LAB sindikatuaren barne gunean zaude
Blog Página 1546
Kudeaketa Gunea
LAB sindikatuko liberatuek atal ezberdinak kudeatzeko gunea
Langileok erabaki, Euskal Herriak erabaki. Azaroaren 20an bozkatu amaiur
Euskal langileriak argi uzi du krisialdiaren hasieratik: mobilizazioak, aldarrikapenak, enpresak hustu eta kaleak bete ditugu. Hiru greba orokor burutu eta bestelako eredu ekonomiko eta sozial bat eraikitzeko premia eta nahia argi utzi ditugu. Euskal langileriak erantzun egin du, bai, eta erakutsi du indarra badaukagula geure herrian bestelako politikak eta bestelako neurriak hartzera behartzeko.
Alternatiba aldarrikatu dugu. Orain da garaia alternatiba hori erreal bihurtzeko.
Itxialdia Osasunbideko zerbitzu zentraletan
LAB, CCOO eta ELA sindikatuen 17 delegatu Osasunbideko Zerbitzu Zentraletan itxialdia egin zuten atzo pribatizazioen gelditzea exijituz, Nafarroako Gobernuari Osasunbidean gauzatu nahi dituen murrizketen gaineko informazioa eta negoziazioa eskatuz eta plantilen egonkortasuna zein Nafarroako biztanleriari osasun-prestazioak bermatzeko nahikoa diren aurrekontuak exijituz.
«Prohibido el paso a todo convenio ajeno a la obra»
LAB inicia una campaña para exigir el cumplimiento del convenio de la construcción en los cuatro herrialdes de Hego Euskal Herria. Una iniciativa que de forma simbólica se PROHIBIRÁ LA ENTRADA EN LAS OBRAS a TODA NORMATIVA QUE NO SEA EL CONVENIO DE CONSTRUCCIÓN que corresponda a cada Herrialde. Todo ello con el propósito de que los convenios provinciales recojan esta obligatoriedad de cumplimiento y sus consecuencias y que sigan siendo el marco de negociación que regula las condiciones de trabajo de todas y todos las trabajadoras y trabajadores del sector de CONSTRUCCIÓN.
Arabako industriako delegatuen elkarretaratzea hitzarmenen negoziazioekiko patronalaren jarrera salatzeko
Egoera oso konplikatua dago. Herrialde mailako hitzarmenak erabat blokeatuta dauzka SEAk, beharrezkoak diren igoerak atzeratuz. Horregatik etorri gara gaur hona. LABek ez du aukera galdu nahi izan SEAren jarrera berriro salatzeko.
Gaur egun metalgintzako, eraikuntzako eta egurreko negoziazio mahaiak irekita daude. Irekita, baina erabat blokeatuta patronalaren jarreragatik. Inmobilismo hori gainditu beharra dago. Are gehiago kontutan hartzen badugu Arabako hitzarmen hauek beste herrialdeko hitzarmen baldintzen azpitik daudela.
SEAren helburua flexibilitatea handitzea eta eskubideak kentzea izango da eta LABek argi du hori onartzerik ez dagoela. Gezurretan ari dira, flexibilitatearen atzean kaleratzeak baitaude, eta eskubide urraketen atzean, prekarietatea. Beraz, horiek ezin dira izan krisitik ateratzeko neurriak. Kontrakoa, bide horrek krisian sakontzea dakar.
Langileok tope jarri behar diogu horri. Horretarako azpimarratzekoa LAB, ELA, CCOO eta UGT artean hartutako konpromisoak. Lankidetza hori blokeoa gainditzeko erabili behar dugu. Akordioa interesgarria da, hiru puntu ditu:
– Hitzarmen sektorialaren aldeko akordioa. Hemen lan egin, hemen negoziatu. Madriletik ekarritako edozein hitzarmen beti txarragoa izango delako. Goazen herrialdeko negoziazio eremua babestera.
– Eskubideetan atzerapausorik ez. Hobekuntzak behar beharrezkoak dira.
– Gutxiengoan sinadurarik ez.
Modu honetan, sindikatu bakoitzaren aurreko estrategiak gainditzen ditugu batasunaren mesedetan, hitzarmenaren alde.
Akordioa oinarri, orain mobilizazio eredua denon artean sakondu behar dugu SEAren jarrera gainditzeko. Alternatiba badago, alternatiba borroka bidez piztu behar da.
Gasteizen, 2011ko azaroaren 11n
Arabako industriako delegatuen elkarretaratzea hitzarmenen negoziazioekiko patronalaren jarrera salatzeko
LABeko industria federazioko Arabako hainbat delegatuk elkarretaratzea egin zuten pasaden ostiralean SEAren aurrean, aurtengo negoziaketa kolektiboaren aurrean euren aldarrikapenak plazaratzeko. Momentuko egoeraren gaineko irakurketa ere egin da bertan.
LAB sindikatuak bat egiten du langabetuen plataformek larunbat honetarako deitutako mobilizazioekin
Hego Euskal Herriko langabetuen plataforma desberdinek (Abian Sankana, Iruñerriko langabetuen kolektiboa, Gipuzkoako eraikuntzako langabetuen kolektiboa eta eskubide sozialen aldeko Berri Otxoak plataforma bizkaitarra) larunbat honetarako Iruñea, Donostian eta Bilbon deituak dituzten mobilizazioei atxikimendua eman nahi die LAB sindikatuak.