Eguerdian manifestazioa egin dute Iruñean, abenduaren 26tik greba mugagabean dauden Azkoiengo Huerta de Peraltako langileek. Udaletxe plazatik abiatu eta Alde Zaharreko kaleak zeharkatu ondoren, leku berean amaitu da.
Babes zabala jaso dute langile grebalariek, eragile zein herritar soilena. Manifestazioaren amaieran, Husseyin Yagoubi langileen ordezkariak nabarmendu du enpresak 400.000 euro zor dizkiela langileei eta mehatxuak baliatzen dituela zor duena ez ordaintzeko. Euskara eta gazteleraz gain, gaur arabiera ere entzun da Iruñeko erdigunea.
Greba mugagabeak aurrera jarraitzen du eta ostiralerako, urtarrilaren 11an, Elkartasun-eguna deitu dute.
