2025-07-15
InicioSecretaríasSecretaría Feminista"Hazte oir" bus transfoboaren aurrean egindako protestarengatik Gobernu Delegazioaren isunak jaso ditugu

«Hazte oir» bus transfoboaren aurrean egindako protestarengatik Gobernu Delegazioaren isunak jaso ditugu


Gaur, ekainaren 28a, Nazioarteko Sexu Askapenerako Eguna dela eta, aniztasun sexualaren aldeko konpromisoa berretsi nahi dugu. LGTBIQen Giza Eskubideen edozein urraketen aurrean, sexu askatasunaren aldeko lana ezinbestekoa da, baita lan eremuan ere. Halaber, edozein lesbo-homo-trans-bifobiaren aurrean salaketa publikoa egitea funtsezkoa dela uste dugu.

Hori dela eta "Hazte oir" bus transfoboaren inguruko azken gertakariak salatu nahi ditugu. Ezaguna denez, pasaden martxoan aipaturiko bus transfoboa Iruñeko kaleetatik pasa zen eta horren aurrean zenbait herritar eta hainbat eragile sozialen kideak kalera atera ginen, busa geldiarazi nahian. LGTBIQen Giza Eskubideen ukazioa, probokazioa eta ideologia transfoba hedatu nahi zuen gorrotoaren busa geldiaraztea ezinbestekoa zen eta kaletik busa ez ibiltzea administrazio publikoaren eginkizuna bazen ere, zenbait herritar eta militanteek egin behar izan genuen. 

Hots, Gobernu Delegazioak baimendu eta babestu egin zuen bus transfoboa (oinezko bat harrapatu egin zuena, besteak beste) eta ekimen transfoboa salatzera joan ziren hainbat militanteen kontra isunak inposatu ditu. Zehazki LAB sindikatuko hiru kideek pairatu dituzte isun ekonomikoak.

Beste behin, argi geratu da zeintzuk diren Carmen Albaren zaletasunak eta gorrotoak.
Beraz, publikoki salatu nahi dugu Gobernu Delegazioaren jarrera.

Zenbait agintarien pasibitate eta aipaturiko gertakarien gainetik, LGTBIQ mugimenduaren zenbait aldarrikapen historikoak gauzatzen ari garela azpimarratu nahi dugu. Besteak beste, Katalingune eta Harrotu bezalako gune eta zerbitzuak martxan jarri izana.

Bestalde, LABen askatasun sexualaren aldeko konpromisoa berretsi nahi dugu. Lan eremuan ematen den edozein diskriminazioaren aurka borrokatzen dugu, baita aniztasun sexualari lotutako diskriminazioaren kontra ere. Norabide horretan azken urteetan zenbait urrats eman izan ditugu. Besteak beste, “Jendarte eta lan eremu anitzen alde” gida lan-zentroetara eramanez edota lantokietan diskriminazio eta jazarpen homofobikoaren aurkako protokoloa. 

Azkenik, LGTBIQen mugimenduak antolaturiko mobilizazioetan parte hartzeko deia egin nahi dugu. Euskal Herria anitza, pertsonen arteko harreman parekideak eta diskriminaziorik gabeko jendarte baten alde gauden langile guztiei deia egin nahi diegu aniztasun sexualaren alde borrokan jarraitzeko, honen aldeko sentsibilizazioa areagotzeko eremu guztietan lanean jarraitzeko eta edozein diskriminazio mota salatzeko.

 

E28 MOBILIZAZIOAK
Gasteiz, 20:00etan Andra Mari Zuritik
Donostia, 19:30ean Boulevarretik
Bilbo, 19:30ean Moyua Plazatik
Iruñea, 19:00etan Autobus Geltoki zaharretik

UZTAILAREN 1
Biarritz, 20:00etan Askapen Ibilaldia
 

 

AZKEN ALBISTEAK | ÚLTIMAS NOTICIAS

El salario mínimo propuesto por el Gobierno Vasco no es suficiente; Euskal Herria necesita un salario mínimo propio, digno y para todas las personas...

Hoy hemos sabido que el Gobierno Vasco ha presentado un estudio sobre un salario mínimo propio en la mesa de diálogo social. Los sindicatos...

Los trabajadores del Servicio de Ayuda a Domicilio de Pasaia se han concentrado para denunciar la actitud de la empresa

Después de meses de negociaciones, el Ayuntamiento de Pasaia ha mostrado su intención de mejorar las condiciones laborales de los trabajadores, pero Matia-Goxar, la...

LAB denuncia los incumplimientos del Gobierno en la educación pública

El próximo curso comenzará sin recursos suficientes en la educación pública.