2026-07-23
Blog Page 460

Urte hasieratik lau langile hil dira basogintzan Euskal Herrian

Zubiate(e)ko Aritz
-
0
Urte hasieratik lau langile hil dira basogintzan Euskal Herrian

LAB sindikatutik irmoki salatzen dugu atzo arratsaldean, Karrantzan, baso lanetan ari zen langilearen lan heriotza. FORESTAL JOMACAR SL enpresako langilea zen, eta 45 urte zituen. Dagoeneko basogintza sektorean 4 langile hil dira aurten Euskal Herrian.  Dagoeneko 35 langile dira, gutxienez, aurten lan istripuz Euskal Herrian hildakoak. Laneko azken heriotza honen aurrean, gehiengo sindikalak mobilizazioa egingo du abuztuaren 9an, Bilbon, Bizkaiko Foru Aldundiaren egoitzaren aurrean (Gran Via, 25), 12:30etik aurrera.

Lehenik eta behin, LAB sindikatutik gure babes eta elkartasuna adierazi nahi diegu hildako langilearen familia, senide eta adiskideei.

Baso lanen sektorean, arriskuak handiak dira; besteak beste, makinaria arriskutsuak erabiltzen dira, kontrako klimatologia, lur malkartsuetan lana… sektore honetan ere lan baldintzak gero eta prekarioagoak dira, langileen osasuna eta bizitzaren gainetik irabazi ekonomikoak nagusitzen direlako, hemen ere.

Langile honen heriotzaren arrazoiak ikertzeko eskatzen dugu; lan baldintzak eta lan erritmoak, barne. Erantzuleak seinalatu behar dira.

Kezkagarria eta asaldagarria gertatzen ari zaigu lan istripuak gero eta gehiago izatea urtez urte. Lan istripuen gorakada prekarizazio politikaren ondorio zuzena da, baita erakundeek lan osasunean egiten ez duten kontrol zehatzarena ere. Lan arriskuen prebentzioan behar diren neurriak hartuz gero, eta sortutako enplegua kalitatezkoa balitz, lan istripuek ez lukete zertan gora egin behar.

Instituzioei eta gobernuei beste aldera begiaratzeari uzteko eta behingoz lan osasun politikak errotik aldatzea exigitzen diegu, sarraski honen aurrean neurriak hartu eta lanean ematen diren istripuak ekiditzeko beharrezko diren politika errealak martxan jar ditzaten. Horretarako, interes ekonomikoen gainetik langileen segurtasuna eta bizitza bermatu behar dira.

LAB sindikatutik lanean eta borrokan jarraituko dugu langileon eskubideen, segurtasunaren eta osasunaren alde. Klase sindikalismoak erantzun irmoa eman beharra du, langileria eta gizarte osoa martxan jarriz. Horregatik, azken istripua salatzeko, dei egiten dugu langile klaseari antolatuko diren mobilizazioetan parte hartzera.

Ildo beretik, eredu justu eta langileen segurtasuna eta osasuna aintzakotzat hartuko duen marko propio baten beharra aldarrikatu nahi dugu.

Langileentzako bermeak izango dituzten pleguak eskatu dizkiogu Nafarroako Gobernuari esku-hartze sozialeko sektorean

Zubiate(e)ko Aritz
-
0
Langileentzako bermeak izango dituzten pleguak eskatu dizkiogu Nafarroako Gobernuari esku-hartze sozialeko sektorean

Prentsaurrekoa eman dugu gaur Iruñean. Honekin, Nafarroako Gobernuak berriki argitaratu eta aldatu dituen baldintza agiriek esku-hartze sozialaren sektorean izango dituzten ondorio larriak salatu ditugu: kaleratzeak, kategoriaren degradazioa, Nafarroako Hezitzaileen Eskolan tituludun diren pertsonak hezitzaile-kategorian sartzeko ezintasuna eta hizkuntza-diskriminazioa. Egoera honen aurrean, mobilizazioa deitu dugu datorren abuztuaren 11rako, asteazkena, 11:00etan, Nafarroako Gobernuaren Eskubide Sozialen Sailaren aurrean, Iruñeko Gonzalez Tablas kaleko 7.ean, eta elkarretaratzean parte hartzeko deia egin diegu sektoreko langileei.

Martxoaren 16an, Nafarroako esku-hartze sozialeko lehen hitzarmenaren batzorde paritarioak, patronalak eta alderdi sozialak, lizitazio berrien aurrean, Nafarroako Autonomiaren eta Pertsonen Garapenaren Agentziari eskatu genion sektorean bi urteko esperientzia duten pertsonak gaitu zitzatela lanean jarraitzeko eta kontratazio berrietan hezitzaile izan ahal izatea sektorean bi urteko esperientzia duten hezitzaile laguntzaileak.

Maiatzaren 6an, sektoreko LABeko ordezkarien eta Nafarroako Autonomiaren eta Pertsonen Garapenaren Agentziako zuzendari kudeatzailearen arteko bileran, jakinarazi genion agentzia horri, ondorio larriak izango zituela adingabeen pleguek integratzaile sozialak hezitzaile gisa ez onartzeak.

Uztailaren 12an, argitaratutako pleguekin, 100 langile baino gehiago kaleratuko zituztela salatu genuen, Eskubide Sozialen Sailean elkarretaratze bat eginez eta zuzendariarekin bilduz. Bilera horretan, sektoreko langileak babesteko beharrezko zuzenketak jasoko zituztela adierazi ziguten.

Ordutik beste behin bildu gara Nafar Gobernuko ordezkariekin eta beste bitan patronalarekin, gure kezka eta eskaerak proposamen ezberdinetan batuz.

Gaur emandako prentsaurrekoan salatu dugu Nafarroako Gobernuak uztailaren 28an argitaratutako adingabeen pleguek eta horien zuzenketek sektoreko langileak kaleratzen jarraitzen dutela, titulazioak lortzeko eta lanpostuei eutsi ahal izateko aldi baterako aukerarik eman gabe jarraitzen dutela, euskara diskriminatzen jarraitzen dutela eta eragozten dutela hezitzaile eskolako integratzaile sozialak, egunen batean, hezitzaile izan ahal izatea.

Nafarroako Gobernuari eskatzen diogu pleguak geldiarazteko eta plantillak kontuan hartzeko, trantsizio-prozesu ordenatua eta bermeduna ahalbidetzeko, betiere sektoreko langileen eskubideak errespetatuz. Nafarroako gizarte- eta lan-errealitatearekin bat datozen pleguak behar dira, arlo sozialeko titulazio guztiak barne hartzen dituzten diziplina anitzeko taldeak sortuz, esku-hartze eraginkorrerako beharrezkoak baitira.

Kaleratzeei ez!

Plegu duinak, plantillen bermeekin!

Inposaketa gehiagorik ez!

Kontzentrazioa egin dugu Galdakaoko anbulategian lehen mailako arretako zentroetako egoera jasanezina salatzeko

Zubiate(e)ko Aritz
-
0
Kontzentrazioa egin dugu Galdakaoko anbulategian lehen mailako arretako zentroetako egoera jasanezina salatzeko

Aurtengo udan, berriro ere, Osakidetzako anbulatorioak eta osasun-zentroak muturreko egoera pairatzen ari dira, langile faltaren eta lan-kargen igoeraren ondorioz. Izan ere, kasu askotan, biztanleek ospitale-larrialdietara jo behar izaten dute, beren erreferentziazko osasun-zentroetan ezin izaten dutelako arreta normalizatua jaso. Pediatriako arretaren kasuan, kaosa are handiagoa da.

Egoera larriaren aurrean, kontzentrazioa egin dugu Galdakaoko anbulategian. Berau aukeratu dugu hiru lurraldeetako Osakidetzako zentro gehienetan bizi den egoeraren adibide gisa. Bertan, erizaintzako eta medikuntzako langileak falta dira, bajan edo oporretan daudelako, eta ez da ordezkapen bakar bat ere egin; beraz, erizaintzako eta medikuntzako agendak behartuta daude; ohiko lanaz gain, gero eta PCR gehiago kudeatu behar dira, eta, beraz, egoera jasanezina da. Barakaldoko Zaballako anbulatorioan, 8 medikuetatik 3 bakarrik egon dira lanean ordezkapenik ez zegoelako, eta erabiltzaileek egunero deitu behar zuten ea zorterik zegoen, eta egun horretarako hitzordua lortzen zuten. Eta horrela, ESIz ESI eta lurraldez lurralde jarrai genezake.

Koktela lehergarria da. Kolapsoaren ertzean dagoen lehen mailako arretari udan langilerik ez izatea gehitzen badiogu, kontrataziorik ez dagoelako eta ordezkatzeko langilerik ez dagoelako, eta COVIDek eragindako lan-kargaren igoera gehitzen badiogu, emaitza negargarria da.

Ildo horretan, salatu nahi dugu egoera honek eragin larria duela jada oso prekarizatuta dauden langileen lan-baldintzetan, eta era berean, osasun-zentro batera joan behar duten herritarren asistentzia-kalitatearen galera eragiten duela.

Beste behin ere, argi dago Osakidetzako zuzendaritzaren aurreikuspenik eza; izan ere, lehen mailako arretarako ibilbide-orri argirik ez dagoenez, beste behin ere neurriak inprobisatzea eta premiazko eta sakoneko neurriak behar dituen egoerari partxeak jartzea erabaki du. Izan ere, martxan jarritako neurri bakarra, hain zuzen ere, anbulatorioen ordutegia murriztea izan da, arratsaldeko 5ak arte soilik irekita egonda, lan-baldintzen prekarietatea areagotuz, baldintza kaskarrak jasaten dituzten langileen presioa areagotuz, eta herritarrei osasun-arreta murriztuz, hain zuzen ere, COVIDeko boskarren olatu baten erdian.

Uda guztietan errepikatzen den egoera hau ez da koiunturala, estrukturala baizik. Urteak daramatzagu salatzen lehen mailako arreta bertan behera utzi dela eta estrategia bat behar dela dituen gero eta arazo handiagoei aurre egiteko; baina Osakidetzak, bere diskurtso mediatikoetatik harago, ez du mahai gainean jartzen lehen mailako arretarako eredu alternatiborik, egungo parametroekin eta euskal jendartearen beharrekin bat datorrena.

Gaur egun, lehen mailako arreta noraezean dabilen itsasontzia da, ESI bakoitza eta ia zentro bakoitza bere kasa abandonatu dago, kaosa da nagusi eta eskaintzen den osasun-arreta aurrera ateratzen da langileen borondate onari esker. Biztanleek zita bat lortzeko borrokatu behar dute, eta anbulatorioetako langileek eskura dituzten baliabide urriekin atera behar dute aurrera lana. Hori guztia tentsio eta amorru handia sortzen ari da, eta, ondorioz, erabiltzaileen eta Osakidetzako langileen arteko liskarrak ugaritzen ari dira, mota guztietako erasoak biderkatuz.

LABek premiazko eta epe luzeko neurriak eskatzen dizkie Osakidetzako zuzendaritzari eta Osasun Sailari, lehen mailako arretaren egoera bideratzeko. Lehen mailako arretaren eredu berri baten aldeko apustu serioa egiteko garaia da, eremu horrek behar dituen baliabideak ziurtatuz. Honekin batera, Enplegu Plan Estrategikoa egiteko garaia ere bada, langile faltarekin, prekarietatearekin eta %40ko behin-behinekotasunarekin behingoz amaitzeko.

USOAko gerentzia eta arduradun politikoen jarrera manipulatzailea salatzen dugu

Zubiate(e)ko Aritz
-
0
USOAko gerentzia eta arduradun politikoen jarrera manipulatzailea salatzen dugu

Irmotasunez salatu nahi dugu Barakaldoko USOA tailerreko kudeatzaile eta arduradun politikoak (EAJ-PSOE) manipulatzen ari direla.

USOAko langileentzako hitzarmen-aurreakordio bat lortu ondoren, gerentziak nahi zuen, sinaduraren truke, uko egitea plantillaren zati batek duen eskubideari, hots, udaleko langileei aplikatzen zaien soldata-igoerari. Gai hori ez zen eztabaidatu negoziazioetan, eta, beraz, gerentziaren inposizioa eta itxikeria ikusita, LABen atal sindikalean erabaki genuen gure sinadura aurreakordio horretatik kentzea. LABek gehiengo absolutua du USOAko enpresa batzordean.

LABi ez zaio uzten langileekin lanorduetan hitz egiten, baina langileen eskubideei uko egitearekin aurreakordioa babesten duten sindikatutako ordezkariei lanpostuetatik joaten utzi zitzaien, aurre-akordiora atxikitzeko sinadura eskatuz, langileei horrek zer esan nahi zuen azaldu gabe.

USOAko gerentziak eta arduradun politikoek aurreko astean esan ziguten negoziatzeko prest zeudela, betiere aurreikusitako mobilizazioak bertan behera uzten baditugu, eta uko egiten diogu horri. Bilera horiek egiten ari ginen egunean bertan, haien eskakizuna berretsi ziguten, eta hainbat komunikabidetan agertu ziren haien manipulazioak. Horrek esan nahi du haien helburu bakarra mobilizazioak desaktibatzea zela, eta ez USOAko langileen eskubideak errespetatuko dituen akordio batera iristea.

LABek ez dio uko egingo soldatak parekatzeko helburuari, ezta USOAren plantillak dituen eskubideak ezabatzeari ere, gerentziari eta arduradun politikoei akordioaren lorpenaren eta lan-gatazkaren amaieraren argazkia errazteko.

Zaldibar Argitu eta Euskal Herriko Eskubide Sozialen Karta Zaldibarko hondamendiaren kasutik kanpo utzi dituzte

Zubiate(e)ko Aritz
-
0
Zaldibar Argitu eta Euskal Herriko Eskubide Sozialen Karta Zaldibarko hondamendiaren kasutik kanpo utzi dituzte

Zaldibar Argituk eta Euskal Herriko Eskubide Sozialen Kartak, Zaldibarko hondamendiaren kasuan, langileen eskubideen aurkako deliturik egon den argituko duen prozedimentutik kanpo utzi gaituztela salatu nahi dugu.

Apirilaren 30ean, Zaldibarko hondamendian langileen eskubideen aurka deliturik egon zen argitzeko kausatik kanpo utzi gintuzten eta maiatzaren 11ean helegitea aurkeztu genuen. Orain berriro ere langileon eskubideak defendatzeko herri akusazio gisa aurkezteko eskubiderik ez dugula esan digute. Baina juridikoki ez dago arrazoi nahikorik prozedimentu honetatik kanpo uzteko:

– Autoaren arabera, interes gehigarri berezia akreditatu behar da, baina hori ez dago inon horrela araututa.

– Delitu publiko baten aurrean gaude eta gu herritarrak garen heinean, herri akusazio gisa aurkezteko eskubidea dugu.

Gertaera honen, eta orokorrean Zaldibarren gertatutako guztiaren atzean, argitu gabeko auzi asko daude. Eusko Jaurlaritzaren eta enpresa pribatuen arteko harreman eta interes ilunak, langileon segurtasunaren eta eskubideen urraketak, ingurumenaren kontrako jarduerak… Gertatutakoaren aurrean, inork ez du erantzukizunik beregain hartzen; ez enpresak, ez Eusko Jaurlaritzak. Horregatik ezinbestekoa da herri akusazio indartsu bat izatea, eta hain zuzen ere horregatik utzi gaituzte kanpoan, ez dutelako inongo interesik benetan gertatu zena argitzeko.

Zaldibar Argitu eta Euskal Herriko Eskubide Sozialen Karta osatzen dugun eragileok Zaldibarko hondamendia argitzeko borrokan dihardugu, eta Zaldibarko kasuaren atal honetan edo ingurumen delituaren atalean, horretan jarraituko dugu.

Langileak, osasuna eta erantzukizunak ORAIN!

Fiskaltzak ikerketa zabaldu du Hondaleako lanen esleipen prozesuan salatu genituen ustezko irregulartasunen ondoren

Zubiate(e)ko Aritz
-
0
Fiskaltzak ikerketa zabaldu du Hondaleako lanen esleipen prozesuan salatu genituen ustezko irregulartasunen ondoren

Santa Klara uharteko lanen esleipenean ustez epiniko irrepulartasunak aurkitu ondoren, joan den ekainean Donostiako LABeko Sail Sindikaletik eskuraturiko informazioa Eneko Goia alkatearen eta Fiskaltzaren eskuetan utzi genuen, hauek hartu behar ziren neurriak har zitzaten. Eneko Goia alkateak horretarako inolako arrazoirik ez zuela ikusten esan zuen arren, Fiskaltzak diligentziak zabaltzea erabaki du.

Bi delitu identifikatu genituen Udalaren kudeaketa lanean eta Gipuzkoako Fiskaltzaren eskuetan utzi genituen. Batetik, ustez LKS eta Fhecor enpresek Fizkaziorik gabe eskuratu zutela eraikina birgaitzeko exekuzio proiektua idazteko eta zuzendaritza teknikoa egiteko lana. Funtzio horretatik. gerora Moyua enpresak gastuetan egindako %23ko gainkostuei onespena eman zieten enpresa horiek, Donostiako proiektu eta obren departamenduko zuzendaritzaren oniritziarekin. Hori da txostenak jasotzen duen lehen irregulartasuna.

Eneko Goia Donostiako alkateak adierazi zuen Hondalea proiektuan, hiriko beste proiektuetan bezala, ezarrita dauden prozedurak gauzatuz jardun dela. Udal Gobemuak lehiaketari eta esleipenari buruz emandako ebazpenen bidez. eta inoiz ez dela egon idazkariaren eta kontu-hartzailearen txostenik horren aurka. Beraz, Eneko Goia alkatearen ustez, eragin behar diguten lege-aginduak iarraitzen dira. Udala gardena dela eta Fiskaltzak eskatzea erabakiko balu, beharrezko espedienteak helaraziko zizkiotela adierazi zuen. Gauzak horrela, alkateari lanean jartzeko ordua iritsi zaio. Juan Calparsoro Fiskalak LABen salaketari garrantzia eman eta ikerketarako diligetziak irekitzea erabaki baitu.

Izan ere. Proiektu Bateratuaren exekuzio prciektuaren idazketa eta birgaitzerako zuzendaritza teknikorako lank egiteko ardura LKS-Fhecorri lizitazionk gabe eman izana delitua izan liteke. Proiektua onartzeko bideratu zen txostena onartu zuen Udalak, baina bertan ez zen inolako zuzendaritzarako edota idazketarako adjudikaziorik finkatzen. Proiektu eta Obretako zuzendaritza izan zen egoera horretan lan hori LKS-Fhecorri tramitatu ziona. Horrez gain. LKS enpresak berak aitortu du lan hori Udalaren ‘enkarguz’ egin duela. LABen ustez, jokabide horren atzean zuzendaritza horren funtzioen abusua gertatu da, eta prebarikazioa ere izan liteke.

Bestalde, diru publikoaren erabilera okerra ere salatu dugu. Izan ere. LKS-Fhecorrek uharteko eraikinaren birgaitze Jana zuzentzeko lanaren gastua, Alfa Arte enpresak ordaindu duela jakin du LABek. Alfa Artek aurkeztu zuen proiektuan eta aurrekoan ordea, ez zegoen LKS-Fhecorrek egin zuzendaritza lana ordaintzeko diru partidarik. Alfa Artek bere diru partidatik gastu horiek ordaindu baditu, Proiektu eta Obretako zuzendaritzak hori egitea eskatu duelako izan omen da, eta gure ustez, bigarren irregulartasunaren aurrean gaude, Udal Aurrekontuaren diru publikoren erabilera okerra egin baita.

Gauzak horrela, Donostiako LABeko Sail Sindikalak eskatzen du Donostiako Udaleko Gobernu Taldeak gai honetan egin duen kudeaketa eta diru publikoaren erabilera okerra bertan ordezkatuak dauden talde politikoek ikertu dezatela eta hala balitz, ardura politikoak eska ditzatela.

Bilboko Argiak ABEEko langileen asanbladak borroka eredugarriaren ostean lortutako akordioa onartu du

Zubiate(e)ko Aritz
-
0
Bilboko Argiak ABEEko langileen asanbladak borroka eredugarriaren ostean lortutako akordioa onartu du

Hainbat hilabetetako gatazkaren eta 95 eguneko grebaren ostean, Bilboko Argiak Aldi Baterako Enpresa Elkarteko (ABEE) langileak akordio batera iritsi dira eta grebari amaiera eman diote.

Bilboko Argiak enpresako langileek tinko jarraitzeko eta ahalik eta borroka aktiboena egindako apustua dela eta, Zuzendaritzak alde batera utzi behar izan du negoziatzeko borondaterik eza, eta, horren ondorioz, akordio bat lortu da, langileen lan-baldintzak nabarmen hobetzen dituena eta aldarrikapen nagusia jasotzen duena: kaleratutako lankidearen berronarketa.

Zuzendaritzaren jarrera itxiaz gain, LABek Bilboko Udalak eta, zehazki, EAJ buru duen Gobernu Taldeak gatazka honetan izan duten papera ere salatu nahi du. Gogoratu nahi dugu Bilboko Argiak Aldi Baterako Enpresa Elkartea (ABEE) Bilboko Udalaren azpikontrata bat dela. Bilboko Udalak bereari eutsi dio eta bizkarra eman die Bilboko Argiak ABEEko langileei beste behin ere.

LABetik argi daukagu borroka dela langileriak bere lanpostuak, lan-baldintzak eta ondorioz, bizitza duina defendatzeko duen bide bakarra. Bilboko Argiak-eko langileek egindako borroka eredugarria izan da, eta borroka horretan funtsezkoa izan da borrokan ari diren enpresa desberdinen arteko aliantza; ITP,Tubacex, Petronor, H&M… hainbat manifestazio egin dituzte Bilbon, gizartearen babes zabalarekin, eta, gainera, elkarri lagundu diogu unean uneko mobilizazioetan. Horiei guztiei eskerrak eman nahi dizkiegu jasotako babesagatik, eta LABetik, bereziki, ITP eta Tubacex-eko langileei adierazi nahi diegu haiekin batera borrokan jarraituko dugula kaleratutako pertsona guztiak beren lanpostuetara berme guztiekin itzuli arte.

Azkenik, LABek bere poza helarazi nahi die langileei, lortutako akordio onagatik eta haiekin batera bidea egin ahal izateagatik. Gora langileon borroka!

Tubacexen negoziatzeko borondaterik eza eta Eusko Jaurlaritzaren arduragabekeria salatzen ditugu

Zubiate(e)ko Aritz
-
0
Tubacexen negoziatzeko borondaterik eza eta Eusko Jaurlaritzaren arduragabekeria salatzen ditugu

Enpresa-batzordeak uztailaren 26an, astelehenean, egindako eskaerari erantzunez, enpresa-zuzendaritzak eta batzordeak bilera bat egin genuen. Bileran, Zuzendaritzak proposamen bat helarazi zuen, eta Batzordearen ustez ez zen nahikoa, kaleratzeei eusten baitzien.

Asteleheneko 10 orduko bilera antzerki bat baino ez zen izan, langileak eta iritzi publikoa engainatzen saiatzeko eta haien jarrera justifikatzeko, eta beste behin ere prestigioa kentzeko kanpaina bat jarri zen abian hainbat komunikabideren bidez. Tamalgarria da komunikabide gehienak patronalarekin lerrokatzea eta langileen arteko konfrontazioa bilatzea.

170 egun greban eman ondoren, enpresak duela urtebeteko asmo eta jarrera berarekin jarraitzen du. Enpresak ezer garrantzitsurik negoziatzeari uko egin dio eta greba bertan behera urteko eta kaleratzeko helburu bakarrarekin jarraitzen du. Ez du EAEko Auzitegi Nagusiaren epaia onartzen eta Auzitegi Gorenaren epaia atera arte denbora irabazi nahi du.

Tamalgarria iruditzen zaigu Eusko Jaurlaritzak Tubacexeko enpresa-batzordearekin bilera bat egiteari uko egin izana. Berriro ere jarrera horrekin, Eusko Jaurlaritza Tubacexeko zuzendaritzaren kudeaketari abala ematen ari zaio. Kaleratzeekin aurrera jarraitzen duen bitartean soldatak igotzeko zalantzarik ez duen zuzendaritza bat. Beraz, Arantxa Tapia andreari eta Urkullu jaunari galdetu nahi diegu, oraindik ere zuzendaritza intransigente eta zeken horren alde jarraitzen duzue? Zer nahi duzue negoziatzea, kaleratzeak? Gogora ekarri nahi diegu Euskal Autonomia Erkidegoko Justizia Auzitegi Nagusiak kaleratze horiek baliogabetzat jo dituela, bai eta eskualde oso bat zein euskal gizartearen gehiengoa kaleratze horien aurka agertu dela esan daitekela. Bada garaia argi hitz egiteko, Eusko Jaurlaritzak enpresa-batzordearekin bilera bat egin nahi ez baina zer eta nola negoziatu behar dugun argitzeko gai zarete?

Halaber, Eusko Jaurlaritzari eskatzen diogu, langileek zerbait axola badiete, langileei eta hilabete hauetan Tubacexen borrokarekin elkartasuna erakutsi duten pertsona guztie iristen hasi zaizkien isunak eta egozpenak kentzeko, eta azken egunetako jazarpen- eta identifikazio-kanpainari amaiera emateko.

Bukatzeko, argi utzi nahi dugu gaur egun lanpostuak mantentzea bermatzen duen gauza bakarra helegitea kentzea dela. Grebak aurrera jarraitzen du, enpresako zuzendaritzak hala erabaki duelako da. Langileok egiten dugun gauza bakarra da gure lanpostuak, gure familien etorkizuna eta eskualde oso baten etorkizuna defendatzeko daukagun bide bakarra erabiltzea. Greba hasi zen enpresak egoeraren araberako egoera bat baliatu nahi izan zuelako bidegabeki kaleratzeko, eta gaur, uztailak 30, hala nahi izaten jarraitzen du, nahiz eta bere erabakiak hainbat gorabehera izan dituen. Beraz, LABek uste du greba hasteko genituen arrazoiek bere horretan jarraitzen dutela, eta, ondorioz, uste dugu ez dagoela borroka uzteko arrazoirik, eta borrokatzeari urteko unea dela uste duenari galdetzen diogu: zer aldatu da otsailaren 15etik?

Azken urtean sortutako lau enplegutatik hiru aldi baterakoak dira, berreskuratutakoaren kalitate ezaren isla

Aritz Sorzabal
-
0
Azken urtean sortutako lau enplegutatik hiru aldi baterakoak dira, berreskuratutakoaren kalitate ezaren isla

Urte hasiera oso ezkor baten ondoren, Hego Euskal Herriko lan merkatuaren egoera susperraldi zantzuak ematen hasi da bigarren hiruhilekoan, 18.700 lanpostu sortuz. Hala ere, lehen hiruhilekoan galdutako enplegu kopurua baino txikiagoa da.

Atzera begiratuz pandemiaren inpaktuaren premiazko balantzea egiteko, gogoratu behar dugu birusaren agerpenak eragindako lehen kolpeak eta kutsatzea geldiarazteko hartutako neurriek 43.200 lanpostu suntsitu zituztela; hori, Enplegu-Erregulazioko Espediente batek edo jarduera eteteak eragindako dozenaka mila pertsonak kontuan hartu gabe.

Ordutik, EPA inkestaren arabera, krisiaren hasieran galdutako enpleguen %62 inguru berreskuratu dira. Horrek esan nahi du oraindik 16.500 lanpostu inguru falta direla koronabirusa agertu aurreko lan-okupazioaren mailara iristeko.

Horri ekainaren amaieran Hego Euskal Herri osoan oraindik Aldi Baterako Enplegu Erregulazioko Espendienteetara lotuta zeuden 22.000 pertsona inguru gehitu behar zaizkio.

Gainera, bada kezkatzeko beste arrazoi bat berreskuratutako enpleguaren kalitateari dagokionez. Izan ere, azken urtean sortutako lau enplegutatik hiru aldi baterakoak dira, eta horrek pandemia aurreko mailetara (% 23,5) itzultzen du behin-behinekotasun tasa.

Adostasun sozial zabala dago enpresaburuek aldi baterako kontratazioaz egiten duten gehiegizko eta justifikaziorik gabeko erabilerari buruz. Hala ere, azken hamarkadetan onartutako lan-erreformek ez dute anomalia hori zuzendu, eta horrek anormaltasun-egoera bat eragin du, Europan lehen postuan jartzen gaituena lan-ezegonkortasunean eta prekaritate-baldintzetan.

Gobernu zentralak beste erreforma bat agindu du kontratazio modalitateak hirura murrizteko, behin-behinekotasuna murrizteko eta lan merkatuaren dualtasunarekin amaitzeko. Hala ere, orain arte ez da PPren lan erreforma bertan behera uzteko konpromisoa betetzeko gai izan.

Gainera, prezioen igoera etengabea izan arren, Lanbidearteko Gutxieneko Soldatak izoztuta jarraitzen du, inflazioa %3 inguru igo baita.

1...459460461...1,636Page 460 of 1,636

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus