2025-02-13
InicioServicios PúblicosSanidadDarponen Osasun Sailak Deustuko Unibertsitateko Masterretan gastatzen du guztion dirua

Darponen Osasun Sailak Deustuko Unibertsitateko Masterretan gastatzen du guztion dirua

Eusko Jaurlaritzako Osasun Sailak eta Deustuko Unibertsitateak, “Osasun Kudeaketarako Masterra” sustatzeko akordioa berritu dute bigarren edizio honetan. Iaz 16 plaza eskaini ziren eta aurten 22 izango dira prestakuntza jasoko dutenak. Irailean hasi eta 2016ko uztaila bitartean burutuko da 9 hilabetez. Hiruileko batean prestakuntza teorikoa jasoko dute eta beste 6 hilabetetan praktikak burutuko dituzte Osakidetzako hainbat zerbitzu erakundetan, zein osasun sailean bertan. 

Deustuko Unibertsitateko webguneak adierazi bezala, Deustuko Unibertsitateak zein Osasun Sailak duten interes haudia dela eta, bi erakundeen kofinantzazioa dela eta, masterrak 6.000 euroko kostua izango du. Beste behin desbideratu egiten da diru publikoa, kasu honetan, unibertsitate pribatu batek osasun kudeaketari buruzko ikasketak diruz laguntzeko.

Lan aukera ugariak eskaintzen dituen eta “galdu ezin daitekeen” ikastaro bezala saltzen da masterra, “osasungintza eta sektore soziala hazten ari dira, aukera paregabeak eskeintzen dituztenak etorkizunerako zuzendaritza eta kudeaketa esparruetan”.

Masterraren edukiei erreparatuz, “osasun sistemen erronkak eta etorkizuneko osasun estrategien definizioan sakontzea” ageri dira. Helburua, osasun sektorearen eraldaketa prozesuetan lidergoa eramango duten kudeatzaileak prestatzea da.

LAB sindikatuak, lehenik eta behin, Eusko Jaurlaritzako Osasun Sailak egiten duen diru publikoaren kudeaketa salatu nahi du. Helburu enpresarialak asetzeko erabiltzen da diru publikoa, kasu honetan kostu haundiko masterrak finantzatuz. Bigarrenik, gure konbentzimendua, pertsona hauek, gastu arrazionalizazioaren ikuspegi horretatik izango direla trebatuak. Guztiz faltsua, errepikakorra eta denerako balio duen diskurtso horretan. Osasun sistemak iraungo badu, gastu gutxiagorekin izango dela alegia. Pertsona hauek, Kudeaketa Klinikorako Unitateek (KKU) osasun sistema bermatzeko duten bertuteetan heziak izango dira. Osakidetza, sare guztian integratzen ari den unitateen bertuteetan hain zuzen. Errealitatea, guztiz ezberdina da baina. KKU hauek, osasun publikoa berregituratzeko tresna dira, osasun publikoaren merkantilizaziorako giltza.

Gure sindikatuak, behin baino gehiagotan salatu izan du praktika hauekosasun sistemaren kalitatea kolokan jartzen dutela. Kudeaketa Klinikorako Unitateek, irizpide enpresarialak barne hartzen dituzte eta. Osasun Sailak, isilpean egiten ari da aldaketa hauek, medikuen eta erizainen sindikatuen laguntzarekin (SME eta SATSE). LABek, egungo osasun sistema merkatu libreak ordezkatua izan dadin tresna erabakigarria izango dena salatzen jarraituko du iritzi publikoaren aurrean.
 

 

 

AZKEN ALBISTEAK | ÚLTIMAS NOTICIAS

El profesorado y el personal de cocina y limpieza del Departamento de Educación da la CAV entra en el segundo turno del ciclo de...

Tras el amplio apoyo y seguimiento de las huelgas de enero, el Departamento de Educación sigue sin trasladarnos propuestas válidas, por lo que no nos deja más opción que seguir con la dinámica de la huelga.

Hemos reivindicado que el decreto de trabajadoras de hogar es insuficiente y que el convenio es urgente en Bilbo, Donostia e Iruñea

La sección sindical de trabajadoras de hogar de LAB junto a los colectivos y organizaciones vinculadas al empleo de hogar de Bizkaia, Gipuzkoa y...

La primera muerte por accidente laboral en el transporte en 2025 ha sido en Pasaia

Hoy hemos conocido que A.D.O., el transportista de 48 años de Andoain que sufrió un accidente no traumático mientras cargaba la semana pasada en el Puerto de Pasaia, finalmente ha fallecido.