LABek Tuterako Ikastola eta euskara babesteko deia egiten du

LABek adierazi duenez, euskara da Nafarroaren berezko hizkuntza eta nafarrok badugu geure hizkuntzan ikasi eta bizitzeko eskubidea. Alabaina, 1982ko Foru Hobekuntza eta 1986an ezarritako Vascuenceren Legean oinarri hartuta, eskubide hori urratu egiten du Nafarroako Gobernuak. Nafarroako hainbat eskualdetan ezin da euskaraz ikasi eta bizi, euskara ez baita hizkuntza ofiziala. Horrela, milaka nafar diskriminatu egiten ditu Gobernuak, Iruñerriaren hegoaldean ezarritako muga artifizialaren bidez. Hizkuntza apartheida da UPN eta PSNk Nafarroaren eremu zabaletan inposatutakoa.

Politika baztertzaile honen aurrean, Argia Ikastola lan izugarria egiten ari da Nafarroako berezko hizkuntza, euskera, berreskuratzeko. Oztopoak oztopo, guraso nahiz langileen militantziari esker, euskaraz ikasi eta bizitzeko gunea badago Erriberan. Gu denon aitortza eta babesa ez ezik, laguntza praktikoa merezi du Argia ikastolak. Horretarako abagunea da oraingoa.

Batetik, LABek dei egiten die langileei igandean Tuterara joan daitezen, Nafarroa Oinezen parte hartuz Argia ikastolari laguntza ematera.

Bestetik, enpresa bakoitzeko langileek Nafarroa Oinezeko ibilbide birtualean metro bana erostea proposatzen du. http://www.nafarroaoinez.net/eu/circuito.asp

Horrekin batera, euskaraz ikasi eta bizitzeko muga antidemokratikoak bertan behera uzteko eskaria berretsi egiten du LABek. 30 urtez Nafarroan indarrean egon den erreximenarekin amaitu beharra dago eta nafar herritarren eskubideetan oinarritutako eredu berriari ateak ireki. Ildo honetan, euskararen ofizialtasuna Nafarroa osora, Euskal Herria osora, hedatu beharra dago, hizkuntza apartheidarekin amaituz.
   

LAB sarean
{module[111]}