Etxeko Langileen Elkarteak Gasteizko Legebiltzarraren aurrean deitutako mobilizazioarekin egin dugu bat. Gutxieneko soldataren azpitik kotizatzen ari direla salatu dute, horrek dituen ondorioekin euren pentsio, baja eta amatasun baimenetan. "Eskubide guztiak etxeko langileentzat!", "Gizarte Segurantza bete legea!" eta "PNV eta PSE busti zaitezte!" oihuen artean egin dute protesta.
Etxeko langileentzat justizia eskatu dute, eta EAJ eta PSEren jarrera lotsagarria salatu. Hain zuzen ere, adierazi dute etxeko eta zaintzako langile askok, lanaldi osora egonik ere, 877 euroko kotizazioa dutela gaur egun: "Kopurua 1.050 euro izan beharko litzateke. Erantzule zuzenda Gizarte Segurantzaren Diruzaintza da, ezer kontrolatu ez duelako".
