Bilera egin dute enpresarekin, Lan Harremanen Kontseiluan. Aurretik, protesta egin dute.
Pasa den abenduaren 5an hasi zituzten asteroko mobilizazioak Garbialdi eta Foru Aldundiko garbitzaileen arteko hitzarmenaren negoziazioa desblokeatzeko borondatearekin.
Hitzarmen hau 2012. urtean hasi zen negoziatzen eta ordutik hona, hainbat aldiz salatu duten langileek enpresaren inmobilismoa, bere interes falta eta, oro har, mahaian erakusten duen fede txarra. Enpresaren eskaintza honakoa da: egunean 0.14€-tako soldata igoera lanaldi osoa dutenentzat. Eta hori, partzialitateak gogor jotzen duen sektore honetan.
Langileek salatutakoaren arabera, "negoziazio honetan enpresak adarra jotzen digula sentitzen dugu. Etengabe saiatzen ari dira batzarrak atzeratzen, aitzakia zoroak argudiatuz. Ez dutenez negoziazioa seriotasunez hartzen, langileak mozorratuta agertu dira gaurko mahaira".