2025-07-13
InicioAcción PolíticaDonostia Ospitaleko sarreran ikusgai egoteko onartuta zegoen “Zorroztarria” erakusketa zentsuratu du Osakidetzak

Donostia Ospitaleko sarreran ikusgai egoteko onartuta zegoen “Zorroztarria” erakusketa zentsuratu du Osakidetzak

Zigor Merodio presoaren “Zorroztarria” eskultura-lanak jasotzen dituen argazki erakusketa (Edu Martinezen argazkiekin eta Alaitz Areitio eta Jon Troitiñoren testu eta bertsoek lagunduta) ezin izan da egon ikusgai Donostia Ospitaleko sarrera nagusian ESI horretako zuzendaritzak debekatu egin duelako, duela hilabete batzuk programaturik egon arren. Debekuari erantzunez, LABek ospitaleko atariraino eramango du erakusketa, mundu guztiak ikusi ahal izateko Osakidetzak bai ala bai estali nahi duen hori. Eguna: uztailak 5, osteguna, goizeko 11.00etan.

LABek erakusketa egiteko proposamena urtarrilean helarazi zuen, erakusketa areto bezala erabiltzen den Donostia Ospitaleko sarreran. Harrezkeroztik, ekainerako programaturik zegoen erakusketa kudeatzeko ospitaleko komunikazio taldearekin egon gara harremanetan.

Ospitaleko arduradunek erakusketaren eduki zein egileei buruzko informazioa zeukaten arren (erakusketaren esteka helarazi genien), debekua azken momentuan heldu zaigu, Donostia ESIk berak egina zuenean erakusketa iragartzeko kartela, egileen izenik agertu gabe, gainontzeko erakusketa beti agertzen direnean.

Gerente zein komunikazio arduradunarekiko bilera batera izan ginen deituak eta bertan azaldu ziguten ezin zutela erakusketa egin “sentsibilitateak ez mintzeko”. Eman ziguten argudio bakarra zera izan zen: “haiek ez dutela polemikarik nahi eta egileen izenek ekarriko dutela”.

Zentsura hutsezko kasu baten aurrean gaude, inposaturiko zigorra betetzen ari diren pertsona preso batzuen adierazpen artistikoa zentsuratzeko inolako arrazoirik gabe. Osakidetzak, kasu honetan Donostia ESIko zuzendaritzak, bere irizpidea inposatu du eta bertan behera utzi du Euskal Herriko toki askotan ikusgai egon den erakusketa. Horrela ulertzen du Osakidetzak adierazpen askatasuna.

Debekuari erantzunez, LABek ospitaleko atariraino eramango du erakusketa, mundu guztiak ikusi ahal izateko Osakidetzak bai ala bai estali nahi duen hori.

Eguna: uztailak 5, osteguna.
Ordua: 11.00etan

 

 

 

AZKEN ALBISTEAK | ÚLTIMAS NOTICIAS

00:01:18

Las trabajadoras de las residencias de mayores de Gipuzkoa han hecho paros en defensa de un convenio laboral digno

Denuncian el bloqueo de la patronal y la falta de responsabilidad de la Diputación de Gipuzkoa y reivindican la equiparación con los empleados públicos,...

El sindicato LAB ha ganado el recurso interpuesto contra la empresa Bost Machine Tools Company S.L.

En dicha empresa, en julio de 2023 ocurrió un grave accidente, como resultado del cual un joven trabajador perdió la vida. La prioridad del...

Las y los trabajadores de SACYR que estan en huelga llevaron a cabo ayer una movilización frente a AMVISA

Trabajadores de la empresa SACYR AGUAS, encargada de la limpieza de los desagües de Vitoria, llevaron a cabo ayer una movilización frente a AMVISA....