Deustuko zubian eserialdia egiten, Donostiako erdialdean autobus artikulatu batera igota, Iruñeko supermerkatuetan ekintza ibiltari baten bitartez… eta, gaur, Gasteizko Eulen enpresaren egoitza okupatuz. Sektore feminizatuetako langileen prekarizazioa eta enplegu suntsiketa salatzen ibili gara aste honetan, dinakima ekintzaile baten baitan. Bada, gaur, garbiketa sektoreko enpresa nagusienetakoa den Eulenen egoitzan sartu gara Arabako hiriburuan, garbitzaileentzat lan eta bizi baldintza duinak aldarrikatzeko.
Garbiketako langileen partzialitatea murrizteko eskatu dugu, baita 1.200 euroko gutxieneko soldata exijitu ere, “oinarrizkoak direlako, funtsezkoak direlako”. Hala nabarmendu dugu Eulenen egoitzan bertan.