2025-12-15
Blog Página 1241

«Gehiengoaren nahia, INDEPENDENTZIA»

admin
-
0
«Gehiengoaren nahia, INDEPENDENTZIA»

Independentistak sareak martxoaren 28an 2014ko Aberri Egunaren diseinua iragartzeko prentsaurrekoa eskaini zuen. «Gehiengoaren nahia, INDEPENDENTZIA» lelopean aurtengo Aberri Eguna apirilaren 20an Iruñean ospatuko da. 12:00etan Manifestazioa abiatuko da Golem Zinemetatik eta arratsaldeko 15:00etan Bazkaria izango da Anaitasunan. Egunean zehar Indifesta izango da Alde Zaharrean.

Aberri Eguna 2014
Gehiengoaren nahia, INDEPENDENTZIA



Euskal Herriaren etorkizunari begira garai oso erabakiorrak bizitzen ari gara. Gure etorkizuna jokoan dago eta euskal herritarrok momentuaren garrantziaz jabetu gara. Nolako etorkizuna, nolako gizartea, nolako Euskal Herria nahi dugun erabakitzeko garaiak datozela sumatzen dugu. Eskozia eta Kataluniara begira gaude, bere etorkizunaren eraikuntzan urrats sendoak egiten ari direlako, baina argi daukagu gure bidea geuk egin behar dugula. Helburuak finkatu, urratsak zehaztu eta geuk egin behar dugu geure ibilbidea.

Gehiengoa gara erabakitzeko eskubidea, herrien oinarrizko eskubide demokratikoa, aldarrikatzen dugunok. Erabakitzeko garaiak datoz eta erabaki egin nahi dugu. Geuk erabaki nahi dugu gure etorkizuna. Euskal herritarrok erabaki nahi dugu Euskal Herriaren etorkizuna.

Gehiengoa gara askatasuna nahi dugunok. Eskubide guztiak herritar guztiontzat eskatzen ditugu. Herritar libreen herri librea nahi dugu. Askatasunean oinarritutako bakea nahi dugu.

Gehiengoaren nahia da gure etorkizun ekonomiko eta soziala eraikitzea: justizia sozialean eta berdintasunen oinarritutako jendartea; lanpostu duinak guztiontzat; irtenbideak gazteriarentzat; zerbitzu publiko sendoak eta unibertsalak; babes sozialerako sistema indartsua; aberastasunaren banaketa justua; … pobrerik gabeko Euskal Herria.

Gehiengoak nahi dugu ustelkeria, genero indarkeria eta diskriminazioa, arrazakeria, eta abar luzea behin betirako desagertzea. Jendarte berri bat eraikitzea nahi dugu.

Gehiengoaren nahia da herritar eleaniztunez osatutako Euskal Herri euskalduna, euskaraz bizitzeko aukera, euskararen ofizialtasuna euskal lurralde osoan, euskaldun gisa agertzea munduaren aurrean, euskal kultura garatu eta munduan zabaltzea, geure hezkuntza sistema askatasun osoz eratzea.

Gehiengoa gara demokrazia nahi dugunok. Geure demokratizazio prozesua martxan jarri nahi dugunok. Euskal herritarren eskakizunak, nahiak eta beharrak bere barne hartzen dituen euskal demokrazia nahi dugu, parte-hartzailea, hurbila eta herritarra.

Gehiengo guztiei hauen aldarrikapen, nahi eta beharrei bere osotasunean erantzuten dien alternatiba bakarra independentzia da. Gehiengo independentista hori elkartu, aktibatu eta lanen jartzeko ordua da, hots, euskal Estatuaren eraikuntzarako subjektu berria martxan jartzeko garaia da. Gehiengoa gara independentzia nahi dugunok, behar dugunok.

Aberri Eguna Iruñean. Lema eta egitaraua
Egin dugun gogoetaren haritik, Aurtengo Aberri Eguneko lema "Gehiengoaren nahia, INDEPENDENTZIA" izango da, argi ikusten dugulako independentzia dela euskal herritar guztiontzako alternatibarik onena, eta gehiengoaren nahiei benetan erantzuten diena.

Iruñean egingo da Aberri Eguna apirilaren 20an, eta egun osoko egitaraua izango da. Martxa eguerdiko 12etan hasiko da Golemetan eta Sarasate Pasealekuan amaituko da, eta ondoren, bertan izango da ekitaldi politikoa. Baina ospakizunak segida izango du egun osoan zehar: herri bazkaria Anaitasuna kiroldegian, eta INDEFESTA arratsalde eta gauen zehar Iruñeako Alde Zaharrean. Adin guztietako jendearentzat ikuskizunak eta jaia.

Aberri Egun guztiz zabala eta parte-hartzailea izatea nahi dugu: independentista guztiok aniztasunean elkarturik aldarrikapena eta jaia uztartzeko eguna. Independentista guztiei Iruñeara etortzeko deia egiten diegu, denok batera gure herriaren etorkizuna erabaki nahi dugula adierazteko; independentzia nahi eta behar dugula aldarrikatzeko; gehiengoa garela erakusteko.

Zenbait dei eta ohar
1. Sarearen sorreratik herritarren auzolana eta ekarpenak izan dira mugimendu honen oinarria eta martxaren animazioan parte hartzeko aukera du mundu guztiak. Beraz trikitilari, txistulari, kantu talde, txaranga, batukada zein beste edozein musika taldek ditu ateak zabalik. Berdin dantzari, antzezle edo beste edozein ikuskizun motak. Parte hartzeko asmoa duen orok eman dezala horren berri, lehenbaitlehen, Sarean.

2. Egun osoko egitaraua aurrera eramateko bolondres askoren laguntza beharko dugu, beraz, laguntzeko prest dagoen oro Sarearekin kontaktuan jarri.

3. Aberri Egunerako deialdi-kartela berehala zabalduko dugu herri eta auzo guztietara, baina kartelak pegatzeko laguntza behar dugu. Prest dagoenak adierazi dezala bere izena eta zein tokitan kartel pegadan parte hartu nahi duen.

4. Aberri Egunerako herri bazkaria antolatu dugu Anaitasuna kiroldegian 15:00etan. Bazkarirako txartelak erosteko aukera izango da Aberri Egunaren aurreko astean 943561853 telefonora deituz edo www.independentistak.net webgunearen bitartez.

HARREMANETARAKO
info@independentistak.net
Tfnoa 943 561 853

Iruñea, 2014ko martxoak 28
INDEPENDENTISTAK Sarea

 

 

 

LABek mutuen kontratuak erre ditu sinbolikoki Baztan Bidasoan

admin
-
0
LABek mutuen kontratuak erre ditu sinbolikoki Baztan Bidasoan


Apirilaren 3an, Berako MUTUAVENIR bulegoaren aurrean LABeko delegatu nahiz afiliatuek mutuen erreformaren kontrakotasuna adieraziz, zenbait mutuen kontratuak erre zituzten.

PPren gobernua prestatzen ari den dekretuaren arabera, erreforma berriak kontingentzia profesionaletatik aparte kontingentzia komunak eta eritasun jarraipena egiteko aukera emanen die Mutuei. Azken finean Enpresarien asoziazioak diren mutua hauen helburua gure osasunarekin negozioa egitea da eta praktikan sendatu baino, ahalik eta azkarrenen langilea lanera itzultzea dute helburu, horretarako presioa eginez langileei.

Hori dela eta LABek erreforma hau gelditzeko eta honek ekarriko duen osasunaren pribatizazioa salatzen du eta alternatibak planteatuko ditu lantegietan. Zein da LABen alternatiba? Kalitatezko osasun zerbitzu publiko eta eraginkor bat, eta horren baitan enpresek kontingentzia komun eta profesionalak Seguritate Sozialarekin kontratatzea.
 

 

 

El delegado de LAB Karlos Diaz Zubia ha sido readmitido en su puesto de trabajo

admin
-
0
El delegado de LAB Karlos Diaz Zubia ha sido readmitido en su puesto de trabajo

El delegado de LAB Karlos Diaz Zubia, despedido por Angel Luis Martínez Calleja, administrador único de Ambulancias Bizkaia UTE, ha sido readmitido en su puesto de trabajo en el día de hoy, dado de alta en la SS, entregada su nueva ropa y taquilla.

El pasado 8 de noviembre de 2013, Karlos fue despedido y mandado a la lista interminable del paro, su labor y entrega como delegado del comité de la empresa SAMU (empresa que integra la UTE) facilitó su enemistad con la gerencia de estas empresas, quien no dudó en sacarse de la manga una sarta de mentiras que provocaron su despido disciplinario.

Esta provocación y ofensa a los derechos de los y las trabajadoras, se multiplica por mil cuando a quien despiden es precisamente a quien ellos y ellas han elegido como su representante, es en ese momento cuando el ataque es a todos y a todas.

Desde el momento del despido hasta hoy, se han sucedido las movilizaciones, desde la huelga en respuesta a este hecho reprobable, convocada no solamente por LAB, sino por ELA, CCOO y UGT, todos los sindicatos con representación en este sector a excepción del sindicato USO, estos últimos son parte fundamental para dar cobertura a la política del terror que ejerce Angel Luis Martínez en sus empresas, contra todas y todos quienes no se doblegan a sus pies. Posteriormente le siguieron las concentraciones en diferentes hospitales, en sanidad, escarches, etc. Con dos actos por semana, sin desfallecer mostrando nuestro más enérgico rechazo.

El pasado 25 de marzo, era la fecha señalada para la celebración del juicio por el despido, ese día un nutrido numero de compañeros y compañeras, se personaron el juzgado para ofrecerle a Karlos su apoyo incondicional y a la vez mirar a su propio jefe a la cara con todo el odio que cabe en una mirada. Este día nuevamente fuimos burlados, sacándose de la manga la empresa una estratagema que podía suspender el juicio y dilatarlo aun más, el motivo fue que la empresa dijo que no le habían llegado en tiempo y forma la citación de sus testigos, testigos que por cierto se encontraban con Angel Luis en los bares inmediatos al juzgado tomando un café con este, a la espera por si algo salía mal y finalmente el juicio se celebraba.

Finalmente el juicio fue suspendido hasta el 10 de junio, pero la lucha, la constancia y la perseverancia de Karlos, sus amigos, sus compañeros y formar parte de un sindicato de clase combativo como LAB. Han logrado lo que pocas veces se logra, torcer el brazo del tirano y conseguir la tan ansiada y peleada readmisión.

Como diría Periko Solabarria, quien me ha acompañado en todas y cada una de las acciones realizadas “si no nos dejan soñar, no les dejaremos dormir”.
 

 

 

Niesseneko LABek Adegiren blokeorako jarreraren aurrean duen kezka Urkulluri helarazi dio

admin
-
0

ABB taldeko Oiartzungo Niessen enpresak 100 urte betetzen dituela eta arduradunek Jaurlaritzako, Aldundiko eta Errenteria eta Oiartzungo agintariak gonbidatu dituzte. Enpresa Batzordeak bisita aprobetxatuz Eusko jaurlaritzari, Gipuzkoako Aldundiari eta gainerako erakunde-arduradunei zuzenduriko gutun bat igorri diote Urkulluri. Gutunean Adegi patronala negoziazio kolektiboan hartutako blokeorako jarreraren aurrean duten kezka eta ezinegona adierazten dute.

ABB Niesseneko LABeko Sail Sindikalak Urkulluri emandako gutuna

ABB Niesseneko LABen sail sindikalak, gutun honen bidez, gure kezka eta ezinegona adierazi nahi dizue Adegi patronala, oro har, negoziazio kolektiboa, eta guri dagokigunez, Gipuzkoako metalgintza hitzarmena blokeatzen ari delako.

Adegik baztertu ditu sindikatuek egin dituzten eskaintza guztiak Gipuzkoako metalgintza hitzarmena berria sina dadin, berau izanik Gipuzkoako metalgintza sektorean, gure enpresa horretan sartuz, lan egiten dugun langile gehien gehienen lan harreman eta eskubideen oinarri.

Adegik arbuiatu zuen ere Eusko Jaurlaritzaren eskaintza, Euskadiko hitzarmen kolektiboak salbatuko zituen Lanbide-arteko hitzarmena lor zedin. Diren sektoreko hitzarmen kolektiboak negoziatu eta babestu zitzan eskatu dien Eusko Legebiltzarrari nahiz Gipuzkoako Aldundiari entzungor egin die.

Berriki, eta aurreko guztiak gogobetetzen ez zuenez, Adegik urrats berria egin du, eta jendartera ekarri du lan harremanen indibidualizazioa helburu zuen eta zorionez ahazturik geneuzkan garaietara leheneratzen gintuen proposamena, gaur arte sortu den elkar-hartze soziala eta laborala suntsituz.

Adegik, hortaz, prekarizazioaren eta lan merkatua desarautzearen eta mehatxuan eta ezarpenean oinarritzen den lan harremanen eredu baten aldeko hautu irmoa egin du.

Adegik lan erreformaren aldeko jarrera garbia hartu du; erreforma Gipuzkoako gizartearen eta politikari gehienen sostengua ez izateaz gain, gure gizartean txirotasun eta desberdintasun handiagoa sortzen ari da.

Adegiren jarrera honek, batik bat, enpresa txiki eta ertainen arteko sinergia eta lankidetzan oinarritzen den gure industria-ehuna suntsi dezake. Hauen eredua ez da oinarritzen balio erantsiaren, kalitatearen, teknologia eta prestakuntzaren eta lanbide-trebakuntzaren aldeko hautuan, Gipuzkoa lehiakorragoa izan dadin. Langileen soldatak murriztuz eta lan baldintzak kaskartuz aurreztu nahi dute soilik.

Lehiakorrak izatea eta lan baldintza duinak edukitzea bateraezinak ote dira? Ez al da bata bestearen berme? Adegik Europari baino, Espainiari egiten dio so. Han ez dago konponbiderik, txirotasun gehiago eta krisialdi handiagoa baizik.

Adegik ez ditu babesten, ez eta ordezkatzen ere, Gipuzkoako enpresarien interes orokorrak, are gutxiago haren gizartearena. Ez dio axola Gipuzkoa pobrea izatea, bertan ezberdintasuna nagusi izatea eta autoritarioa izatea, horrela gutxi batzuen irabaziak areagotzen direla bermatzen baditu.

Egoera honelakoa izanik, klase politikoak, oro har, ez dezake ezikusiarena egin. Hau ez dugu patronalaren eta sindikatuen arteko arazoa. Zer nolako herri nahi dugun, sortzen den aberastasuna nola banatu dago jokoan eta batez ere, nolako harreman mota sortuko den. Negoziazio kolektiboaz mintzatzen garenean, hortaz, guztiz politikoa den gai bati buruz ari gara.
Honela, ABB Niesseneko LABen sail sindikalak klase politikoari eskatzen dio ez dezala inondik inora babestu Adegi, bere interesak Gipuzkoako jendartearen interesen aurrean jarriko dituen bitartean eta gizartearen gehiengoaren interesak eta gure herrialdearen benetako ekonomia babestuko ez dituen bitartean.

ABB Niesseneko LABeko Sail Sindikala

 

 

 

Osasungintzan euskararen normalizazioa bultzatzeko topaketa

admin
-
0
Osasungintzan euskararen normalizazioa bultzatzeko topaketa


"Osasungintzan euskaraz lan eta bizi nahi dugu" lelopean LAB sindikatuak topaketa ireki bat antolatu du datorren astelehenerako, hilak 7, Donostian. Bertan euskararen egoera osasungintzan, aurrerapausoak emateko aukerak eta bideak aztertzea bilatzen da.

Horretarako ekimenean osasungintzan lanean diharduten eragile ezberdinen parte hartzearekin burutuko da (Kontseilua, OEE, Behatokia, EHE, Topagunea…).

Topaketa irekia izango da, osasungintzan euskara bultzatu nahi duen guztioi irekia, iritzi trukaketa eta galderetarako tarteak izango ditu.

Era berean, osasungintzan euskararen inguruko dinamika, hausnarketen informazioa eta euskararen aldeko ekimenak bultzatu, ezagutzera eman eta eraginkortu asmoz sortu berri duen webgunea (osaeus.info) aurkeztuko du. 
 

 

 

LAB denuncia la persecución sindical que sufre la plantilla de Ekilore

admin
-
0

Tras asumir Ekilore el trabajo de la Universidad Pública de Navarra debiendo subrogar a los y las trabajadoras que ya estaban, y anunciar varias veces que no quería tener a nadie en su empresa que fuese de LAB, el primer día de trabajo las dos personas subrogadas, en lugar de recibir la ropa y herramienta necesaria para ir al tajo, lo que reciben es un despido.

Desde LAB no tenemos ningún género de dudas y catalogamos estos despidos como una cacicada de la gerencia de EKILORE, ya que desde antes de conseguir la propia contrata anunciaban que no querían tener a estos dos trabajadores. Uno de ellos, delegado en la empresa que ha perdido la contrata, y que al ser subrogado debería haber pasado con su condición de delegado sindical.

Todavía existen empresas que tratan a su antojo a los y las trabajadoras, se creen poseedores de la razón y de la verdad absoluta. El que ose moverse, tener inquietudes, preocuparse por mejorar sus condiciones laborales, está fuera de la empresa.

¡No vamos a permitir que estas actuaciones queden impunes!

En este sentido:

Mostramos todo nuestro apoyo a las personas despedidas

Anunciamos que vamos a activar todos los recursos sindicales y jurídicos que este sindicato posee.

 

 

 

LABek Rosellen bisita arbuiatu eta Sarriák UGT eta CCOOen aitzinean Erregimenaren apologia egin duela salatu du

admin
-
0
LABek Rosellen bisita arbuiatu eta Sarriák UGT eta CCOOen aitzinean Erregimenaren apologia egin duela salatu du

LAB sindikatuak atzo burutu zen "Foro Ser Navarra"n CEOEko presidentearen parte hartzea eta darabilkin esplotazio, pribatizazio eta kontrol ideologikorako errezetak salatzeko kalera irten zen. Ekimenean UGT eta CCOO sindikatuen arduradunen parte hartzea ere salatu zuten.

Igor Arroyo, LABeko Nafarroako bozeramalearen adierazpenak
Enpresario bat komunikabideen aurrean, ezarri behar diren neurrien berri ematen: horixe da espainiar Demokraziaren maila. Estatu espainolean ez dute hautesontziek agintzen, patronalak baizik. CEOEko lehendakari Rosellek hiru neurri planteatu ditu nagusiki: esplotazio handiagoa, lan erreforma zitala zitalagotuz; erabat ahuldutako sektore publikoaren pribatizazioa; eta belaunaldi berrien adoktrinamendua, enpresariak enplegua sortzen duten sasijainkotzat aurkeztuz.

Hizkuntza orwellianoa baliatuz (enpresen "funtzio soziala", "kalitatezko" negoziazio kolektiboa, "modernizazio laborala") aipatu ditu horiek guztiak. Bere karguan aritu zen Diaz Ferrani 15 urteko espetxe zigorra eskatzen diote legeak urratzeagatik eta Madrileko patronaleko burua ere ustelkerian murgilduta dabil; bada, Rosellen arabera, errua legeena da! "asko" direlako!!! Zurikerietan dabilen esklabista baten antzera ibili da gaur Rosell Iruñetik, Sarriá Nafarroako patronalaren buru izendatu dutela eta.

Kargua berritzeko ekitaldian, Sarriák Nafarroan indarrean dagoen eredu ekonomiko eta politikoa aldarrikatu du, UPN-PSNren arteko ituna eskatuz eta Barcina nahiz Goicoechearen ustelkeria justifikatuz. Jadanik inor harritzen ez badu ere, UGT eta CCOOeko arduradun nagusiek ere parte hartu dute Patronalaren eszenifikazio handiustean, berriro ere euren morroitza agerian utziz.

  

 

 

Iruñean emandako 6 ikasleren atxiloketak salatu eta Euskal Herriko Hezkuntza Sistema Propioaren eraikitze lanari segida ematera deitzen du LABek

admin
-
0

Aurreko astean Ikasle Abertzaleak deitutako greba egunak izugarrizko arrakasta izan zuen eta horren lekuko dira ikastetxe zein unibertsitateko gelak hutsik eta Euskal Herriko lau hiriburuetako kaleak ikaslez bete egin zirela. Berriro ere ikasle mugimenduak Estatutik datozen inposaketen aurrean argi utzi zuen Lomcearen aurkako jarrera eta Euskal Herrian Hezkuntza sistema propioaren aldarrikapena.

Bide honetan ez dira ikasleak bakarrak, urriaren 12an Bilbon Euskal Herriak bere hezkuntza sistema propioa izateko duen eskubidearen alde hezkuntza komunitateak ere argi utzi genuen zein den gure jarrera. Eta bide horretan, lanean dihardugu ,Lomcearen ez aplikazioaz gain eraiki nahi dugunari ateak irekitzen ari gatzaio, eta LABentzat hor kokatzen da estatuaren ezina eta hor kokatzen ditugu kriminalizazio, jazarpenak eta atzo emandako atxiloketa hauek.

Marko propio hau garatzen goazen heinean estatuaren esku hartze saiakerak gehiagotzeko arriskua dago eta atzo bezalako erasoak errepika daitezke. Errepresio eta erantzunaren zikloan murgilduta nahi gaituzte, eraikuntza lana alboratu dezagun.

Beraz, atzoko atxiloketak salatzearekin batera eta deitutako mobilizazioetan parte hartzeaz gain, hezkuntza komunitateari dei egiten diogu Euskal Herriko Hezkuntza Sistema Propioaren eraikitze lanari segida ematera eta Madriletik datozen inposaketei erantzutera.
 

 

 

Gizartearen gehiengoaren aldarrikapenek erantzun politikoak eskatzen dituztela aldarrikatu eta atxiloketekin amaitzeko eskatzen du LABek

admin
-
0
Gizartearen gehiengoaren aldarrikapenek erantzun politikoak eskatzen dituztela aldarrikatu eta atxiloketekin amaitzeko eskatzen du LABek

Martxoaren 3an Troikaren aurkako mobilizazioen testuinguruan Bilbon izandako gertakarien harira beste hiru gazte atxilotu zituzten atzo Bilbon. Azken hauekin jada 12 dira atxilotuak. LAB sindikatutik, lehenik eta behin, gazte hauek guztiak lehenbailehen eta kargurik gabe libre uztea eskatzen dugu. Bigarrenik, eskatzen dugu martxoaren 3az geroztik gero eta luzeagoa bihurtzen ari den atxiloketa kate honekin amaitzea. Hirugarrenik, atxiloketen kontra deitutako mobilizazioetan parte hartzera deitzen dugu.

Martxoaren 3an milaka herritar atera zen kalera Bilbon, Goi-bilera ekonomikoaren aurrean Troikaren aurka, eta honek gidatzen dituen politikak —langabeziara, pobreziara nahiz prekarietatera garamatzatenak— salatzera. Egun hartan, aurretik eta ondoren, euskal jendarteak ozen aldarrikatu du bestelako eredu ekonomiko eta sozial baten beharra.

Aldarri horrek, milaka lagunen mobilizazio sozialak, erantzun politikoak eskatzen ditu, benetako aldaketa ekarriko duten erabakiak.

Dela Bilboko Goi-bilera, dela martxoaren 26ko ikasle grebaren ondotik etorritako atxiloketak… Euskal gazteriaren aurkako sorgin-ehizak ez du inondik inora konponbiderik ekarriko.

Eremu sozialean, ekonomiko zein laboralean garai latzak bizi ditugu; langabezia eta prekarietatea areagotzen ari da, pobrezia zabaltzen eta emergentzia sozialeko egoera honetan, gatazka soziala areagotzen. Eta protesta sozialaren jazarpena eta kriminalizazioa ez da herri honek behar duen erantzuna. Eremu politikoari, alderdi eta instituzioei dagokiei jendartearen aldarriak entzun eta horiei erantzutea, aldaketari bide emango dioten bitarteko, neurri eta erabaki politikoak hartuz.
 

 

 
1...1.2401.2411.242...1.581Página 1.241 de 1.581

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus