2025-12-23
Blog Página 1188

Garbiñe Aranburu: «Arazo politikoari erantzun politikoa»

admin
-
0
Garbiñe Aranburu: «Arazo politikoari erantzun politikoa»

Garbiñe Aranburu, LABeko Ekintza Sindikaleko eta Negoziazio Kolektiboko Idazkaria


«Erreformaz erreforma patronalari geroz eta aukera gehiago eman zaizkio langile klasea ahuldu eta prekarietatean sakontzeko. Azken erreformak orain arteko oreka apurra erabat hautsi du, patronalari aldebakartasunez aritzeko aukera emanez eta indar guztia bere alde jarriz.

Lan Harremanetarako Euskal Esparruaren zutabe garrantzitsua izan da negoziazio kolektiboa. Lan erreformarekin, hau tresna moduan indargabetu egin da eta langileok eskubideak defendatzeko geroz eta muga gehiago ditu.

Patronala negoziazio kolektiboa blokeatzen ari da, soldata eta lan baldintzak hobetzen ez dituen edota lan erreformari aurre egiten ez dion hitzarmena sinatzeko ez bada, ez du akordiorik nahi. Hori da aitortzen dion balioa, legediak ematen dizkion aukera guztiekin euren neurrira eginiko hitzarmenak sinatzea eta bidea sindikatuon oniritziarekin egitea lortzen badute, askoz hobeto haientzat. 

Ez da egia hitzarmenak sinatzeak zuzenean langileon posizioa hobetzen duenik. Lan erreformaren kontrako klausula argiak eta gutxieneko batzuk jasotzen ez dituzten hitzarmenak sinatuz gero, Nafarroan ikusten ari garen moduan, CCOO eta UGT gehiengoa direnetan, patronalak lan kostuak murrizteko duen asmoa erraztu baino ez da egiten. 

LAB joko horretan ez da eroriko. Negoziazio eremu guztien alde egiten dugu. Eskubide hori gure esparruan mantentzearen alde egitea LABentzat lehentasunezkoa da eta hitzarmen horiek gutxieneko eduki batzuk bermatzen dituztela ziurtatzea da gure borroka. 

Hitzarmenetan lan erreformaren ondorioak saihestea eta soldata eta lan baldintzen hobekuntzan aurrera egitea lan nekeza ari da izaten. Gainera, geroz eta langile gutxiagok dute negoziazio kolektiborako eskubidea. Hori da enpresetan bakarrik negoziatzearekin bilatzen dena. Berriro ere baldintzarik txarrenetan dauden langileak, hitzarmen duinak negoziatzeko inolako aukerarik ez dutenak, dira kaltetuenak.

Enpresaz enpresako eztabaidara mugatu nahi gaituzte, txantaia eta beldurraren bidez langileek amore ematea beste biderik izan ez dezaten. Baldintza horietan, borrokarako gaitasunik ezean, akordio izenez mozorrotzen diren inposaketak gertatzen dira.

LABek oso argi du erronka zein den: enpresetan konfrontazioan oinarritzen den ekintza sindikala, patronalarekiko aurrez aurrekoan, txantaiaren aurrean amore emango ez duena. Sortzen dugun presioaren bidez patronala derrigortu egin behar dugu hitzarmen duinak negoziatzera. 

Enpresetan borroka bai, noski. Baina arazo politiko larri baten aurrean gaude, eztabaida guztiz politikoa da, ze nolako herria izan nahi dugun dago jokoan. Egungo lan harreman ereduak, herri pobrea izatera garamatza. Alternatiba Lan Harreman eredu berri bat eraikitzea da. 

Eztabaida publiko eta politiko-instituzionalean eragin behar dugu. Noski patronalak ez duela eredu berririk nahi, ez du behar. Bertako Gobernuak ere ez. Hori da bere eremuan egiten duena: negoziazio kolektiboa ukatzen du dekretuen bidez arautuz eta euskal esparrua bermatzeko erabakirik hartu gabe. 

Eztabaida hori sustatu eta norabide horretan erabakiak behartzeko, proposamenak eta mobilizazioa uztartu behar dira. Horretarako proposamena mahai gainean du LABek. Borroka hori egitea lehentasunezkoa izango da guretzat aurten.»

 

 

 

«Greba eskubidea da, ez delitua» solasaldia Urriaren 9an

admin
-
0
«Greba eskubidea da, ez delitua» solasaldia Urriaren 9an


Datorren ostegunean, hilak 9, LABek antolatuta «Greba eskubidea da, ez delitua» solasaldia egingo da sindikatuaren Bilboko egoitzan. Borroka soziolaboral ezberdinen kriminalizazioaren berri eman da bertan eta LABekin batera Solidaridad Obrera eta Grebalariak Aske Plataformako kideek parte hartuko dute.

Solidaridad Obrerako lagunek estatu mailan aurkezten ari diren «Contra la represión de la lucha, la lucha contra la represión» dossierra aurkeztuko dute eta Grebalariak Aske Plataformakoek berriz, egun Bilbon 2012ko martxoaren 29ko greba orokorrean kalean emandako erantzunaren kriminalizazioa izango dute hizpide. Gogoratu behar da bi grebalari, Urtzi eta Telle, bi urte t’erdiko kartzela zigorra jaso ostean, datozen egunetan kartzelaratzeko agindua jaso dutela.

Solasaldia urriaren 9an arratsaldeko 19:00etan izango da Bilboko LABen egoitzan (Rekalde Zumarkalea, 62 behea).
 

 

 

LABek Urtzi eta Telleri elkartasuna adierazteko Aske Gunean parte hartzeko deia luzatu nahi du

admin
-
0
LABek Urtzi eta Telleri elkartasuna adierazteko Aske Gunean parte hartzeko deia luzatu nahi du

Injustiziaren aurrean, Urtzik eta Tellek desobedientziaren hautua egin dute eta ez dira euren kabuz espetxean aurkeztuko. Horregatik, elkartasuna adierazteko eta beste eredu sozioekonomiko bat aldarrikatzen jarraitzeko, Urriaren 11n Grebalariak Aske plataformak ASKE! GUNEA antolatuko du Deustuko Done Petri Plazan.

Aske! Gunearen helburua elkartasuna adieraztea eta Urtzi eta Telleri babesa ematea da. 5 orduko kontzentrazioa egingo da, mugimendu feministaren, sindikatuen, eragile sozialen, erakunde politikoen, gazte mugimenduaren eta abarrekoen parte-hartzearekin.

Aske! Gunea goizeko 10etan hasiko da. Goiz osoan zehar, elkarretaratzeaz gain, elkartasun keinuak burutuko dira bertan, eta 14:00etan elkarreratze nagusia egingo da, “Ez zaituztegu bakarrik utziko” lelopean.

Sindikatuoi 12:00etan bertan egotea egokitu zaigu eta LABetik gure militantzia osoari bertan parte hartzera deitzen diogu.

Grebalariak Aske Plataformak ostiralean eskainitako prentsaurrekoaren edukiak
Berriro ere hemen gaude, zuen aurrean, gure bi auzokideri, Urtzi eta Telleri elkartasuna eta babesa adierazi nahian.

Bidegabekeria hau orain dela bi urte hasi zen, Urtzi Martinez eta Jon Telletxea Irantzu Yaldebere eta Aitor Fernandezekin batera atxilotu zituztenean, 2012ko martxoko greba orokorrean gertatutako istilu batzuetan parte hartu izana leporatuta.

Ostean, epaiketa fartsa hasi zen. Grebalariak Aske plataformak hasieratik salatu duen bezala eta epaiketan demostratu zen bezala, auzi hau muntai poliziala besterik ez da. Muntai polizialaren teoria berresteko, Ertzaintzak manipulatutako frogak eta zentzurik gabeko testigantzak oinarrizkoak izan ziren.

Hala ere, bidegabekeriak aurrera jarraitu zuen eta Urtziri eta Telleri urtebete eta erdiko espetxe zigorra ezarri zieten, desordena publikoengatik, zehazki epaitegiaren kanpoaldean margoketa batzuk egiteagatik. Aitor eta Irantzu kargu guztietatik absolbitu zituzten. Baina, denok dakizuen bezala, fiskaltzari zigor hori ez zitzaion aski iruditu, eta helegitea jarri zuen, mozorroaren astungarria kontuan hartu ez zela argudiatuz, Urtzik eta Tellek aurpegia estalita baitzeramaten margoketak egiteko orduan. Errekurtsoak aurrera egin zuen bi urte eta erdiko espetxe zigorra ezarri zieten. Bi urte eta erdiko kartzela zigorra bi gazteri ustezko Estatu “demokratiko” honetan greba batean margoketa batzuk egiteagatik!!

Hamar eguneko epea eman diete espetxean aurkezteko. Epea gaur bukatzen da, baina Urtzi eta Telle ez dira espetxean aurkeztu, eta ez dira aurkeztuko.

2012ko martxoaren 29ko greba orokorrean kalera atera ginen lan erreforma eta Estatu arrotz eta klasista honek inposatzen dizkigun legeak eta sistema salatzeko kalera, eta arrazoi beragatik gaur ere kalera atera gara; arrazoi beragatik, gaur Urtzi eta Telle ez daude gure artean. Zuen legeak, zuen erreformak, zuen sistema kapitalista, sexista, homofobo eta arrazistak, zuen bizi ereduak guretzako ez duelako balio!

Urtzi eta Telle fisikoki ez egon arren, mezu bat utzi digute gaur zuei helarazteko. Irantzu istilu berdinetan parte hartzeagatik inputatua izandakoak irakurriko digu Urtzi eta Telleren gutuna.

Urtzi Martinez eta Jon Telletxearen gutuna
«Gaur hemen egotea nahi zuten, gure burua montaje guzti hau ahalbidetu izan duten instituzio burges eta eskirolen aurrean entregatzea nahi zuten. Auzitegi hauek izan ziren duela bi urte greba batean emandako istilu batzuengatik norbaiti “zigor eredugarria” ezarri behar ziotelako auziperatu gintuztenak.

Atxilotu gintuztenetik gaurdaino, bide luze eta astuna izan da gaur hemen ez egotera ekarri gaituena. Denbora guzti honetan astero sinatu behar izan dugu epaitegietan, froga faltsuetan oinarritutako auzi batean murgildu gintuzten, zipaio bat bestearen atzetik entzun behar izan genituen epaiketan gu inkulpatzen… eta epaiketaren ostean sententziaren zain, errekurtsoaren zain, eta azkenengoz kartzelaratze aginduaren zain. Guzti honek 2 urtez gure bizitzak eta maite gaituztenen bizitzak baldintzatu ditu, proiekturik eraikitzeko inolako aukerarik gabe.

Gure bizitzen gaineko erabaki ahalmena eduki nahi izan dute, eta gaur hemen bi urtez espetxera joateko aurkeztea hartu nahi zuten beste erabaki bat zen. Baina ez diogu inori gugatik erabakitzen utziko. Beste eredu sozioekonomiko baten alde kalean borrokatzeagatik atxilotu gintuzten, Euskal Herri libre, sozialista eta feminista bat eraikitzen genbiltzalako. Eta horretan jarraitzen dugu.

Egoera berean egon diren eta dauden beste hamaika euskal herritarrek bezala, desobedientziaren aldeko hautua egin dugu. Desobedientziaren bidea hartu dugu ez ditugulako instituzio arrotz hauek legitimatuko, desobedientzia audientzian epaituak izaten ari diren 28 gazteek bezala justizia eta legearen artean justizia aukeratzen dugulako, desobedientzia herri oso baten erabakia delako.

Gutun honekin bukatu aurretik, ez dugu eskertu gabe utzi nahi gertutik zein urrunetik gure ondoan egondakoen elkartasun eta babesa; Euskal Herri libre, sozialista eta feminista eraikitzeko bide zail eta luze hau eder bihurtzen duzuelako. Eta, nola ez, ezin ditugu bidelagun izan diren Irantzu eta Aitor ahaztu. Mila esker guztiei! Laster kalean ikusiko dugu elkar!»

Urtzi eta Tellek esan bezala, desobedientziaren hautua egin dute. Horregatik, Urtzi eta Telleri elkartasuna adierazteko eta beste eredu sozioekonomiko bat aldarrikatzen jarraitzeko, urriaren 11n, larunbata, Grebalariak Aske plataformak Askegune bat antolatuko du Deustuko San Pedro plazan.

Esan bezala, askegune horren helburua elkartasuna adieraztea da, eta horretarako 5 orduko kontzentrazioa egingo dugu mugimendu feminista, sindikatu, eragile sozioekonomiko, erakunde politiko, gazte mugimendu eta abarrekoen babesarekin. Goizeko 10etan emango diogu hasiera askeguneari, eta goizean zehar, elkarretaratzeaz gain, elkartasun keinu ezberdinak burutuko dira bertan. Eguerdiko ordu bietan elkarretaratze nagusia burutuko dugu, “ez zaituztegu bakarrik utziko” lelopean.

Elkartasuna adierazteko momentua heldu da. Hemendik, beste eredu sozioekonomiko batean sinesten duen pertsona orori dei egiten diogu. Denok zaudete askegunera gonbidatuta, denok zarete beharrezkoak egun horretan. Denok grebalariak izan ginelako eta garelako, Urtzi, Telle ez zaituztegu bakarrik utziko!

Grebalariak Aske!

 


 

 


LABek larunbatean Madrilen atxiloturiko kideei bere babesa eta elkartasuna adierazten die

admin
-
0
LABek larunbatean Madrilen atxiloturiko kideei bere babesa eta elkartasuna adierazten die

Larunbat honetan Madrilen 25Sk mobilizazioa deitu du errejimenarekin bukatzeko eta diktadura egoeran bizi garela salatzeko.

Mobilizazioa hastearekin batera, gelditu egin zituzten, eta manifestariak jipoituak izan ziren. Espainiar Estatuak berriz ere bere burua agerian geratu da demokrazia batean horrelakoak gertatzerik ez baitago, demokrazia batean horrelako errepresio maila neurrigabea ez baita sistematikoki erabiltzen.

LABek bere elkartasuna adierazi nahi die jipoituak izan diren kideei eta batez ere atxilotuak izan diren Doris Benegas eta Luis Ocampo Izquierda Castellanako kideei, azken hau ingresatu behar izan da jaso dituen kolpeak direla eta.

Berriz ere Errejimenaren ahultasunak eta legitimitate faltak polizia herriaren alde erabili beharrean frankismoaren oinordeko den monarkia ustela defendatzeko erabili du. Beste behin ere, gure lagun hauei bide onean dabiltzala eta desobedientziaren bidean, herritarron mobilizazioaren bidean eta herrien arteko elkartasunean aurkituko garela adierazi nahi diegu.
 

 

 

Marchas en defensa de la sanidad pública en Osakidetza

admin
-
0
Marchas en defensa de la sanidad pública en Osakidetza

El sábado, tres marchas recorrieron las calles de Bilbo, Gasteiz y Donostia para denunciar que el sistema sanitario público está en peligro y que debemos defenderlo.

Convocadas por los sindicatos de Osakidetza LAB, ELA, SATSE, SME, ESK, CCOO y UGT y con la participación de asociaciones de vecinas/os, pensionistas y usuarios, las tres marchas fueron un gran éxito. Desmintiendo las palabras de Urkullu, Darpón y Armentia, allí no estaban solo delegadas/os sindicales pidiendo un aumento de salario. La foto del sábado fue totalmente distinta: delegadas sindicales, trabajadores fijos, eventuales, eventuales en paro, pensionistas, usuarios y usuarias unidos con un sólo objetivo: luchar por un sistema sanitario público de calidad y euskaldun basado en la creación de empleo público de calidad. También el sábado, las calles fueron nuestro centro de trabajo, Sr. Urkullu.


 

 

 

Guk LABekin bat. 2010-2014 iruditan

admin
-
0
Guk LABekin bat. 2010-2014 iruditan

LAB Sindikatuak 2010ean hasitako Hauteskunde Sindikalen epealdi trinkotik 2014ra egindako mobilizazio ezberdinak jasotzen dituen bideoa. LABek Hauteskunde Sindikalen kanpainari hasiera emateko Bilbon egindako delegatuen batzarrean proiektatutako ikus-entzunezkoa.

{linkr:related;keywords:hhss;exclude:3759,3749,3724;limit:5;title:Albiste+gehiago}

 

 

 

Los trabajadores y trabajadoras de Loiu se concentran contra los despidos y la precariedad laboral en el aeropuerto

admin
-
0

Varios centenares de trabajadores y trabajadoras del aeropuerto de Loiu, se manifestaron el pasado viernes, para denunciar la continua política de ajustes de la dirección del aeropuerto, que a pesar de haber tenido 5,5 millones de euros de beneficios en 2013, sigue provocando despidos y precarización de las condiciones laborales.

La protesta convocada por los comités de empresa de las diferentes contratas del aeropuerto, ha estado encabezada por los trabajadores del aparcamiento, que llevan 19 días de huelga, para pedir la readmisión de los trabajadores despedidos y garantías de empleo.

En la manifestación, trabajadores de AENA, portaron una pancarta contra la privatización, a la que califican de estafa social, económica y política y solicitaron la creación de un frente social, político e institucional para parar este fraude, que favorece los intereses privados perjudicando el interés general del conjunto de la ciudadanía. En este sentido, manifestaron que la situación del conjunto de trabajadores y trabajadoras del aeropuerto y la falta de servicios y seguridad, se debe a las exigencias que los especuladores están poniendo al Ministerio de fomento para que la privatización salga adelante. Además lanzaron la siguiente pregunta; que si en 2011 Aena estaba valorada en 30.000 millones de euros y ahora el gobierno la valora en 16.000, ¿donde han ido o van a parar los 14.000 millones de euros que faltan?

En la manifestación participaron trabajadores y trabajadoras de las diferentes contratas de mantenimiento, limpieza, seguridad, información, pasarelas, compañías aéreas y aparcamiento entre otras, denunciando que la injustificada política de ajustes de la dirección del aeropuerto está provocando una cascada de despidos y recortes salariales como no se había conocido antes en el aeropuerto.

Próximamente se procederá a la adjudicación de los servicios subcontratados de PMR y Limpieza, y para los sindicatos el perverso sistema de adjudicación de Aena, que tras la presentación de ofertas permite hasta cuatro subastas posteriores, al más puro estilo de un mercadillo de barrio, está provocando que las adjudicatarias para mantener sus margenes de beneficio procedan a recortar plantillas y derechos laborales.

Los sindicatos han instado a Aena, a convocar una mesa de negociación integral sobre el modelo de gestión aeroportiaria, que establezca los servicios que se deben prestar en el aeropuerto, regule la calidad de los mismos y establezca las plantillas necesarias para ello. Y a las empresas que perticipan en los concursos, que se abstengan de mercadear en la subastas, ya que serán tan responsables de la conflictividad laboral como lo es la dirección de Aena.

Los sindicatos, han instado a las instituciones vascas a defender conjuntamente con los agentes sociales, la prestación de servicios de calidad en el aeropuerto, y a presionar a la dirección del Aeropuerto para que rompa la posición de sumisión y complicidad con las imposiciones que llegan desde la sede central de Aena en Madrid, que adopta decisiones totalmente alejadas de la realidad y de las necesidades de los usuarios del aeropuerto de Loiu.

 

 

 

Acuerdo en el Convenio-Acuerdo que regula las condiciones de empleo en la Diputación de Bizkaia

admin
-
0

Durante los últimos meses las instituciones forales y los sindicatos hemos mantenido un proceso de negociación para la renovación del acuerdo / convenio.

El proceso ha sido largo y no exento de dificultades donde las discrepancias han quedado en evidencia. Finalmente se ha llegado a un acuerdo en la redacción del nuevo acuerdo/convenio porque entendemos que las partes hemos optado por priorizar los contenidos consensuados sobre las divergencias. De esta manera, el objetivo ha sido acordar una redacción que, por un lado, fuera asumible para las partes y, por otra, no limitara las competencias, las posturas o las actuaciones de las mismas en el futuro sobre las cuestiones problemáticas.

Con el nuevo convenio/acuerdo hemos conseguido acuerdos sustanciales en materias como:

  • Blindaje de los acuerdos frente a las imposiciones normativas que puedan sobrevenir.
  • Cláusula de mantenimiento de los servicios públicos.
  • Acuerdo salarial: pago de la paga extra de diciembre de 2012, incrementos para 2014 y 2015 y reconocimiento de la deuda por pérdida de la capacidad adquisitiva en los últimos años.
  • Acuerdo sobre creación de empleo:
    • OPEs y concurso de traslados en Diputación e IFAS.
    • Cobertura de todas las vacantes presupuestadas.
    • Negociación futura de las resoluciones sobre sustituciones.
  • Nuevas licencias y mejora de algunas existentes.

 

 

Hitzaremen defentsan Urola Kostan

admin
-
0
Hitzaremen defentsan Urola Kostan

LAB sindikatuak Urola-Kostan hileko lehen ostegunetan elkarretaratzeak egiten ari da Hitzarmenen defentsan, erreformei eta prekarietateari aurre egiteko. Irailean Azpeitian egin ostean, pasadan urriaren 1ean Zarautzen bildu ziren LABeko delegatuak.

60tik gora lagun bildu ziren eta ordu erdiko elkarreraratzea egin zuten. Hurrengo elkarretaratzea Zestoan izango da Azaroak 6ean 18:30tan plazan.Bestalde, patronalaren jarrera salatzeko Adegiko zuzendaritzan dagoen Ana Belen Juaristik Zarautzen duen Engranajes Juaristi enpresako paretetan pegada bat egin zen.
 

 

 


1...1.1871.1881.189...1.583Página 1.188 de 1.583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus