Gaur LABeko Bizkaiko metaleko eskualdeko arduradunek, pasadan astean ekainaren 17, 19 eta 21erako Gipuzkoan deitutako greba egunei, Bizkaian eta Araban ekainaren 21ean izango diren lanuzteak gehitzen zaizkiela iragarri dute.
Jon Iñaki Alkortak, Bizkaiko metaleko eskualdeko arduradunen bozeramaleak, Bizkaiko metaleko negoziazio mahaiaren blokeoaren aurrean eta Bizkaiko metaleko 60.000 langile hitzarmenik gabe geratu daitezkeen uztailaren 7a oso gertu denean, borroka bateraturako garaia dela esan du.
Bide horretan, CCOO eta UGTrekin batera grebara deitu ditu ekainaren 21erako bizkaiko metalgintzako langile eta enpresa guztiak.
Alkortak gaur goizean lau sindikatuen artean izandako bileraren berri eman du, non LABek ekainak 21erako gatazkan dauden sektiore guztien mobilizazio bateratu baterako proposamena luzatu duen. Beste sindikatuen erantzunaren zain daudela esan du.
{module[111]}