2025-05-17
InicioAcción SindicalLan istripuen pandemiaren aurrean, noiz hasiko da administrazioa neurri gogorrak hartzen?

Lan istripuen pandemiaren aurrean, noiz hasiko da administrazioa neurri gogorrak hartzen?

Atzo asteartea, Lizarraldeko Aranaratxen izandako istripuan, Noi Montajeseko 44 urteko langilea hil zen, elektrokutatua. LAB sindikatutik, lehenik eta behin, elkartasuna adierazi nahi diegu hildakoaren senide, lankide eta gertuko guztiei. Gogor salatu nahi dugu, heriotza berri honekin, gutxienez 61 langile hi direla aurten Euskal Herrian, hauetako 10 Nafarroan. Gainera, Joaquin Beltranek desagertuta jarraitzen du Zaldibarreko zabortegian otsailaren 6tik.

Pandemiaren aurrean beharrezkoak diren neurri gogor eta lazgarriak hartzen ari gara, eta gure galdera da, lan istripuen pandemiaren aurrean, noiz hasiko da administrazioa neurri gogorrak hartzen odoluste honekin bukatzeko? Zein urrats emango dute egoera hau eta langileoi miseria eta heriotza soilik ekartzen dizkien eredu hau aldatzeko? Laneko heriotzak gora doaz, neurri eraginkorrak falta diren neurri berean. Neurri sendoen faltak, esplotazio neoliberaleko politika eta sistema batekin, heriotza eta miseria soilik ekar ditzake.

Langileok, bizi ahal izateko egiten dugu lan eta ez saiakera horretan bizia galtzeko. Lan istripuak ez dira bizitzako gertakari arruntak, langile bat hiltzea ez da lanaren ezaugarri bat. Ez, lan istripuak ekonomia, eredu zehatz bateko lan egiteko orduan ezartzen dizkigun baldintza eta lan egiteko moduen emaitza dira. Salatu behar dugu eraikuntza eta eraberritze sektorean maiz gertatzen diren istripuak dira.

Azkenik, dei egiten dugu ELA, LAB, ESK, STEILAS, EHNE, HIRU eta CGT sindikatuek datorren ostiralean, azaroaren 27an, 12:00etan, Iruñeko Tomas Caballero Parkean kokatuta dagoen Nafarroako Gobernuaren Lan Sailaren aurrean egingo duen kontzentrazioan parte hartzera. Herritar eta langileak izan behar gara laneko heriotzek dakarten odoluste honen aurrean nahikoa dela esango dugunak.

AZKEN ALBISTEAK | ÚLTIMAS NOTICIAS

Lanbide-arteko Gutxieneko Soldata propioa egingarria da eta onurak ekarriko dizkio euskal langile klase osoari

LGS propioaren alde esparru sindikalean, sozialean, politikoan zein instituzionalean lanean jarraituko dugu, gaurko mintegiak eskaini dizkigun ekarpenak presente izanik.

LABek BOST enpresako ordezkariei erabateko babesa erakutsi die Donostiako epaitegian, enpresaren aldetik jasaten ari diren jazarpenaren aurrean

LAB sindikatuak BOST enpresako bere delegatuei erabateko babesa erakutsi die, eta ohartarazi du beharrezkoak diren bideak jorratuko dituela bere ordezkarien eta afiliatuen defentsan.

Faxismoaren oldarraldi LGTBIfobikoaren aurrean, atzera urratsik ez!

LABen aldarrikatzen dugu sexu- eta genero-disidentzia sexualitatea askatasun osoz bizitzeko hautu zilegia baino gehiago dela: kapitalismo heteropratiarkalak esleitutako leku eta roletatik askatzen gaituen hautua da.