Nafarroatik Lapurdira eta Lapurditik Nafarroara. Bi herrialde horien artean dabil egunotan Ekimen Ibiltaria, “Lan duina, bizi duina” leloarekin. Lesakan izan gara gaur, ekintza sindikaleko tailerra egiten; eta Hendaian izan ginen larunbatean, Kutxabanquen aurreikusitako kaleratzeak eta itxierak salatzeko. Gipuzkoara igaroko da bihar dinakima ibiltaria. Hain zuzen ere, Irunen eta Hondarribian izango gara, eta hainbat jarduera proposatuko ditugu.
Irunen, ekintza sindikaleko tailerra egingo dugu goizean, 9:30etik 12:30ak arte, Palmera Monteron. Arratsaldean, 17:30etik 19:30ak arte, Hondarribira joango gara. San Pedro kalean Infogunea egokituko dugu, eta eztabaidak egingo ditugu bertan: “Zaldunborda: Prekarietatea gune beltz berria?”, 17:30ean; eta “Etxebizitza, gazteok zer alternatiba ditugu?”, 18:30ean.