Gaur goizean emandako prentsaurrekoan sindikatuko Euskara arduradun Edurne Larrañaga, Nafarroako bozeramaile Igor Arroyo eta ikastolen sektoreko arduradun Ester Hernandorenak urriaren 20an Tuteran ospatuko den Nafarroa Oinezen parte hartzeko deia luzatu dute, euskara delako Nafarroaren berezko hizkuntza eta nafarrok badugu geure hizkuntzan ikasi eta bizitzeko eskubidea dugulako.
Politika baztertzaile honen aurrean, Argia Ikastola lan izugarria egiten ari da Nafarroako berezko hizkuntza, euskera, berreskuratzeko. Oztopoak oztopo, guraso nahiz langileen militantziari esker, euskaraz ikasi eta bizitzeko gunea badago Erriberan. Gu denon aitortza eta babesa ez ezik, laguntza praktikoa merezi du Argia ikastolak. Horretarako abagunea da oraingoa.
Batetik, LABek dei egiten die langileei igandean Tuterara joan daitezen, Nafarroa Oinezen parte hartuz Argia ikastolari laguntza ematera.
Bestetik, enpresa bakoitzeko langileek Nafarroa Oinezeko ibilbide birtualean metro bana erostea proposatzen du. http://www.nafarroaoinez.net/eu/circuito.asp
Horrekin batera, euskaraz ikasi eta bizitzeko muga antidemokratikoak bertan behera uzteko eskaria berretsi egiten du LABek. 30 urtez Nafarroan indarrean egon den erreximenarekin amaitu beharra dago eta nafar herritarren eskubideetan oinarritutako eredu berriari ateak ireki. Ildo honetan, euskararen ofizialtasuna Nafarroa osora, Euskal Herria osora, hedatu beharra dago, hizkuntza apartheidarekin amaituz.
{module[111]}