Helduak eta Pentsiodunak

Pentsiodunen mugimenduak asteburuan egindako manifestazioetan iragarritakoarekin bat, mobilizazio orokor gehiagoren beharrarekin bat egiten dugu. Hain zuzen ere, mobilizazio orokor gehiago etorriko dira, pentsiodunekin batera pentsio publiko duinak borrokatzen jarraitzeko, eta lan duinaren, kalitatezko zerbitzu publikoen eta zaintza sistema publiko baten alde eragiteko.

Maiatzaren 29an, kalean izango gara, murrizketarik gabeko pentsioen alde. Hego Euskal Herriko hiriburuetan izango dira manifestazioak: Gasteizen (17:00, Artium), Donostian (17:00, Alderdi Eder), Iruñean (18:00, Baluarte) eta Bilbon (18:00, Jesusen Bihotza). Eibarren (12:00, Untzaga plazan), Ondarroan (12:30, Zaldupe) eta Altsasun ere (18:30, Foru plaza) deituta daude mobilizazioak.

Euskal gehiengo sindikaletik pentsio publikoen defentsan mobilizatu gara Bilbon eta Iruñean, Espainiako Gobernuaren delegaritzen aurrean. LABeko idazkari nagusiak hartu du hitza Bizkaiko hiriburuko elkarretaratzean, eta larunbaterako pentsiodunen mugimenduak deitutako mobilizazioekin bat egiten dugula jakinarazi du.

Escriva ministroak egindako proposamenaren aurrean, LABek adierazi nahi du pentsio sistema publikoaren desegitearen iragarpenaren aurrean gaudela, faszikuluka ematen ari dena eta sindikatuak kezkaz ikusten duena.

Pentsiodunen mugimenduak Hego Euskal Herriko hiriburu eta zenbait herritan deitutako mobilizazioekin egin dugu bat. Langileon etorkizuneko pentsioak eta gure pentsio sistemaren oinarriak daude jokoan, bizi baldintza duinak bermatu edo prekarietatea, genero arrakala, ezberdintasun sozialak zein elkartasun ezan oinarrituko den sisteman sakondu. Hain zuzen ere, 2010 eta 2012ko lan erreformak eta 2011 eta 2013ko pentsio erreformen aspektu erregresiboak indargabetzea eskatu du, baita pentsio sistema propioa eta 1.080 euroko gutxieneko pentsioa aldarrikatu ere.

EAEko 2021eko aurrekontuak onartzeko saioaren eguna da Gasteizko Parlamentuan. Honen aurrean, Euskal Herriko Eskubide Sozialen Kartako eragileok mobilizazioa egin dugu kanpokaldean, "Ondasuna banatu, eskubideak bermatu, zerbitzu publikoak garatu" lemarekin. Hain zuzen ere, Legebiltzarraren eraikina inguratu eta ekitaldia egin dugu bertan, eta LABeko idazkari nagusi Garbiñe Aranburuk hartu du hitza. Langile borrokak puri-purian dauden honetan, herritarren gehiengoaren egoera gero eta kaxkarragoa denean, langileen eta jendartearen aldarrikapenek aurrekontuetan ez dutela islarik salatu du: "Aurrekontu hauek langileak eta herritarrak mespretxatzen dituzte".

Euskal Herriko pentsiodunen mugimenduak larunbata honetarako mobilizazioak deitu ditu Hego Euskal Herriko lau hiriburuetan. LAB sindikatuak mobilizazio deialdiarekin bat egin eta langileak mobilizazioetan parte hartzeak duen garrantzia azpimarratu nahi du. Izan ere, langileon etorkizuneko pentsioak eta gure pentsio sistemaren oinarriak daude jokoan, bizi baldintza duinak bermatu edo prekarietatea, genero arrakala, ezberdintasun sozialak zein elkartasun ezan oinarrituko den sisteman sakondu.

Euskal herriko Eskubide Sozialen Kartaren aburuz, inoiz baino premia handiagoa dugu kalera irten eta mobilizatzeko, aurrekontuen kontrako jarrera ikusarazi eta aurrekontu zein zerga-politika goitik behera aldarazteko. Aberastasuna banatu behar da, eskubideak bermatu eta zerbitzu publikoak garatu. Horregatik dei egiten dugu otsailaren 11n Eusko Legebiltzar aurrean, goizeko 10etan, hasiko den mobilizazioan parte hartzera.

Urte bat bete da, pentsiodunen mugimenduak proposatu eta Euskal Herriko Eskubide Sozialen Kartak deituta, lan, bizitza eta pentsio duinen aldeko Greba Orokorra egin genuenetik. Garbiñe Aranburu idazkari nagusiak eta Igor Arroyo idazkari nagusi ondokoak aliantzen aldeko apustua berretsi dute iritzi artikulu honetan, eraldaketa helburu.