Fetico, Fasga, UGT eta CCOO sindikatuek eta ANGED patronalak saltoki handietako Estatuko hitzarmena sinatzeko akordioa egin dute. Hitzarmenean ez dute kontutan hartzen bertan lan egiten duten langileen beharrak eta beste behin ere iruzur berri bat egin diete sektoreko langileei. Hala, LABek elkarretaratze bat egin du gaur Oiartzungo Alcamporen aurrean, eta borrokatzeko deia luzatu dugu, Oiartzungo Carrefourreko langileek hartutako bidea oinarri. "Carrefourren ahal izan bada, gainontzeko enpresetan ere ahal da", nabarmendu dugu.
Hain zuzen ere, Oiartzungo Carrefour merkataritza guneko langileek abiatutako bidea goraipatu du LABek, 3 greba egun egin ondoren, non hipermerkatua itxita egon den, akordio on bat lortu dutelako, hitzarmen estataletik at eginez.
Sindikatutik sektoreko gainontzeko langileak animatu nahi ditugu, Carrefour Oiartzungo lan taldeak abiatutako bidea jarrai dezaten.