“Lan duina, bizi duina” Ekimen Ibiltariak lehen lerrora eramango ditu emakumeak, Emakumeenganako Indarkeriaren Kontrako Nazioarteko Egunean. Hala, solasaldi bat egingo dugu Bilbon, etxeko langileen egoerari buruz hitz egiteko, “Inork ikusi nahi ez duen zapalkuntza hirukoitza” leloarekin.
Azaroaren 25eko solasaldia Bilbon izango da, 11:00etan, Biba Kultura espazioan (Erronda kalea, 2). Ekimen Ibiltaria azaroaren 22an iritsiko da Bizkaiko hiriburura, lau egunez bertan egoteko. Horietatik azken egunean egingo dugu solasaldia, larunbatarekin, hain zuzen ere.