Gaur, 12:00etan, Tasubinsako Enpresa Batzordea -LABeko 8 ordezkarik, UGTko 6k, ELAko 4k eta CCOOko 3k osatua-, enpresako bulego orokorren aurrean kontzentratu da, enpresak Batzordeak aurkeztutako gutxienekoen plataforma bere gain hartzeari uko egin diola salatzeko.
Batzorde honek balioa eman nahi dio, bere ustez, egin duen erantzukizun mugimenduari, hasierako oso aldarrikapen garrantzitsuak alde batera utzi baititu, pandemiaren ondorioz negoziazioa gelditu egin delako. Batzordeak, Nafarroako 2019ko KPIaren aurtengo igoeraz gain, errelebo kontratua eskatzen du langile guztientzat, laguntzaileen kategoriak gorantz parekatzea eta kategorien disfuntzioak aztertuko dituen batzorde paritarioa sortzea.
Aitzitik, plantilla egiten ari den ahalegin guztiak kontuan hartuta, Batzordeak ez du ulertzen nola Tasubinsako zuzendaritzak makina bakar batean milioi bat euro baino gehiago gastatu dituen eta beste hainbeste lokal bat erosten, eta ez duen 200.000 mila euro gastatu nahi aurten bere 1.000 langileen soldatak eguneratzeko -kantitate hori nahikoa izango litzateke langileak ez pobretzeko-.