Gipuzkoako LABeko suhiltzaileek Aldundiko Gobernantza diputatuari adierazten diote luze jardun dutela negoziatzen, Suhiltzaile Zerbitzuak pairatzen dituen hainbat egoerari irtenbideak aurkitu nahian. Hausnarketa hori ez da eurena soilik izan, Eider Mendoza berak ere aitortu izan baitu Zerbitzuaren egoera kezkaz bizi duela.

Hala eta guztiz ere, ordea, alde bakarrez erabaki du Mendozak irekita zuten negoziazio mahaia etetea, erretiro aurreratuko sariak kentzea erabaki ondoren (hori ere alde bakarrez), langile multzo bat Aldundiaren bulegoetan protesta egin zutelako.

Suhiltzaileoi dagokienez, hauek adierazten dute elkarrekin egin duten bide honetan hainbat egoera bizitzea egokitu
zaiela:

  • Buruzagitza faltak eragindako norabide eza jasatea (8 lagunen lana 6 edo 5ek egiteraino).
  • Irratiko langileei (Bai Esan) agindutakoak haizeak nola eraman dituen ikustea; bulegoko administrarien lan zama itxuragabeki hazi dela antzematea.
  • Suhiltzaileen Enplegu Publikoaren Eskaintza Aldundian bertan kudeatzeko aukerari Jaurlaritzak eta Aldundiak atea aspaldi itxi zietela irakurtzea.
  • Planifikazio txar baten ondorio diren langile gabeziak eragindako hutsuneak betetzea (SMSen erabilera ez egokia bultzatuz).
  • Horri aurre egiteko korrika eta presaka egin diren Arkauteko prestakuntza ekintzek eragindako hutsunean parkeetan borondatez osatzea.
  • Suhiltzaileek prestakuntzarako duten bide bakarra –autoprestakuntza– nola eten den bizitzea.
  • Prestakuntzako orduak bete ezinda geratzea (urte hasieratik egutegian finkatuta egon behar luketen arren).
  • Arroparen kudeaketa.
  • Botikina.
  • Eta, borondatez egiten diren beste hainbat lan egiten dituzten lankideak erretzen ari
    direla sentitzea.
  • Hori guztia gutxi ez, eta azken egun hauetan, poltsako lankideak etxean geratu beharra izan dutela ikustea, lanerako arropa ez
    zaielako eman. Horren ondorio dira ordezkatu gabeko bajak eta lizentziak; 4 kideko taldeak osatu beharra 5ekoak izan ordez, eta gure segurtasuna kaltetzea; eta, batez ere, lanean beharko luketen lankideak etxean eta lanik gabe uztea.
  • Alabaina, egoera negargarria izan arren, negoziazio mahaian jarraitu dute langileen ordezkariek, uste dutelako hala jokatu behar dutela, herritarrei eskaini beharreko zerbitzu publiko honek hala eskatzen dielako, euren lanbidean sinisten dutelako.
  • Jakitun dira alde batek eta besteak erakusten ari diren jokabidea konparatzen ari direla, ekintza desberdinen eragin maila neurtzea oso zaila den arren, baina adierazten dute bakoitzak atera ditzala bere ondorioak. Negoziazio mahai bat osatzen duten guztiei dagokie egoerak eskatzen duen maila ematea.
  • Zentzu horretan, orain eta suhiltzaileen negoziazio mahaiari dagokionez, egoerak eskatzen duen jokabide mailatik urrun geratu dela leporatzen diote suhiltzaileek Mendozari.
  • Horregatik Mendozari eskatzen diote atzera egin dezala hartutako erabakian eta itzul dadila Suhiltzaile Zerbitzuko negoziazio mahaira.