2025-12-21
Blog Page 1080

PSE, PP eta PNVk EITBren erabilera alderdikoia egiten dute

admin
-
0
PSE, PP eta PNVk EITBren erabilera alderdikoia egiten dute

Atzo EITBko Zuzendari Nagusiak agerraldia egin zuen Gasteizko Parlamentuan, talde politikoek egindako hainbat galderei ahoz erantzuteko. EITBko LABeko ordezkariok kanpoan egin genuen kontzentrazioa betidanik eman izan den EITBren erabilera alderdikoia, eta azken asteotan ematen ari den «zentsuraren norgehiagoka» salatzeko.

LABek beti salatu izan du Jaurlaritzan egon ohi diren alderdiek egin izan duten Komunikabide Publikoaren kontrola, atal sindikalaren webgunean begirada bat ematea besterik ez dago. Izan ere atzokoan duela lau urte erabili genuen pankarta bera berreskuratu genuen, eta «PSE-PP utzi bakean EITB» leloari «PNV» erantsi besterik ez genion egin behar izan. Hiru alderdi horiek EITB helburu berdinerako nahi dutela adierazi nahi izan dugu horrela.

Azken asteotan ETBk «Barrura Begirako Leihoak» dokumentala emititu izanak sortu du kalapita. Zergatik eta gertakizunen bertsio bat kontatzeagatik. «Kontakizun bakarraren» aldeko alderdiak sutan jarri dira eta presioari ekin, Urkullu Lehendakariak berak ere ia barkamena eta guzti eskatu zuen pasa den asteko osoko bilkuran, eta Maite Iturbe EITBko Zuzendariak bat egin zuen. Preso politikoei «preso politiko» deitu izanagatik barkamen-oharra atera zuen Zuzendaritzak. Erabat ohiko eta arrunt izan behar dena, objektibotasuna eta bertsio guztiak jasotzea alegia, ezohiko eta isildua nahi dute.

Duela hilabete ere EITBNETen gertatutako jazarpen ideologikoa salatu genuen (http://eitb.lab.eus/?q=node/676) hain zuzen EAJko bi arduradunek Iñigo Cabacasen senideekin parlamentuan bertan izandako hika-mikaren trataera informatiboak pairatu zuen zentsura saiakeragatik. LABeko kidea ere baden editorea bere postutik kendu zuen zuzendaritzak «berarengan konfidantza galdu» izanaren argudioarekin. Konfiantza profesionala baino, konfiantza ideologikoa da nahi dutena.

Gaizki egindakoari kritika egitea zilegi da, baina nahikoa da barruko eta kanpoko presioekin. Barruko antolamendu bertikala ez-demokratikoa EITBren erabilera alderdikoiaren mesedetan eginda dago. Alderdi unionistek kanpotik egiten dituzten presioak ere onartezinak dira, batez ere kolore bakarreko egungo panorama mediatikoak bilatzen duen «kontakizun bakarraren» norabidean doanean. Halaxe ba, PNV, PSE, PP utzi bakean EITB!
 

 

 

Aernnovak mahai gainean jarritako deslokalizazio-mehatxuak bere horretan dirau

admin
-
0

Aernnovako zuzendaritzak 133 langile kaleratzeko Enpresa Erregulazio Txostena erretiratzeko hartutako erabakiaren aurrean, LABek bere poza adierazi nahi du. LABek argi du erabaki hau Aernnovako langileen borrokaren ondorio dela.

Hala ere, ohartarazi nahi dugu Zuzendaritzak mahai gainean jarri zuen mehatxua bere horretan mantenetzen dela, oraindik ere langileen kaleratzeak beharrezkoak direla esan baitu, baina ez omen zaio “orain aurkeztea komeni”.

Uste dugu “une honetan komeni ez izatearen” atzean, Aernnovako kaleratzeek Jaurlaritzaren enplegu bermerik gabe diru laguntzak emateko politika agerian utzi izana dago. Batzuetan, kasu honetan bezala, laguntza horiek deslokalizazioak eta kaleratzeak emateko erabiltzen ari dira.

LABek instituzioak interpelatzen jarraituko du, eta Aernnovako proiektu industrialaren bideragarritasuna nahiz errentagarritasuna defendatzen.
 

 

 

Papergintzako hitzarmena lortzeko helburuarekin greba egitea aztertuko da asanbladetan

admin
-
0

ELA, CCOO, LAB eta UGT sindikatuok 10 hilabete daramatzagu papergintzako hitzarmena negoziatzen eta akordio batera iristeko saiakerak egiten, baina patronalaren jarrera oso gogorra da eta ez du fitxarik mugitzen. Hau dela eta, datozen egunetan egingo diren asanbladetan, greba proposamena egingo dugu.

ELA, CCOO, LAB eta UGT sindikatuon irakurketa:

Sindikatuok 10 hilabete daramatzagu negoziatzen saiatzen eta Patronalaren jarrera gogorra da. Azken bilera ezin argiagoa izan zen. Lau sindikatuok gure proposamenen jaitsiera bat egin genuen eta ADEGIk ez zuen fitxarik mugitu.

Egoera honen aurrean, ELA, CCOO, LAB eta UGT sindikatuok bizitzen ari garen momentuaren irakurketa amankomuna egin dugu. Gure ustez, sektoreko langileok merezi ditugun Papergintzako Hitzarmenaren edukiek, honakoak jaso beharko lituzkete:

• ADEGIk planteatu dituen soldata igoerak baino handiagoak eta KPIari lotuak. KPIa negatiboa balitz, igoera duina bermatzen duten klausulekin.

• BLINDAJEAK. Momentu hauetan, denok dakigu Hitzarmenean, Lan Erreformaren gainetik, bere aplikazioa bermatzen duten testuak sartu behar ditugula. Bi klausula motagatik ari gara borrokatzen:
    -HITZARMEN PROBINTZIALEAN ADOSTUTAKOA BLINDATZEKO.
    -“NON-STOP” PAKTUETAN ADOSTUTAKOA BLINDATZEKO.

ADEGIk ez du horretaz hitz egin nahi. Adosten duguna ez aplikatzea nahi du eta ez diogu onartuko. Horregatik, datozen egunetan enpresetan egingo ditugun asanbladatan patronalaren jarrera eraldatzeko GREBA proposamena egingo dugu. Deialdia sektore osorako da eta 8 eguneko epean 6 greba egunetan zehazten da, hau da:

• Azaroaren 27ko 06,00etatik azaroaren 29ko 22,00ak arte
• Abenduaren 1eko 06,00etatik abenduaren 2ko 06,00ak arte
• Abenduaren 3ko 06,00etatik abenduaren 4ko 22,00ak arte

Hitzarmen honetan markatzen ditugun helburuen garrantzia sektoreko langileok ondo baloratzea jakin dezagula espero dugu. Azken hamarkadetan lortutakoa jokuan dago orain.
 

 

 

Prekarietatearen kontrako borrokan, nafarroan azken urteetan izandako hobekuntzarik esanguratsuena lortu du LABek

admin
-
0

BSH Eskirotzeko azpikontrata baten azpikontrata den grupo norteko langileek garaipen ikusgarria lortu dute: subrogazioa, %94ko soldata igoera, lanaldia 80 ordutan murriztea eta bajan zehar soldataren %100 jasotzea, nafarroako merkantzien garraioko lan hitzarmenarekin parekatuz.

Grupo Norte enpresa Linser LOGen azpikontrata da; eta Linser LOG, BSH Eskirotzen azpikontrata. Bada, Grupo Norteko langileek azpikontratazioak dakarren muturreko prakarietatea pairatzen zuten, hilero 800 euro gordinetik beherako soldatekin. Antolatzea erabaki zuten eta hauteskunde sindikalak sustatu zituzten LAB sindikatuaren eskutik, jokoan ziren hiru ordezkariak eskuratu zituena.

Langileek pairatzen zituzten lan baldintza kaxar eta legez kanpokoak salatzean, Grupo Nortek langile guztiak kaleratzeko mehatxua egin zuen, baldin eta LABeko hiru ordezkariek aipatutako lan baldintza horiek legeztatuko zuen enpresa hitzarmena sinatzen ez bazuten.

Aldi berean, LABeko ordezkariek modu ez ofizialean jakin zuten Grupo Norte kontratatzen zuen Linser LOG enpresa CTC Grupo Uno izeneko enpresa katalanak erosi zuela. Azken honek langileen kargu egin ez eta kontratazio berriak egin zitzakeen estatu mailako bere hitzarmenaren arabera, lan baldintzak oraindik eta gehiago prekarizatuz: hilero 760 euro eta urteko 1806 orduko lanaldia.

Grupo Norteko mehatxuaren eta Linser LOGen salmentak eragindako
noraezaren aurrean, Grupo Norteko langileek ekintzetara jotzea erabaki zuten. LABeko ordezkariek greba mugagabea deitu zuten irailaren 23tik aurrera, Grupo Norte kontratatzen zuen Linser LOGen jabe berri CTC Grupo Uno interpelatuz.

Greba hasten zen egunean bertan, irailaren 23an, LABeko ordezkariek aurreakordioa lortu zuten CTC Grupo Uno enpresarekin: BSH Eskirotzekin kontratua dirauen bitartean lanpostuak mantendu, hileko 150 euroko soldata igoera eta lan baldintzak hobetzeko negoziatzen jarraitzeko konpromisoa.

Azken akordioa azaroaren 10ean sinatu zen eta gaur, azaroak 16,
aplikatzen hasi da, subrogazioa gauzatzen den egunean hain zuzen ere. Edukiak, subrogazioaz gain, honako hauek dira:

1. Hileko soldata gordina 795 eurotik 1544 eurora igotzea 24 hilabetetan zehar (osotara %94ko igoera). Urtarrilean 200 euroko igoera egingo da eta hiruilabetero beste 50 euro igoko da 2016an zehar eta 60 euro 2017an. 2017ko urrian soldata 1544 eurotan finkatuko da.
2. Urteko 10 egunetako lanaldi murrizketa (80 ordu).
3. Bajan zehar soldataren %100 jasotzea.
4. Norberaren aferetarako 3 egun.

Modu honetan, langileen lan baldintzak nafarroako garraioen lan
Hitzarmenarekin parekatuko dira. Honenbestez, prekarietatearen kontra irabazitako garaipen handia da, langileek nahiz labeko hiru ordezkariek garatutako ekintza sindikal ausartari esker. LABek azpikontratazioari eta hari lotutako prekarietateari aurre egiteko borrokan jarraituko du.
 

 

 

Gerdaun denok batera mobilizatzeko ordua da

admin
-
0

Asteak pasatzen ari dira, eta egunak pasa ahala, egoera gero eta okerragoa da Gerdaun. Geroz eta gehiago dira kaleratutako langileak (20 guztira, Reinosako lantokia barne). Balizko salmentaren inguruan zuzendaritzaren aldetik jaso dugun informazioa hutsaren hurrena da. Zuzendaritzak ez du ezta gurekin bildu nahi ere!

Eta aurreko guztiari, gaur UGT, CCOO eta USO sindikatuek egin duten ekimena gehitu behar zaio. Ekimen honek ez du Zuzendaritzaren aurrean sindikatu guztien batasuna bilatu (ez baitute LAB informatu), ezta langileen parte hartzea ere, egun batetik bestera antolatu delarik. Zein da, beraz, honen atzean dagoen helburu nagusia?

Une zailak bizi ditugu. Ez dira beraz funtsik gabeko protagonismorako uneak, eskuzabalak izatekoak baizik. Eta, bereziki, arduratsu jokatzeko garaiak dira oraingoak, gure etorkizuna kolokan dago eta.

Hasieratik defendatu dugun bezala, LABek behar-beharrezkoa ikusten du denok elkarrekin mobilizatzea, gure etorkizuna zein lanpostuak defendatzeko. Helburu honetan, beste sindikatuekin akordioak erdiesteko prest gaude, mobilizazioak ahalik eta jendetsuenak izan daitezen, eta horrela adierazi dugu Enpresa Batzorde guztietan. Gerdauk entzun behar digu.

Enpresa honen etorkizuna soilik elkarren arteko errespetu eta elkarlanetik eraikiko dugu, ez ordea inposaketa eta mehatxuetatik.

Argi eta garbi diogu, Euskal Herriko lantokiak bideragarriak direla. Lan karga badute eta errentagarriak dira. Euskal Herritik kanpo sortutako arazoek ezin dute gure lantokien etorkizuna kolokan jarri. Instituzioek lan egin behar dute etorkizuna ziurtatzeko, orain arte behintzat antzeman ez duguna.
 

 

 

Aiala Vidrioko langileek lotsagarritzat jo dute, gertatutako heriotz istripuen aurrean, Jaurlaritzak isiltasunarekin erantzun izana

admin
-
0
Aiala Vidrioko langileek lotsagarritzat jo dute, gertatutako heriotz istripuen aurrean, Jaurlaritzak isiltasunarekin erantzun izana

LABeko kideok kontzentrazioa egin dugu gaur goizean Aiala Vidrio enpresaren atarian, Laudion, Iñigo Urkullu lehendakariaren bisitaren aurrean, prekarietatea salatzeko.

Lotsagarria iruditzen zaigu bi langileren heriotzaren aurrean Eusko Jaurlaritzak esateko ezer ez izan eta isiltasunarekin erantzutea, ezer gertatuko ez balitz bezala.

Lotsagarria iruditzen zaigu, lan istripu gehienen oinarria enpresariek segurtasun neurririk gabe lan egitea behartzea dela kontuan izanda, Eusko Jaurlaritzak ezer ez esatea, modu horretan enresarioen jarduera babestuz.

Lotsagarria iruditzen zaigu, guzti hau langileoi inposatzen zaigun prekarietate izugarriaren ondorio dela jakitun, Eusko Jaurlaritzak bere isiltasunarekin enpresariak defendatzea, nahi dutena egiteko aukera emanez, negoziazio kolektiboa deuseztea baimenduz eta langileoi eskuak lotuz, euren irabazi enpresarialako loditzeko guztion baliabideak erabiltzea baimenduz, langileak kaleratu eta enpresak istea ahalbidetuz beste leku batean ekoiztea merkeagoa delako, guztion diruarekin finantzatutako laguntza potoloak jaso arren. Gainera, ez dituzte ahalbidetzen edo zuzenean oztopatu egiten dituzte enpresa kapitalista esplotatzailearen ikuspegi klasikoaren bat egiten ez duten egitasmo enpresarialak.

Eta gero, langileriaren parte hartzearen aldeko diskurtsoa erabiltzen dute. Gezurra.
 

 

 

Aldaketari bai, euskarari ere bai

admin
-
0

Nafarroan, euskara eta euskaraz aritzen diren irakasleak jo puntuan dauden egun hauetan ezin gaitezke mutu geratu, elebakarraren diktadurapean urte askoz egon ondoren goratu dezagun gure ahotsa eta goratu dezagun gure hizkuntza, euskara.

Hezkuntza Departamentuak egin duen oposizio eskaintzaren aitzakiarekin, sektore erreakzionarioak bere makinaria martxan jarri du, oposizioak bertan behera gera daitezen. Nafarroan bizi garen euskaldun hiztunok urteetan pairatu dugun diskriminazioak jarraipena izan dezan nahi dute batzuk, badakigu beti badirela "nostalgikoak".

Ezin dezakegu ahaztu euskara egoera diglosikoan dagoela, gutxitutako hizkuntza dela, besteak beste, hizkuntzen normalizaziorako estrategiarik ez delako izan. Are gehiago, estrategia bakarra, gutxitzea izan delako.

Bigarren mailako herritar gisa hartzen gaituzte euskaldunok, eta nafar jendartearen gehiengo zabalak ez du nahi ez hizkuntza bazterketarik, ez halako erasorik Nafarroan.

Gaur egungo egoera honek izen-abizen jakineko arduradunak ditu. Arduradun politikoak, kargu publikoak eta halako bidegabekerien aurrean beste alde batera begiratu dutenak ere bai.

Bitxia iruditzen zaigu zapaltzaileak zapalduaren papera hartu izana, borreroak biktimaren papera hartzen duenean, orduan bai esan dezakegu egoera disfuntzional baten aurrean gaudela.

Aldaketaren aro honetan justizia soziala egotea nahi badugu, erreparazioa beharrezkotzat jotzen dugu, euskarak eta euskara jendeak pairatutako kaltearen erreparazioa. Eraldaketa soziala euskaratik izango da ala ez da izango.

Euskara normalizatzeko, beste hizkuntza-politika aktiboa behar dugu, helburu eta epe zehatzak izanen dituena, ikuspegi osokoa, baliabidez ongi hornitua, Administrazio osora zabalduko dena, ongi koordinatua, baita Euskalgintzarekin ere. Erabilera helburu duen politika behar dugu, hizkuntza-eskubideen bermea ekarriko duena.

Nafarroa osoan euskararen ofizialtasuna eta auzo zein herri guztietan euskaraz ikasteko eskubidea bermatu behar da; hiztunon eskubideei mugarik ez jartzea bermatu behar da.

Euskaraz bizi nahi dugu eta horretarako beste estatus juridiko bat, beste politika bat, eragile sozial eta politikoen aldetik beste jarrera bat behar da.

Bigarren mailako herritarrak izan nahi ez dugulako, aldarri egin dezagun guztiok batera: "Nafarroan euskaraz ikasi, bizitzeko eskubidea". Alda dezaten, alda dezagun baina beti euskarari bai.

Alberto Goikoa De Lorenzo, Txane Senar Lizarraga, Gorka Bueno eta Ainara Artetxe Azkueta Nafarroako LAB Irakaskuntzako kideak

 

 

 

EAJ eta PSEk Donostiako merkataritza txikia suntsitu nahi dute

admin
-
0

Pasadan asteazkenean Donostiako Tokiko Gobernu Batzordean Alde Zahar osoa, Bretxa saltoki handia barne eta Zurriolako pasealeku eta etorbidea Zona Turistiko bezala izendatzeko prozedura abian jarri zuten. Araua onartuz gero, igande eta jai egunetan dendak irekitzeko eskumena jasoko lukete eta beraz, langileen eta komertzio txikiaren suntsiketa eragin. 

Aurreko agintaldian, sindikatu eta merkartitza elkarteen babesarekin, alde zaharra turismo handiko eremu gisa aitortu zen. Bretxa merkatalgunea kanpo uzten zuen neurri honek, igande eta jai egunetan saltoki handien irekiera ekidinez. Neurri hau gainera, 2015 uztaila eta abuztuko hilabeteetara mugatzen zen.

Gaur ordea, sindikatu eta merkataritza elkarteei bizkar emanez, eremu hau Bretxa naiz Zurriolako Pasealeku eta etorbide osora zabaldu dute EAJ eta PSEk. Gainera 2016 urte osorako aitortzen diote definizio hau.

Argi dago igande eta jai egunetan irekitzea merkaritza-gune handien interesei erantzuteko neurria dela. Merkataritza-gune handien aurka lehiatu behar izateak komertzio txikiak autoesplotaziora behartzen ditu. Langileen lan baldintzak okertzen dira. Izan ere igande eta jai egunetan irekitzea prekarietatea da. Enplegua suntsitzen da komertzio txikien biziraupena arriskuan jartzen duelako. Bizitza familiarra eta profesionala uztartzeko mugak jartzen ditu. Azpimarratzekoa da gainera bereziki sektore feminizatua izanda ama langileak izango direla kaltetuenak.

Neurri honek gainera, jendarte eredu kontsumista bat inposatzen du, harreman sozialak, kirola edo eta kultura bera bigarren maila batean utziz.

Hau honela, LAB sindikatutik Eusko Jaurlaritzari administrazio prozedura onartzen duen ebazpenik ez dezala aurrera atera exigitzen diogu. Aldi berean, dei egiten diegu bai sektoreko langile orori zein merkatarien elkarte guztiei, igande eta jai egunen irekieraren aurka ager daitezen.
 

 

 

Las empresas de limpieza subcontratadas por el Ayuntamiento de Iruñea incumplen lo acordado

admin
-
0
Las empresas de limpieza subcontratadas por el Ayuntamiento de Iruñea incumplen lo acordado


Tras un estudio pormenorizado que el sindicato LAB ha llevado a cabo, se han constatado numerosos incumplimientos respecto a lo ofertado en los pliegos técnicos, por determinadas empresas a las que el Ayuntamiento de Iruñea adjudicó el servicio cuando UPN ostentaba el gobierno municipal.

Sin descartar la posibilidad que el incumplimiento pueda hacerse extensivo a otras empresas de limpieza, el estudio se ha centrado en las empresas CLECE y DISTRIVISUAL adjudicatarias del servicio de limpieza en colegios y polideportivos.

Hay incumplimientos en cuanto al tipo de servicio ofertado así como a la calidad de los productos utilizados, lo que supondría un fraude a las arcas públicas.

Sin embargo, desde el punto de vista sindical, queremos poner el acento en los continuos incumplimientos que ambas empresas están llevando a cabo en materia de contratación y sustituciones de bajas y vacaciones, así como en materia de prevención, formación y organización del trabajo.

En materia de contratación, lejos de cumplir con lo estipulado en la oferta, se han llevado a cabo recortes de personal. Además, no se ha sustituido al personal de baja ni de vacaciones, lo que ha supuesto un deterioro del servicio y una carga adicional de trabajo para las trabajadoras. Y si en alguna ocasión se han realizado sustituciones, se han hecho con personal adscrito a programas de formación, cuyas trabajadoras solo cobran el SMI, que supone menos de la mitad del sueldo de la categoría más baja regogida en el Convenio de Limpiezas.

Tampoco se ha cumplido con lo recogido en los pliegos ofertados por estas empresas en relación a la contratación de personas desempleadas de larga duración, en riesgo de exclusión o con discapacidad.

El estudio y la relación detallada de incumplimientos se ha puesto en conocimiento de la nueva corporación para que sea sometida a examen y tome las medidas que considere necesarias en la exigencia del cumplimiento de los pliegos de contratación. Del mismo modo, se ha pedido un marco de participación sindical que, conjuntamente con el ayuntamiento, garantice unas condiciones laborales dignas para los trabajadores y trabajadoras de las subcontratas del ayuntamiento, al tiempo que se avanza en la publificación de servicios de forma progresiva, en el camino de reducirla a la mínima expresión.

 

 

 
1...1,0791,0801,081...1,582Page 1,080 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLĂŤTICA DE PRIVACIDAD

www.lab.eus