2024-03-02
HomeIrakaskuntzaSukalde eta garbitzaileakEHUko eta Hezkuntzako garbiketako azpikontratako langileok gure lan egoera salatu dugu

EHUko eta Hezkuntzako garbiketako azpikontratako langileok gure lan egoera salatu dugu

1.600 langilek osatzen dugu Eusko Jaurlaritzako bigarren hezkuntzako eskola publikoko eta EHUko azpikontratatutako garbiketako kolektiboa. Hitzarmena 2014ko abenduaren 31n amaitu zen eta orduztik bilera eta saiakera asko egin dugu akordio bat lortzeko. Hemendik aurrera ere sindikatuok lanean eta behar diren bilera guztiak egiten jarraituko dugu.

ELA, UGT, LAB, CCOO eta ESK sindikatuen iritziz agerian geratu da enpresek errespetua galdu digutela. Indartsu ikusten dute euren burua eta beraien eredua inposatu nahi dute:

– Soldatak izoztu: 2009 urtetik soldata ia izoztua dago, eros-ahalmena %8,4 galdu da.
– Kontratu partzialak: honek miseriazko soldatak eta lan karga handiak dakartza.
– Ordezkapen eza, eskubideak kentzeko mehatxuak, oporrak ukatu, kaleratzeak…

Eusko Jaurlaritzak, azken esleipenean 2012arekiko aurrekontuak murriztu ditu eta beste alde batera begiratu du enpresek prezioak bota dituztenean (%10 eta 20 artean).

Sindikatuok honakoa salatu nahi dugu, enpresek beraien irabaziak mantendu dituzte eta administrazioak aurrekontuak murriztu ditu langilegoaren prekarietatea handituz.

Hau da ezarri nahi diguten lan-harremanen eredua: murrizketak eta prekarietatea.

Bilerak eskatu ditugu bai EHU eta baita Hezkuntzako arduradunekin. Administrazioa, azpikontratatzen dituen langileen lan-baldintzak okertzearen arduraduna da.

Posizio patronal honen aurrean, ELA, UGT, LAB, ESK eta CCOOek gure lan baldintzak defendatzeko bide bakarra mobilizaziorako antolatzea dela ikusten dugu. Gure hitzarmena arriskuan dago.

Hori dela eta, gaur, ekainaren 8an, berriro deitu ditugu elkarretaratzeak hiru lurraldeetan.

Enpresek negoziaketari uko egiten jarraitzen badute, oporren buelta beroa izango da, mobilizazioak indartuz.

 

 

 

AZKEN ALBISTEAK | ÚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. Garbiñe Aranburu koordinatzaile orokorrak adierazi du 1976 hartan jaio berria zela sindikatua: “Hasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen du”.

Natra Oñatin aurreakordioa #LortuDugu

Natra Oñatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.