2025-04-30
InicioNotasZerbitzu PublikoakGASTEIZKO GOBERNUAK ZERBITZU PUBLIKOETAKO MAIATZAREN 31ko GREBA-LANUZTEA INDARGABETU NAHI DU

GASTEIZKO GOBERNUAK ZERBITZU PUBLIKOETAKO MAIATZAREN 31ko GREBA-LANUZTEA INDARGABETU NAHI DU

Pasa den astean, ELA eta STEE-EILASek maiatzaren 31ko greba deialdia deskonbokatzen zutela publiko egin eta gero, LABek aipatutako deialdiarekin — nahiz eta, begi bistako arrazoiengatik, bi orduko lanuzte izaerarekin birformulatu— aurrera egiteko asmoa berretsi egin genuen. 
Handik gutxira Gasteizko Gobernuaren bozeramaleak —gure hitzak manipulatuz, sindikatu honek ez baitzuen ezein momentutan bere Gobernuaren ekintzak positibotzat hartzen genituenik esan, ezta greba deskonbokatzen genuenik ere,
guztiz kontrakoa baizik— poza azaldu zuen publikoki, “gure herria greba gehiago egiteko ez dagoela” iritzita.

Bada, 24 ordu ere igaro gabe, berak ordezkatzen duen Gobernuaren jakinarazpen bat jaso genuen non lanuztearekin aurrera egiteko baimena ukatu egiten ziguten. Ostean Gobernuaren deia ere jaso dugu, lanuzteak deskonbokatu ditzagun “gonbidatea” eginez.

Ahoz eta jendaurrean ustezko deskonbokatoriagatik poza azaltzen dute, eta praktikan deialdia oztopatzeko ekimena abiatzen dute. Hau erabaki politikoa da, ustezko arrazoi formalak argudiatzen dituzte erabaki politikoari jantzi juridikoa emateko asmoz, baina esan bezala, erabaki politikoa da. LABek, testuinguru sindikal konplexu honetan ere, deialdiarekin aurrera egitea erabakitzea eta deialdia kolektiboarekin grebarako arrazoiak zein diren konpartitzeko probestea ez dute ondo hartu, eta horregatik erreakzionatu dute horrela.

Deialdiak beharrezkoak diren betekizun formal administratibo guztiak betetzen ditu legezkoa izateko.

Hartu dugun erabakia zuzena da, eta Gasteizako Gobernuaren erreakzioak hori berrestera garamatza. Erabaki zuzena da, Gobernuak azaldutako urduritasunak are argiago uzten du hala dela. Garbi entzun dezatela, LABek ez du beste barik zerbitzu publiko eta babes sozial sistema suntsitzen utziko, ez gara begira geratuko; zerbitzu publikoak garatu ditzaten eta enplegu publikoa mantendu dezaten bakarrik ez, enplegu publiko gehiago sortu dezaten eta lan baldintzak hobetu ditzaten ere borrokan segiko dugu, horretarako erabateko konbentzimendu eta konpromisoa dugu.

Patxi Lopez zerbitzu publikoen bermatzaile gisa aurkezten digun kanpaina horixe besterik ez da, kanpaina hutsa. Hitzek gauza bat adierazten dute baina ekintzek guztiz kontrakoa. Beren benetako aurpegia behin eta berriz erakusten dute, antolatua duten zirko mediatikoaren atzean murrizketak eta eskubideei erasoak besterik ez daude:

– Zerbitzu publiko eta eskubide sozialen murrizketan aitzindari dira eta izan dira, zentzu honetan Idoia Mendiaren hitzei aipamen eta argipen txiki bat egin nahi diegu: herri hau (Euskal Herriaz ari gara) ez dago enplegu eta zerbitzu publikoen suntsiketa jasaten jarraitzeko prest, ez zerbitzu publikoen suntsiketa jasaten segitzeko, ezta bere Gobernuak esandako moduko gezurrak entzuteko ere.
– Orain gainera oinarrizko eskubideak murrizten eta erasotzen ere aitzindari izan nahi omen dute: Madrilgo PPko Gobernuak greba eskubidea kolokan jarri nahi duen honetan, hara non Gasteizen PSE ateratzen den greba eskubidea trenkatu nahian.

Ez dugu borrokatzeko gure eskubidea kentzerik onartuko, ez dugu mehatxurik onartuko. Beraz, maiatzaren 31n kalera ateratzeko hamaika arrazoi bagenuen, orain badugu gehitu beharreko beste bat: greba eskubidea defendatzea.

Gasteizen, 2012ko maiatzaren 28an

AZKEN ALBISTEAK | ÚLTIMAS NOTICIAS

El profesorado irá de nuevo en mayo a la huelga, al no cumplir Lakua el calendario de negociación que propuso

LAB cree que el Departamento de Educación no tiene voluntad real para negociar. De hecho, a pesar de que la consejera señaló en los medios que el mes de abril iba a ser un mes dedicado a la negociación, el departamento mantiene todas las negociaciones suspendidas. Por lo tanto, una vez más, la consejera no ha tenido otro objetivo que la propaganda y el deseo de influir en la opinión pública.

LAB denuncia el contrato realizado por Metro Bilbao con la empresa I-SEC

Recientemente la Dirección así como el Comité de empresa de Metro Bilbao recibieron una carta de Bilbo Palestina Herri Ekimena y Nodo BDZ-Bizkaia (Israeli Boikot, Desinbertsioak eta Zigorrak), denunciando la contratación por parte de Metro Bilbao de la empresa I-SEC Aviación Security, de origen israelí, para la seguridad del tramo e instalaciones entre Lutxana y Plentzia, e instando a Metro Bilbao a cesar dicho contrato.

La Consejera de Justicia y Derechos Humanos de la CAV desmantela el actual modelo de oficina judicial eliminando los Servicios de Ejecución

El pasado 3 de enero se publicó la Ley Orgánica 1/2025, de 2 de enero, de medidas en materia de eficiencia del Servicio Público de Justicia, norma que conlleva diversos cambios en la Administración de Justicia. Esa ley se va a aprovechar por todo el resto de comunidades autónomas y por el Ministerio de Justicia para copiar el modelo de oficina judicial vasco que cuenta ya con cerca de 15 años de existencia.