Arabako Metalgintzako Hitzarmenaren azken negoziazio mahaiaren ostean LAB sindikatuak patronalaren inmobilismoa salatu du. Erreformak eskaini dion guztia aprobetxatzeko asmoz patronala hitzarmena blokeo egoeran utzi nahi du. Jarrera honekin eta krisia aitzakia hartuta, argi eta garbi geratzen da patronalak lan eskubideak erasotu eta lan baldintzak okertu nahi dituela.
Honen aurrean LAB bere proposamenean berretsi da: EAEko akordio marko sektoriala bultzatzea, herrialdeko hitzarmena gutxieneko izaera izatea, herrialdeko eta enpresetako hitzarmenek ultraktibitate printzipio jasotzea eta lan gatazkak konpontzeko derrigorrezko arbitrajea baztertzea.