Aste gogorra izaten ari da euskal langileriarentzat. Beste hildako baten berri izan dugu. Lantegi Batuak zentro bereziko 39 urteko langile bat hil zen asteazkenean Loiun, ondoezak jota. Aurten Euskal Herrian, gutxienez, 27 langile hil dira.
Odolustea ez du etenik. Aste honetan 3 langilek bizia galdu dute lanean. Gaur jakin izan dugu, ekainaren 9an, Loiuko Lantegia Batuak-eko 39 urteko lan zentro berezitako langile bat bihotzekoak jota hil dela.
Lehenik eta behin, LAB sindikatutik helarazi nahi diogu senide, familia eta lankideei gure elkartasuna eta babesa. Larritzekoa da istripu hilgarri ez traumatikoen gorakada. Istripu guztien atzean lan eta bizi baldintza kaskarrak aurkitzen dira.
Bihotzekoak bilakatu dira heriotz lan istripuen gauzatzaileak, 2020. urtean, istripu hilgarri ez traumatikoak %25 izan ziren. Argi daukagu, lan istripuak, traumatiko ez traumatiko, ez direla zoriak edo kasualitateak sortuak, ematen diren lan harreman, prekarizazioaren, lan arautegiaren eta azpikontratazioaren emaitza dira.
LAB sindikatutik argi dugu bizi eta lan duinak behar ditugula. Lanetik onik eta bizirik bueltatzeko eskubidea dugu. Jendarte osoarena den izurrite honekin amaitzeko bide bakarra borroka eta antolakuntza dira. Lan harreman eta joko arauen aldaketa batetik etorriko da aldaketa. Eredu berri bat gauzatu behar dugu, langileon bizitza eta osasuna lehenetsiko duen eredu bat.