2024-02-26
InicioAcción SocialPolitika publikoakELA eta LAB sindikatuetako ordezkariak ez dira joango Funtzio Publikoaren Mahai Orokorreko...

ELA eta LAB sindikatuetako ordezkariak ez dira joango Funtzio Publikoaren Mahai Orokorreko bilerara

Eusko Legebiltzarrean, aurrekontuen lege-proiektuaren tramitazioan neurriek okerrera egin dute.
ELA eta LAB sindikatuetako ordezkariak ez dira joango bihar -abenduak 15- Funtzio Publikoaren Mahai Orokorreko bilerara. Sindikatu bi horiek azken bileran adierazi zutenez, ez ziren mahai horretara itzuliko ez baziren erretiratzen mahaitik zerbitzu publikoak eta lan-eskubideak murrizteko proposamenak, eta baita erretiratu ere Eusko Jaurlaritzaren aurrekontuen proiektuan egindako murrizketei estaldura ematen dieten zuzenketak. Eta, gaurko egunean, negoziazio-mahaitik proposamenak erretiratu beharrean, PSEren eta PPren artean adostu dute zerbitzu publikoak murrizten dituen Aurrekontu-egitasmoari bide ematea, eta aipaturiko egitasmoaren 19. artikulua aldatzen duten zuzenketak onestea, Eusko Jaurlaritzak Mahai Orokorrean proposaturiko neurriak sartzeko, eta ondorioz pertsonal-gastuak gutxitzeko, borondatezko erretiroagatiko primak kentzeko, eta gaixotasun arruntaren aldi baterako ezintasunagatiko osagarriak ezabatzeko.

PSEk eta PPk atzo, azken orduan, zuzenketa partzialen eztabaidan proposamen bat adostu zuten, aipaturiko neurriak txertatzeko, pertsonalaren lansariak arautzen duen lege-egitasmoaren 19. artikulua aldatzearen bidez. Zuzenketa hori onetsi zen, sozialisten eta popularren aldeko botoei esker, gainerako taldeek aurka egin bazuten ere. Gaixotasun-bajen osagarriak kentzeko zuzenketa atzo bertan izapidetu zuten premia bidez. Horrela, gure iritziz, enbidoa egin diete herri-langileei. Aurrekontuekin batera doan legea, atzo onarturiko zuzenketa sartu ondoren, behin betiko onespena jasotzen baldin badu, euskal administrazioetako langileek ez dute euro bat bera ere jasoko bajaren lehenengo hiru egunetan, 4. eta 21. egunen bitartean soldataren %60, eta 21. egunetik aurrera soldataren %75. Neurri horien bidez ez dira zigortuko baja "gehiegi" hartzen duten langileak (baleude), benetan gaixorik eta lanera joan ezinik daudenak baizik.

Gainera, beste puntu bat gehitu dute: adina dela-eta lanaldia murrizteko aukera kentzea. Neurri hori, zerbitzuen kalitatearen kalterako ez ezik, enplegu publikoaren kalterako ere izango da.

Azken batean, Mahai Orokorraren negoziazio kolektiboa kolpe batez pikutara bidali dute. Eta zuzenketa horien bidez soldata-igoerak ekarri ahal dituzten akordioak, indarrean daudenak, urratuko dira bai Administrazioan bertan, bai enpresa publikoetan.

ELA eta LAB sindikatuek, STEE-EILASekin batera, mobilizazio-egutegi bat aurkeztu dugu, murrizketak bortxaz ezarri nahi izateagatik. Izan ere, Eusko Jaurlaritzak ez du batere negoziazio-borondaterik erakutsi, proposamenak negoziazio-mahaian aurkeztu baditu izapide hori betetze hutsagatik izan da; baina benetako asmoa argi geratu da: aurrekontuekin batera doan legean zuzenketen bidez sartzea. Horregatik, mobilizazioak egingo ditugu, negoziazio-itxurak egitera prest ez gaudela ondo agerian utziz, amaiera aldez aurretik ezaguna baita.

Dena dela, benetako negoziazio-prozesu bati ekiteko borondate garbia berriro adierazten dugu, baina aurretiazko ezarpenik gainean eduki gabe. Horretarako, beharrezkoa litzateke zuzenketak erretiratzea, eta baita euskal gizartearen beharrizanak asebetetzeko sektore publikoa bultzatzeko konpromisoa ematea ere, zerbitzu publikoak bultzatuz, murriztu beharrean. Enplegu publikoa sortuz lagunduko zaio susperraldi ekonomikoari; batez ere orain, krisi garaian, beharrizanak sekula baino gorriagoak direnean, langabezia eta gizarte-bazterkeria izugarri goraka doazenean.

ELA, LAB eta STEE-EILAS sindikatuak joan den astean iragarritako mobilizazioak prestatzen ari gara. Lakuan ere elkarretaratze bat egingo dugu, Funtzio Publikoko Mahai Orokorraren bilera egitearekin batera.

Gasteizen, 2011ko abenduaren 14an
ELA, LAB, STEE-EILAS

AZKEN ALBISTEAK | ÚLTIMAS NOTICIAS

LAB consigue en 2023 los mejores resultados de su historia en las elecciones sindicales de Nafarroa: tiene 1.223 delegados y delegadas y está cerca...

Según los resultados oficiales que por fin ha difundido el Gobierno de Nafarroa, el sindicato LAB alcanzó máximos históricos en las elecciones sindicales de 2023. Según esos últimos datos, LAB tiene en estos momentos 1.223 delegados y delegadas en Nafarroa y ostenta una representación del 17,96%. Entre los cuatro sindicatos mayoritarios, LAB ha sido el que más representantes sindicales ha obtenido en el último año, y el único que ha conseguido aumentar el porcentaje.

La patronal de artes gráficas de Bizkaia hace una nueva propuesta con más retrocesos

El 22 de febrero se celebró la novena reunión del Convenio de Artes Gráficas de Bizkaia. La patronal ha presentado una nueva propuesta con peores condiciones que las presentadas con anterioridad en materias como vigencia, incremento salarial, y vacaciones. Asimismo, siguen manteniendo retrocesos en materias como distribución irregular de la jornada, antigüedad, complementos IT etc.

Hemos presentado el plan para la transición ecosocial de Mecaner

LAB y ESK, que contamos con la mayoría del comité de empresa, hemos realizado una presentación pública del plan de transición de la empresa en la Kultur Etxea de Urduliz. Así, hemos dado a conocer el informe y las propuestas de transición ecosocial para evitar el cierre de la empresa y asegurar su futuro. El plan ha sido realizado por el comité de empresa de la mano de Cooperativa Garua, y ha contado con la ayuda del Ayuntamiento de Urduliz.