2026-11-20
HomeIndustriaMetalgintzaLanuzteak Arcelor Mittal Olaberrian enpresa-itunaren alde

Lanuzteak Arcelor Mittal Olaberrian enpresa-itunaren alde

Olaberriako Arcelor Mittaleko langileek lanuzteak hasi dituzte gaur enpresa ituna dela eta. Enpresa zuzendaritzari eskatzen diote itunaren negoziaketen serio hastea eta enpresa-batzordearen plataformara gerturatzea. Gaurtik hasita, eta ekainaren 29ra arte lanuzteak egingo dituzte astelehen, asteazken eta ostiraletan, ordubete txanda bakoitzean.

Atzo egindako asanbladan baiezko zabala jaso zuen itunaren aldeko lanuzteen egutegiak. 351 botoemailetatik, 285ek baiezkoa eman zuten, 50ek ezezkoa eta 16 boto zuriz.

Enpresa-batzordearen plataforman jasotzen diren kontu aipagarrienen artean soldatarena dago. Egun, soldaten %12a kentzen diete hilero langileei, eta honen zati bat enpresaren emaitzen arabera berreskura dezakete, baina kopuru hau soldataren %2koa izaten da gutxi gora-behera.

Urtarriletik hona langileei soldata jaisten jarraitzen dute. Epai bat dago 2016ko urtarriletik aurrera ez jaisteko esaten diena, baina enpresak errekurtsoa jarri du.

Honetaz gain, KPI + %2ko soldata igoera eskatzen du enpresa-batzordeak kontzeptu guztientzat eta indarraldiko urte bakoitzerako.

Enpleguarena de beste aldarrikapen nagusia. Aparteko ordu pila egiten dute lan-taldea mugatua delako. Hortaz, kontratazio berrien plana egitea planteatzen du batzordeak, beti ere kontratetako langileak kontuan izanda, urtetako esperientzia eta lantegiaren ezagutza dutenak.

 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.