Greba metalgintzan: ekainaren 17, 19 eta 21ean Gipuzkoan eta ekainaren 21ean Bizkaia eta Araban

Prentsaurrean, bai lanuzteetan eta bai egunotan izango diren mobilizazioetan, CCOO eta UGT sindikatuen parte hartzea baieztatu dute. Era berean, beste sindikatuei, ekainaren 21a, metalaz harago, hitzarmenaren alde borrokan diren beste sektoreetan ere mobilizazio egun bateratua izateko proposamena luzatu zaiela jakinarazi dute.

Jon Iñaki Alkortak, Bizkaiko metaleko eskualdeko arduradunen bozeramaleak, Bizkaiko metaleko negoziazio mahaiaren blokeoaren aurrean eta Bizkaiko metaleko 60.000 langile hitzarmenik gabe geratu daitezkeen uztailaren 7a oso gertu denean, borroka bateraturako garaia dela esan du.

Bide horretan, CCOO eta UGTrekin batera grebara deitu ditu ekainaren 21erako bizkaiko metalgintzako langile eta enpresa guztiak.

Alkortak gaur goizean lau sindikatuen artean izandako bileraren berri eman du, non LABek ekainak 21erako gatazkan dauden sektiore guztien mobilizazio bateratu baterako proposamena luzatu duen. Beste sindikatuen erantzunaren zain daudela esan du.

 

LAB SAREAN
{module[111]}