KUTXABANKek etxegabetzeen aurrean duen jarrera eta ematen ari den pribatizazio prozesuaren aurkako ekimena burutu da gaur Azpeitian "Azpeitian bizi eta lan" Azpeitiko eragile sozialak deituta.
Kale nagusiko KUTXAko egoitzaren aurrean elkarretaratzea burutu dute hainbat herritarrek eta ondoren, diru kantitate sinboliko bat atera eta erreklamazio horriak bete eta seilatu dituzte bertan, KUTXAren politiken aurka daudela salatuz.
Herritarren haserrea argi gelditu da, besteak beste:
- Talde politikoei utzitako dirutzak barkatzen dituen bitartean herritarrei etxebizitzak kendu eta kale gorrian uzteko zalantzarik ez duelako egiten.
- Banku bihurtzeko prozesuan denona zen kutxa, inongo kontrol publikorik izango ez duten gutxi batzuen eskuetan jarri nahi delako hauek aberastuz.
- Kontrol pribatuak kutxek egiten zuten funtzio soziala bertan behera utziko duelako.
- Enpresa txiki eta ertainei bideragarri izateko hain beharrezkoa duten finantziazioa ukatuko zaielako.
- Oro har herritarren beharretatik urrunduko den izaera duelako.