2026-01-27
Blog Page 410

“Rider Legea” indarrean sartu ondoren, berau saihestea izan da banaketa-enpresa guztien aukera

Zubiate(e)ko Aritz
-
0
“Rider Legea” indarrean sartu ondoren, berau saihestea izan da banaketa-enpresa guztien aukera

Atzo, abuztuaren 12an, sartu zen indarrean “Rider Legea” eta amaitu zen epea etxez-etxeko banaketa enpresek (riderrenak) euren kontratuak erregularizatu ditzaten. Gaur, abuztuaren 13an, prentsaurrekoa eman dugu egoeraren inguruko irakurketaren berri eman, enpresek emandako urratsez informatu eta hemendik aurrera emango ditugun ekintzak jakinarazteko.

Hilabeteak daramatzagu salatzen banaketako enpresa digitaletako langileak autonomo faltsuak zirela eta enpresekiko lan-harremana onartu behar zela. Ibilbide horretan guztian beharrezkoak izan dira lan-ikuskaritzako ebazpenak, probintziako epaitegien epaiak eta Auzitegi Gorenaren epaia.

Baldintza horietan, Gobernuak “Rider Legea” onartu behar izan zuen enpresa horiek beren langileen lan-egoera erregulariza zezaten, baina, bere garaian salatu genuen bezala, ez zen nahikoa, eta ateak zabalik uzten zituen etxez-etxeko banaketako enpresa digitalek beste bide batzuk bila zitzaten, rider-ak esplotatzen eta prekarizatzen jarraitzeko.

Atzo amaitu zen “Rider Legea”-k enpresei langile guztiei kontratuak erregularizatzeko ematen zien epea, eta enpresa bakoitzak bide bat hartu du argi eta garbi bidezkoa dena eta orain nahitaezkoa dena saihesteko. Deliverook kaleratzeen EEE bat aurkeztu du (ez omen zaio interesatzen ahalik eta gehien esplotatzen ez diren langileak izatea), Ubereats-ek azpikontratazioa erabiliko duela ematen du legea saihesteko, eta Glovok aukera ematen die langileei lan harremana hautatzeko, hori aukerakoa balitz bezala.

Aplikazioaren bidez, “kontratua edo autonomoa” aukera eskaini zuen Glovok, eta langileek banan-banan hautatu behar izan dute “interesatzen zaien” aukera. Jakina, enpresaren beraren arabera, autonomoaren figurarekin jarraitzea sustatuz, lan-kontratua aukeratzen dutenen lan-baldintzak degradatuz.

Eta, atzotik, Rider legeak behartzen duen arren, Glovok autonomo izaten jarraitzeko formula berria onartu duten langileei bakarrik eman die alta. Gainerakoak aplikaziotik deskonektatu ditu, eta ez die lanean jarraitzeko aukerarik eman.

LAB sindikatutik enpresa honekin lan egin duten rider guztien enpleguaren alde egiten jarraitzen dugu. Baldintza berriak ez onartzeagatik deskonektatu diren langileak, beren hitzetan, orain arte enpresarekin zegoen lan-egoerari uko egiten diotenak, kaleratu egin dituzte, eta, zalantzarik gabe, hauek kaleratze baliogabeak dira, eta hala defendatuko dugu epaitegietan: enpresaburuak bere kabuz erabat legez kanpokoa den iraungitze-erabakia hartzen duenean gertatzen da. Eta, hain zuzen ere, legez kontrakoa da kontratu bat deuseztatzea, lan-baldintza berriak ez onartzeagatik eta legeak ematen dizkizun eskubideak defendatzeagatik.

Baina gainera, langile askok atzotik aurrera lanean jarraitu nahi bazuten sinatu behar izan dituzten klausulak salatuko ditugu. Klausula horiek guztiz gehiegizkoak direla uste dugu, eta, beraz, baliogabetzat jo behar dira, hertsapen argia baita lanean jarraitzeko sinatu  behar izatea. Hala, bidalitako 30 orriak (minutu gutxitan) onartu behar zituzten, eta legeak ematen dituen eskubideei uko egin.

Eta hori gutxi balitz, Glovok, autonomoen modalitate berriarekin, Legea ez ezik, beste lan-formula bat ere ezartzen du, banatzaileak elkarrekin lehia daitezen. Eurek jaitsi ahal izango dute zerbitzuaren prezioa %30era arte, prezio-gerra, ahulenen arteko gerra eta ezbehar-arriskua areagotuz, azkarrena izango baita hilaren amaieran gehien kobratzen duena.

Argi eta garbi hitz egin da sektoreko mobilizazioei eta grebei buruz, atzo legea aplikatzean sortutako egoera onartezinagatik, eta LABen, Riders X Derechos-ekin batera, horrelakoei ekitea baloratzen ari gara, mobilizazioa izango baita gure eskubideak defendatzeko berme bakarra.

Nafarroako Gobernuaren aurrean mobilizatu gara esku-hartze sozialeko pleguak geldiaraztea eta langileak kontuan hartzea eskatzeko

Zubiate(e)ko Aritz
-
0
Nafarroako Gobernuaren aurrean mobilizatu gara esku-hartze sozialeko pleguak geldiaraztea eta langileak kontuan hartzea eskatzeko

Mobilizazioa egin dugu gaur Iruñean, Nafarroako Gobernuarekn Eskubide Sozialen Sailaren egoitzaren aurrean. Honekin, Nafarroako Gobernuak berriki argitaratu eta aldatu dituen baldintza agiriek esku-hartze sozialaren sektorean izango dituzten ondorio larriak salatu ditu: kaleratzeak, kategoriaren degradazioa, Nafarroako Hezitzaileen Eskolan tituludun diren pertsonak hezitzaile-kategorian sartzeko ezintasuna eta hizkuntza-diskriminazioa. Uste dugu trantsizio-prozesu ordenatua eta bermeduna ahalbidetzea beharrezkoa dela, betiere sektoreko langileen eskubideak errespetatuz. Nafarroako gizarte- eta lan-errealitatearekin bat datozen pleguak behar dira, arlo sozialeko titulazio guztiak barne hartzen dituzten diziplina anitzeko taldeak sortuz, esku-hartze eraginkorrerako beharrezkoak baitira.

Martxoaren 16an, Nafarroako esku-hartze sozialeko lehen hitzarmenaren batzorde paritarioak, patronalak eta alderdi sozialak, lizitazio berrien aurrean, Nafarroako Autonomiaren eta Pertsonen Garapenaren Agentziari eskatu genion sektorean bi urteko esperientzia duten pertsonak gaitu zitzatela lanean jarraitzeko eta kontratazio berrietan hezitzaile izan ahal izatea sektorean bi urteko esperientzia duten hezitzaile laguntzaileak.

Maiatzaren 6an, sektoreko LABeko ordezkarien eta Nafarroako Autonomiaren eta Pertsonen Garapenaren Agentziako zuzendari kudeatzailearen arteko bileran, jakinarazi genion agentzia horri, ondorio larriak izango zituela adingabeen pleguek integratzaile sozialak hezitzaile gisa ez onartzeak.                                                                                 

Uztailaren 12an, argitaratutako pleguekin, 100 langile baino gehiago kaleratuko zituztela salatu genuen, Eskubide Sozialen Sailean elkarretaratze bat eginez eta zuzendariarekin bilduz. Bilera horretan, sektoreko langileak babesteko beharrezko zuzenketak jasoko zituztela adierazi ziguten.

Ordutik beste behin bildu gara Nafarroako Gobernuko ordezkariekin eta beste bitan patronalarekin, gure kezka eta eskaerak proposamen ezberdinetan batuz.

Gaur egindako elkarretaratzean salatu dugu Nafarroako Gobernuak uztailaren 28an argitaratutako adingabeen pleguek eta horien zuzenketek sektoreko langileak kaleratzen jarraitzen dutela, titulazioak lortzeko eta lanpostuei eutsi ahal izateko aldi baterako aukerarik eman gabe jarraitzen dutela, euskara diskriminatzen jarraitzen dutela eta eragozten dutela Hezitzaile Eskolako integratzaile sozialak, egunen batean,  hezitzaileak izan ahal izatea.

Enpresa batzuek emandako osatu gabeko informazioaren araberan, plegu hauen pean dauden Pauma eta AsociaciĂłn Navarra Sin Fronteraseko langileen %15 kaleratua izango da, Pauman 6 langile eta Sin Fronterasen 15.  Nuevo Futuro enpresan pleguek ez dute kalterik suposatuko oraingoz . Kontuak horrela eta aurrerantzean sektorean aterako diren plegu berriekin kaleratze gehiago emango dira.

Nafarroako Gobernuari eskatzen diogu pleguak geldiarazteko eta langileak kontuan hartzeko, trantsizio-prozesu ordenatua eta bermeduna ahalbidetzeko, betiere sektoreko langileen eskubideak errespetatuz. Nafarroako gizarte- eta lan-errealitatearekin bat datozen pleguak behar dira, arlo sozialeko titulazio guztiak barne hartzen dituzten diziplina anitzeko taldeak sortuz, esku-hartze eraginkorrerako beharrezkoak baitira.

Neurri eraginkorrak eskatu dizkiegu administrazioei laneko heriotzen aurrean

Zubiate(e)ko Aritz
-
0
Neurri eraginkorrak eskatu dizkiegu administrazioei laneko heriotzen aurrean

Mobilizazioa egin dugu ELA, ESK, STEILAS, EHNE eta HIRUrekin batera Bilbon, Bizkaiko Foru Aldundiaren egoitzaren aurrean. Bertan, abuztuaren 5ean Karrantzan lan-istripuan hildako F.J.M.T. 45 urtetako langilearen heriotza salatu dugu. Forestal Jocamar S.L.ko langilea urteko laugarren hildakoa izan zen Euskal Herrian basogintza sektorean. Prebentzio neurriak indartzea eskatu diegu administrazioei.

Urte hasieratik lau langile hil dira basogintzan Euskal Herrian

Zubiate(e)ko Aritz
-
0
Urte hasieratik lau langile hil dira basogintzan Euskal Herrian

LAB sindikatutik irmoki salatzen dugu atzo arratsaldean, Karrantzan, baso lanetan ari zen langilearen lan heriotza. FORESTAL JOMACAR SL enpresako langilea zen, eta 45 urte zituen. Dagoeneko basogintza sektorean 4 langile hil dira aurten Euskal Herrian.  Dagoeneko 35 langile dira, gutxienez, aurten lan istripuz Euskal Herrian hildakoak. Laneko azken heriotza honen aurrean, gehiengo sindikalak mobilizazioa egingo du abuztuaren 9an, Bilbon, Bizkaiko Foru Aldundiaren egoitzaren aurrean (Gran Via, 25), 12:30etik aurrera.

Lehenik eta behin, LAB sindikatutik gure babes eta elkartasuna adierazi nahi diegu hildako langilearen familia, senide eta adiskideei.

Baso lanen sektorean, arriskuak handiak dira; besteak beste, makinaria arriskutsuak erabiltzen dira, kontrako klimatologia, lur malkartsuetan lana… sektore honetan ere lan baldintzak gero eta prekarioagoak dira, langileen osasuna eta bizitzaren gainetik irabazi ekonomikoak nagusitzen direlako, hemen ere.

Langile honen heriotzaren arrazoiak ikertzeko eskatzen dugu; lan baldintzak eta lan erritmoak, barne. Erantzuleak seinalatu behar dira.

Kezkagarria eta asaldagarria gertatzen ari zaigu lan istripuak gero eta gehiago izatea urtez urte. Lan istripuen gorakada prekarizazio politikaren ondorio zuzena da, baita erakundeek lan osasunean egiten ez duten kontrol zehatzarena ere. Lan arriskuen prebentzioan behar diren neurriak hartuz gero, eta sortutako enplegua kalitatezkoa balitz, lan istripuek ez lukete zertan gora egin behar.

Instituzioei eta gobernuei beste aldera begiaratzeari uzteko eta behingoz lan osasun politikak errotik aldatzea exigitzen diegu, sarraski honen aurrean neurriak hartu eta lanean ematen diren istripuak ekiditzeko beharrezko diren politika errealak martxan jar ditzaten. Horretarako, interes ekonomikoen gainetik langileen segurtasuna eta bizitza bermatu behar dira.

LAB sindikatutik lanean eta borrokan jarraituko dugu langileon eskubideen, segurtasunaren eta osasunaren alde. Klase sindikalismoak erantzun irmoa eman beharra du, langileria eta gizarte osoa martxan jarriz. Horregatik, azken istripua salatzeko, dei egiten dugu langile klaseari antolatuko diren mobilizazioetan parte hartzera.

Ildo beretik, eredu justu eta langileen segurtasuna eta osasuna aintzakotzat hartuko duen marko propio baten beharra aldarrikatu nahi dugu.

Langileentzako bermeak izango dituzten pleguak eskatu dizkiogu Nafarroako Gobernuari esku-hartze sozialeko sektorean

Zubiate(e)ko Aritz
-
0
Langileentzako bermeak izango dituzten pleguak eskatu dizkiogu Nafarroako Gobernuari esku-hartze sozialeko sektorean

Prentsaurrekoa eman dugu gaur Iruñean. Honekin, Nafarroako Gobernuak berriki argitaratu eta aldatu dituen baldintza agiriek esku-hartze sozialaren sektorean izango dituzten ondorio larriak salatu ditugu: kaleratzeak, kategoriaren degradazioa, Nafarroako Hezitzaileen Eskolan tituludun diren pertsonak hezitzaile-kategorian sartzeko ezintasuna eta hizkuntza-diskriminazioa. Egoera honen aurrean, mobilizazioa deitu dugu datorren abuztuaren 11rako, asteazkena, 11:00etan, Nafarroako Gobernuaren Eskubide Sozialen Sailaren aurrean, Iruñeko Gonzalez Tablas kaleko 7.ean, eta elkarretaratzean parte hartzeko deia egin diegu sektoreko langileei.

Martxoaren 16an, Nafarroako esku-hartze sozialeko lehen hitzarmenaren batzorde paritarioak, patronalak eta alderdi sozialak, lizitazio berrien aurrean, Nafarroako Autonomiaren eta Pertsonen Garapenaren Agentziari eskatu genion sektorean bi urteko esperientzia duten pertsonak gaitu zitzatela lanean jarraitzeko eta kontratazio berrietan hezitzaile izan ahal izatea sektorean bi urteko esperientzia duten hezitzaile laguntzaileak.

Maiatzaren 6an, sektoreko LABeko ordezkarien eta Nafarroako Autonomiaren eta Pertsonen Garapenaren Agentziako zuzendari kudeatzailearen arteko bileran, jakinarazi genion agentzia horri, ondorio larriak izango zituela adingabeen pleguek integratzaile sozialak hezitzaile gisa ez onartzeak.

Uztailaren 12an, argitaratutako pleguekin, 100 langile baino gehiago kaleratuko zituztela salatu genuen, Eskubide Sozialen Sailean elkarretaratze bat eginez eta zuzendariarekin bilduz. Bilera horretan, sektoreko langileak babesteko beharrezko zuzenketak jasoko zituztela adierazi ziguten.

Ordutik beste behin bildu gara Nafar Gobernuko ordezkariekin eta beste bitan patronalarekin, gure kezka eta eskaerak proposamen ezberdinetan batuz.

Gaur emandako prentsaurrekoan salatu dugu Nafarroako Gobernuak uztailaren 28an argitaratutako adingabeen pleguek eta horien zuzenketek sektoreko langileak kaleratzen jarraitzen dutela, titulazioak lortzeko eta lanpostuei eutsi ahal izateko aldi baterako aukerarik eman gabe jarraitzen dutela, euskara diskriminatzen jarraitzen dutela eta eragozten dutela hezitzaile eskolako integratzaile sozialak, egunen batean, hezitzaile izan ahal izatea.

Nafarroako Gobernuari eskatzen diogu pleguak geldiarazteko eta plantillak kontuan hartzeko, trantsizio-prozesu ordenatua eta bermeduna ahalbidetzeko, betiere sektoreko langileen eskubideak errespetatuz. Nafarroako gizarte- eta lan-errealitatearekin bat datozen pleguak behar dira, arlo sozialeko titulazio guztiak barne hartzen dituzten diziplina anitzeko taldeak sortuz, esku-hartze eraginkorrerako beharrezkoak baitira.

Kaleratzeei ez!

Plegu duinak, plantillen bermeekin!

Inposaketa gehiagorik ez!

Kontzentrazioa egin dugu Galdakaoko anbulategian lehen mailako arretako zentroetako egoera jasanezina salatzeko

Zubiate(e)ko Aritz
-
0
Kontzentrazioa egin dugu Galdakaoko anbulategian lehen mailako arretako zentroetako egoera jasanezina salatzeko

Aurtengo udan, berriro ere, Osakidetzako anbulatorioak eta osasun-zentroak muturreko egoera pairatzen ari dira, langile faltaren eta lan-kargen igoeraren ondorioz. Izan ere, kasu askotan, biztanleek ospitale-larrialdietara jo behar izaten dute, beren erreferentziazko osasun-zentroetan ezin izaten dutelako arreta normalizatua jaso. Pediatriako arretaren kasuan, kaosa are handiagoa da.

Egoera larriaren aurrean, kontzentrazioa egin dugu Galdakaoko anbulategian. Berau aukeratu dugu hiru lurraldeetako Osakidetzako zentro gehienetan bizi den egoeraren adibide gisa. Bertan, erizaintzako eta medikuntzako langileak falta dira, bajan edo oporretan daudelako, eta ez da ordezkapen bakar bat ere egin; beraz, erizaintzako eta medikuntzako agendak behartuta daude; ohiko lanaz gain, gero eta PCR gehiago kudeatu behar dira, eta, beraz, egoera jasanezina da. Barakaldoko Zaballako anbulatorioan, 8 medikuetatik 3 bakarrik egon dira lanean ordezkapenik ez zegoelako, eta erabiltzaileek egunero deitu behar zuten ea zorterik zegoen, eta egun horretarako hitzordua lortzen zuten. Eta horrela, ESIz ESI eta lurraldez lurralde jarrai genezake.

Koktela lehergarria da. Kolapsoaren ertzean dagoen lehen mailako arretari udan langilerik ez izatea gehitzen badiogu, kontrataziorik ez dagoelako eta ordezkatzeko langilerik ez dagoelako, eta COVIDek eragindako lan-kargaren igoera gehitzen badiogu, emaitza negargarria da.

Ildo horretan, salatu nahi dugu egoera honek eragin larria duela jada oso prekarizatuta dauden langileen lan-baldintzetan, eta era berean, osasun-zentro batera joan behar duten herritarren asistentzia-kalitatearen galera eragiten duela.

Beste behin ere, argi dago Osakidetzako zuzendaritzaren aurreikuspenik eza; izan ere, lehen mailako arretarako ibilbide-orri argirik ez dagoenez, beste behin ere neurriak inprobisatzea eta premiazko eta sakoneko neurriak behar dituen egoerari partxeak jartzea erabaki du. Izan ere, martxan jarritako neurri bakarra, hain zuzen ere, anbulatorioen ordutegia murriztea izan da, arratsaldeko 5ak arte soilik irekita egonda, lan-baldintzen prekarietatea areagotuz, baldintza kaskarrak jasaten dituzten langileen presioa areagotuz, eta herritarrei osasun-arreta murriztuz, hain zuzen ere, COVIDeko boskarren olatu baten erdian.

Uda guztietan errepikatzen den egoera hau ez da koiunturala, estrukturala baizik. Urteak daramatzagu salatzen lehen mailako arreta bertan behera utzi dela eta estrategia bat behar dela dituen gero eta arazo handiagoei aurre egiteko; baina Osakidetzak, bere diskurtso mediatikoetatik harago, ez du mahai gainean jartzen lehen mailako arretarako eredu alternatiborik, egungo parametroekin eta euskal jendartearen beharrekin bat datorrena.

Gaur egun, lehen mailako arreta noraezean dabilen itsasontzia da, ESI bakoitza eta ia zentro bakoitza bere kasa abandonatu dago, kaosa da nagusi eta eskaintzen den osasun-arreta aurrera ateratzen da langileen borondate onari esker. Biztanleek zita bat lortzeko borrokatu behar dute, eta anbulatorioetako langileek eskura dituzten baliabide urriekin atera behar dute aurrera lana. Hori guztia tentsio eta amorru handia sortzen ari da, eta, ondorioz, erabiltzaileen eta Osakidetzako langileen arteko liskarrak ugaritzen ari dira, mota guztietako erasoak biderkatuz.

LABek premiazko eta epe luzeko neurriak eskatzen dizkie Osakidetzako zuzendaritzari eta Osasun Sailari, lehen mailako arretaren egoera bideratzeko. Lehen mailako arretaren eredu berri baten aldeko apustu serioa egiteko garaia da, eremu horrek behar dituen baliabideak ziurtatuz. Honekin batera, Enplegu Plan Estrategikoa egiteko garaia ere bada, langile faltarekin, prekarietatearekin eta %40ko behin-behinekotasunarekin behingoz amaitzeko.

USOAko gerentzia eta arduradun politikoen jarrera manipulatzailea salatzen dugu

Zubiate(e)ko Aritz
-
0
USOAko gerentzia eta arduradun politikoen jarrera manipulatzailea salatzen dugu

Irmotasunez salatu nahi dugu Barakaldoko USOA tailerreko kudeatzaile eta arduradun politikoak (EAJ-PSOE) manipulatzen ari direla.

USOAko langileentzako hitzarmen-aurreakordio bat lortu ondoren, gerentziak nahi zuen, sinaduraren truke, uko egitea plantillaren zati batek duen eskubideari, hots, udaleko langileei aplikatzen zaien soldata-igoerari. Gai hori ez zen eztabaidatu negoziazioetan, eta, beraz, gerentziaren inposizioa eta itxikeria ikusita, LABen atal sindikalean erabaki genuen gure sinadura aurreakordio horretatik kentzea. LABek gehiengo absolutua du USOAko enpresa batzordean.

LABi ez zaio uzten langileekin lanorduetan hitz egiten, baina langileen eskubideei uko egitearekin aurreakordioa babesten duten sindikatutako ordezkariei lanpostuetatik joaten utzi zitzaien, aurre-akordiora atxikitzeko sinadura eskatuz, langileei horrek zer esan nahi zuen azaldu gabe.

USOAko gerentziak eta arduradun politikoek aurreko astean esan ziguten negoziatzeko prest zeudela, betiere aurreikusitako mobilizazioak bertan behera uzten baditugu, eta uko egiten diogu horri. Bilera horiek egiten ari ginen egunean bertan, haien eskakizuna berretsi ziguten, eta hainbat komunikabidetan agertu ziren haien manipulazioak. Horrek esan nahi du haien helburu bakarra mobilizazioak desaktibatzea zela, eta ez USOAko langileen eskubideak errespetatuko dituen akordio batera iristea.

LABek ez dio uko egingo soldatak parekatzeko helburuari, ezta USOAren plantillak dituen eskubideak ezabatzeari ere, gerentziari eta arduradun politikoei akordioaren lorpenaren eta lan-gatazkaren amaieraren argazkia errazteko.

Zaldibar Argitu eta Euskal Herriko Eskubide Sozialen Karta Zaldibarko hondamendiaren kasutik kanpo utzi dituzte

Zubiate(e)ko Aritz
-
0
Zaldibar Argitu eta Euskal Herriko Eskubide Sozialen Karta Zaldibarko hondamendiaren kasutik kanpo utzi dituzte

Zaldibar Argituk eta Euskal Herriko Eskubide Sozialen Kartak, Zaldibarko hondamendiaren kasuan, langileen eskubideen aurkako deliturik egon den argituko duen prozedimentutik kanpo utzi gaituztela salatu nahi dugu.

Apirilaren 30ean, Zaldibarko hondamendian langileen eskubideen aurka deliturik egon zen argitzeko kausatik kanpo utzi gintuzten eta maiatzaren 11ean helegitea aurkeztu genuen. Orain berriro ere langileon eskubideak defendatzeko herri akusazio gisa aurkezteko eskubiderik ez dugula esan digute. Baina juridikoki ez dago arrazoi nahikorik prozedimentu honetatik kanpo uzteko:

– Autoaren arabera, interes gehigarri berezia akreditatu behar da, baina hori ez dago inon horrela araututa.

– Delitu publiko baten aurrean gaude eta gu herritarrak garen heinean, herri akusazio gisa aurkezteko eskubidea dugu.

Gertaera honen, eta orokorrean Zaldibarren gertatutako guztiaren atzean, argitu gabeko auzi asko daude. Eusko Jaurlaritzaren eta enpresa pribatuen arteko harreman eta interes ilunak, langileon segurtasunaren eta eskubideen urraketak, ingurumenaren kontrako jarduerak… Gertatutakoaren aurrean, inork ez du erantzukizunik beregain hartzen; ez enpresak, ez Eusko Jaurlaritzak. Horregatik ezinbestekoa da herri akusazio indartsu bat izatea, eta hain zuzen ere horregatik utzi gaituzte kanpoan, ez dutelako inongo interesik benetan gertatu zena argitzeko.

Zaldibar Argitu eta Euskal Herriko Eskubide Sozialen Karta osatzen dugun eragileok Zaldibarko hondamendia argitzeko borrokan dihardugu, eta Zaldibarko kasuaren atal honetan edo ingurumen delituaren atalean, horretan jarraituko dugu.

Langileak, osasuna eta erantzukizunak ORAIN!

Fiskaltzak ikerketa zabaldu du Hondaleako lanen esleipen prozesuan salatu genituen ustezko irregulartasunen ondoren

Zubiate(e)ko Aritz
-
0
Fiskaltzak ikerketa zabaldu du Hondaleako lanen esleipen prozesuan salatu genituen ustezko irregulartasunen ondoren

Santa Klara uharteko lanen esleipenean ustez epiniko irrepulartasunak aurkitu ondoren, joan den ekainean Donostiako LABeko Sail Sindikaletik eskuraturiko informazioa Eneko Goia alkatearen eta Fiskaltzaren eskuetan utzi genuen, hauek hartu behar ziren neurriak har zitzaten. Eneko Goia alkateak horretarako inolako arrazoirik ez zuela ikusten esan zuen arren, Fiskaltzak diligentziak zabaltzea erabaki du.

Bi delitu identifikatu genituen Udalaren kudeaketa lanean eta Gipuzkoako Fiskaltzaren eskuetan utzi genituen. Batetik, ustez LKS eta Fhecor enpresek Fizkaziorik gabe eskuratu zutela eraikina birgaitzeko exekuzio proiektua idazteko eta zuzendaritza teknikoa egiteko lana. Funtzio horretatik. gerora Moyua enpresak gastuetan egindako %23ko gainkostuei onespena eman zieten enpresa horiek, Donostiako proiektu eta obren departamenduko zuzendaritzaren oniritziarekin. Hori da txostenak jasotzen duen lehen irregulartasuna.

Eneko Goia Donostiako alkateak adierazi zuen Hondalea proiektuan, hiriko beste proiektuetan bezala, ezarrita dauden prozedurak gauzatuz jardun dela. Udal Gobemuak lehiaketari eta esleipenari buruz emandako ebazpenen bidez. eta inoiz ez dela egon idazkariaren eta kontu-hartzailearen txostenik horren aurka. Beraz, Eneko Goia alkatearen ustez, eragin behar diguten lege-aginduak iarraitzen dira. Udala gardena dela eta Fiskaltzak eskatzea erabakiko balu, beharrezko espedienteak helaraziko zizkiotela adierazi zuen. Gauzak horrela, alkateari lanean jartzeko ordua iritsi zaio. Juan Calparsoro Fiskalak LABen salaketari garrantzia eman eta ikerketarako diligetziak irekitzea erabaki baitu.

Izan ere. Proiektu Bateratuaren exekuzio prciektuaren idazketa eta birgaitzerako zuzendaritza teknikorako lank egiteko ardura LKS-Fhecorri lizitazionk gabe eman izana delitua izan liteke. Proiektua onartzeko bideratu zen txostena onartu zuen Udalak, baina bertan ez zen inolako zuzendaritzarako edota idazketarako adjudikaziorik finkatzen. Proiektu eta Obretako zuzendaritza izan zen egoera horretan lan hori LKS-Fhecorri tramitatu ziona. Horrez gain. LKS enpresak berak aitortu du lan hori Udalaren ‘enkarguz’ egin duela. LABen ustez, jokabide horren atzean zuzendaritza horren funtzioen abusua gertatu da, eta prebarikazioa ere izan liteke.

Bestalde, diru publikoaren erabilera okerra ere salatu dugu. Izan ere. LKS-Fhecorrek uharteko eraikinaren birgaitze Jana zuzentzeko lanaren gastua, Alfa Arte enpresak ordaindu duela jakin du LABek. Alfa Artek aurkeztu zuen proiektuan eta aurrekoan ordea, ez zegoen LKS-Fhecorrek egin zuzendaritza lana ordaintzeko diru partidarik. Alfa Artek bere diru partidatik gastu horiek ordaindu baditu, Proiektu eta Obretako zuzendaritzak hori egitea eskatu duelako izan omen da, eta gure ustez, bigarren irregulartasunaren aurrean gaude, Udal Aurrekontuaren diru publikoren erabilera okerra egin baita.

Gauzak horrela, Donostiako LABeko Sail Sindikalak eskatzen du Donostiako Udaleko Gobernu Taldeak gai honetan egin duen kudeaketa eta diru publikoaren erabilera okerra bertan ordezkatuak dauden talde politikoek ikertu dezatela eta hala balitz, ardura politikoak eska ditzatela.

1...409410411...1,587Page 410 of 1,587

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLĂŤTICA DE PRIVACIDAD

www.lab.eus