Hego Euskal Herriko lau biztanletatik bat, eta portzentaia hau gorantz joango da biztanleria zahartuz doan heinean. EAEko pentsionisten %50ak baino gehiagok 1.080 euroen azpitik dauden pentsioak dituzte. Onartezina da soldata publiko altuak jasotzen dituzten eta etorkizunean pentsio itzelak izango dituzten horiek (lehendakariaren bizitza osorako pentsioa barne) 230.000 pertsonaren pentsioak hobetzeari ezetz esatea, horixe gertatuko bailitzateke proposamenak aurrera egin izan balu.

Pentsionistei bizi-baldintza duinak eskaintzeari ezezkoa ematen dioten bitartean, uko egiten diote enpresa eta aberastasun handien iruzur fiskalaren, paradisu fiskalen kontra egiteari eta egun ez dagoen ekitate fiskala lortzeari. Desberdintasun sozial honi egin behar zaio aurre. Aberastasunaren banaketa bidegabe eta insolidario honek oso pertsona gutxiri egiten dio mesede, eta baldintza oso prekarioetan lan egitera kondenatzen du gehiengoa.

Ez dago aitzakiarik. Beste behin, EAJ, PP eta UPyDren politika zaharkitua, baliabide ekonomiko beharrezko eta nahikoak izatea eskatzen duten milaka pentsiodunen eskubidearen kontra jartzen da. Horregatik, LABetik ezezko hau salatzen dugu, eta ezartzen diren politikak orain artekoen kontrako norabidean joatea eskatzen dugu, hau da, guztion artean sortzen dugun aberastasuna modu bidezkoan banatzea eta pertsona guztien bizitza baldintza duinetan garatu ahal dadin bermatuko duen norabidean.

Amaitzeko, LABetik dei egiten dugu Babes eta Segurantza Sozialeko Sistema Propioaren alde, Pentsionisten Plataformak egiten ari diren eskariak sinatzen jarraitzeko eta 1.080 eurotako Gutxieneko Pentsio Duinaren exijentzia babesteko, politikoek ezetz esan narren. Erakutsiko diegu asko garela bidezko aldarrikapen hauek babesten ditugun eta gaur Gasteizko Parlamentuan ikusi ditugun jarrera negargarriak salatzen ditugun milaka herritarrak.
 

 

 

Ez aldundiak, ez enpresek, ez dute lortuko Bizkaibus zerbitzua prekarizatzea

admin
-
0

Emakidak lortu zituzten enpresak lan-baldintzak prekarizatzeko egiten dituzten saiakeren aurrean Bizkaibus-eko enpresa-batzordeek eta UGT, CCOO, ELA, LAB eta USO sindikatuok lanuzteak egitera deitu dugu Bizkaibusen. Ez plantillek, ez enpresa-batzordeek, ez sindikatuok ez dugu utziko lan-baldintzak eta Bizkaibus zerbitzua prekarizatzen.

UGT, CCOO, ELA, LAB eta USO sindikatuen Oharra:

Bizkaibus-eko enpresa-batzordeek eta UGT, CCOO, ELA, LAB eta USO sindikatuok lanuzteak egitera deitu dugu Bizkaibusen.
Izan ere, emakidak lortu zituzten enpresak lan-baldintzak prekarizatzen saiatzen dira behin eta berriz; lehenengo, hitzarmen desberdinak zituzten plantillak batera bilduz, eta bigarren, negoziazio bidean dauden hitzarmenetan prekarizazio-neurriak sartzen ahaleginduz.

Gainera, Bizkaiko Foru Aldundia beste aldera begiratzen du, eta gure arazoak “lan-arazoak” direla esaten du, gainetik kendu nahian. Baina gogora ekartzekoa da, Aldundiak berak sinatu zuela akordio bat, non 2013ko urrian zeuden lanpostuak amortizatuko ez zirela esaten zen. Puntu hori ez da bete, zeren postu batzuk amortizatu dira, eta beraz 2013 eta 2014an sinaturikoa urratu da.

Egoera den bezalakoa izanik, eta ez plantillek, ez enpresa-batzordeek, ez sindikatuok ez dugunez utziko lan-baldintzak eta Bizkaibus zerbitzua prekarizatzen; lanuzteak egitera deitzen dugu, Bizkaibus zerbitzua hobetzearren, eta herritarren beharrizanekin bat datorren zerbitzua zaintzearren. Ez diegu utziko enpresei zerbitzu publiko baten pribatizaziotik atarramendua eurrez ateratzen.

Horregatik hurrengo lanuzteak antolatu ditugu:

– Maiatzak 4, 9, 12, 16, 18 eta 20. Lanuzteak: 07:30 – 09:30; 18:00 – 20:00; eta gaueko txandaren lehenengo bi orduetan.

– Maiatzak 23, 24, 25 eta 26. Lanuzteak: 07:00 – 10:00; 17:30 – 20:30; eta gaueko txandaren lehenengo hiru orduetan.

– Maiatzak 30 eta 31, eta ekainak 1, 2, 3, 6, 7, 8, 9 eta 10. Lanuzteak: 07:00 – 11:00; 17:00 – 21:00; eta gaueko txandaren lehenengo lau orduetan.

Lanuzte horien ondorioz erabiltzaileei sortuko zaizkien eragozpenak sentitzen ditugu, baina kalitatezko enpleguaren alde egiten duguna kalitatezko zerbitzuaren alde ere izango da.
 

 

 

Langabeziagatiko prestazioen estaldura tasa %31,8an kokatzen da, bere maila baxuena krisia hasi zenetik

admin
-
0

Erregistratutako langabeziak behera egin zuen apirilean Hego Euskal Herrian, Enplegu Zerbitzu Publikoen datuek arabera, 2.615 langabetu gutxiago daude orain. 195.440 langabetu daude orain, gehienak emakumeak direlarik (%54,3a). Ematen du lan merkatua, urtaroko faktoreek lagunduta, goi-denboraldian sartua dela. Hala ere, inolako langabezia-prestaziorik jasotzen ez duen langabetuen kopuruak gora egin du iazko urte amaieratik.

Egun, Hegoaldeko lau herrialdeetan 135.102 pertsona daude ofizialki langabetutzat joak ez dutenak prestaziorik jasotzen, hau da, 2015 amaieran zeudenak baino 4.057 gehiago. Izan ere, estaldura tasa bere maila baxuenera iritsi da krisia hasi zenetik: %31,8.

Estaldura mailaren jaitsiera larria iraupen luzeko langabeziaren gorakadak (honek langabezia estruktural tasa igotzen du) eta PPren gobernuak langabeziagatiko prestazioen murrizketak sortutakoa da.

Kontratazioarekin lotuta, nabarmendu behar dugu lehen lauhilekoan sinatutako kontratuen %92,6 aldi baterakoa izan dela. Eskandaluzko portzentaia honek adierazten du Hego Euskal Herriko kontratazioaren aldibaterakotasuna Estatuko bataztebestekoaren gainetik dagoela (%90,5). Beste alde batetik, garrantzitsua da kontratuen %40 gutxi gorabehera lanaldi partzialekoak direla.

Guzti honek erakusten du enpresariek arau bihurtu nahi dutela prekarietatea eta horregatik jotzen dela modu sistematikoan langileen artean egoera gero eta ezengonkorrago, zaurgarriago eta pobretuagoa sortzen duen enplegu prekario eta merkean oinarritutako eredura.

 
Hego Euskal Herriko langabeziagatiko prestazioen jasotzaileak

2016eko urria
Gizonak
Emakumeak
Guztira
Jasotzaileak guztira (SEPE)
–
–
77.625
Langabezian dauden jasotzaileak
31.759
31.194
62.953
Jasotako langabezia
91,024
107.031
198.055

Langabeziak eta prestaziorik gabe daudenak
59.265
75.837
135.102

Doitutako estaldura tasa
34.9%
29.1%
31.8%

 
Iturria: LABek egina Lanbide, Nafarroako Enplegu Zerbitzua eta SEPEko datuak erabilita.

 

Sakanan lanaren banaketaren alde borrokan jarraitu behar dugu

admin
-
0


Sakanak egoera bortitza bizi du 2008ko krisiaren ondorioz. Krisiak, lanpostuen zenbatekoan ez ezik, lan baldintzen eta bizi baldintzen prekarizazioan du eragina. Horregatik guztiagatik, LAB sindikatuak beharrezkoa jotzen du lanaren banaketaren alde egitea, 35 orduko lan asteak eta ordu estrak ez sartzeak enplegu sorrera ekarriko lukeelako.

Hau da gure eskualdeak izan duen enpleguaren bilakaera, Seguritate Sozialeko afiliazio datuei begiratzen badiegu:

2008  2013 2015 2016
6722 4532 4130 4540

Datu hauen irakurketa positiboa egiten du LAB sindikatuak. Seguritate Sozialean afiliazio igo den honetan langabeziak ere behera egin du nabarmen, Martxoan 1259 langabetu izatera helduz. Lehenengo aldiz zortzi urtetan afiliazioak gora egin du eta horrek Sakanan enplegua sortzen ari dela esan nahi du. Gogoratu behar dugu 2013. urtean 2000 langabetu genituela Sakanan.

Guzti honetatik ondori garbi bat atera dezakegu, 2015 urte bitarte Sakanak duen kokapen estrategikoa dela medio jende askok inguruetako bailaretan (Iruñerria, Goiherri eta Arabar lautada) aurkitu du lana. 2015 urtean hau aldatzen hasi da eta Industrian, Sakanan lana aurkitu du jendeak kanpora joateko beharrik izan gabe. Oraindik ere, asko geratzen da egoera normalizatu batera iristeko.

Hauek dira Sektoreka Seguritate Sozialak 2016ko urtarrilean jaso dituen datuak:

Sektoreak 2015
2016
Zerbitzu Pribatuak     1228 1322
Industria  2228 2601
Administrazio Publikoak 224 236
Eraikuntza 247 196
Nekazaritza – Abeltzaintza 76 71
Soziokomunitario 127 114
Irakaskuntza Pribatua 185 200

Sektoreetakoa datuak begiratzen baditugu oso nabarmena da industria izan dela berriro ere enpleguaren motore eskualdean eta oso adierazgarria da Metalgintza sektoreak izan duen hazkundea, 2015ean zituen 1.746 lanpostuetatik 2016ko urtarrilean 2.266 lanpostu izatera iritsi da.

Datu hauek positibotzat jotzen baditugu ere, gaur egungo egoera oso larria izaten jarraitzen du. Langabezia datuei begiratzen badiegu oraindik 1.259 langabetu daude gure eskualdean. Hamar langiletik 6 emakumezkoak dira eta langabetuen %48ak 45 urtetik gora ditu.

Kontratazioei begiratzen badiegu azken hiru hilabeteetan bataz beste 609 kontratu egin dira eta horietatik %7,9 soilik dira kontratu mugagabeak. Kontratazioei begiratzen badiegu ere emakumeak dira kontratu mugagabe gutxien egiten zaizkien kolektiboa, hamar kontratutik hiru.

Industriako enpresa askotan ordu estrak eta malgutasun neurriak ohikoak bilakatu dira. Eskualdeko enpresa askotan ere, bi soldata eskala egotea ohikoa bilakatu den bezala. Momentu honetan Sakanan langileak lanordu gehiago egitera eta gutxiago kobratze behartuak daude, enpresen mozkinak igotzen diren bitartean.

Horregatik guztiagatik, LAB sindikatuak beharrezkoa jotzen du lanaren banaketaren alde egitea, 35 orduko lan asteak eta ordu estrak ez sartzeak enplegu sorrera ekarriko lukeelako. Gaur egun ordu estrak eta lan jardunaldia enpresa askotan igo izana kaltegarria izaten ari da enplegu sorrerari dagokionez.

1200 euroko lanbide arteko soldata minimoa ezartzeak eta enpresatan soldata eskalekin amaitzeak, aberastasunaren banaketa justuagoa ekarriko luke bai zonaldean eragina izateko eta baita bizitza duin bat egin ahal izateko.

Eskualdean enplegu gehiago izateko beharrezkoa da enpleguaren kalitatea hobetzea, enpresen mozkinak eta lana zonaldean era justu batean banatuta. Beraz, gure Eskubideen alde martxan jartzea da dugun alternatiba bakarra.

 

 

Hondakinen gaineko Basurtuko Zuzendaritzaren arduragabekeria salatzen dugu

admin
-
0
Hondakinen gaineko Basurtuko Zuzendaritzaren arduragabekeria salatzen dugu

Basurtu ospitale barruan, Iturrizar eta Areilza Pabilioien inguruko zakarrontzietan honakin biologiko, odol kantitate handiak eta ebakuntza materiala zeukaten poltsak topatu dira protokolo guztien kontra eta osasun publiko zein langileen lan-osasunerako mehatxu larria sortuz. LABen iritziz, honako gertaera oso larria da eta horregatik gertatu denaren salaketa publikoa egiten dugu.

Helarazi dizkiguten argazkiak apirilaren hirugarren astean izan ziren hartuak, Basurtu ospitale barruan, Iturrizar eta Areilza Pabilioien inguruko zakarrontzietan. Poltsak apurtuak izatearen ondorioz barruan hondakin biologiko, odol kantitate handiak eta ebakuntza-gelako materialak zeudela jakin izan dugu, protokolo guztien kontra eta osasun publiko zein langileen lan-osasunerako mehatxu larria sortuz.

LABen iritziz, honako gertaera oso larria da. Are larriagoa, arazo honen aurrean Ospitaleko Zuzendaritzak gaurdaino fundamentuzko azalpen argirik eman ez izana, hiru aste luze pasatu direnean eta LABek bi aldiz exijitu dituenean azalpenak. Izan ere, informazio faltak alarma pizten du, ez baitakigu gertaera puntuala edo egunerokoa den. Ospitaleko Zuzendaritzak arduragabe jokatu du, ez diolako arazoari beharrezko zen prestutasuna eta azkartasunez heldu.

Horregatik gertatu denaren salaketa publikoa egin nahi dugu, Ospitaleko zein Osakidetzako zuzendaritzei jazotakoaren gaineko azalpenak eman ditzaten eta berriro gerta ez dadin beharrezko neurriak abia ditzaten exijitzen diegu, ospitaleko hondakinen kudeaketaren gaineko azterketa eta hobekuntza nabarmenarekin batera.

 

 

 

Banco Santanderrek egin nahi duen kaleratze kolektiboaren kontrako txostena aurkezten dugu

admin
-
0


LABen iritziz faltsuak dira bankuak kaleratze kolektiboko espedientea aurkezteko mahaigaineratu dituen arrazoi eta argudioak. Sindikatua espedientearen aurka dago eta Administrazioari eskatzen dio bere kontra ager dadin. Bankuko direktiboek itzelezko soldatak jasoten dituzten bitartean langileen soldata izoztuta egotea eskandalua da eta ulertzen dugu plantillan murrizteko finantza-arazoak dituela argudiatzen duen enpresa batek ezin dizkiela bere zuzendariei horrelako eskandaluzko soldatak ordaindu.

Hasteko, eskandalua da Bankuko direktiboek itzelezko soldatak jasoten dituzten bitartean —adibidez Jose A. Alvarez Kontseilari Ordezkariak 6,674 milioi euro kobratu zituen eta Ana Botin Presidenteak 9,8 milioi euro (7,49 milioi euro dirutan eta 2,3 milioi pentsioen planaren bidez), euren sarrerak aurreko urtearekiko %10ean igoz— langileen soldata izoztuta egotea 2015ean. Ulertzen dugu plantillan murrizteko finantza-arazoak dituela argudiatzen duen enpresa batek ezin dizkiela bere zuzendariei horrelako eskandaluzko soldatak ordaindu.

Gainera, Banco Santanderrek urtero jasotzen ditu irabaziak, gero eta altuagoak. 2015ean 5.966 milioitako irabaziak izan ditu eta aurten, urtarrila eta martxoa bitartean, 1.633 milioi euro irabazi ditu eta asebeteta dagoela dio.

Hortaz, ez dugu justifikatzeko modukoa ikusten diru publikoa erabiltzea (langabezia prestazioa, kotizazio sozialen aurrezkia) bere baliabide propioekin egin daitekeen berregituraketa bati ekiteko.

Azken urteetan, Banco Santanderrek asko murriztu du langile kopurua Kaleratze Kolektiboetara jo beharrik izan gabe, eta neurri handi batean, aurrejubilazioak erabiliz.

1999an, 29.792 langilek osatzen zuten plantilla, ondoren, hauei Banco Español de Crediton lan egiten zuten 11.000 langileak gehitu behar zaizkie, banku hau erosi baitzuen eta 2013an Santanderren barruan integratu baitzuen. Azken urteetan, Banco Santanderrek, bataz beste, urtero plantilla 1000 langileko murriztu du eta ez du Kaleratze kolektiborik erabili. Zergatik orain bai? 2015eko urte amaieran, Banco Santanderrek 24.216 langile zituen, 2014ean baino 624 gutxiago eta 3.467 bulego, aurreko urtean baino 600 gutxiago.

Banco Santanderrek aurkezten dituen arrazoiak aitzakia baino ez dira, kaleratzeak oraindik gehiago merketu nahi ditu. Pertsonala ahalik eta kostu baxuenekin kaleratu nahi du, eta ahal bada diru-kutxa publikoen kontura.

Gure ustez iruzur egitea eta diru-kutxa publikoei lapurreta egitea da herritarrok, Enplegu Zerbitzu Publikoaren bidez, kaleratzen diren langileen langabezi prestazioak ordaintzea. Eta ze esanik ez, gainera, orain arte egin bezala, Bankuak Gizarte segurantzako kargak ordaintzen ez dituela jakinda.

Onartezina deritzogu diru-kutxa publikoak erakunde finatziarioak languntzen jarraitzea, kasu honetan, Banco Santander languntzea EEEa onartuz. Gogoratu behar dugu ere zenbat diru jaso duten “erreskate finantziario” bezala ezagutzen dugun horretatik, herritar guztiok ordaintzen jarraitzen dugun erreskatetik.

Eta ez dezagun ahaztu, beren benefizioak, urtez urtez, gora jarraitzen dute eta bueltatu eta enplegu duina sortzeko konpromisoa hartu beharrean, beren kapritxoak, kaleratzeak eta gehiegikeriak herritarrok ordain ditzagun nahi dute.

Guzti hau dela eta Banco Santanderrek aplikatu nahi duen Kaleratze Koleltiboen Expedienteari Kontrako Informea aurkeztu diogu. Probokazio hutsa dela deritzogu. Administrazioak gure informea onartu eta expedientea baimentzearen kontra agertuko dela espero dugu, nahiz eta ordezkaritza sindikalaren parte bat alde agertu. Hauek, modu honetara, diru-kutxa publikoen kaltetan izango den eta Bankuari mesede egingo dion operazio baten konplize bilakatzen dira.

Eskandalu bat da, CCOO-UGT-FITC-STS Estatu espainoleko banku handienarekin, benefizio gehien lortu dituenarekin, 680 pertsona kalean utziko dituen EEE bat adostea. Justifika ezina justifikatzeko haitzakiak onartu dituzte.
 

 

 

Elikadura burujabetza ardatz duen jangelen eredu berri bat aurkeztu dugu

admin
-
0
Elikadura burujabetza ardatz duen jangelen eredu berri bat aurkeztu dugu



LAB sindikatuak eskola-jangelen inguruan egiten duen proposamena aurkeztu du gaur, hilak 4, komunikabideen aurrean. Jendarte eta erakundeei proposatzen diegun jangelen eredu berri honek, elikadura burujabetza jasotzen du beste oinarri batzuen artean. Jangelen eredu honek ekarpena egin behar dio gure portuen bizirauteari, arrantza eta nekazaritza sektoreari, lehen sektorean enplegua sortzeari, produkzio agroekologikoari, tokiko ekonomiari eta gure ingurumenaren zaintzari. Guzti honen inguruko zehaztasunak “Jangelak: eredu berri baterantz” txostenean jaso dituzte.
 
 

Araiako Interenvasesen ezarri nahi dute amaiera EEEa salatzen dugu

admin
-
0

Sertegoko (Interenvases) zuzendaritzak amaiera EEEa jakinarazi die Lan Ordezkaritzari eta langileei, bertako langile gehienak kaleratzeko. Langileek susmatzen zuten zerbait konfirmatu da. Zuzendaritzak aspaldi erabaki zuela lantegi honetan jarduera etetea eta sutea erabaki hori gauzatzeko erabil zezakeela, langile gehienak kaleratuz. Horregatik, LABek zuzendaritzaren jukutria salatzen du, gure ustez, enpresaren utzikeriak sortu zuen sute baten ondorioak langileei ordainarazi nahi dizkiena.

Zuzendaritzak Enplegu Erregulazio Espedientea aurkeztu du ezinbesteko arrazoiak argudiatuz 19 langiletatik 13 kaleratzeko. Beste hiruri laster amaituko zaie kontratua. Hortaz, datozen hilabeteotan 3 langile baino ez lirateke geratuko. Enpresak neurri hau hartzeko “ezinbesteko arrazoiak” argudiatu arren, bi kontu nabarmendu nahi ditugu:

– Langileen artean ezaguna zen, sutea gertatu aurretik, ontzien mozketa eta birziklapenerako nabean jarduera eteteko asmoa.

– Gure ustez, enpresak segurtasunaren inguruan duen arduragabekeriagatik gertatu zen sutea. Ez zuen zirkuitulabur batek eragin mozketa lerroan zenbait produktu nahasteagatik baino, hauek erreakzionatu eta su hartu zuten, sutea oso azkar hedatu zelarik lantegi osotik.

Salatu beharra dugu enpresak ez ziela inolako prestakuntzarik eman langileei aipatu produktu kimikoak erabiltzeak zituen arriskuez. Ez zuen ezta nahaste hauek gerta ez zitezen inolako neurririk hartu, ezta ontzietan produktu kimiko ezezagunen hondakinak gera zitezen ekiditeko.

Nabarmendu nahi dugu enpresa hau zabaldu zenetik segurtasunarekin arazo asko izan dituela. Behin baino gehiagotan izan dira istripuak eta bestelako gertakariak (suteak, gas isuriak…), Zuzendaritzak ezkutatu egin dituenak. Langileek neurriak eskatu zituzten istripu larriagoren bat gertatzeko arriskuaren aurrean, azkenean gertatu den moduan. LABek uste du gertakari hauek badutela antzeko elementurik, hala nola enpresaren axolagabekeria eta arriskuen prebentziorako politika falta, langileen ematen zaien prestakuntza faltarekin batera.

Horregatik guztiagatik, LABek ukatu egiten du sutea “aurreikus ezin den gertakaria” izan denik, “ezinbesteko arrazoiaren” definizioak zehazten duen moduan. Guztiz kontrara, aurreikus zitekeen zerbait da, eta enpresak ez du berau ekiditeko inolako interesik jarri.

Gertakari hauen aurrean, LABek defendatzen du lanpostuei eutsi egin behar zaiela eta jarduerak jarraitu egin behar duela langile eta ingurunearentzat seguruak diren baldintzetan. Ezin dugu onartu sute hau probesterik langileak kaleratzeko, langileak sute honen biktima bihurtuz eta zuzendaritzak suntsitutako nabean jarduera eteteko zuen asmo makurra erraztuz.

Gure ustez, instituzioek, batez ere Eusko Jaurlaritzak eta bere Lan Ordezkaritzak, enplegua eustearen alde egin behar dute, batez ere krisiak gogor kolpatutako eskualde batean. LABek dei egiten dio Eusko Jaurlaritzaren Lan Ordezkaritzari enpresak lanpostuak suntsitzeko dituen asmo makurrak ahalbidetu ez ditzan eta suteari buruzko txosten zehatza egin dezan honen arrazoiak eta enpresaren segurtasun politika argitzeko; eta honen arabera, beharrezko neurriak har ditzan eta langileei kaleratze masiboa ez babestu.
 

 

 

Presidenteak ez zuen Mercedeseko Enpresa-Batzordea ordezkatzen

admin
-
0
Presidenteak ez zuen Mercedeseko Enpresa-Batzordea ordezkatzen

Mercedeseko Enpresa-Batzordearen gehiengoak agerraldia eman du gaur Mercedeseko Enpresa Batzordeko Presidentearen kargugabetzea azaltzeko. Besteak veste azaldu dute Presidenteak kasu askotan enpresatik gertuago egon dela langileengandik baino. Bestalde, adierazi dute negoziazioen blokeoaren aurrean ez zegoela beste irtenbiderik.

Mercedeseko Enpresa-Batzordearen gehiengoa:
“Presidenteak ez zuen Enpresa-Batzordea ordezkatzen, eta kasu askotan enpresatik gertuago kokatzen zen langileen interesetatik baino”

Azken aldi honetan, ikusi dugu nola enpresa-batzordeko presidentea eta UGT bere sindikatua, Enpresa-batzordearen gehiengoak hartutako erabakietatik urruti zeuden ekintzak egin eta erabakiak hartu dituen. Azkena, Enpresa-batzorde honek deitu duen Asanblada Orokorrera bertaratzeari eman dion ezezkoa. Erabaki hau inflexio puntua izan da, aurretik aurrekariak zeuden aurren, argi geratu da Batzordearen Presidenteak ez zuela Batzordea ordezkatzen, eta kasu askotan enpresatik gertuago kokatzen zela langileen interesetatik baino. Hori, oraingoaren antzerako negoziazio sasoi batean, ez da positiboa hitzarmen duina lortzen ahalegintzeko, mugitzen ari garen salmenten kopuruen barruan.

Beharbada, Mercedeseko Enpresa Batzordeko Presidentearen kargugabetzea izango da mediatikoena, baina guretzat garrantzia txikiena duena da. Negoziazio prozesuaren barruan sartzen den erabakia da, eta hori da benetan garrantzitsua dena.

Ez zegoen beste irtenbiderik negoziazioaren egungo blokeoaren aurrean, sindikatu batzuk eta enpresak gutxiengoan sinatzearen alde zuten jarrerak sortua, Asanblada Orokorra deitu eta Presidentea kargugabetzea baino. Honek ezezkoa eman zion Asanblada deitzeari, eta gainera, ez zela bertaratuko jakinarazi zuen.

ELA, CCOO, LAB eta ESK bezalako sindikatu ezberdinek Presidentea kargugabetzeko erabakia hartzeak egoera jasanezina dela adierazten dute. Gure artean dauden desadostasunetatik abiatuta, baina Batzordeak organo demokratiko eta indartsua izan behar duenaren konbentzimendutik heldu gara erabaki honetara. Honekin modu partekatuan asumituko ditugu Batzordeko ardurak. Honek esan nahi du erantzukizun ardurak beteko dituzten lagunez harago, erabakiak denon artean eztabaidatuko ditugula.

Negoziazioaren egoerari dagokionez, lehenik eta behin egungo egoeran kokatu behar dugu gure burua. 2016rako aurreikusituako produkzioak errekord berri bat lortuko du Gasteizko lantegian, aurreko gehienezkoa baino 35.000 ibilgailu gehiagorekin, 137.000 ibilgailutako kopurura iritsiz.

Egoera honetan, Batzordearen gehiengoak sindikatu bakoitzari azken hauteskunde sindikalek eman zioten ordezkaritza errespetatzearen aldeko apustua egin dugu, ulertuta hori dela demokratikoena eta langileontzako onuragarriena.

Honek konpromiso proposamena ekarri zuen, honakoa jasoz, inork ez zuela gutxiengoan sinatuko eta hitzarmen berria kudeatuko duten batzordeetan sindikatu bakoitzaren ordezkaritza errespetatuko zela.

Baina UGT, Ekintza eta PIMek ez zuten konpromiso hori hartu, horrek bidea libre uzten zion negoziazioa eta gutxiengoan egindako akordio bati.

Enpresa ere interpelatu genuen, konpromisoa har zezan gehiengoarekin hartutako akordioa soilik izan zedin baliozkoa, sinatzen zuenak sinatzen zuela, baina aurreikusi zitekeen moduan enpresak ere ezezkoa erantzun zuen, edozeinekin sinatzeko prest zegoela adieraziz, sindikatu bakarrekin ere.

Egoera honen aurrean, eta Batzordearen gehiagoaren plataforma aurkezteko ahalegina eginda ere, enpresak gutxiengoan egindako akordioa bilatzeko ahalegina egin zuen, eta aukera hau babesten duten sindikatuak egonda, gehiengotik negoziazioa atzeratzea eskatu genuen blokeo honi konponbidea bilatzeko.

Batzordearen ezohiko bilera deitu genuen, berriro eztabaidatu eta sindikatu guztion artean, berme guztiekin negoziazio-mahaira itzultzeko adostasuna aurkitzeko asmoarekin.

Baina UGT, EKINTZA eta PIM agertu ere ez ziren egin deialdira, enpresarekin egun berean beste bilera batera joan arren. Sindikatu hauek erakutsi zuten seriotasun eta konpromiso faltaren aurrean, ASANBLADA OROKORRA deitzea erabaki genuen.

ELA, CCOO, LAB eta ESKren aldeko jarrerarekin eta UGT, Ekintza eta PIMen kontrakoarekin Asanblada egitea eskatu genion enpresari, sindikatu bakoitzak bere jarrera azaldu eta langileek jarraitu beharreko bideak zein izan beharko lukeen erabakitzeko. Espero zitekeen moduan, Zuzendaritzak ere ezezkoaren erantzun zuen.

Hemendik aurrera Enpresa-batzordearen gehiengoa lanean hasi zen asanblada hau kanpoan egiteko. Azkenean, datorren maiatzaren 19an egingo da Asanblada.

Asanblada izango da negoziaziok nondik jarraitu behar duten erabakiko duena, baina guk argi daukagu zenbat eta batuago egon langileontzat emaitza hobeak lortuko ditugula.

Gure aldetik, beste sindikatuei dei egiten diegu euren jarrera berraztertu eta gehiagoarekin bat egin dezaten.

 

 

 
1...1,0301,0311,032...1,583Page 1,031 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus