Gasteizko Legebiltzarraren aurrean elkarretaratzea egin dute, eta alderdiekin bilerak izan dituzte. Zentzu honetan, salatu dute Segurtasun Sailak eta Justizia Sailak ez dizkietela eskatutako bilerarik eman.
Komisaldegietako eta epaitegietako garbikuntza zerbitzuko langilek greban daude pasa den irailaren 19tik pairatzen duten soldata-arrakala ezabatua izan dadin. Greban eman dituzten egun hauetan, ez Segurtasun sailak, ez Justizia sailak ez dute nahi izan langileekin bildu. Garbialdiri dagokionean, enpresa esleipenduna, greba hasi zenetik hilabete oso bat igaro zen berriro negoziazio mahaian eseri zen arte, eta gainera, erosahalmena mantentzea bermatzen ez duten proposamenak ekartzeko.
Diru publikoarekin, hau da, denon poltsikoetatik irteten den diruarekin, finantzatzen den genero diskriminazio batean aurrean gaude. Zehatz esateko, honakoak dira datuak:
Soldata-arrakala: komisaldegietan %13, epaitegi eta adin txikiko zentruetan %7.
Komisaldegien hitzarmena 2009ko abenduaren 31an amaitu zen; epaitegien kasuan 2017ko abenduaren 31n.
Zoritxarrez, une hauetan ez da espero epe laburreko konponbiderik eta, horregatik, erabaki dute mobilizazioak indartzea. Hala, Eusko Legebiltzarrean elkarretaratzea egin dute gaur, eta idatzibat erregistratu dut talde parlamentariei eskatuz Gobernuari exiji diezaioten soldata arrakalarekin amaitzeko konponbidea.